কেন্দ্রগী ওম অমসুং কোওপরেসন মন্ত্রী, শ্রী অমিত শাহনা ঙসি নই দিল্লীদা ভগবান বীরসা মুন্দাগী ১৫০শুবা মপোক কুমওনগী থৌরমদা অথোইবা মীথুংলেন ওইনা ‘জনজাতি সংস্কৃত সমাগম’দা ৱা ঙাংখ্রে।

মহাক্কী ৱারোলদা কেন্দ্রগী হোম অমসুং কোওপরেসন মন্ত্রী, শ্রী অমিত শাহনা হায়খি মদুদি কনক্লেব অসি ত্রাইবেল কম্ম্যুনিতীশিংগী মহাকুম্ভ অমা ওইনা চহি কয়াগী ওইনা নীংশিংদুনা লৈগনি। মহাক্না হায়খি মদুদি ভগবান বির্সা মুন্দাগী মতুংদা, মসি লৈবাক পুম্বা অমত্তা ওইনা পুনশিন্নবা অহানবা ত্রাইবেল মুবমেন্তনি। মহাক্না হায়খি মদুদি চহি অসিদা ভগবান বির্সা মুন্দাগী ১৫০শুবা মপোক কুমওন পাংথোক্লি। মহাক্না হায়খি মদুদি উলগুলান মুবমেন্তনা ব্রিতিশপু মাইথিহনখি অমসুং মতম অদুদা কম্ম্যুনিকেসনগী খুদোংচাদবশিং লৈজরবসু, ভগবান বির্সা মুন্দানা ঝারখন্দদগী গুজরাত ফাওবা অমসুং ভারত শিনবা থুংনা ঐখোয়গী থাজবা অসি অশেংবা থাজবনি অমসুং কনা অমত্তনা ঐখোয়গী উমংশিংদা লান্দারকপা য়াদে হায়বা পাউজেল অসি শন্দোকপা ঙমখি। মহাক্না হায়খি মদুদি ঈশিং, উমং অমসুং চীংশিং অসি ঐখোয়গী ত্রাইবেলগী ইচিল-ইনাওশিং অমসুং ইচে-ইচলশিংগী থাজবগী মফমশিংনি, হিংনবগী হৌরকফমশিংনি, অমসুং মখোয়গী মশক অমসুং চৎনবীবু ঙাক-শেল্লিবা লানবল অমনি। মহাক্না মখা তাখি মদুদি ঙসিদি, খ্বাইদগী চাউবা সস্তেনেবল ওইবা মোদেল অসি ত্রাইবেল কম্ম্যুনিতীশিংনা শেম্বা অদুনি।

শ্রী অমিত শাহনা হায়খি মদুদি ত্রাইবেল কম্ম্যুনিতী খুদিংমক্না য়ুনিতী ইন দাইবর্সিতী অমসুং দাইবর্সিতী ইন য়ুনিতীগী প্রিন্সিপল অদুবু খুদম চাংদম ওইনা তাক্লি। মহাক্না হায়খি মদুদি ঐখোয়গী সংবিধান শেমখিবশিংনা মীওই খুদিংমকপু মখোয়গী থাজবগা লোয়ননা ইকাইখুম্নবা উৎপগী হক পীখি। কনাগুম্বা অমত্তনা ধর্ম্ম ওন্থোক্নবা কনাগুম্বা অমত্তবু কলকপা, মীহৌবা অমসুং নমফু-শাফুদা কিহন-খঙহন্দুনা হোৎনবা য়ারোই। মহাক্না হায়খি মদুদি করিগুম্বা ত্রাইবেল কম্ম্যুনিতীশিংনা মখোয়গী থাজবা ঙাক-শেন্নবা ঙসি ফিরেপ লৌরবদি, মসিগী ফিরেপ অসিনা ঐখোয়বু ঐখোয়গী নাত অমসুং জাতিগা শম্নহল্লগনি। শ্রী শাহনা মখা তাখি মদুদি ঐখোয়গী মরক্তা খেন্নবা পুরক্নবা হোৎনবা মীওইশিংনা চহি লিশিং কয়াগী মমাংদা, শাবারিনা পীবা মআও লৈরবা বেরীশিং অদু চাদুনা ভগবান রামনা ঐখোয় পুম্নমক অমত্তা ওইরে হায়বা তাকপীরম্মি। মহাক্না হায়খি ঙসিগী কনফরেন্স অমসুং ত্রাইবেল কম্ম্যুনিতী লাখ কয়া শরুক য়াবা অসিনা খুন্নাই অসিদা খেন্নবা পুরক্নবা হোৎনরিবা মীওইশিংদা অচৌবা পাউজেল অমা পীরি।

