ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿಯವರ ನಾಯಕತ್ವ ಮತ್ತು ಮಾರ್ಗದರ್ಶನದಲ್ಲಿ, ಖಾದಿ ಮತ್ತು ಗ್ರಾಮ ಕೈಗಾರಿಕಾ ವಲಯವು ಕಳೆದ 12 ವರ್ಷಗಳಲ್ಲಿ ಬೆಳವಣಿಗೆ ಮತ್ತು ಪರಿವರ್ತನೆಯ ಅಸಾಧಾರಣ ಪ್ರಯಾಣವನ್ನು ಮೀರಿದೆ. 2025-26ರ ಆರ್ಥಿಕ ವರ್ಷದಲ್ಲಿ, ಖಾದಿ ಮತ್ತು ಗ್ರಾಮೋದ್ಯೋಗ ಉತ್ಪನ್ನಗಳ ಮಾರಾಟವು ಐತಿಹಾಸಿಕ ಮಟ್ಟವಾದ ರೂ.1,87,105 ಕೋಟಿಗಳನ್ನು ತಲುಪಿದ್ದು, ಇದು ಇಲ್ಲಿಯವರೆಗಿನ ಅತ್ಯಧಿಕ ಮಾರಾಟದ ಅಂಕಿ ಅಂಶವಾಗಿದೆ ಮತ್ತು ಗ್ರಾಮೀಣ ಭಾರತದ ಬೆಳೆಯುತ್ತಿರುವ ಉದ್ಯಮಶೀಲತೆ, ಸ್ವಾವಲಂಬನೆ ಮತ್ತು ಆರ್ಥಿಕ ಸಬಲೀಕರಣಕ್ಕೆ ಪ್ರಬಲ ಸಾಕ್ಷಿಯಾಗಿದೆ. 'ಆತ್ಮನಿರ್ಭರ ಭಾರತ', 'ಸ್ಥಳೀಯತೆಗೆ ಮಾನ್ಯತೆ' ಮತ್ತು ಸ್ಥಳೀಯತೆಯಿಂದ  ಜಾಗತಿಕತೆವರೆಗೆ'ಯಂತಹ ರಾಷ್ಟ್ರೀಯ ಅಭಿಯಾನಗಳಿಂದ ಪ್ರೇರಿತರಾಗಿ, ಖಾದಿ ಪ್ರಸ್ತುತ ಕೇವಲ ಸಾಂಪ್ರದಾಯಿಕ ಉತ್ಪನ್ನವಲ್ಲ; ಇದು 'ನವ ಭಾರತದ' ಸ್ವಾವಲಂಬಿ, ಸ್ಥಳೀಯ ಹೆಮ್ಮೆ ಮತ್ತು ಗ್ರಾಮೀಣ ಸಮೃದ್ಧಿಯ ರೋಮಾಂಚಕ ಸಂಕೇತವಾಗಿ ವಿಕಸನಗೊಂಡಿದೆ. ಉತ್ಪಾದನೆ, ಮಾರುಕಟ್ಟೆ ಮತ್ತು ಉದ್ಯೋಗ ಸೃಷ್ಟಿಯಲ್ಲಿ ಹೊಸ ಮಾನದಂಡಗಳನ್ನು ಸೃಷ್ಟಿಸುವ ಖಾದಿ ಮತ್ತು ಗ್ರಾಮೋದ್ಯೋಗ ವಲಯವು ದೇಶದ ಗ್ರಾಮೀಣ ಆರ್ಥಿಕತೆಗೆ ಹೊಸ ಶಕ್ತಿ ಮತ್ತು ನಿರ್ದೇಶನವನ್ನು ತಂದಿದೆ.

