ভারতকী প্রধান মন্ত্রী, ঐচ.ই. শ্রী নরেন্দ্র মোদীনা বর্তন তৌরকপদগী ভিয়েৎনামগী কম্ম্যুনিস্ত পার্তীগী সেন্ত্রেল কম্মিতীগী জেনরেল সেক্রেতরী, সোসিএলিস্ত রিপব্লিক ওফ ভিয়েৎনাম, রাস্ত্রপতি ঐচ.ই. মিস্তর তো লমনা ২০২৬গী মে ৫দগী মে ৭ ফাওবা ভারত্তা স্তেৎ ভিজিৎ অমদা লাকখি। জেনরেল সেক্রেতরী, রাস্ত্রপতি, ঐচ.ই. মিস্তর তো লম অসি অৱাংবা থাক্কী মীহুৎ কাংবু অমনা লোইনরকখি। মপাঙ্গল কনবা বিজিনেস দেলিগেসন অমসু দিগনিতরী অদুগা লোইনরকখি।

মে ৬, ২০২৬দা, জেনরেল সেক্রেতরী, রাস্ত্রপতি তো লমবু রাস্ত্রপতি ভবনদা সেরেমোনিএল রিসেপ্সন অমা পীখি। মহাক্না মহাত্মা গান্ধীদা লৈ কৎতুনা ইকায় খুম্নবা উৎনবা রাজ ঘাত্তা চৎখি। মসিগী মতুংদা প্রধান মন্ত্রী মোদী অমসুং জেনরেল সেক্রেতরী, রাস্ত্রপতি তো লমগী মরক্তা নাকল অনিগী ওইবা ৱারী শানখি। মসিগী মতুংদা লুচিংবা অনিনা নাকল অনিগী ওইবা দোক্যুমেন্তশিং একচেঞ্জ তৌনখি। প্রধান মন্ত্রী মোদীনা ভিজিতিং দিগ্নিতরীবু ইকায় খুম্নবা ওইনা বঙ্কেৎ লঞ্চ অমা শিনখি। জেনরেল সেক্রেতরী, রাস্ত্রপতি তো লমনা রাস্ত্রপতি, ঐচ.ই. শ্রীমতী দ্রুপাদি মর্মুগা উনখি, মহাক্নসু ভিয়েৎনামগী রাস্ত্রপতিগীদমক বঙ্কেৎ দিনর অমা শিনখি। জেনরেল সেক্রেতরী, রাস্ত্রপতি তো লমনা ইন্দিয়ন কাউন্সিল ওফ ৱার্ল্দ এফিয়র্সতা পোলিসীগী ৱারোল অমা পীখি অমসুং ভিয়েৎনাম-ইন্দিয়া ইন্নোভেসন ফোরমদা ৱা ঙাংখি। জেনরেল সেক্রেতরী, রাস্ত্রপতি তো লমসু রাজ্য সরকার অমসুং বিজিনেসশিংগা ৱারী শানবগীদমক মুম্বাইদা চৎকনি অমসুং ভিয়েৎনাম-ইন্দিয়া বিজিনেস ফোরমদা ৱা ঙাংগনি।

পোলিতিকেল

প্রধান মন্ত্রী মোদী অমসুং জেনরেল সেক্রেতরী, রাস্ত্রপতি তো লমনা হরাও তয়াম্বা অমসুং নোলুকপা ফিভম অমদা পাক-শন্না খন্ন-নৈনখি। মখোয়না নাকল অনিগী ওইবা মরীশিংগী মখল পুম্নমক য়েংশিনখি অমসুং ম্যুচুএল ইন্তরেস্তকী রিজনেল অমসুং গ্লোবেল ইসুশিংদা ৱাখল্লোনশিং ফোংদোক্নখি। প্রধান মন্ত্রী মোদীনা জেনরেল সেক্রেতরী তো লমবু ভিয়েৎনামগী রাস্ত্রপতি ওইনা ৱাশক লৌরকপদা থাগৎপা ফোংদোকখি। মহাক্কী লুচিং মখাদা ভিয়েৎনামনা চাউখৎ-থৌরাংগী পান্দমদা লেপ্পা লৈতনা খুমাং চাউশিল্লগনি হায়না থাজবা ফোংদোকখি। জেনরেল সেক্রেতরী, রাস্ত্রপতি তো লনা প্রধান মন্ত্রী মোদীবু নেস্নেল দিবেলপমেন্ত, অৱাংবা থাক্কী ইকোনোমিক গ্রোথ অমসুং মল্তিলেতরেলিজম মপাঙ্গল কনখৎহন্নবা অমসুং গ্লোবেল সাউথ কোওপরেসন প্রমোৎ তৌনবা ভারতনা লৌখৎলিবা খোংথাংশিংগীদমক থাগৎপা ফোংদোকখি। লুচিংবশিংনা ভারত-ভিয়েৎনামগী মরী হেন্না চেৎশিলহনবা অসিনা লৈবাক অনিগী মীয়ামদা ম্যুচুএল বেনিফিৎ পুরকপা অমসুং মখোয়গী নেস্নেল গোলশিং, হায়বদি ভারতকী বিক্সিত ভারত ২০৪৭ অমসুং ভিয়েৎনামগী ভিজন ২০৪৫ ফংনবা মাইকৈদা কান্নবা মওংদা শরুক তমগনি।

মালেমগী অমসুং রিজনেলগী ওইবা ফিভমদা অহোংবা পুরক্লিবা অসিগী মতাংদা মান্নবা ৱাখল্লোন থমদুনা লুচিংবা অনিমক্না ম্যুচুএল ত্রস্ত, ইকায় খুম্নবা, ইহুল খঙবা, মান্নবা মীৎয়েং অমসুং হীরম কয়াদা ইফেক্তিব ওইনা মতেং পাংনবদা য়ুম্ফম ওইবা মরীগী অচেৎপা য়ুম্ফম অদু শকখঙখি। মরম অদুনা, মখোয়না নাকল অনিগী মরীশিং অসি "মরোমদোম লেপচবা, স্ত্রেতেজিক কনভর্জেন্স, সবস্তেন্তিব কোওপরেসন"গী ৱাখল্লোন্দা এনহেন্স কম্প্রিহেন্সিব স্ত্রেতেজিক পার্তনরশিপকী থাক্তা পুখৎনবা য়ানখি।