কেন্দ্রগী গৃহ মন্ত্রী শ্রী অমিত শাহনা য়ুনিফোর্ম সিবিল কোদ (য়ু.সি.সি.)না ত্রাইবেল কম্ম্যুনিতীশিংবু মখোয়গী কলচর, ত্রেদিসন অমসুং মখোয়গী চৎনবীগী মতুং ইন্না হিংবগী হক লৈহন্দনা থম্লগনি হায়বগী ৱাখল্লোন অমা হৌজিক শন্দোরক্লি হায়না ফোংদোকখ্রে। মহাক্না হায়খি মদুদি নরেন্দ্র মোদী সরকারগী হোম মিনিস্তর ওইনা, মহাক্না মসি ময়েক শেংহনবা পাম্মি মদুদি ত্রাইবেল কম্ম্যুনিতীশিংদা য়ু.সি.সি.গী প্রোভিজন অমত্তা নমফুদা তৌরোই, অমসুং মসিনা মখোয়গী হক অমত্তা লান্থোক্লোই। মহাক্না হায়খি মদুদি মোদী সরকারনা গুজরাত অমসুং উত্তরাখন্দদা য়ু.সি.সি. চৎনহনখ্রে, লোইননা ত্রাইবেল কম্যুনিতীশিংবু মসিগী মীৎয়েংগী ৱাংমদা থম্নবা অখন্নবা প্রোভিজন অমা য়াওখি।  শ্রী শাহনা মখা তাখি মদুদি তোখাইনা তাহন্নবা হোৎনরিবা মীওইশিংদা য়ু.সি.সি.না ত্রাইবেল কম্ম্যুনিতী অমত্তগী চৎনবীদা খুদোংচাদবা পীরোই হায়না মহাক্না হায়খি।

শ্রী অমিত শাহনা হায়খি মদুদি মোদী সরকারনা দেকেদ মঙাগী মমাংদগী লৈরক্লবা নক্সালিজমগী অৱাবা অদু মুত্থৎখ্রে, মসিগী হিংসা অসিনা ত্রাইবেলগী মীওই ৪০,০০০ হেন্না শিহনখ্রে অমসুং ঙসিদি লৈবাক অসি নক্সলগী প্রোব্লেমদগী মপুং ফানা মুত্থৎখ্রে। মহাক্না হায়খি মদুদি ত্রাইবেল কম্ম্যুনিতীশিং অমসুং ফোরেস্ত দিবেলপমেন্ততা অথিংবা থম্লিবা মীওইশিং অদু মুত্থৎখ্রে। শ্রী শাহনা হায়খি মদুদি মতম অমদা নক্সলাইতশিং লান্থেংননবা সেক্যুরিতী ফোর্সশিংগী কেম্পশিং লিংখৎখিবা মফমশিংদা, মোদী সরকারনা অসিগুম্বা কেম্প ৭০বু শহীদ বীর গুন্দাধুর সেবা দেরা পব্লিক সর্বিস সেন্তরশিংদা ওন্থোকখ্রে। মহাক্না মখা তাখি মদুদি হৌজিক মতম অসি ত্রাইবেল লমদমশিংগী চীং অমসুং উমংশিংদা চাউখৎপা পুরক্নবা মতম ওইরে। মহাক্না হায়খি মদুদি মহাক্কী পার্তীনা ত্রাইবেলশিংগী য়াইফ-থৌরাংবু মতম পুম্নমক্তা অখন্নবা মীৎয়েং থম্লি। হান্নগী প্রধান মন্ত্রী অতল বিহারী বাজপায়ীনা ত্রাইবেল এফিয়র্স মন্ত্রালয় শেমদুনা ত্রাইবেল কম্ম্যুনিতীশিংগী চাউখৎ-থৌরাং হৌদোকখি অমসুং প্রধান মন্ত্রী, মোদীনা মসিগী থবক অসি মাংলোমদা চংশিনখি। মহাক্না হায়খি মদুদি হৌখিবা নোংচুপ বেঙ্গলগী মীখলদা মহাক্কী পার্তীনা ত্রাইবেল রিজর্ব তৌরবা সিত ১৬ পুম্নমক ফংখি।

শ্রী শাহনা হায়খি মদুদি প্রধান মন্ত্রী, মোদীনা ত্রাইবেলশিংগী য়াইফনবা লেপ্পা লৈতনা থবক তৌরি। মমাংগী কেন্দ্র সরকারগী মতমগী মনুংদা ত্রাইবেল ৱেলফেয়রগীদমক পুন্না বজেত অসি লুপা করোর ২৮,০০০ ওইরম্মি, মদু প্রধান মন্ত্রী, মোদীনা লুপা করোর লাখ ১.৫দা হেনগৎহনখ্রে। মহাক্না মখা তাখি মদুদি মোদী সরকারনা ত্রাইবেল কম্ম্যুনিতীশিংগী য়াইফনবা মপুং ফানা থৌরাং তৌরি।