2025-26ನೇ ಹಣಕಾಸು ವರ್ಷದ ತಾತ್ಕಾಲಿಕ ದತ್ತಾಂಶ(ಡೇಟಾ)ವನ್ನು ಕೆ.ವಿ.ಐ.ಸಿ. ಬಿಡುಗಡೆ ಮಾಡಿದೆ

ನವದೆಹಲಿಯ ರಾಜ್ ಘಾಟ್ ನ ಗಾಂಧಿ ದರ್ಶನದಲ್ಲಿರುವ ಕೆ.ವಿ.ಐ.ಸಿ. ಕಚೇರಿಯಲ್ಲಿ 2025-26ನೇ ಹಣಕಾಸು ವರ್ಷದ ತಾತ್ಕಾಲಿಕ ಡೇಟಾವನ್ನು ಕೆ.ವಿ.ಐ.ಸಿ. ಅಧ್ಯಕ್ಷ ಶ್ರೀ ಮನೋಜ್ ಕುಮಾರ್ ಅವರು ಬಿಡುಗಡೆ ಮಾಡಿದರು. ಆಯೋಗವು ಉತ್ಪಾದನೆ, ಮಾರಾಟ ಮತ್ತು ಉದ್ಯೋಗ ಸೃಷ್ಟಿ ಕ್ಷೇತ್ರಗಳಲ್ಲಿ ಹೊಸ ದಾಖಲೆಗಳನ್ನು ಸ್ಥಾಪಿಸಿದೆ ಎಂದು ಹೇಳಿದರು. 2013-14ನೇ ವರ್ಷಕ್ಕೆ ಹೋಲಿಸಿದರೆ, ಕಳೆದ 12 ವರ್ಷಗಳಲ್ಲಿ ಮಾರಾಟದಲ್ಲಿ ಶೇ. 501, ಉತ್ಪಾದನೆಯಲ್ಲಿ ಶೇ. 380 ಮತ್ತು ಉದ್ಯೋಗ ಸೃಷ್ಟಿಯಲ್ಲಿ ಶೇ. 56 ರಷ್ಟು ಗಮನಾರ್ಹ ಬೆಳವಣಿಗೆ ದಾಖಲಾಗಿದೆ ಎಂದು ಅವರು ತಿಳಿಸಿದರು. ಹಿಂದಿನ ವರ್ಷಗಳ ಬೆಳವಣಿಗೆಯನ್ನು ಎತ್ತಿ ತೋರಿಸುತ್ತಾ, 2013-14ಕ್ಕೆ ಹೋಲಿಸಿದರೆ 2024-25ನೇ ಹಣಕಾಸು ವರ್ಷದಲ್ಲಿ ಮಾರಾಟವು ಶೇ. 447 ರಷ್ಟು ಮತ್ತು ಉತ್ಪಾದನೆಯು ಶೇ. 347 ರಷ್ಟು ಹೆಚ್ಚಾಗಿದೆ , ಅದೇ ರೀತಿ, 2013-14ಕ್ಕೆ ಹೋಲಿಸಿದರೆ 2023-24ರ ಆರ್ಥಿಕ ವರ್ಷದಲ್ಲಿ ಮಾರಾಟದಲ್ಲಿ ಶೇ.400 ರಷ್ಟು ಮತ್ತು ಉತ್ಪಾದನೆಯಲ್ಲಿ ಶೇ.315 ರಷ್ಟು ಬೆಳವಣಿಗೆ ದಾಖಲಾಗಿದೆ ಎಂದು ಅವರು ವಿವರಿಸಿದರು