২০২৬তা ভারত-ভিয়েৎনাম কম্প্রিহেন্সিব স্ত্রেতেজিক পার্তনরশিপকী চহি ১০শুবা মপোক কুমওন পাংথোক্লগনি হায়না মখোয়না পনখি অমসুং থৌরম অসি মতিক চাবা মওংদা পাংথোক্নবা য়ানখি। হৌখিবা চহি তরাগী মনুংদা নাকল অনিগী ওইবা তেংবাং পীনবদা চাউনা খুমাং চাউশিল্লকপদা হরাওবা ফোংদোক্লদুনা নাকল অনিমক্না হৌখিবা চহিশিংদা ভারত অমসুং ভিয়েৎনামগী মরক্তা কমপ্রিহেন্সিব স্ত্রেতেজিক পার্তনরশিপ মপাঙ্গল কনখৎহন্নবা অগস্ত ২০২৪দা জোইন্ত স্তেতমেন্ত, ২০২০দা শান্তি, চাউখৎপা অমসুং মীয়ামগীদমক ভারত-ভিয়েৎনাম জোইন্ত ভিজন, অমসুং লৈবাক অনিগী লুচিংবশিংগী মরক্তা পাংথোকখিবা মীফমশিংগী মহৈশিং য়াওনা অৱাংবা থাক্কী খন্ন-নৈনবশিং অমসুং খোঙচৎশিংগী মহৈশিং মখা তানা মপুং ফাহন্নবা য়ানখি। লুচিংবশিং অসিনা লুচিংবগী থাক য়াওনা থাক খুদিংমক্তা চাং নাইনা ৱারী শাননবা য়ানখি।

ভারতকী পার্লিয়ামেন্ততা ভারত-ভিয়েৎনাম পার্লিয়ামেন্তরী ফ্রেন্দশিপ গ্রুপ শেমখিবগী ৱাফম পল্লদুনা লুচিংবা অনিনা লৈবাক অনিগী লেজিসলেচরশিংগী মরক্তা তেংবাং পীনবা হেনগৎলকপা অমসুং ইন্তর-পার্লিয়ামেন্তরী য়ুনিয়ন অমসুং আসিয়ান ইন্তর-পার্লিয়ামেন্তরী এসেমব্লী য়াওনা মল্তিলেতরেল ফোরমশিংদা নাকল অনিগী পার্লিয়ামেন্তরী দেলিগেসনশিংগী মরক্তা লেপ্তনা নকশিন্নবা থবক পায়খৎপবু তরাম্না ওকখি।

লুচিংবশিংনা খঙখি মদুদি কোওপরেসনগী তোঙান তোঙানবা সেক্তরশিংদা লৈরিবা ইন্সতিত্যুস্নেল মেকানিজমশিংগী মখাদা চাং নাইনা দাইলোগ অমসুং এক্সচেঞ্জ তৌবনা থাজবা অমসুং অমনা অমবু খঙনবা হেনগৎহনখ্রে। মসিগী মতাংদা মখোয়না পোলিতিকেল কন্সল্তেসন অমসুং স্ত্রেতেজিক দাইলোগ; অমসুং ইকোনোমিক, ত্রেদ, সাইন্তিফিক কোওপরেসনগী মতাংদা জোইন্ত কম্মিসন মীফম অসি ভারত-ভিয়েৎনামগী মরীদা মরুওইবা য়ুম্বী ওইদুনা লৈরি হায়না য়ানখি। লুচিংবশিংনা মরুওইনা ঙাকশেল, সেক্যুরিতী মেরিতাইম দোমেন, ললোন-ইতিক অমসুং ইনভেস্তমেন্ত, লৌউ-শিংউ, হকশেল, আই.সি.তি., সাইবর, সাইন্স অমসুং তেক্নোলোজী, স্পেস অমসুং এতোমিক ইনর্জীগী লমশিংদা মেকানিজমশিং অসিগী মখাদা মীফমশিং চাং নাইনা পাংথোক্নবা য়ানখি। নাকল অনিমক্না স্ত্রেতেজিক দিপ্লোমসী - দিফেন্স দাইলোগ (২+২) লিংখৎনবা থাজবা থম্লি।

লুচিংবশিংনা ভারত অমসুং ভিয়েৎনামগী মরক্তা ২০২৪-২০২৮গী মতমগীদমক এক্সন প্লান অমসুং জোইন্ত স্তেতমেন্ত অসি মপুং ফানা ইমপ্লিমেন্ত তৌবদা অথুবা মতমদা থবক পায়খৎনবা য়ানখি।

ইকনোমিক, ত্রেদ অমসুং ইনভেস্তমেন্ত

নাকল অনিগী ত্রেদ, ইনভেস্তমেন্ত অমসুং তেক্নোলোজিকেল পার্তনরশিপ হেনগৎহন্নবা সরকার অমসুং বিজিনেসকী থাক্তা য়াম্না থুনা চাউখৎলক্লিবা ইকোনোমী অনি অসিগী মরক্তা মতেং পীনবা হেনগৎনবা নাকল অনিমক্না য়ানখি। হৌখিবা চহি ১০দা লৈবাক অনিগী মরক্তা ললোন-ইতিক হেনগৎলকপা অদু পল্লদুনা লুচিংবশিংনা মসিবু খল ঙাকপা অমসুং অমনা অমবু কান্নবা পীবা মওংদা মখা তানা হেনগৎহনবগী তঙাইফদবা অদুদা অকনবা ৱাফম থমখি। অমসুং ২০৩০ ফাওবদা দোল্লর বিল্লিয়ন ২৫গী অনৌবা ললোন-ইতিক্কী পান্দম ফংনবা হোৎনবদা য়ানখি।

মখোয়না নাকল অনিমক্না লৌউ-শিংউগী পোত্থোকশিং য়াওনা মখোয়গী লৈবাকশিংদা মার্কেৎ এক্সেস ফংহনবদা মতেং পাংগনি হায়না ৱারেপ লৌখি। মখোয়না ভারতকী অঙ্গুর অমসুং ভিয়েৎনামগী থৈবোংগীদমক মার্কেৎ এক্সেস পীবগী ৱারেপ অদু তরাম্না ওকখি। মখোয়না ভারতকী কম্ফোই অমসুং ভিয়েৎনামগী নোবাপকীদমক কৈথেলগী খুদোংচাবশিং অথুবা মতমদা ফংহন্নবা, তেক্নিকেলগী ওইবা ৱাফমশিং অথুবা মতমদা নাকল অনিগী ওইবা খন্ন-নৈনবগী থোংদা অথুবা মতমদা লোইশিন্নবা য়ানখি।

নাকল অনিমক্না ম্যুচুএল ইন্তরেস্তকী সেক্তরশিংদা সপ্লাই চেনশিং হেনগৎনবা য়ানখি। ভিয়েৎনামনা মাগী সপ্লাই সোর্সশিং দাইভর্সিফাই তৌনবা অমসুং মাগী দোমেস্তিক প্রদক্সন অমসুং এক্সপোর্তকী মথৌ তাবশিং ফংনবা ভারত্তগী পোত্থোকশিং হেন্না পুশিল্লক্নবা মহাক্কী কম্মিৎমেন্তশিং অদু অমুক হন্না ফোংদোকখি। লৈবাক অনিমক্কী কম্পনীশিংগীদমক ললোন-ইতিক তৌবদা লাইথোকহন্নবগীদমক্তা, স্তেন্দর্দ কমপ্লাইন্স সর্তিফিকেসন য়াওনা হেন্না কান্নবা রেগ্যুলেতরী এনভাইরনমেন্ত অমগী পাম্বৈশিং থিজিনবদা নাকল অনিমক্না য়ানখি। মখোয়না নাকল অনিগী ওইবা ইন্সতিত্যুস্নেল মেকানিজমশিংগী মখাদা নাকল অনিগী খুদোংচাদবশিং কোকহন্নবগীদমক কন্সত্রক্তিব দাইলোগ ঙাক্না চৎপগী মরুওইবা অদু ফোংদোকখি।