শ্রী অমিত শাহনা হায়খি মদুদি শ্রী নরেন্দ্র মোদীনা লাইরবা সন্তাল ইমুং অমদগী লাকপাশ্রীমতী দ্রুপদী মর্মুবু, ভারতকী রাস্ত্রপতিগী ওফিসতা থাক ৱাংনা থাংগৎলকখি, মসিনা ত্রাইবেল কম্ম্যুনিতী পুম্নমক্কী য়াইফনবগীদমক থবক তৌরি। মহাক্না হায়খি মদুদি অতল বিহারী বাজপায়ী জীগী মতমদনি ঝারখন্দ অমসুং ছত্তিসগর অসি ত্রাইবেল মেজোরিতী লৈবা রাজ্যশিং ওইরকখিবা, অমসুং ঙসিদি ওরিশা অমসুং ছত্তিসগর অনিমক্তা ত্রাইবেলগী মুখ্য মন্ত্রীশিং লৈরি। পি.ই.এস.এ. এক্ত অসি চৎনহন্নবা ভারত সরকারনা পি.ই.এস.এ. সেল অমা লিংখৎখ্রে, মাস্তর ত্রেনির লাখ অমা হেন্না ত্রেনিং পীখ্রে অমসুং পি.ই.এস.এ. রুলশিংবু ত্রাইবেল লোন কয়া অমদা খুদম ওইনা সন্তালি, গোন্দি, ভিল্লি অমসুং মুনদারি লোনদা হন্দোকহনখি। মহাক্না মখা তাখি মদুদি সরকারনা রিয়েল-তাইম মোনিতরিংগীদমক পি.ই.এস.এ. গ্রাম পঞ্চায়ত দিবেলপমেন্ত প্লান পোর্তেলসু শেমখ্রে। শ্রী শাহনা হায়খি মদুদি মধ্য প্রদেশকী পি.ই.এস.এ. লো মোদেল অসি অফবা মোদেল অমনি অমসুং মহাক্কী পার্তীনা লুচিংবা সরকার পুম্নমক্না মসিবু হেন্না খুমাং চাউশিলহন্নবা হোৎনরি।

শ্রী অমিত শাহনা হায়খি মদুদি প্রধান মন্ত্রী, শ্রী নরেন্দ্র মোদীনা মরুওইবা চাউখৎ-থৌরাংগী স্কিম কয়া অমা পায়খৎলে। মসিগী মনুংদা একলব্য মোদেল স্কুল ৭২২ য়াওরি। ত্রাইবেল ইমুং খুদিংমক্তা য়ুম, মৈ, থক্নবা ঈশিং, লুপা লাখ ৫ ফাওবগী হেল্থ ইন্সুরেন্স কভরেজ অমসুং থাগী ওইনা চানবা চিঞ্জাক রেশনগী মতেং ফংহনখ্রে। শ্রী শাহনা হায়খি মদুদি ত্রাইবেল কম্ম্যুনিতীশিংগী খোঙজং অসিনা লাক্কদৌরিবা নুমিৎশিংদা ঐখোয়বু ঙাকথোক্কনি, অদুগা ঐখোয়গী লমদম, কলচর অমসুং থাজবগা লোয়ননা ঐখোয়বু শম্নহল্লগনি। মহাক্না মখা তাখি মদুদি খোংজং অসিনা লৈবাক অসিবু মপাঙ্গল কনখৎহন্নবা অচেৎপা য়ুম্ফম অমা শেমগৎলি। মহাক্না হায়খি মদুদি ‘তু ওর মর এক রক্ত হে’ হায়বা মন্ত্র অসিগা লোইননা বনৱাসি কল্যান আশ্রমনা ত্রাইবেল কম্ম্যুনিতীশিংদা সেবা পীনবগী থোইদোক হেন্দোকপা মিসন অমা সাইলেন্ত ৱার্কর ওইনা পায়খৎলি। মহাক্না মখা তাখি মদুদি মসিগী মহাকুম্ভ অসিনা ঐখোয়গী চৎনবী, ঐখোয়গী লম অমসুং ঐখোয়গী থাজবা ঙাকপদা অচৌবা থৌদাং অমা লৌগনি। মহাক্না মীয়ামদা অরানবা ৱাখল্লোনশিংদগী লাপ্না লৈনবা, খেন্নবা পুরক্লিবা মীওইশিং মশক খঙদোক্নবা অমসুং ২০৪৭ ফাওবদা চাউখৎলবা অমসুং চাউখৎপা ভারত অমা শেমগৎনবা অমত্তা ওইনা মাংলোমদা চংশিন্নবা হায়খি।

*****