ಖಾದಿ ಮತ್ತು ಗ್ರಾಮೀಣ ಕೈಗಾರಿಕಾ ಉತ್ಪನ್ನಗಳ ಮಾರಾಟ ರೂ.1.87 ಲಕ್ಷ ಕೋಟಿಗೂ ಮೀರಿದೆ

ಕೆವಿಐಸಿಯ ಈ ಗಮನಾರ್ಹ ಸಾಧನೆಯು '2047ರಲ್ಲಿ ವಿಕಸಿತ ಭಾರತ' ನಿರ್ಣಯವನ್ನು ಪೂರಕವಾಗಿ ವೇಗಗತಿಗೊಳಿಸುತ್ತಿದೆ ಮಾತ್ರವಲ್ಲದೆ, ಭಾರತವನ್ನು ವಿಶ್ವದ ಪ್ರಮುಖ ಆರ್ಥಿಕತೆಯಲ್ಲಿ ಇರಿಸುವಲ್ಲಿ ಮಹತ್ವದ ಕೊಡುಗೆ ನೀಡುತ್ತಿದೆ ಎಂದು ಅಧ್ಯಕ್ಷರಾದ ಶ್ರೀ ಮನೋಜ್ ಕುಮಾರ್ ಅವರು ಹೇಳಿದ್ದಾರೆ. ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿಯವರ ಪರಿಣಾಮಕಾರಿ ಮಾರ್ಗದರ್ಶನ, ಮಹಾತ್ಮ ಗಾಂಧಿಯವರಿಂದ ಪಡೆದ ಸ್ಫೂರ್ತಿ ಮತ್ತು ದೇಶದ ದೂರದ ಗ್ರಾಮೀಣ ಪ್ರದೇಶಗಳಲ್ಲಿ ಕೆಲಸ ಮಾಡುವ ಲಕ್ಷಾಂತರ ಕುಶಲಕರ್ಮಿಗಳ ಕಠಿಣ ಪರಿಶ್ರಮದಿಂದಾಗಿ ಈ ಸಾಧನೆಯನ್ನು ಅವರು ಗುರುತಿಸಿದ್ದಾರೆ. 2013-14ನೇ ಹಣಕಾಸು ವರ್ಷದಲ್ಲಿ ಖಾದಿ ಮತ್ತು ಗ್ರಾಮೋದ್ಯೋಗ ಉತ್ಪನ್ನಗಳ ಉತ್ಪಾದನೆಯು ರೂ.26,109 ಕೋಟಿಗಳಷ್ಟಿದ್ದರೂ, ಅದು ಸುಮಾರು ಐದು ಪಟ್ಟು ಹೆಚ್ಚಾಗಿ, ಶೇ.380 ರಷ್ಟು ಜಿಗಿತವನ್ನು ದಾಖಲಿಸಿ, ರೂ.1,25,296 ಕೋಟಿಗಳನ್ನು ತಲುಪಿದೆ , 2013-14ನೇ ಹಣಕಾಸು ವರ್ಷದಲ್ಲಿ ಮಾರಾಟವು ರೂ.31,154 ಕೋಟಿಗಳಷ್ಟಿದ್ದರೆ, ಅದು ಸುಮಾರು ಆರು ಪಟ್ಟು ಹೆಚ್ಚಾಗಿ, ಶೇ.501 ರಷ್ಟು ಅಭೂತಪೂರ್ವ ಬೆಳವಣಿಗೆಯನ್ನು ದಾಖಲಿಸಿ, ರೂ.1,87,105 ಕೋಟಿಗಳನ್ನು ತಲುಪಿದೆ, ಇದು ಇದುವರೆಗಿನ ಅತ್ಯಧಿಕ ಮಾರಾಟ ಅಂಕಿ ಅಂಶವಾಗಿದೆ” ಎಂದು ಕೆವಿಐಸಿ ಅಧ್ಯಕ್ಷರು ಮಾಹಿತಿ ನೀಡಿದರು. 

ಖಾದಿ ಜವಳಿ ಉತ್ಪಾದನೆ ಮತ್ತು ಮಾರಾಟದಲ್ಲಿ ಅಭೂತಪೂರ್ವ ಬೆಳವಣಿಗೆ

ಖಾದಿ ಜವಳಿ ವಲಯದಲ್ಲಿಯೂ ಗಮನಾರ್ಹ ಪ್ರಗತಿಯನ್ನು ಗಮನಿಸಲಾಗಿದೆ. 2013-14ರಲ್ಲಿ ರೂ.811 ಕೋಟಿ ಇದ್ದ ಉತ್ಪಾದನೆಯು 2025-26ರ ಹಣಕಾಸು ವರ್ಷದಲ್ಲಿ ರೂ.3,974 ಕೋಟಿಗೆ ಏರಿತು, ಇದು ಸರಿಸುಮಾರು ಶೇ.390 ರಷ್ಟು ಹೆಚ್ಚಳವನ್ನು ಸೂಚಿಸುತ್ತದೆ. ಅದೇ ಸಮಯದಲ್ಲಿ, ಮಾರಾಟವು ರೂ.1,081 ಕೋಟಿಯಿಂದ ರೂ.7,869 ಕೋಟಿಗೆ ತಲುಪಿದೆ, ಇದು ಸರಿಸುಮಾರು ಶೇ.628 ರಷ್ಟು ಬೆಳವಣಿಗೆಯನ್ನು ಪ್ರತಿಬಿಂಬಿಸುತ್ತದೆ. ಪ್ರಧಾನಮಂತ್ರಿಯವರ ಖಾದಿಯ ನಿರಂತರ ಪ್ರಚಾರ ಮತ್ತು ಪ್ರಸರಣದ ಸಕಾರಾತ್ಮಕ ಪರಿಣಾಮವು ವಲಯದ ಬೆಳೆಯುತ್ತಿರುವ ಸ್ವೀಕಾರ ಮತ್ತು ಮಾರುಕಟ್ಟೆ ವಿಸ್ತರಣೆಯಲ್ಲಿ ಸ್ಪಷ್ಟವಾಗಿ ಗೋಚರಿಸುತ್ತದೆ.

