প্রাইমারি হেল্থকিয়ার অমসুং হকশেলগী লমদা থবক তৌরিবা মীওইশিং ফগৎনবা পান্দম মখা তানা কনখৎহন্দুনা, হন্দক পাংথোকখিবা “ইন্নোবেসন এন্দ ইনক্লুসিবিতি: বেষ্ট প্রাক্তিসেস সেপিং ইন্দিয়াস হেল্থ ফ্যুচর” থিমগী ১০শুবা জাতিগী মীফমদা হেল্থ অমসুং ফেমিলি ৱেলফিয়ারগী য়ুনিয়ন মিনিষ্টর শ্রী জগত প্রকাস নাদানা প্রাইমারি হেল্থকিয়ার কাংবুশিংগী অপুনবা ত্রেনিং হৌদোকখ্রে।

প্রাইমারি হেল্থকিয়ার কাংবুশিংগী অপুনবা ত্রেনিং অসি মচোই মচোই কেপাসিতি শেমগৎপদগী অমতা ওইনা পাংথোকপা হৌবনি। মসিনা ভারতকী মাঙজিল থানা থবক তৌরিবা হকশেলগী মীওইশিংদা অপুনবা, মীয়ামগী য়াইফনবা থবক তৌনবা থাজবা পীনবা অওনবা অমা পুরক্কনি।

ভারতনা মসিগী হকশেলগী থবকশিংদা শেন থাদবা হেনগৎলক্লি। চহি খর অসিদা, অপুনবা তঙাইফদবা হকশেলগী থবক অমসুং মীয়ামগা থবক তৌমিন্নবদা অকনবা মীয়েং অমা চঙদুনা লাক্লি, মসিদা মীওই খুদিংমক্ত অনা-লাইয়েংগী খুদোংচাবশিং ফংহন্নবা লৈবাক অসিনা থম্লিবা থাজবগী মমি তারে। খোঙচৎ অসিগী অচৌবা মাইপাকপা অমদি অয়ুস্মান ভারত প্রোগ্রাম হৌদোকপা অসিনি, মসিগী মখাদা অয়ুস্মান মন্দিরশিংনা অফবা অনা-লাইয়েংগী মফম অমা ওইনবা পান্দম থম্লি। জন অরোগ্যা সমিতিশিং, মহিলা অরোগ্যা সমিতিশিং, ভিলেত হেল্থ এন্দ সেনিতেসন কম্মিতিশিং অমসুং এ.এ.এম সিবিরশিংগুম্বা প্লেতফোর্মশিংগী খুৎথাংদা মীয়ামগা থবক তৌমিন্নবা থবক অসিনা হেনগৎহল্লে।

সষ্টেনেবল দিবলপমেন্ত গোলশিং ফংনবা ভারত নকশিল্লকপগা লোয়নন অমসুং হেন্না চাউখৎপা তুংলমচৎ অমগী শেম-শাবগা লোয়ননা, লাইনা ফংবা খক নত্তনা মগুন লৈবা অনা-লাইয়েংগী দরকার ওইবা হেনগৎলক্লি। লৈবাক শীনবা থুংনা, হকশেলগী কাংবু লিশিং কয়ানা কৎথোকপগা লোয়ননা মীয়ামগী থবক তৌরি, মতম  চানা অমসুং অফবা অনা-লাইয়েংগী থবকশিং মীয়ামদা ফংহল্লি, অদুবু ইনফ্রাষ্ট্রকচরগী মখা পোনবা খক নত্তনা মখোয়গী লৌশিং, হৈথোই-শিংথোইবা অমসুং থাজবগী মখা পোল্লি।

