مرکزی وزیر تعلیم جناب دھرمیندر پردھان نے ملک بھر کے تمام وزرائے اعلی ، لیفٹیننٹ گورنروں اور منتظمین کو خط لکھ کر 21 جون 2026 کو ہونے والے این ای ای ٹی (یو جی) کے دوبارہ امتحان کے ہموار ، منصفانہ اور کامیاب انعقاد کے لیے ان کا تعاون مانگا ہے ۔  موجودہ شدیدگرمی کی لہر کی صورتحال کے پیش نظر مرکزی وزیر نے خاص طور پر زور دیا ہے کہ منتظمین امیدواروں کی سہولت اور فلاح و بہبود کے لیے امتحانی مراکز پر تمام ضروری بنیادی سہولیات کی دستیابی کو یقینی بنائیں ۔

اپنے خط میں جناب پردھان نے لکھاکہ’’موجودہ گرمی کی لہر کے حالات کے پیش نظر میں آپ سے درخواست کرتا ہوں کہ براہ کرم ضلعی حکام اور آپ کی ریاست/مرکز کے زیر انتظام علاقے میں امتحان کی میزبانی کرنے والے تمام اسکولوں ، کالجوں ، یونیورسٹیوں اور دیگر اداروں کو مناسب ہدایات جاری کریں تاکہ امیدواروں کی سہولت کے لیے ضروری بنیادی سہولیات کی دستیابی کو یقینی بنایا جا سکے ۔  ان میں پینے کا صاف پانی ، بیٹھنے کے مناسب انتظامات ، کام کر رہےپنکھے/کولر ، صاف واش روم ، سایہ دار ویٹنگ ایریا ، بلا رکاوٹ بجلی کی فراہمی اور جہاں بھی ضرورت ہو توپورٹیبل ٹوائلٹ کے انتظام کو بھی یقینی بنا یا جائے ۔

وزیرموصوف نےاس بات پر زور دیتے ہوئے کہ طلباء کے مفادات اور فلاح و بہبود انتہائی اہمیت کے حامل ہیں۔انہوں نے تمام ریاستی حکومتوں سے مطالبہ کیا کہ وہ امتحان کے دن 21 جون کو امیدواروں کے لیے نقل و حمل کی مناسب سہولیات کو یقینی بنائیں ۔

جناب پردھان نے اس اعتماد کا اظہار کیا کہ تمام ریاستیں اس بات کو یقینی بنانے کے لیے اپنا مکمل تعاون دیں گی کہ این ای ای ٹی (یو جی) 2026 کا دوبارہ امتحان ہموار ، شفاف اور منصفانہ طریقے سے منعقد کیا جائے ۔

****

ش ح۔م ح۔ اش ق

U NO: 7522