১. অসম, কেৰালা, পুডুচেৰী, তামিলনাডু আৰু পশ্চিমবংগৰ বিধানসভাৰ সাধাৰণ নিৰ্বাচন আৰু পাঁচখন ৰাজ্যৰ ৭খন বিধানসভাৰ আসনৰ উপ-নিৰ্বাচনৰ সময়ত আদৰ্শ আচৰণ বিধি (এমচিচি) কঠোৰভাৱে পালন কৰাটো নিশ্চিত কৰাৰ বাবে নিৰ্বাচন আয়োগে কেইবাটাও ব্যৱস্থা গ্ৰহণ কৰিছিল। পশ্চিমবংগৰ ১৪৪ টা বিধানসভা সমষ্টিৰ বাহিৰে এই ৰাজ্য/কেন্দ্ৰীয় শাসিত অঞ্চলসমূহত এতিয়া আৰু আদৰ্শ আচৰণ বিধি বলৱৎ নহয়।

২. নিৰ্বাচনৰ সময়ত আয়োগে মুখ্য সচিব, চিইঅ’, আৰক্ষী সঞ্চালকপ্ৰধান (ডিজিপি) আৰু নিৰ্বাচন অনুষ্ঠিত ৰাজ্য তথা কেন্দ্ৰীয় শাসিত অঞ্চলৰ জ্যেষ্ঠ বিষয়াসকলৰ লগতে বিধি বলৱৎকাৰী সংস্থাৰ মুৰব্বীসকলৰ সৈতে কেইবাখনো পৰ্যালোচনা বৈঠক অনুষ্ঠিত কৰে।

৩. হিংসামুক্ত, ভয়-ভাবুকিমুক্ত আৰু প্ৰৰোচনামুক্ত নিৰ্বাচন নিশ্চিত কৰিবলৈ আই আৰ এছ (আই টি), আই আৰ এছ (চি এণ্ড আই টি), আই এ এণ্ড এ এছ, আই আৰ এ এছ, আই ডি এ এছ, আই পি এণ্ড টি এ এফ এছ আৰু আই চি এ এছ, ৭,৪৭০টা ফ্লাইং স্কোয়াড টীম (এফ এছ টি) আৰু ৭,৪৭০টা ষ্টেটিক ছাৰ্ভিলেন্স টীম  (এছ এছ টি)ৰ ৩৭৬টা ব্যয় পৰ্যবেক্ষককো নিয়োগ কৰা হৈছিল।

৪. আই টি প্লেটফৰ্ম, যেনে- নিৰ্বাচনী সামগ্ৰী জব্দ ব্যৱস্থাপনা ব্যৱস্থা (ই এছ এম এছ)ৰ সহায়ত এই জব্দকৃত অভিযান সম্ভৱ হৈছিল। ইয়াৰ ফলত বিভিন্ন সংস্থাসমূহৰ মাজত সমন্বয় বৃদ্ধি পায় আৰু গুৰুত্বপূৰ্ণ তথ্যৰ আদান-প্ৰদান সম্ভৱ হৈ উঠে। ২০২৬ চনৰ ২৬ ফেব্ৰুৱাৰীতৰ পৰা ৬ মে’লৈকে ই এছ এম এছ সক্ৰিয় কৰাৰ পৰা জব্দ কৰা মুঠ সামগ্ৰীৰ সবিশেষ তলত দিয়া ধৰণৰ-

৫. এই তথ্যসমূহে দেখুৱাইছে যে ২০২১ চনৰ সাধাৰণ নিৰ্বাচনৰ তুলনাত এই ৰাজ্য/কেন্দ্ৰীয় শাসিত অঞ্চলসমূহত জব্দ কৰা সম্পত্তিৰ পৰিমাণ ৪০.১৪ শতাংশ বৃদ্ধি পাইছে। ২০২১ চনত এই জব্দকৃত সামগ্ৰীৰ মূল্য আছিল ১,০২৯.৯৩ কোটি টকা। পশ্চিমবংগত এয়া সৰ্বাধিক ৬৮.৯২ শতাংশ বৃদ্ধি পাইছে আৰু তামিলনাডুৰ ২০২১ চনৰ সাধাৰণ নিৰ্বাচনৰ একে সময়ছোৱাৰ তুলনাত ২০২৬ চনত জব্দ কৰা সম্পত্তিৰ পৰিমাণ ৪৮.৪০ শতাংশ বৃদ্ধি পাইছে।

**********

PK/GDH/RP/KD