ಗ್ರಾಮ ಕೈಗಾರಿಕಾ ವಲಯದಲ್ಲಿ ಉತ್ಪಾದನೆ ಮತ್ತು ಮಾರಾಟದಲ್ಲಿ ಹೊಸ ದಾಖಲೆಮಟ್ಟ ತಲುಪಿದೆ

ಗ್ರಾಮ ಕೈಗಾರಿಕಾ ವಲಯದಲ್ಲಿಯೂ ಗಣನೀಯ ಪ್ರಗತಿ ಕಂಡುಬಂದಿದೆ. 2013-14ರಲ್ಲಿ ಗ್ರಾಮೀಣ ಕೈಗಾರಿಕಾ ಉತ್ಪನ್ನಗಳ ಉತ್ಪಾದನೆಯು ರೂ.25,298 ಕೋಟಿಯಾಗಿದ್ದರೆ, 2025-26ರ ಹಣಕಾಸು ವರ್ಷದಲ್ಲಿ ರೂ.1,21,322 ಕೋಟಿಗೆ ಬೆಳೆದಿದೆ, ಇದು ಸರಿಸುಮಾರು ಶೇ.380 ರಷ್ಟು ಹೆಚ್ಚಳವಾಗಿದೆ. ಅದೇ ರೀತಿ, ಮಾರಾಟವು ರೂ.30,073 ಕೋಟಿಯಿಂದ ರೂ.1,79,236 ಕೋಟಿಗೆ ಏರಿಕೆಯಾಗಿದ್ದು, ಇದು ಸರಿಸುಮಾರು ಶೇ.496 ರಷ್ಟು ಬೆಳವಣಿಗೆಯನ್ನು ಪ್ರತಿಬಿಂಬಿಸುತ್ತದೆ. ಗ್ರಾಮೀಣ ಕೈಗಾರಿಕೆ ವಲಯವು ಉದ್ಯೋಗ ಸೃಷ್ಟಿಗೆ ಗಮನಾರ್ಹ ಕೊಡುಗೆ ನೀಡಿದೆ. 2013-14ರಲ್ಲಿ ಈ ವಲಯದಲ್ಲಿ 1.19 ಕೋಟಿ ಜನರು ಉದ್ಯೋಗದಲ್ಲಿದ್ದರೆ, 2025-26ರ ಆರ್ಥಿಕ ವರ್ಷದಲ್ಲಿ ಈ ಸಂಖ್ಯೆ ಸುಮಾರು 1.99 ಕೋಟಿಗೆ ಏರಿತು, ಇದು ಗ್ರಾಮೀಣ ಜೀವನೋಪಾಯವನ್ನು ಸೃಷ್ಟಿಸುವಲ್ಲಿ ವಲಯದ ಬೆಳೆಯುತ್ತಿರುವ ಪಾತ್ರದ ಮಹತ್ವವನ್ನು ಎತ್ತಿ ತೋರಿಸುತ್ತದೆ.

ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿಯವರ 'ಆತ್ಮನಿರ್ಭರ ಭಾರತ' ಮತ್ತು 'ಘರ್-ಘರ್ ಸ್ವದೇಶಿ' ನಂತಹ ಅಭಿಯಾನಗಳ ಪ್ರಭಾವದಿಂದ, ಗ್ರಾಮೀಣ ಕೈಗಾರಿಕಾ ಉತ್ಪನ್ನಗಳ ಬೇಡಿಕೆ ನಿರಂತರವಾಗಿ ಏರಿಕೆಯಾಗುತ್ತಿದೆ; ಪರಿಣಾಮವಾಗಿ, ಈ ವಲಯವು ಗ್ರಾಮೀಣ ಕೈಗಾರಿಕೆಗಳ ವಿಸ್ತರಣೆ, ಮಾರುಕಟ್ಟೆ ಬಲವರ್ಧನೆ ಮತ್ತು ಉದ್ಯೋಗ ಸೃಷ್ಟಿಗೆ ಪ್ರಮುಖ ಆಧಾರಸ್ತಂಭವಾಗಿ ಹೊರಹೊಮ್ಮಿದೆ.

