પ્રધાનમંત્રી શ્રી નરેન્દ્ર મોદીએ આજે 11 વર્ષ પહેલાં એનડીએ (NDA) સરકાર દ્વારા શરૂ કરવામાં આવેલી મુખ્ય સામાજિક સુરક્ષા અને પેન્શન યોજનાઓના પ્રભાવ પર પ્રકાશ પાડતા જણાવ્યું હતું કે આ પહેલો ભારતના લોકો માટે ગૌરવ, ખાતરી અને નાણાકીય સુરક્ષા સુનિશ્ચિત કરવા માટેની સરકારની પ્રતિબદ્ધતાને પ્રતિબિંબિત કરે છે.

પ્રધાનમંત્રીએ નોંધ્યું હતું કે પીએમ જીવન જ્યોતિ વીમા યોજના અને પીએમ સુરક્ષા વીમા યોજનાએ પાયાના સ્તરે જીવન પર હકારાત્મક અસર કરી છે અને દેશમાં સામાજિક સુરક્ષા માળખાને મજબૂત બનાવ્યું છે.

અટલ પેન્શન યોજનાના ફાયદાઓ પર પ્રકાશ પાડતા શ્રી મોદીએ જણાવ્યું હતું કે આ યોજનાએ અનેક લોકોને તેમના વૃદ્ધાવસ્થામાં વધુ સુરક્ષિત જીવન જીવવા માટે સક્ષમ બનાવ્યા છે અને સામાજિક સુરક્ષાને સુલભ અને સર્વસમાવેશક બનાવવાની સરકારની પ્રતિબદ્ધતા દર્શાવે છે.

પ્રધાનમંત્રીએ અટલ પેન્શન યોજના હેઠળ મહિલાઓની વધતી જતી ભાગીદારી અને મળતા લાભો પર પણ ખુશી વ્યક્ત કરી હતી, જે આ યોજનાની સફળતામાં નારી શક્તિના યોગદાનને રેખાંકિત કરે છે.

શ્રી મોદીએ X પર પોતાની ટિપ્પણી શેર કરતી વખતે #11YearsofJanSurakshaSchemes હેશટેગનો ઉપયોગ કર્યો હતો.

પ્રધાનમંત્રીએ X પર લખ્યું;

“આજના દિવસે, 11 વર્ષ પહેલાં, એનડીએ સરકાર દ્વારા મુખ્ય સામાજિક સુરક્ષા અને પેન્શન યોજનાઓ શરૂ કરવામાં આવી હતી. તેઓ ભારતના લોકોના જીવનમાં ગૌરવ, ખાતરી અને નાણાકીય સુરક્ષા લાવવાની અમારી પ્રતિબદ્ધતાને પ્રતિબિંબિત કરે છે. આ થ્રેડ હાઈલાઈટ કરે છે કે પીએમ જીવન જ્યોતિ વીમા યોજના અને પીએમ સુરક્ષા વીમા યોજનાની પાયાના સ્તરે હકારાત્મક અસર પડી છે.

#11YearsofJanSurakshaSchemes”

“અટલ પેન્શન યોજના અનેક લોકો માટે ખૂબ જ ફાયદાકારક રહી છે, જે તેમને વૃદ્ધાવસ્થામાં વધુ સુરક્ષિત જીવન જીવવા માટે સક્ષમ બનાવે છે. આ યોજના સામાજિક સુરક્ષાને સુલભ અને સર્વસમાવેશક બનાવવાની અમારી પ્રતિબદ્ધતાને પ્રતિબિંબિત કરે છે. ખાસ કરીને આપણી નારી શક્તિ આ યોજનાથી લાભાન્વિત થઈ રહી છે તે જોઈને આનંદ થાય છે.

#11YearsofJanSurakshaSchemes”

અટલ પેન્શન યોજના અનેક લોકો માટે ખૂબ જ ફાયદાકારક રહી છે, જે તેમને વૃદ્ધાવસ્થામાં વધુ સુરક્ષિત જીવન જીવવા માટે સક્ષમ બનાવે છે. આ યોજના સામાજિક સુરક્ષાને સુલભ અને સર્વસમાવેશક બનાવવાની અમારી પ્રતિબદ્ધતાને પ્રતિબિંબિત કરે છે. તે જોઈને આનંદ થાય છે કે ખાસ કરીને આપણી નારી શક્તિ આ યોજનાથી લાભાન્વિત... https://t.co/gDNHL7C8Hl

SM/BS/JD