লুচিংবশিংনা আসিয়ান ইন্দিয়া ত্রেদ ইন গুদস এগ্রীমেন্ত (এ.আই.তি.আই.তি.জি.এ.) গী হৌজিক চত্থরিবা রিভিয়ু অসি অথুবা মতমদা লোইশিনগদবনি হায়না য়ানখি। মখোয়না য়ানখি মদুদি মহৈ ওইনা ফংগদবা এগ্রীমেন্ত অসি নাকল অনিমক্কী কান্নবা ওইগদবনি, ললোন-ইতিক্কী লমদা মতেং পাংগদবনি অমসুং হৌজিক লৈরিবা মালেমগী ললোন-ইতিক্কী চৎনবীশিংগা চানবা ওইগদবনি।

লুচিংবশিংনা ভারত-ভিয়েৎনামগী শেন্মিৎলোনগী মরীশিং, মরুওইনা হাই-তেক্নোলোজী, ত্রান্সপোর্ত, মেন্যুফেকচরিং, লোজিস্তিক্স, রিন্যুএবল ইনর্জী, স্মার্ত এগ্রিকলচর, ইলেক্ত্রিক ভেহিকলশিং অমসুং ইনফোর্মেসন তেক্নোলোজী, হেল্থকেয়র, এগ্রিকলচর অমসুং এগ্রো-প্রোসেসিং, এক্বাকলচর, তুরিজম অমসুং হোস্পিতালিতীগী লমশিংদা হেন্না মপাঙ্গল কনখৎহন্নবা নাকল অনিগী ওইবা ইনভেস্তমেন্তশিং হেনগৎহন্নবা য়ানখি। মখোয়না লৈবাক অনিগী স্তার্তঅপ ইকোসিস্তেমশিংগী মরক্তা লৈনরিবা মরী অসি মপাঙ্গল কনখৎহন্নবা অমসুং ইন্নোভেসন সেন্তরশিংগী মরক্তা মপুং ওইবা মতেং পীনবা পুক্নিং থৌগৎনবা য়ানখি।

থাও অমসুং গ্যাসগী লমদা ভারত অমসুং ভিয়েৎনামগী মরক্তা চহি কয়াদগী লৈরক্লবা মরীশিং অদু থাগৎলদুনা অমসুং সেক্তর অসিদা নাকল অনিমক্না কান্নবা ফংনবগীদমক মতেং পাংমিন্নরিবা অদু খঙলদুনা লুচিংবশিংনা ভিয়েৎনামগী আইন অমসুং ইন্তর্নেস্নেল লো, মরুওইনা ১৯৮২গী য়ু.এন.সি.এল.ও.এস.গী মতুং ইন্না ভারতকী কম্পনীশিংনা শরুক য়ানীংলিবা অনৌবা ৱেলশিং শেমগৎপা য়াওনা এক্সপ্লোরেসন অমসুং প্রদক্সন এক্তিবিতীশিং হেন্না হেনগৎহন্নবা য়ান্নখি।

ই-কম্মর্স অমসুং দিজিতেল ইকোনোমীগী মরুওইবা হেনগৎলক্লিবা অসি খঙলদুনা লুচিংবশিংনা রিজনেল অমসুং গ্লোবেল ভেল্যু চেনশিংদা মপুং ফানা অমসুং তুং কোইনা পুনশিনবগীদমক ই-কম্মর্সতা শরুক য়াবা ঙম্নবা, মরুওইনা এম.এস.এম.ই.শিংবু মতেং পাংনবা অমসুং মখোয়গী গ্রোথপু সপোর্ত তৌনবা রিগুলেসনশিং অমসুং পোলিসীশিং শেমগৎপদা এক্সপরিয়েন্সশিং শেয়র তৌদুনা লমশিং অসিদা মতেং পীনবা য়ানখি।

হেল্থ

লুচিংবশিংনা হকশেলগী লমদা মতেং পীনবা হেনগৎহন্নবা মখোয়গী ফিরেপ অদু অমুক হন্না ফোংদোক্নখি। ভারতকী ফার্মাস্যুতিকেল ইন্দস্ত্রীনা খুমাং চাউশিল্লকপশিং অদু খঙলদুনা, নাকল অনিমক্না ২০২৭দগী ভিয়েৎনামগী পব্লিক হেল্থকেয়র ফেসিলিতীশিংগীদমক হিদাক-লাংথক পুথোকপদা ভারতকী কম্পনীশিংনা শরুক য়াবগী ওইথোকপা য়াবা পাম্বৈশিং থিজিনবা য়ানখি। তেক্নোলোজীগী মরুওইবা হেনগৎলক্লিবা অসি খঙলদুনা, হেল্থ সেক্তরদা এ.আই. শীজিন্নবা য়াওবা মখোয়না হেল্থকেয়রগী দিজিতেল ত্রান্সফোর্মেসনদা তেংবাং পীনবদা পুক্নিং থৌগৎখি।

লৈবাক অনিমক্তা ত্রেদিস্নেল মেদিসিনগী মতম শাংনা লৈরক্লবা পুৱারী অমসুং ইনাক খুল্লবা হেরিতেজ অসি য়েংলগা লুচিংবশিংনা লৌশিং, রিসর্চ অমসুং খ্বাইদগী ফবা থৌওংশিং শন্দোক্নবা অমসুং ইনস্তিত্যুস্নেল লিঙ্কশিং হেন্না নকশিন্নবা পুক্নিং থৌগৎনবা য়ানখি। মখোয়না ত্রেদিস্নেল মেদিসিনগী মতাংদা এম ও য়ু অমসুং ভিয়েৎনামদা আয়ুর্বেদকী একাদেমিক চেয়র অমা লিংখৎনবগী মতাংদা প্রপোজ তৌরিবা এম ও য়ু অসি মপুং ফাহনবগী মায়কৈদা চংশিল্লিবা খোংজেল অদু তরাম্না ওকখি।

দিফেন্স অমসুং সেক্যুরিতী

দিফেন্স অমসুং সেক্যুরিতী কোওপরেসন অসি ভারত-ভিয়েৎনাম কম্প্রিহেন্সিব স্ত্রেতেজিক পার্তনরশিপকী মরুওইবা য়ুম্বী অমনি হায়না লুচিংবশিংনা অমুক হন্না ফোংদোকখি। লৈবাক অনিগী মরক্তা ঙাকশেলগী মরী হেনগৎলকপদা লমজিংদুনা লাক্লিবা ২০৩০ ফাওবগী ভারত-ভিয়েৎনাম দিফেন্স পার্তনরশিপকী জোইন্ত ভিজন স্তেতমেন্ত অসি ইফেক্তিব ওইনা ইমপ্লিমেন্ত তৌবগীদমক মখোয়না থাগৎপা ফোংদোকখি।