ಉದ್ಯೋಗ ಸೃಷ್ಟಿಯಲ್ಲಿ ಕೆವಿಐಸಿಯ ಐತಿಹಾಸಿಕ ಸಾಧನೆ

ಉದ್ಯೋಗ ಸೃಷ್ಟಿ ಕ್ಷೇತ್ರದಲ್ಲಿ ಕೆವಿಐಸಿ ಗಮನಾರ್ಹ ಮೈಲಿಗಲ್ಲು ಸಾಧಿಸಿದೆ. 2013-14ರಲ್ಲಿ ಖಾದಿ ಮತ್ತು ಗ್ರಾಮ ಕೈಗಾರಿಕೆಗಳಿಗೆ ಸಂಬಂಧಿಸಿದ ಚಟುವಟಿಕೆಗಳಲ್ಲಿ ಸಂಚಿತ ಉದ್ಯೋಗಗಳು 1.30 ಕೋಟಿಯಷ್ಟಿದ್ದರೆ, 2025-26ರ ಹಣಕಾಸು ವರ್ಷದಲ್ಲಿ ಅದು 2.04 ಕೋಟಿಗೆ ಏರಿದೆ, ಇದು ಶೇಕಡಾ 56 ರಷ್ಟು ಬೆಳವಣಿಗೆಯನ್ನು ಸೂಚಿಸುತ್ತದೆ, ಇದರಿಂದಾಗಿ ಗ್ರಾಮೀಣ ಜೀವನೋಪಾಯವನ್ನು ಸೃಷ್ಟಿಸುವಲ್ಲಿ ಕೆವಿಐಸಿಯ ಪ್ರಮುಖ ಪಾತ್ರವನ್ನು ಎತ್ತಿ ತೋರಿಸುತ್ತದೆ.

ಸ್ವ-ಉದ್ಯೋಗ ಮತ್ತು ಉದ್ಯಮಶೀಲತೆಗೆ ಪಿಎಂಇಜಿಪಿಯು ತೀವ್ರಗತಿ ನೀಡುತ್ತಿದೆ

ಪ್ರಧಾನ ಮಂತ್ರಿಗಳ ಉದ್ಯೋಗ ಸೃಷ್ಟಿ ಕಾರ್ಯಕ್ರಮದ (ಪಿಎಂಇಜಿಪಿ) ಅಡಿಯಲ್ಲಿ, 2025-26 ರ ಹಣಕಾಸು ವರ್ಷದಲ್ಲಿ 66,494 ಹೊಸ ಘಟಕಗಳನ್ನು ಸ್ಥಾಪಿಸಲಾಯಿತು ಮತ್ತು ಈ ಘಟಕಗಳಿಗೆ, 7,375 ಕೋಟಿ ರೂ.ಗಳ ಸಾಲಗಳಿಗೆ 2,457 ಕೋಟಿ ರೂ.ಗಳ ಮಾರ್ಜಿನ್ ಮನಿ ಸಬ್ಸಿಡಿಯನ್ನು ವಿತರಿಸಲಾಯಿತು. ಈ ಘಟಕಗಳ ಮೂಲಕ, 7,31,434 ಜನರಿಗೆ ಉದ್ಯೋಗಾವಕಾಶಗಳನ್ನು ಒದಗಿಸಲಾಗಿದೆ. ಯೋಜನೆ ಪ್ರಾರಂಭವಾದಾಗಿನಿಂದ, ಒಟ್ಟು 10,84,679 ಘಟಕಗಳನ್ನು ಸ್ಥಾಪಿಸಲಾಗಿದೆ, ಇದಕ್ಕಾಗಿ ಒಟ್ಟು 80,705 ಕೋಟಿ ರೂ.ಗಳ ಸಾಲಗಳಿಗೆ 29,623 ಕೋಟಿ ರೂ.ಗಳ ಮಾರ್ಜಿನ್ ಮನಿ ಸಬ್ಸಿಡಿಯನ್ನು ವಿತರಿಸಲಾಗಿದೆ. ಈ ಉಪಕ್ರಮದ ಮೂಲಕ, ಇಲ್ಲಿಯವರೆಗೆ ಸುಮಾರು 97.95 ಲಕ್ಷ ಮಂದಿಗೆ ಉದ್ಯೋಗವನ್ನು ಒದಗಿಸಲಾಗಿದೆ.

