নহারোল অমসুং শান্ন-খোৎনবগী মন্ত্রালয়
বিকশিৎ ভাইব্রেন্ত ভিলেজ প্রোগ্রাম ২০২৬কী লৈবাক্কী ওইবা ক্বিজ হৌদোকখ্রে
জুন ২০২৬ ইমর্সিব বোর্দর ভিলেজ দিভেলপমেন্ত ইনিসিএতিবতা মকোক থোংবা নহাশিংনা শরুক য়াগনি
থাগৎখিবা:
13 MAY 2026 11:31AM by PIB Imphal
য়ুথ এফিয়র্স অমসুং স্পোর্তস মন্ত্রালয়না মাই ভারতকী খুত্থাংদা, হোম এফিয়র্স মন্ত্রালয়গা খুৎশম্নদুনা, ৱিক্সিত ভাইব্রেন্ত ভিলেজ প্রোগ্রাম (ভি.ভি.ভি.পি.) ২০২৬গীদমক মাই ভারত প্লেৎফোর্মদা [MY Bharat portal.] নেস্নেল লেবেল ক্বিজ হৌদোকখ্রে। ক্বিজ অসিনা জুন ২০২৬তা পাংথোক্কদৌরিবা ইমর্সিভ বোর্দর ভিলেজ এঙ্গেজমেন্ত প্রোগ্রামদা নহারোলশিং শরুক য়াবগীদমক খনগৎপগী অহানবা তাঙ্ককনি।
ভিক্সিত ভাইব্রেন্ত ভিলেজ প্রোগ্রাম ২০২৬ অসি লেহ-লদাখ, হিমাচল প্রদেশ অমসুং উত্তরাখন্দ য়াওনা স্ত্রেতেজিক ওইনা মরুওইবা লমদমশিংদা ঙমখৈদা লৈবা খুঙ্গংশিংগী চাউখৎ-থৌরাংগা মরী লৈননা গ্রাস রুত্তা শরুক য়াবা, কম্ম্যুনিতী এঙ্গেজমেন্ত, কলচরেল একচেঞ্জ অমসুং এৱারনেস মপাঙ্গল কনখৎহন্নবা পান্দম থম্লিবা নহাশিংনা লুচিংবা নেস্নেল ইনিসিয়েতিব অমনি।
ওনলাইন ক্বিজ অসি ২০২৬গী মে ১০দগী মে ২০ ফাওবা পাংথোক্কনি অমসুং মসিদা লৈবাক শীনবা থুংনা লৈরিবা নহাশিংনা শরুক য়াবা য়াগনি। খোঙথাং অসিনা ভিক্সিত ভাইব্রেন্ত ভিলেজ প্রোগ্রামগী মিৎয়েং অমসুং পান্দমশিংগী মতাংদা শরুক য়ারিবশিংগী মরক্তা এৱারনেস হেঙ্গৎহন্নবা হোৎনরি। মসিগা লোয়ননা নেসন-বিলদিং অমসুং ফ্রন্টিয়ার কম্ম্যুনিতী দিবেলপমেন্তদা নহাশিংনা হেন্না শরুক য়াবা হেনগৎহন্নবা পুক্নিং থৌগৎলি।
ক্বিজ অসিনা শরুক য়ারিবশিংদা ঙমখৈদা লৈবা খুঙ্গংশিং, মফম অদুগী চৎনবী, অকোয়বগী ফিভমগী মতাংদা খঙহনবা, লৈঙাক পায়বগী থৌরাংশিং, কম্ম্যুনিতীনা শরুক য়াবা অমসুং ঙমখৈগী লমশিংবু মপাঙ্গল কনখৎহন্নবা সরকারনা হোৎনরিবশিং অদুগী মতাংদা খঙহন্নবা ইন্তরেক্তিব প্লেৎফোর্ম অমা ওইনা মথৌ তৌগনি।
ক্বিজ অসিদা খ্বাইদগী ফবা পারফোর্ম তৌখিবা শরুক য়ারিবশিং অসি ইলিজিবিলিতী অমসুং ফিৎনেস এসেসমেন্ত তৌগনি। মসিগী মতুংদা রাজ্যশিং অমসুং য়ুনিয়ন তেরিতোরীশিংগী মাই ভারত ভোলুন্তিয়র ৫০০বু জুন ২০২৬তা পাংথোক্কদৌরিবা চয়োল অমগী ভিক্সিৎ ভাইব্রেন্ত ভিলেজ প্রোগ্রামদা শরুক য়ানবা খনগনি।
খনগৎলবা ভোলুন্তিয়রশিংনা মশক খঙদোক্লবা ঙমখৈদা লৈবা খুঙ্গংশিংদা ইম্মর্সিব ফিল্দ এঙ্গেজমেন্তশিং অমসুং কম্ম্যুনিতী আউতরিচ এক্তিবিতীশিংদা শরুক য়াগনি। প্রোগ্রাম অসিদা স্বচ্ছতা দ্রাইবশিং, নহারোলশিংগী মরক্তা ৱারী শানবগী প্রোগ্রামশিং, অকোয়বগী ফিভমগী ওইবা থৌরাংশিং, কলচরেল একচেঞ্জকী থবক থৌরমশিং, এৱারনেস কেম্পেনশিং, কেরিয়র কাউন্সেলিং সেসনশিং অমসুং গ্রাসরুৎ দিবেলপমেন্ত অমসুং নেস্নেল ইন্তিগ্রেসনদা মীৎয়েং থমদুনা এক্সপরিয়েন্সেল লর্নিংগী খুদোংচাবশিং য়াওগনি।
খোঙথাং অসিনা ২০৪৭কী 'বিকসিত ভারত'কী থৌদাং লৌরিবা নহারোলশিংবু মপাঙ্গল কনখৎহন্নবা সরকারগী অচেৎপা ফিরেপ অদু উৎলি।
পুক্নিং চঙবা নহারোলশিংনা ওফিসিএল MY Bharat portal. গী খুত্থাংদা ক্বিজ অসিদা শরুক য়াবা য়াগনি।
***
(রিলিজ আই.দি.: 2260578)
ভিজিতর কাউন্তর : 5