লুচিংবা অনিনা লৈবাক অনিগী অপুনবা কান্নবা অমসুং অখন্নবশিংদা য়ুম্ফম ওইদুনা দিফেন্স কোওপরেসনগী ত্রেদিস্নেল অমসুং ইমর্জিং এরিয়া অনিমক্তা মতেং পাংনবা অমসুং এঙ্গেজমেন্ত হেনগৎনবা য়ানখি। মসিগী মনুংদা দিফেন্স পোলিসী দাইলোগ, জোইন্ত এক্সরসাইজ, স্তাফ ৱাক, জোইন্ত রিসর্চ অমসুং অনৌবা দিফেন্স তেক্নোলোজীশিং কো-প্রদক্সন, নেভেল ভেসেল অমসুং এয়র ফোর্স এয়রক্রাফশিংনা পোর্ত কোলশিং হেনগৎহনবা, পিসকীপিং এক্তিবিতীশিং, ইনফোর্মেসন শেয়র তৌবা, হাইদ্রোগ্রাফী, দিফেন্স একজিবিসনশিং, কেপাসিতী বিল্দিং, দিফেন্স ইন্দস্ত্রিএল কোওপরেসন, মেরিতাইম সেক্যুরিতী, মেরিতাইম সেফতী, অমসুং ম্যুচুএল ইন্তরেস্ততা য়ুম্ফম ওইবা সর্চ অমসুং রেস্ক্যু ওপরেসনশিং অমসুং লৈবাক অনিগী মরু ওইবশিং য়াওরি, মসিনা হেন্না পাক চাউবা ইন্দো-পেসিফিক রিজনদা স্তেবিলিতী হেন্না পুরকপদসু শরুক তমগনি। লৈবাক অনিগী মরক্তা দিফেন্স সিস্তেমশিংগী প্রোক্যুর্মেন্তগী থবক হেনগৎহন্নবা মখোয়না ৱারেপ লৌখি।

ভারতনা ভিয়েৎনামদা পীখিবা দিফেন্স লাইন ওফ ক্রেদিৎ অসি ইমপ্লিমেন্ত তৌবদা লেপ্পা লৈতনা খুমাং চাউশিল্লকপদা লুচিংবশিংনা তরাম্না ওকখি। মসিনা ভিয়েৎনামগী দিফেন্স কেপাবিলিতীশিং মপাঙ্গল কনখৎহনবদা অমসুং বাইলেতরেল দিফেন্স কোওপরেসন হেনগৎহনবদা মতেং পাংলি।

লুচিংবা অনিনা ম্যুচুএল লোজিস্তিক সপোর্ত এগ্রীমেন্ত, সবমেরিন সর্চ অমসুং রেস্ক্যু সপোর্ত অমসুং কোওপরেসনগী মতাংদা য়ানা ৱারোল অমসুং দিফেন্স ইন্দস্ত্রিএল কোওপরেসন মপাঙ্গল কনখৎহন্নবা লেতর ওফ ইন্তেন্ত য়াওনা লৈবাক অনিগী দিফেন্স এগ্রীমেন্তশিং ইমপ্লিমেন্ত তৌবদা নুংঙাইবা ফোংদোকখি।

লুচিংবশিংনা ২০২৫গী মে থাদা ভিয়েৎনামগী সমুদ্র মনাক্তা নেভী অনিমক্না জোইন্ত হাইদ্রোগ্রাফিক সর্ভে পাংথোকখিবা অদু তরাম্না ওকখি অমসুং তুংলমচৎতা অসিগুম্বা এক্সরসাইজশিং অসি চাং নাইনা পাংথোক্নবা য়ানখি।

ভারতকী তেক্নিকেল অমসুং ইকোনোমিক কোওপরেসন (আই.তি.ই.সি.) প্রোগ্রামগী মখাদা ভিয়েৎনামগী দিফেন্স পর্সনেলশিংগীদমক্তা ভারতনা তেলিকম্ম্যুনিকেসন য়ুনিভর্সিতী (তি.সি.য়ু.), নেভেল একাদেমী, এয়রফোর্স কোলেজ, নহা ত্রাংদা ইন্দিয়ন আর্মী, নেভী অমসুং এয়র ফোর্স ত্রেনিং তীমশিংগী খুত্থাংদা কেপাসিতী বিল্দিংগীদমক পীরিবা ত্রেনিং অদু  ভিয়েৎনামনা থাগৎখি; নহা ত্রাংগী তি.সি.য়ু.দা আর্মী সোফৱেয়র পার্ক লিংখৎপদা ভারতনা মতেং পাংলি। লুচিংবা অনিনা ২০২৭-২০৩০ সাইকলগীদমক সাইবর সেক্যুরিতীগী মতাংদা আসিয়ান দিফেন্স মিনিস্তরশিংগী মীফম-প্লস এক্সপর্তস ৱার্কিং গ্রুপ (এ.দি.এম.এম.-প্লস ই.দবল্যু.জি.)দা লৈবাক অনিনা কো-চিয়র তৌখিবা অদু তরাম্না ওকখি।

লুচিংবশিংনা ভারতকী লো অমসুং জস্তিস মন্ত্রালয় অমসুং ভিয়েৎনামগী জস্তিস মন্ত্রালয়গী মরক্তা এম ও য়ুগী ইফেক্তিব ওইনা ইম্প্লিমেন্ত তৌদুনা লৈবাক অনিগী মরক্তা লিগেল অমসুং জুদিসিএলগী লমশিংদা মতেং পীনবা য়ানখি।

নাকল অনিমক্না ভিয়েৎনামগী পব্লিক সেক্যুরিতী মন্ত্রালয় অমসুং ভারতকী নেস্নেল সেক্যুরিতী কাউন্সিল সেক্রেতরিয়েৎকী মরক্তা তেংবাং পীনবা হেনগৎনবা য়ানখি। মখোয়না ইনফোর্মেসন শেয়র তৌবা, সাইবর সেক্যুরিতী, তেরোরিজম থেংনবা অমসুং অৱাংবা তেক্নোলোজীগী ক্রাইম, ত্রান্সনেস্নেল ক্রাইম, শেল লান্না শিজিন্নবা অমসুং ওনলাইন স্কেমশিং থেংনবা লমশিংদা তেংবাং পীনবা য়ানখি। মসিগী মথক্তা, ভারত-ভিয়েৎনাম সেক্যুরিতী দাইলোগ য়াওনা হৌজিক লৈরিবা কোওপরেসন মেকানিজমশিংবু ইফেক্তিব ওইনা শিজিন্নবগী মরুওইবা অদু নাকল অনিমক্না ফোংদোকখি।

