ভারত সরকারনা চাওখৎলক্লিবা তেক্নোলোজিগী ত্রেন্দশিংগীদমক্তা মহৈরোয়শিংবু হেন্না ফবা মওংদা শেম-শাদুনা থম্নবগীদমক্তা এ.আই.গী করিকুলমদা অপুনবা ওইনা ফগৎহন্নবগীদমক্তা ইন্দস্ত্রীগা পুন্না থবক তৌমিন্নদুনা তেংবাং পীনরি। মসিগী মতাংদা নই দিল্লিদাইলেক্ত্রোনিক্স অমসুং আই.তি.গী কেন্দ্রগী মন্ত্রী শ্রী অস্বীনি বৈ না এ.আই.গী করিকুলম তাস্কফোর্সকা লোয়ননা অৱাংবা থাক্কী মীফম অমা পাংথোকখ্রে।

তাস্কফোর্স অসিনা ভারতকি এজুকেস্নেল ইন্সতিত্যুসনশিংদা হৌজিক লৈরিবা বেচলর ওফ তেক্নোলোজি (বি.তেক) কম্প্যুতর সাইন্স অমসুং মরি লৈনবা করিকুলমশিংগী বেজ লাইন অমা নৈনখি। এক্সরসাইজ অসি ইন্দস্ত্রীগী অখঙ-অহৈশিং অমসুং নেস্নেল এসোসিএসন ওফ সোফৱেয়র এন্দ সর্ভিস কম্পেনিশিং (নেসকোম)গা খুৎশম্নদুনা পাংথোকখিবনি।

নৈনবা অসিনা ভারতকি করিকুলমদা এ.আই.গী কভরেজ অসি পাকথোক চাউথোকহল্লে হায়না য়ানরবসু, মসিনা মরুওইবা গেপশিং খঙদোকখি। হায়রিবশিং অসি পেদাগোগী, ইনফ্রাস্ত্রকচর, অমসুং জেনেরেতিব এ.আই., মেছীন লর্নিং ওপরেসনশিং (এম.এল.ও.পি.শিং) অমসুং ফাওন্দেস্নেল মোদেল দিবেলপমেন্তকু লমশিংদা প্রেক্তিকেল এক্সপোজর তৌখি।

তাস্কফোর্সকি মীৎয়েং চঙবা লমশিং:

• এপ্লিকেসন-ওরিএন্তেদ পেদাগোগী: লেকচরদা য়ুম্ফম ওইবা তম্বিবদগী অহানবা সেমিস্তরদগী হৌনা রিএল ইন্দস্ত্রী য়ুজর কেসশিংদা এঙ্কর তৌবা লর্নিং অমদা হোঙদোকপা।
• ক্রেদিত-লিঙ্ক করিকুলম ইন্তিগ্রেসন: স্ত্রকচরেল সেমিস্তর-সেমিস্তরগী ওইনা রোলআউত অমগা লোয়ননা ফোর্মেল একাদেমিক ক্রেদিৎ সিস্তেমগী মনুংদা য়াওবা এ.আই. কোর্সশিং ইম্বেদেদ তৌবা।

• প্রেক্তিকেল এক্সপোজর হেনগৎলকপা: দিগ্রীগী মওং মতৌ অমসুং খনগৎলবা স্পিসিএলাইজেসনগী মতুং ইন্না হৌজিক লৈরিবা চাদা ২৫–৩০গী প্রেক্তিকেল এক্সপোজরদগী চাদা ৪০–৭৫দা হোঙলকপা।

• ইন্দস্ত্রী-ইন্ত্রীগ্রেতেদ পেদাগোগী: কেপস্তোন প্রোজেক্তশিং, এন্দ-তু-এন্দ এ.আই.গী শোলুশন্ ইঞ্জিনিয়রিং, অমসুং লো-কোদ অমসুং নো-কোদা তুলশিং শিজিন্নবগী খুৎথাংদা প্রোগ্রাম পুম্নমক্তা য়েন্থোকপা ইন্দস্ত্রী এক্সপোজর।

• কন্তিন্যুয়স থ্রেদ অমা ওইনা রেসপোন্সিবল এ.আই.: স্তেন্দলোন মোদ্যুলশিংগী মহুত্তা সেমিস্তর পুম্নমক্তা ইন্তিগ্রেত তৌবা রেসপোন্সিবল এ.আই. অমসুং এ.আই. গবর্নান্স পুনশিন্নবা।

• মল্তিপল এন্ত্রী-এগজিত ওপ্সনশিং: চহি ১ গী মতুংদা সর্তিফিকেৎ অমা, চহি ২ গী মতুংদা দিপ্লোমা অমা, অমসুং চহি ৩ গী মতুংদা এদভান্স দিপ্লোমা অমা পিবা ফ্লেক্সিবল পাথ অমনি।