ಗ್ರಾಮೋದ್ಯೋಗ ವಿಕಾಸ ಯೋಜನೆಯಡಿಯಲ್ಲಿ ಪರಿಕರ ಕಿಟ್ ವಿತರಣೆಯ ಮೂಲಕ ಕುಶಲಕರ್ಮಿಗಳನ್ನು ಸಬಲೀಕರಣಗೊಳಿಸಲಾಗಿದೆ

ಗ್ರಾಮೋದ್ಯೋಗ ವಿಕಾಸ ಯೋಜನೆಯಡಿಯಲ್ಲಿ, ಇಲ್ಲಿಯವರೆಗೆ 51,230 ವಿದ್ಯುತ್ ಕುಂಬಾರಿಕೆ ಚಕ್ರಗಳು, 2,46,099 ಜೇನುನೊಣ ಪೆಟ್ಟಿಗೆಗಳು ಮತ್ತು ಜೇನುನೊಣ ವಸಾಹತುಗಳು, 2,674 ಸ್ವಯಂಚಾಲಿತ ಮತ್ತು ಪೆಡಲ್-ಚಾಲಿತ ಅಗರಬತ್ತಿ ಉತ್ಪಾದನಾ ಯಂತ್ರಗಳು, 7,669 ಪಾದರಕ್ಷೆಗಳ ತಯಾರಿಕೆ ಮತ್ತು ದುರಸ್ತಿ ಪರಿಕರ ಕಿಟ್ಗಳು, 836 ಪೇಪರ್ ಪ್ಲೇಟ್ ಮತ್ತು ಡೋನಾ ತಯಾರಿಸುವ ಯಂತ್ರಗಳು, ಎಸಿ ದುರಸ್ತಿ, ಮೊಬೈಲ್ ದುರಸ್ತಿ, ಟೈಲರಿಂಗ್, ಎಲೆಕ್ಟ್ರಿಷಿಯನ್ ಮತ್ತು ಪ್ಲಂಬರ್ ಗಳಿಗೆ 7,571 ಪರಿಕರ ಕಿಟ್ ಗಳು; ಟರ್ನ್ವುಡ್, ತ್ಯಾಜ್ಯ ಮರದ ಕರಕುಶಲ ವಸ್ತುಗಳು ಮತ್ತು ಮರದ ಆಟಿಕೆ ತಯಾರಿಕೆಗಾಗಿ 5,138 ಯಂತ್ರಗಳು ಮತ್ತು ತಾಳೆ ಬೆಲ್ಲ, ಎಣ್ಣೆ ಘನಿ ಹೊರತೆಗೆಯುವಿಕೆ ಮತ್ತು ಹುಣಸೆ ಸಂಸ್ಕರಣಾ ಯಂತ್ರಗಳಿಗಾಗಿ 1,789 ಯಂತ್ರಗಳನ್ನು ವಿತರಿಸಲಾಗಿದೆ. 2025-26ರ ಹಣಕಾಸು ವರ್ಷದಲ್ಲಿ, ಈ ಯೋಜನೆಯಡಿಯಲ್ಲಿ 37,769 ಯಂತ್ರಗಳು, ಪರಿಕರ ಕಿಟ್ ಗಳು ಮತ್ತು ಉಪಕರಣಗಳನ್ನು ವಿತರಿಸಲಾಗಿದೆ. ಕಳೆದ ನಾಲ್ಕು ವರ್ಷಗಳ ಪರಿಶೀಲನೆಯು 2022-23ರಲ್ಲಿ 21,874 ಯೂನಿಟ್ ಗಳನ್ನು, 2023-24ನೇ ಹಣಕಾಸು ವರ್ಷದಲ್ಲಿ 29,540 ಯೂನಿಟ್ಗಳನ್ನು, 2024-25ನೇ ಹಣಕಾಸು ವರ್ಷದಲ್ಲಿ 38,904 ಮತ್ತು 2025-26ನೇ ಹಣಕಾಸು ವರ್ಷದಲ್ಲಿ 37,769 ಯಂತ್ರಗಳು ಮತ್ತು ಉಪಕರಣಗಳನ್ನು ವಿತರಿಸಲಾಗಿದೆ ಎಂದು ಸೂಚಿಸಿದೆ. ಹೀಗಾಗಿ, ಗ್ರಾಮೋದ್ಯೋಗ ವಿಕಾಸ ಯೋಜನೆಯಡಿಯಲ್ಲಿ, ಕೆವಿಐಸಿ ಇಲ್ಲಿಯವರೆಗೆ ಒಟ್ಟು 3,23,006 ಯಂತ್ರಗಳು, ಪರಿಕರಗಳು ಮತ್ತು ಉಪಕರಣಗಳನ್ನು ವಿತರಿಸಿದೆ, ಇದರಿಂದಾಗಿ 'ಆತ್ಮನಿರ್ಭರ ಭಾರತ'ದ ಸಾಕ್ಷಾತ್ಕಾರಕ್ಕೆ ಗಣನೀಯ ಕೊಡುಗೆ ನೀಡಿದೆ.