লুচিংবা অনিনা অহানবা ইন্দিয়া-ভিয়েৎনাম সাইবর পোলিসী দাইলোগ মায় পাক্না পাংথোকখিবদা নুংঙাইবা ফোংদোকখি। মসিগী মনুংদা নাকল অনিমক্না সাইবর পোলিসীশিংদা হৌজিত্তি ওইরক্লিবা ফীভমশিং, সাইবর থ্রেৎ লেন্দস্কেপ, নাকল অনিগী ওইবা তেংবাং পীনবা হিরমশিং, অমসুং আই.সি.তি.গী হিরমশিংদা মল্তিলেতরেল ফোরমশিংদা পুন্না তৌবা ঙম্বগী মতিং অমসুং তেংবাং পীনবগী মতাংদা খন্ন-নৈনখি।

নাকল অনিমক্না লো এনফোর্সমেন্ত ওফিসরশিংগী ত্রেনিং অমসুং কেপাসিতী বিল্দিংদা তেংবাং পীনবা, প্রোফেস্নেল ত্রেনিংগীদমক তেংবাং পীনবা, সাইবর সেক্যুরিতী ইন্সিদেন্ত রেস্পোন্স স্কিল, য়ু.এন. পিসকীপমেন্ত, অমসুং অতৈ তেংবাং পীনবগী থবকশিংদা তেংবাং পীনবা য়াওনা সেক্যুরিতীগী লমদা এক্সপরিয়েন্স এক্সচেঞ্জ হেনগৎনবা অমসুং তেংবাং পীনবা য়ানখি।

মেরিতাইম

ভারত অমসুং ভিয়েৎনাম অসি চহি লিশিং কয়াগী মমাংদগী লৈরক্লবা মেরিতাইম লৈবাকশিংনি হায়বা খঙলদুনা লুচিংবা অনিনা মেরিতাইমগী লম অসি মখোয়গী মতেং পাংনবগী মরুওইবা য়ুম্বী অমনি হায়না মরুওইনা পনখি অমসুং নাকল অনিগী মরক্তা মেরিতাইমগী মতেং পাংনবগী মরী হেন্না চেৎশিলহন্নবা হায়খি। নাকল অনিগী ওইবা মেরিতাইম সেক্যুরিতী দাইলোগ অসিনা অমনা অমগী থাজবা হেনগৎহল্লে অমসুং অমনা অমগী অৱাবা হেন্না খঙবা হেনগৎহল্লে হায়না মখোয়না পনখি অমসুং মসি চাং নাইনা পাংথোক্নবগী মরুওইবা অদু ফোংদোকখি। মেরিতাইম দোমেন এৱারনেসকী লমদা তেংবাং পীনবা হেনগৎহন্নবা ভারতনা ইনফোর্মেসন ফ্যুজন সেন্তর, ইন্দিয়ন ওসিন রিজন (আই.এফ.সি.-আই.ও.আর.) দা ইন্তর্নেস্নেল লায়ায়ন্স ওফিসর অমা থাগৎপগীদমক ভিয়েৎনামনা ভারতকী মফমদা থাগৎপা ফোংদোকখি। প্রধান মন্ত্রী মোদীনা ভিয়েৎনামনা ইন্দো-পেসিফিক ওসিন ইনিসিএতিব (আই.পি.ও.আই.) দা য়াওরকপদা নুংঙাইবা ফোংদোকখি অমসুং ফ্রেমৱার্ক অদুগী মখাদা মতেং পীনবা হেনগৎহন্নবা থাজবা থমখি। আই.পি.ও.আই.গী ফ্রেমৱার্ককী মনুংদা ভিয়েৎনামনা ভারত অমসুং অতোপ্পা পার্তনরশিংগা লোইননা মখা তানা কোওর্দিনেৎ তৌগনি। আই.পি.ও.আই. অমসুং ইন্দো-পেসিফিক (এ.ও.আই.পি.) গী মতাংদা আসিয়ান আউৎলুক্কী মরক্তা মখা তানা সিনর্জীশিং শেমগৎকনি অমসুং ২০২৬দা আসিয়ান-ইন্দিয়া মেরিতাইম কোওপরেসনগী চহি অসিদা সবস্তেন্তিব কোওপরেসন প্রমোৎ তৌগনি।

লুচিংবা অনিমক্না ওসিন ওবজর্বিং প্লেৎফোর্মশিং, দেতা মেনেজমেন্ত, ওসিন প্রিদিক্সন অমসুং সর্ভিসশিং, কেপাসিতী বিল্দিং অমসুং মেরিতাইম সাইন্তিফিক রিসর্চ য়াওনা ওসিনোগ্রাফীদা তেংবাং পীনবা হেনগৎনবা য়ানখি। প্রধান মন্ত্রী মোদীনা ভিয়েৎনামগা পেনগাসিয়স ব্রিদিং অমসুং ফার্মিং ফেসিলিতীশিং লিংখৎপদা অমসুং ভারত্তা ম্যুসেলশিং ব্রিদিং অমসুং প্রোক্যুর্মেন্ত তৌবদা তেংবাং পীনবগীদমক তরাম্না ওকখি।

সাইন্স এন্দ তেক্নোলোজী, ক্রিতিকেল অমসুং ইমর্জিং তেক্নোলোজীশিং য়াওনা সাইন্স অমসুং তেক্নোলোজী

লুচিংবা অনিনা দিজিতেল তেক্নোলোজীগী মরুওইবা অদু অমুক হন্না ফোংদোকখি অমসুং ফাইনান্সিএল ইন্নোভেসন অমসুং দিজিতেল পেমেন্তকী মতাংদা রিজর্ব বেঙ্ক ওফ ইন্দিয়া অমসুং স্তেত বেঙ্ক ওফ ভিয়েৎনামগী মরক্তা এম ও য়ু সাইন তৌনবদা নুংঙাইবা ফোংদোকখি। নাকল অনিমক্কী তুরিজম অমসুং ললোন-ইতিকবু লায়থোকহল্লগদবা ক্যু.আর. কোদকী খুত্থাংদা রিতেল পেমেন্ত প্লেৎফোর্মশিংগীদমক লিঙ্কেজ প্রমোৎ তৌনবা মখোয়না য়ানখি।

লুচিংবশিংনা মরুওইবা অমসুং অনৌবা তেক্নোলোজীগী লমশিং হায়বদি দিজিতেল পব্লিক ইনফ্রাস্ত্রকচর, ৬জি, আর্তিফিসিএল ইন্তেলিজেন্স, স্পেস অমসুং ন্যুক্লিয়র তেক্নোলোজী, মেরিন সাইন্স, বাইওতেক্নোলোজী, ফার্মাস্যুতিকেল্স, এদভান্স মেতরিএলশিং অমসুং ক্রিতিকেল মিনরেলশিংদা মতেং পীননবা য়ানখি। কোওপরেসন অসিনা নাকল অনিমক্তা কান্নবা জোইন্ত রিসর্চ, আর অমসুং দি সেন্তরশিং, অমসুং প্রদক্ত দিবেলপমেন্তকুম্বা প্রেক্তিকেল ইনিসিএতিবশিংদা মীৎয়েং থমগনি।