মগুন লৈবা অনা-লাইয়েংগী থবক ফগৎনবা, অৱাংবা থাক্কী হোস্পিতালশিংদা পোৎলুমশিং হন্থনবা অমসুং হকশেলগী থবকশিংদা মীয়ামগী থাজবা হেনগৎহন্নবা মপুংফানা ত্রেনিং তৌরবা অমসুং থাজবা লৈরবা প্রাইমারি হেল্থকিয়ারগী মীওইশিং লৈবা তঙাইফদে। বিকসিত ভারত @2047 অমগী প্রধান মন্ত্রীগী পান্দমদা মতেং পাংনবা অমসুং হেন্না হকচাং ফবা অমসুং হেন্না থবক ঙম্বা লৈবাক অমা শেমগৎনবা মাংজৌননা ঙাকথোক্নবা অমসুং অনা-লাইয়েংগী থবকশিং ফগৎনবা ভারতকী থাজবা মসিনা মখা তানা ফগৎহনগনি।

মীয়ামগী খনবা অনা-লাইয়েংগী পান্দম অসি মখা তানা ফগৎনবা, প্রধান মন্ত্রীনা হায়খি “ অশেংবা চাউখৎপদি মীয়ামগী য়াইফনবা থবক পাংথোকপনি। মেদিকেল সাইন্সতা কয়া য়াম্না চাউখৎলবগে হায়বা থিদনা, মনুং হুঞ্জিনবা মফমগী খ্বাইদগী লায়রবা মীওইদা খুদোংচাবা ফংহনগদবনি”।

য়ুম্ফম অসি মপাঙ্গল কনখৎহনবদা হকশেলগী কাংবুশিংগী অপুনবা ত্রেনিং অসিনা মরুওইবা খোঙথাং অমনি। তোঙান তোঙানবা থৌরমশিংগী ত্রেনিংশিং অমতা ওইনা পুনশিন্দুনা হকশেলগী লমদা থবক তৌরিবা মীওইশিংগী কেপাসিতি হেনগৎহনবগা লোয়ননা তম্বদা লাইহল্লে। মসিনা মখোয়দা ঙল্লিঙৈদগী লায়না মশক খঙদোকপদগী হৌরগা লাইয়েংবা ফোআবা অমসুং মখা তানা চেক তৌবা লাকপা ফাওবদা অনাবশিংগী য়ুমদা মতম চপ চানা, অচুম্বা লাইয়েং ফংহনবা ঙম্লে। ভারতনা তেক্নোলোজিদা চাউখৎলকপগা লোয়ননা, আইগোত কর্মায়োগীগুম্বা দিজিতেল প্লেতফোর্মশিংনা মখা তানা তম্বা য়াহন্দুনা হকশেলগী লমদা থবক তৌরিবা মীওইশিং তুংগীদমক শেম-শাবা ঙমগনি।

মরুওইবা লম্বী অনিদা থবক অসি তোপ-তোপ্পনি। অহানবদা, মসিনা মীয়ামগা থবক তৌমিন্নরিবা হকশেলগী মীওইশিংগী কেপাসিতি হেনগৎহল্লে অমসুং অফবা মগুন লৈবা অনা-লাইয়েংগী খুদোংচাবা ফংহল্লে। অনিশুবদা, মসিনা থবক অসিনা প্রাইমারি হেল্থকিয়ারগী মীওইশিংগী চাদা ৭০ হেন্না ওইরিবা নুপীশিং (অসাশিং, এ.এন.এমশিং, সি.ঐচ.ওশিং য়াওনা) শক্তি পীগনি। নারী শক্তিগী মরুওইবদা প্রধান মন্ত্রীনা লেপ্তনা তকশিল্লি অমসুং থবক অসি পান্দম অদুগী অকনবা শরুক অমনি। মাঙজিল থানা থবক তৌরিবা নুপীশিংদা শেন থাদদুনা, কাংলুপ কয়াদা অওনবা পুরক্নবা ভারতনা হোৎনরি।

অপুনবা ত্রেনিং মোদুলশিংনা প্রাইমারি হেল্থকিয়ার কাংবুশিংনা মীয়ামদা অফবা অনা-লাইয়েংগী খুদোংচাবশিং ফংহনবা ঙমগনি অমসুং হকশেলগী থবকশিং অমসুং মীয়ামগী মরক্ত লৈনবা থাজবা হেনগৎহনগনি। মসি ত্রেনিংগী অওনবা অমা খক নত্তনা, ভারত্ত মীয়ামগী তুংগী হকশেলদা মরুওইবা শেন থাদবা অমনি।

***