ಕೆವಿಐಸಿಯ ಪ್ರಯತ್ನಗಳ ಮೂಲಕ ಮಹಿಳಾ ಸಬಲೀಕರಣವನ್ನು ಉತ್ತೇಜಿಸುವುದು

ಮಹಿಳಾ ಸಬಲೀಕರಣ ವಲಯದಲ್ಲಿಯೂ ಕೆವಿಐಸಿ ಪ್ರಮುಖ ಪಾತ್ರ ವಹಿಸಿದೆ. 2025-26ರ ಹಣಕಾಸು ವರ್ಷದಲ್ಲಿ, 79,682 ತರಬೇತಿದಾರರು ವಿವಿಧ ಕೆವಿಐಸಿ ತರಬೇತಿ ಕಾರ್ಯಕ್ರಮಗಳ ಅಡಿಯಲ್ಲಿ ತರಬೇತಿ ಪಡೆದರು; ಗಮನಾರ್ಹವಾಗಿ, ಈ ತರಬೇತಿ ಪಡೆದವರಲ್ಲಿ 47,382 ಮಹಿಳೆಯರು ಮಹಿಳೆಯರಾಗಿದ್ದು, ಒಟ್ಟು ತರಬೇತಿ ಪಡೆದವರಲ್ಲಿ ಸುಮಾರು ಶೇ. 59 ರಷ್ಟಿದ್ದಾರೆ. ಇದಲ್ಲದೆ, ಪ್ರಧಾನ ಮಂತ್ರಿಗಳ ಉದ್ಯೋಗ ಸೃಷ್ಟಿ ಕಾರ್ಯಕ್ರಮದ (ಪಿಎಂಇಜಿಪಿ) ಯೋಜನೆಯಡಿಯಲ್ಲಿ, 28,180 ಮಹಿಳಾ ಉದ್ಯಮಿಗಳು 2025-26 ರ ಅವಧಿಯಲ್ಲಿ ವ್ಯಾಪಾರ ಘಟಕಗಳನ್ನು ಸ್ಥಾಪಿಸಿದರು, ಇದರಿಂದಾಗಿ 3,09,980 ಮಹಿಳೆಯರಿಗೆ ಉದ್ಯೋಗಾವಕಾಶಗಳನ್ನು ಸೃಷ್ಟಿಸಿದರು, ಇದು ಮಹಿಳಾ ಉದ್ಯಮಶೀಲತೆಯನ್ನು ಉತ್ತೇಜಿಸುವಲ್ಲಿ ಯೋಜನೆಯ ಮಹತ್ವದ ಪಾತ್ರವನ್ನು ಒತ್ತಿಹೇಳುವ ಅಂಕಿಅಂಶವಾಗಿದೆ. ಖಾದಿ ವಲಯದಲ್ಲಿ ಸುಮಾರು 5,00,000 ಕುಶಲಕರ್ಮಿಗಳಲ್ಲಿ ಶೇ. 80 ಕ್ಕಿಂತ ಹೆಚ್ಚು ಮಹಿಳೆಯರು ಸ್ಥಾಪಿಸುವುದರೊಂದಿಗೆ, ಈ ಕ್ಷೇತ್ರವು ಮಹಿಳೆಯರು ನೇತೃತ್ವದ ಆರ್ಥಿಕ ಸಬಲೀಕರಣಕ್ಕೆ ಪರಿಣಾಮಕಾರಿ ಸಾಧನವಾಗಿ ಕಾರ್ಯನಿರ್ವಹಿಸುತ್ತದೆ.