লুচিংবশিংনা মখোয়গী ক্লাইমেৎ, সস্তেনেবল দিবেলপমেন্ত গোলশিং অমসুং ইনর্জী ত্রাঞ্জিসনগী মরুওইবশিং খঙখি অমসুং ক্লিন অমসুং রিন্যুএবল ইনর্জী, ক্লাইমেৎ অমসুং দিজাস্তর রেসিলিয়েন্ত তেক্নোলোজীশিংদা তেংবাং পীনবা য়ানখি। মখোয়না মিসন লাইফ (লাইফস্তাইল ফোর এনভাইরনমেন্ত) অমসুং ইন্তরনেস্নেল সোলর এলাইন্স (আই.এস.এ.) গুম্বা ইন্সতিত্যুসনশিংনা হীরম অসিদা লৌখৎলিবা থৌদাংশিং অদু খঙখি। ভারতনা গ্লোবেল বাইওফ্যুএলস এলাইন্স (জি.বি.এ.) দা য়াওনবা ভিয়েৎনামগী অপাম্ববু তরাম্না ওকখি। লুচিংবশিংনা কোলিসন ফোর দিজাস্তর রেসিলিয়েন্ত ইনফ্রাস্ত্রকচর (সি.দি.আর.আই.) না দিজাস্তর রিস্ক হন্থহন্নবা অমসুং রেসিলিয়েন্সতা ইন্তর্নেস্নেল কোওপরেসন প্রমোৎ তৌবদা মরুওইবা পীরি হায়নসু য়ানখি। স্মার্ত এগ্রিকলচর, সস্তেনেবল ৱাতর মেনেজমেন্ত অমসুং এয়র পোলুসন লাকশিনবদা দিজিতেল অমসুং এদভান্স তেক্নোলোজীশিং শীজিন্নবদা মখা তানা মতেং পাংনবা মখোয়না পুক্নিং থৌগৎখি।

লুচিংবশিংনা এতোমিক ইনর্জীবু শান্তি ওইনা শীজিন্নবগী লমদা মখা তানা মতেং পাংমিন্নবগী মতাংদা হরাওবা ফোংদোকখি অমসুং এতোমিক ইনর্জীগী মরিশুবা ইন্দিয়া-ভিয়েৎনাম জোইন্ত কম্মিতী মীফমদগী থোরকপা মখা তানা মতেং পাংমিন্নবগী তোঙান তোঙানবা পাম্বৈশিংদা মখা তানা থবক পায়খৎনবা য়ানখি। ভারতনা ভিয়েৎনামগী ন্যুক্লিয়র পাৱর সেক্তরদা শরুক য়ানবা কৌখিবগীদমক থাগৎপা ফোংদোক্লি। কোবাল্ত-৬০ সপ্লাই তৌবগীদমক ভিয়েৎনামনা ভারততা থাগৎপা ফোংদোকখি অমসুং ভিয়েৎনামদা মখা তানা সপ্লাই তৌনবগী মোদেলিতীশিং থিজিনবদা নাকল অনিমক্না য়ানখি।

ভিয়েৎনামদা আসিয়ান-ইন্দিয়া ত্রেকিং, দেতা রিসেপ্সন স্তেসন অমসুং দেতা প্রোসেসিং ফেসিলিতী লিংখৎনবগী মায়কৈদা খুমাং চাওশিল্লক্লিবা অদু মখোয়না পনখি। ভিয়েৎনামনা প্রোজেক্ত অসি অথুবা মতমদা লোইশিনবা ঙম্নবগীদমক মাগী মায়কৈদগী লেমহৌরিবা প্রোসেসশিং অথুবা মতমদা পাংথোক্নবা য়ানখি।

লুচিংবশিংনা আই.আর.ই.এল. (ইন্দিয়া) লিমিতেদ, ভারত সরকার অমসুং ইন্সতিত্যুৎ ফোর তেক্নোলোজী ওফ রেদিওএক্তিব এন্দ রিয়র ইলিমেন্তস, ভিয়েৎনাম সরকারগী ভিনাতোমগী মরক্তা রিয়র আর্থকী লমদা ম্যুচুএল কোওপরেসনগী মতাংদা এম.ও.য়ু. খুৎয়েক পীনববু তরাম্না ওকখি অমসুং মসিবু ঙন্না অমসুং মপুং ফানা ইমপ্লিমেন্ত তৌনবা হায়খি।

দিবেলপমেন্ত পার্তনরশিপ

লুচিংবা অনিনা লৈবাক অনিগী মরক্তা লৈরিবা চাউখৎ-থৌরাংগী ওইবা মরীবু থাগৎপা ফোংদোকখি। মসিগী মতেং অসি মেকোং-গঙ্গা কোওপরেসন ফ্রেমৱার্ক, আই.তি.ই.সি. প্রোগ্রামশিং অমসুং এজুকেস্নেল স্কোলরশিপকী মখাদা ক্বিক ইম্পেক্ত প্রোজেক্তশিং (কি.আই.পি.) ভিয়েৎনামগী প্রোভিন্স ৩৪গী মনুংদা প্রোভিন্স ৩২দা ভারতকী মতেংদগী ক্বালিফিকেসন ইম্প্লোয়মেন্ত প্রোজেক্ত ৬৬ পায়খৎলকপা অসিদা মখোয়না অপেনবা ফোংদোকখি। মসিগী খুদোংচাবশিং অসি লোকেল গবর্নমেন্ত অমসুং কম্ম্যুনিতীশিংনা মখোয়গী গ্রাসরুৎ সোসিও-ইকোনোমিক ইম্পেক্তকীদমক পাক শন্না থাগৎপা ফোংদোকখি।

লুচিংবশিংনা ভারতকী আই.তি.ই.সি. প্রোগ্রাম অসি নাকল অনিগী ওইবা চাউখৎ-থৌরাংগী কোওপরেসনগী মরুওইবা য়ুম্বী অমনি হায়না ফোংদোকখি। ভিয়েৎনামনা আই.তি.ই.সি. প্রোগ্রামগী খুত্থাংদা ভিয়েৎনামগী ওফিসিএলশিংগী কেপাসিতী শেমগৎপদা ভারতনা মপাঙ্গল কনবা অমসুং লেপ্তনা মতেং পাংলিবা অদু থাগৎপা ফোংদোকখি। মসিগী মনুংদা মখোয়গী মথৌ তাবশিং অদুগা চুনবা অখন্নবা ত্রেনিং কোর্সশিং অমসুং মহৈরোইশিং অমসুং স্কোলরশিংগীদমক আই.সি.সি.আর. স্কোলরশিপশিং য়াওরি।

লুচিংবশিংনা লৈবাক অনিগী য়ুনিভর্সিতীশিং, থিঙ্ক তেঙ্কশিং অমসুং অতোপ্পা ইন্সতিত্যুসনশিংগী মরক্তা মহৈরোইশিং, ফেকল্তী অমসুং রিসর্চ এক্সচেঞ্জশিং হেনগৎহন্নবা পুক্নিং থৌগৎখি। মখোয়না ভারতকী নালন্দা য়ুনিভর্সিতী অমসুং হো চি মিন নেস্নেল একাদেমী ওফ পোলিতিক্সকী মরক্তা এম.ও.য়ু. তৌনখিবা তরাম্না ওকখি।