ফেকল্তি দিবেলপমেন্ততা অকনবা মিৎয়েং থম্বা

করিকুলম রিফোর্ম অসি ফেকল্তি শেম-শাবগা মান্নহনগদবনি হায়বা খঙলদুনা কন্সলতেসন অসিনা ফেকল্তি কেপাসিতি বিল্দিং অসি প্রপোজ তৌরিবা রোদমেপ অসিগী মনুংদা থমখি। রিকমেন্দেসনশিং অসিগী মনুংদা মখাদা পিরিবশিং অসি য়াওরি:

• স্ত্রকচরেল ত্রেন-দি-ত্রেনর প্রোগ্রামশিং
• ক্যুরেতেদ কোর্স কন্তেন্ত
• স্তেন্দরদাইজ তৌরবা এসেসমেন্ত ফ্রেমৱার্কশিং, অমসুং...
• মোদর্নাইজ তৌরবা লেবশিং অসি হৌজিক লৈরিবা ইন্দস্ত্রীগী খুৎলায়শিং অমসুং প্লেৎফোর্মশিংগা সিনক্রোনাইজ তৌবা।

এদজঙ্ক ফেকল্তি ওইনা মতম শাংনা ইন্দস্ত্রীগী প্রোফেস্নেলশিংবু এঙ্গেজ তৌবদশু ফোকস ইন্তরভেন্সন রিকমেন্দ তৌখি। মসিনা প্রিমিয়র বিজিনেস স্কুলশিংগী প্রমান লৈরবা মোদেল অসিদগী লৌই, মসিনা ক্লাসরুমদা লুনা খংলবা প্রেক্তিস্নর এক্সপরতশিং পুরক্লি।

কোর্দ সেয়র তৌরবা ইনফ্রাস্ত্রকচর

শরুক য়ারিবশিংনা মখা তানা লৈবাক্কি থাক্তা সেয়র তৌরবা এ.আই. ত্রীপল হেলিক্স মোদেল অসি ইন্দস্ত্রী, সরকার অমসুং একাদেমিক ইন্সতিত্যুসনশিংনা পুন্না মতেং পাংগনি। মসিনা কোলেজ অমসুং য়ুনিভর্সিতি পুম্নমক্তা গ্রাফিক্স প্রোসেশিং য়ুনিৎ (জি.পি.য়ু.) কম্প্যুত, এজ দিভাইসশিং, সোফৱেয়র স্তেকশিং অমসুং সবসক্রিপসন্দা য়ুম্ফম ওইবা প্লেতফোর্মশিংদা মান্নবা খুদোংচাবা ফংহনগনি।

তুংগী ওইবা রোদমেপ

কন্সলতেসন অসি খুদক্কী ওইবা মথংগী খোঙথাং মরিগী মতাংদা য়ানবা পুরকপগা লোয়ননা লোয়শিনখি:

• নেস্নেল স্কেলদা কম্প্যুত, ইনফ্রাস্ত্রকচর, ফেকল্তি অমসুং লরনর ভোল্যুমশিংগী মথৌ তাবশিংগী এস্তিমেৎ তৌবা।
• লাক্কদৌরিবা বেচশিংগী মপূঙফানা পুনশিনবগা লোয়ননা হৌজিক চত্থরিবা বেচশিংগী সেমিস্তর মঙাদগী ৮ ফাওবগী মনুংদা নৌনা শেমদোকপা করিকুলম অসি ফোর্মেল ওইনা এদোপ্ত তৌনবা ওল ইন্দিয়া কাউন্সিল ফোর তেক্নিকেল এজুকেসন (এ.আই.সি.তি.ই.)গা লোয়ননা এঙ্গেজমেন্ত তৌবা।
• ইন্দস্ত্রীনা লুচিংবা ত্রেনিং, এক্সপরিয়েন্স সেয়র তৌবা অমসুং কোরপোরেৎ প্রেক্তিশনরশিংনা এজুকেতর ওইনা থবক তৌনবা স্ত্রকচরেল পাথ অমা য়াওবা ফেকল্তি দিবেলপমেন্ত রোদমেপ।
• এ.আই.গী এৱেয়রনেস, ফাওন্দেস্নেল এ.আই.গী লিতরেসি অমসুং নন-তেক্নিকেলগী থৌদাংশিংদা এ.আই.গী এপ্লাইদ ওইনা শিজিন্নবা  য়াওনা কোভর তৌদুনা তোঙানবা ৱর্ক স্ত্রীম অমা পায়খৎনবা নন-স্তেমগী দিসিপ্লিনশিংগীদমক্তা পেরেলেল ত্রেক তৌবা।

***