ಕುಶಲಕರ್ಮಿಗಳ ಸಂಭಾವನೆಯಲ್ಲಿ ಶೇ. 275 ರಷ್ಟು ಹೆಚ್ಚಳವಾಗಿದೆ

ಕುಶಲಕರ್ಮಿಗಳಿಗೆ ಪಾವತಿಸುವ ಸಂಭಾವನೆಯಲ್ಲಿ ಗಮನಾರ್ಹ ಹೆಚ್ಚಳ ಕಂಡುಬಂದಿದೆ, ಇದು 2013-14 ರಲ್ಲಿ ಪ್ರತಿ ಹ್ಯಾಂಕ್ ಗೆ ರೂ.4 ರಿಂದ ಪ್ರಸ್ತುತ ಹ್ಯಾಂಕ್ ಗೆ ರೂ.15 ದರಕ್ಕೆ ಏರಿದೆ, ಇದು ಸರಿಸುಮಾರು ಶೇ. 275 ರಷ್ಟು ಹೆಚ್ಚಳವನ್ನು ಸೂಚಿಸುತ್ತದೆ.

ಸರ್ಕಾರಿ ಖರೀದಿ, ಪ್ರದರ್ಶನ ಮಾರಾಟ ಮತ್ತು ರಾಷ್ಟ್ರೀಯ ಧ್ವಜಗಳ ಬೇಡಿಕೆಯಲ್ಲಿ ಬೆಳವಣಿಗೆ ಕಂಡಿದೆ

ಖಾದಿ ಮತ್ತು ಗ್ರಾಮೋದ್ಯೋಗ ಉತ್ಪನ್ನಗಳ ಸರ್ಕಾರಿ ಖರೀದಿಯು ರೂ.92.08 ಕೋಟಿಗೆ ಏರಿದೆ, ಇದು ವಲಯದ ಹೆಚ್ಚುತ್ತಿರುವ ಸ್ವೀಕಾರ ಮತ್ತು ಹೆಚ್ಚುತ್ತಿರುವ ಸಾಂಸ್ಥಿಕ ಬೇಡಿಕೆಯನ್ನು ಪ್ರತಿಬಿಂಬಿಸುತ್ತದೆ. ಅದೇ ರೀತಿ, ಖಾದಿ ಉತ್ಪನ್ನಗಳ ಪ್ರದರ್ಶನಗಳು ಮತ್ತು ಮಾರುಕಟ್ಟೆ ಉಪಕ್ರಮಗಳ ಮೂಲಕ ರೂ.30.83 ಕೋಟಿ ಮೊತ್ತದ ಮಾರಾಟವನ್ನು ದಾಖಲಿಸಲಾಗಿದೆ, ಇದರಿಂದಾಗಿ ಮಾರುಕಟ್ಟೆ ವಿಸ್ತರಣೆ ಮತ್ತು ಗ್ರಾಹಕರ ತೊಡಗಿಸಿಕೊಳ್ಳುವಿಕೆಯನ್ನು ಬಲಪಡಿಸಲಾಗಿದೆ. ಹೆಚ್ಚುವರಿಯಾಗಿ, ರಾಷ್ಟ್ರೀಯ ಧ್ವಜಗಳ ಮಾರಾಟದಲ್ಲಿ ಗಮನಾರ್ಹ ಏರಿಕೆ ಕಂಡುಬಂದಿದೆ, ಇದು 2013-14 ರಲ್ಲಿ ರೂ.0.87 ಕೋಟಿಯಿಂದ ರೂ.2025-26 ರ ಹಣಕಾಸು ವರ್ಷದಲ್ಲಿ ರೂ.2.35 ಕೋಟಿಗೆ ಏರಿದೆ. ಈ ಬೆಳವಣಿಗೆಯು ದೇಶದಲ್ಲಿ 'ಹರ್ ಘರ್ ತಿರಂಗ'ದಂತಹ ಸಾಮೂಹಿಕ ಅಭಿಯಾನಗಳ ಪ್ರಭಾವವನ್ನು ಹಾಗೂ ಖಾದಿಯೊಂದಿಗಿನ ಹೆಚ್ಚುತ್ತಿರುವ ಸಾರ್ವಜನಿಕ ಬಳಕೆ ಹಾಗೂ ತೊಡಗಿಸಿಕೊಳ್ಳುವಿಕೆಯನ್ನು ಒತ್ತಿಹೇಳುತ್ತದೆ.

*****