কলচর, তুরিজম কোওপরেসন অমসুং পিপল-তু-পিপল একচেঞ্জশিং

২০২৫গী মে-জুন থাদা ভিয়েৎনামদা উৎনবগীদমক ভগবান বুদ্ধগী শেংলবা রেলিক্সশিং ভিয়েৎনামদা থাখিবগী ভারতকী থৌওংগীদমক থাগৎপা ফোংদোকখি। ভিয়েৎনামগী মীয়াম্না হোলী রিলিক্সকীদমক থম্লিবা অচেৎপা ফিরেপ অসিনা লৈবাক অনিগী মরক্তা লৈনরিবা অচেৎপা সিভিলাইজেসনেল বোন্দশিং, মান্নবা স্পিরিচুএল হেরিতেজ অমসুং অচেৎপা মরুপ-মপাং ওইবগী মরী অদু উৎলি হায়না লুচিংবশিংনা খঙখি।

লুচিংবশিংনা তুরিজম অসি মীয়ামগী মরক্তা লৈনরিবা মরী অমসুং শেন্মিৎলোন চাউখৎপগী মরুওইবা মচাক অমনি হায়না য়ানখি। তুরিজমগী লমদা তেংবাং পীননবা এম ও য়ু খুৎয়েক পীনখিববু মখোয়না তরাম্না ওকখি অমসুং কলচরেল অমসুং হেরিতেজ, মেদিকেল অমসুং ৱেলনেস তুরিজম য়াওনা তুং কোইনা চৎনবা য়াবা অমসুং ইনক্লুসিব ওইবা মওংদা তুরিজম চাউখৎহনবদা পুক্নিং থৌগৎনবা ৱারেপ লৌখি। প্রধান মন্ত্রী মোদীনা ভিয়েৎনামগী তুরিস্তশিং অমসুং পিলগ্রিমশিংবু ভারত্তা লৈবা বুদ্ধ সর্কিৎ চৎনবা বর্তন তৌখি। লৈবাক অনিগী মরক্তা হকথেংননা ফ্লাইৎশিং হেনগৎলকপদা মখোয়না তরাম্না ওকখি। মখোয়না মখোয়গী সিভিল এভিএসন ওথোরিতীশিংবু এয়র কনেক্তিবিতী হেনগৎহন্নবা খন্ননবা পুক্নিং থৌগৎখি।

লুচিংবশিংনা ২০২৬-২০৩০গীদমক কলচরেল একচেঞ্জ প্রোগ্রামদা খুৎয়েক পীনখিবা অদু তরাম্না ওকখি অমসুং কলচরেল একচেঞ্জ অমসুং মীয়ামগা মীয়ামগা লৈনরিবা মরী মখা তানা পুক্নিং থৌগৎনবা য়ানখি।

লৈবাক অনিগী মরক্তা লৈরিবা অচেৎপা সিভিলাইজেসনেল বোন্দশিং অদু পল্লদুনা লুচিংবশিংনা বুদ্ধিস্ত স্কোলরশিং, লম্বোইবশিং, পিলগ্রিমশিং অমসুং মহৈরোইশিংগী মরক্তা অহোংবা পুরক্নবা পুক্নিং থৌগৎখি। ভিয়েৎনামনা মাই সোন য়ু.এন.ই.এস.সি.ও. ৱার্ল্দ হেরিতেজ সাইৎ অমসুং ব্লোক এ, ঐচ অমসুং কেদা আরকিওলোজিকেল সর্ভে ওফ ইন্দিয়ানা নৌনা শেমগৎ-শাগৎপা অমসুং কঞ্জার্বেসনগী থবকশিং, অমসুং ভিয়েৎনামগী দাক লাক প্রোভিন্সতা ই অমসুং এফ ব্লোকশিং অমসুং নহান তাৱর প্রোজেক্ততা চত্থরিবা থবকশিং ঙাক-শেন্নবগীদমক ভারতকী অচেৎপা ফিরেপ অদুবু থাগৎপা ফোংদোকখি।

ভারতনা ভিয়েৎনামগী শহর অমসুং প্রোভিন্স কয়াদা চহিগী ওইনা পাংথোকপা ইন্তর্নেস্নেল দে ওফ য়োগকীদমক ভিয়েৎনামগী মতেং অদু থাগৎপা ফোংদোকখি। লুচিংবশিংনা লৈবাক অনিগী য়োগগী ইন্সতিত্যুসনশিংগী মরক্তা মতেং পীনবা ফোংদোকখি। লৈবাক অনিগী মরক্তা কলচরেল একচেঞ্জ হেঙ্গৎহন্নবা অমসুং দা নাং য়ুনিভর্সিতী অমসুং সোসিএল সাইন্স অমসুং হ্যুমেনিতিজ য়ুনিভর্সিতীদা আই.সি.সি.আর. চেয়র ওফ ইন্দিয়া স্তদিজ লিংখৎনবা মখোয়না য়ানখি।

লুচিংবশিংনা মুম্বাই অমসুং হো চি মিন সিতিগী মরক্তা মরুপ ওইবগী মরী অমসুং মতেং পীনবগী মতাংদা এম ও য়ু অমা খুৎয়েক পীনবদা তরাম্না ওকখি অমসুং অসিগুম্বা মতেং পীনবা অমসুং কনেক্তিবিতী অসি পুক্নিং থৌগৎখি।

মীওইবগী রিসোর্সশিংগী মোবিলিতীগী লমদা মতেং পীনবগী মরুওইবা অদু নাকল অনিমক্না ফোংদোকখি। নাকল অনিমক্না লেবর মার্কেৎ মোবিলিতীদা মতেং পীনবা য়াওনা নাকল অনিগী য়াইফনবা হীরমশিং খন্ননবা কন্সুলর দাইলোগ অমা লিংখৎপবু তরাম্না ওকখি।

রিজনেল অমসুং ইন্তরনেস্নেল কোওপরেসন

মালেমগী জিওপোলিতিকেল অমসুং ইকোনোমিক লেন্দস্কেপকী অহোংবা লাক্লিবা অসি খঙলদুনা লুচিংবা অনিনা ভারত অমসুং ভিয়েৎনামগী মরক্তা মালেমগী আইনদা য়ুম্ফম ওইবা, লমদম অসিদা অমসুং মসিগী ৱাংমদা শান্তি, স্তেবিলিতী, কোওপরেসন অমসুং চাউখৎপা পুরক্নবা মালেমগী ওইবা কাংলোন অমা পুথোক্নবগীদমক হেনগৎলক্লিবা স্ত্রেতেজিক কনভর্জেন্স অদুদা অকনবা ৱাফম থমখি। গ্লোবেল গবর্নান্সতা গ্লোবেল সাউথকী ভোইস অমসুং রোল মপাঙ্গল কনখৎহন্নবা মখোয়না হায়খি।

লুচিংবশিংনা য়ুনাইতেদ নেসন্স য়াওনা মল্তিলেতরেল ফোরমশিংদা তেংবাং পীনবা হেনগৎনবা য়ানখি। মল্তিলেতরেলিজমগীদমক মখোয়গী ফিরেপ অমুক হন্না ফোংদোক্লদুনা লুচিংবশিংনা য়ু.এন.এস.সি. য়াওনা ইন্তরনেস্নেল ওর্গনাইজেসনশিংদা রিফোর্মশিং পাংথোক্নবা অকনবা শৌগৎপা ফোংদোকখি। রিফোর্ম তৌরবা য়ু.এন.এস.সি.দা ভারতকী পর্মিনেন্ত মেম্বর ওইবগীদমক ভিয়েৎনামনা লেপ্তনা মতেং পাংলিবা অদু প্রধান মন্ত্রী মোদীনা থাগৎখি।

২০২৬দা ভারতনা ব্রিক্সকী চেয়রমেন ওইরকপদা ভিয়েৎনামনা নুংঙাইবা ফোংদোকখি। ভারতনা ব্রিক্স পার্তনর লৈবাক অমা ওইনা ভিয়েৎনামগী থৌদাং শৌগৎপদা থাজবা থম্লি।

ভারতকী এক্ত ইস্ত পোলিসী, ভিজন মহাসাগর অমসুং ইন্দো-পেসিফিক ভিজনগী মরুওইবা য়ুম্বী অমা ওইরিবা ভিয়েৎনাম অসি মেকোং সব-রিজন, আসিয়ান অমসুং ইন্দো-পেসিফিককা লোয়ননা ভারতকী এঙ্গেজমেন্তপু লমজিংলি হায়না লুচিংবশিংনা খঙখি। লুচিংবশিংনা ইন্দো-পেসিফিক লমদম অসি ফ্রী, ওপন অমসুং কাঙলোনশিংদা য়ুম্ফম ওইবা লমদম অমা ওইহন্নবা মখোয়গী অপুনবা মীৎয়েং অদু অমুক হন্না ফোংদোক্নখি। ভিয়েৎনামনা রিজনেল শান্তি, তংদু লৈতাবা অমসুং চাউখৎপা পুরক্নবা লমদমগী ওইবা আর্কিতেকচরদা এসিয়ান য়ুনিতী অমসুং এসিয়ান সেন্ত্রেলিতীদা ভারতনা লেপ্পা লৈতনা মতেং পাংলিবা অদু থাগৎপা ফোংদোকখি। নাকল অনিমক্না আসিয়ান-ইন্দিয়া কম্প্রিহেন্সিব স্ত্রেতেজিক পার্তনরশিপ মখা তানা মপাঙ্গল কনখৎহনবদা মতেং পাংখি।

অকিবা পীবা নত্ত্রগা ফোর্স শীজিন্নবা তৌদনা মরু ওইনা ১৯৮২ য়ুনাইতেদ নেসন্স কনভেন্সন ওন দি লো ওফ ওফ সী (য়ু.এন.সি.এল.ও.এস.), ইন্তরনেস্নেল লোগী মতুং ইন্না য়েৎনবশিং শান্তি ওইনা ৱারোইশিন পুরক্তুনা চাউখৎপা অমসুং সেক্যুরিতীগী মরক্তা লৈনরিবা মরী অদু পল্লদুনা লুচিংবশিংনা শান্তি, তংদু লৈতাবা, সেক্যুরিতী অমসুং সাউথ চাইনা সীদা নেভিগেসন অমসুং ওভরফ্লাইৎ তৌবগী নীংতম্বা ঙাক্তুনা থম্বগী মরুওইবা অদু অমুক হন্না ফোংদোকখি। লুচিংবশিংনা ক্লেম তৌরিবা লৈবাকশিং অমসুং অতোপ্পা লৈবাকশিংনা থবক থৌরম পুম্নমক পাংথোকপদা মিলিতরাইজেসন তৌদনবা অমসুং মশা-মরোমদোম লেপচবা অমসুং ফিভম অসি হেন্না লুশিলহল্লকপা নত্ত্রগা শান্তি অমসুং তংদু লৈতাহন্দ্রিবা থবকশিং তৌদনবা মরুওইবা পীখি। লুচিংবশিংনা হায়খি মদুদি য়ু.এন.সি.এল.ও.এস. অসি অচৌবা সমুদ্র অমসুং সমুদ্রশিংদা পাংথোকপা থবক থৌরম পুম্নমকপু লৈঙাক্লিবা অপুনবা আইনগী ফ্রেমৱার্কনি। লুচিংবশিংনা দিক্লেরেসন ওন দি কন্দক্ত ওফ পার্তীজ ইন দি সাউথ চাইনা সী (দি.ও.সি.) অসি মপুং ফানা অমসুং ইফেক্তিব ওইনা ইমপ্লিমেন্ত তৌনবা অমসুং নেগোসিএসনশিং তৌবদা য়াওদবা পার্তী য়াওনা লৈবাক পুম্নমক্কী ফংফম থোকপা হক অমসুং ইন্তরেস্তশিংদা অকাইবা পীদনা য়ু.এন.সি.এল.ও.এস. য়াওনা ইন্তর্নেস্নেল লোগী মতুং ইন্না দাক্লরেসন ওন দি কন্দক্ত ওফ পার্তীজ ইন দি সাউথ চাইনা সী (দি.ও.সি.) গী মতাংদা সবস্তেন্তিব অমসুং ইফেক্তিব ওইবা কোদ ওফ কন্দক্ত অমগী মায়কৈদা নেগোসিএসনশিংগী থবকশিং অথুবা মতমদা লোইশিন্নবা হায়খি।

লুচিংবশিংনা তেরোরিজমগী মশক মওং খুদিংমক, ঙমখৈ লান্না চত্থবা তেরোরিজম য়াওনা অকনবা মওংদা য়ানিংদবা ফোঙদোকখি। মখোয়না তেরোরিজমদা জিরো তোলরেন্স থম্নবা অমসুং য়ু.এন. অমসুং এ.এ.তি.এফ.তি. লুচিংবশিংনা তেরোরিস্ত ফাইনান্সিং নেৎৱার্কশিং অমসুং সেফ হেভেনশিং থিংনবা, তেরোরিস্ত ইনফ্রাস্ত্রকচরশিং থুগাইবা অমসুং তেরোরিস্তশিংবু অথুবা মতমদা ৱায়েল পীনবা হায়খি।

জেনরেল সেক্রেতরী, রাস্ত্রপতি তো লমনা প্রধান মন্ত্রী মোদীবু মহাক অমসুং মহাক্কী মীহুৎ কাংবুদা উৎখিবা মীয়োক মীচান ফবগী মতৌ অমসুং নীংথিনা শিল-লাংখিবা অদুগীদমক থাগৎপা ফোংদোকখি। মহাক্না প্রধান মন্ত্রী মোদীবু ভিয়েৎনামদা লাক্নবা বর্তন তৌখি।

***