ইনফোর্মেসন অমসুং ব্রোদকাস্তিং মন্ত্রালয়না মমিং লৈরবা শৈরেংবা অমসুং কম্ম্যুনিকেসন্স এক্সপর্ত শ্রী প্রসুন জোশিবু ভারতকী পব্লিক সর্ভিস ব্রোদকাস্তর, প্রসার ভারতীগী চিয়রমেন ওইনা খনখ্রে।

শ্রী জোশি অসি সহিত্য, এদভর্তাইজিং, সিনেমা অমসুং পব্লিক কম্ম্যুনিকেসনদা পাক চাউনা শরুক তমখিবগা লোয়ননা মশক থোকপা ক্রিএতিব প্রোফেস্নেল অমনি। মহাক্কী ইথিল পীরিবা অইবা অমসুং কলচরেল সেন্সিবিলিতী লৈবগীদমক খঙনরিবা মহাক্না ভারতকী কন্তেম্পোররী মীদিয়া নরেতিবশিং শেমগৎপদা মরু ওইবা থৌদাং অমা লৌখি। মহাক্কী ৱার্ক অসিনা লৈবাক শিনবা থুংবদা লৈরিবা পাক চাউবা ভাবোকশিংগা কন্নেক্ত তৌরিবা মমিং লৈরবা ফিল্মগী লিরিক্স, এদভর্তাইজিং কেম্পেনশিং, অমসুং খুন্নাইগী মমি তাবা ৱারীশিং কোনশিল্লি।

মহাকপু খল্লকপদা কেন্দ্রগী ইনফোর্মেসন অমসুং ব্রোদকাস্তিং মন্ত্রী, শ্রী অশ্বিনি বৈষ্ণবনা হায়খি, “প্রসার ভারতী বোর্দকী চিয়রমেন ওইনা শ্রী প্রসুন জোশিনা খল্লকপদা ঐহাক্না থম্মোয় শেংনা নুংঙাইবা ফোংদোকচরি। প্রসুনজী অসি এদভর্তাইজিং, সহিত্য, আর্ত অমসুং সিনেমাগী লমদা শীংথানিংঙাই ওইরবা অতাংবা ক্রিএতিব স্পিরিৎ অমনি, অদুবু মহাক্কী থম্মোয়না ভারতকীদমক লেপ্পী। মহাক্কী ৱাহৈশিংনা ঐখোয়গী লৈবাক অসিগী লৈনম চেল্লী অমসুং মহাক্কী ভিজননা মতম চুপ্পগী ওইবা ঐখোয়গী নাৎকী মরু ওইবা অদু তাক্লি। মহাক্কী লুচিং মখাদা প্রসার ভারতীনা অনৌবা ইনর্জী, হেন্না কান্নবা অমসুং অনৌবা ক্রিএতিব ভোইস অমা ফংলগনি। ঐহাক্না মহাকপু কাউঙমদ্রবা অমসুং কান্নরবা তেনর অমা ওইনবা য়াইফ-পাউজেল পীজরি।”

মসিগী এপোইন্তমেন্ত অসিগী মমাংদা, শ্রী জোশিনা ওগস্ত ২০১৭তগী সেন্ত্রেল বোর্দ ওফ ফিল্ম সর্তিফিকেসন (সিবি.এফ.সি.), মুম্বাইগী চেয়রপর্সন ওইনা থবক তৌরম্মি। মহাক্না ফিল্ম ইন্দস্ত্রীগী স্তেকহোল্দরশিংগা ৱারী শানদুনা ফিল্ম সর্তিফিকেসনগী থৌওং মপাঙ্গল কনখৎহনবদা তেংবাংখি। সি.বি.এফ.সি.দা মহাক্না থবক তৌরকপা মতমদা ক্রিএতিব এক্সপ্রেসন অমসুং রেগুলেতরী রেস্পোন্সিবিলিতীগী মায়কৈদা বেলেন্স এপ্রোচ অমা উৎখি। মমাংদা, মহাক্না মেককান ৱার্ল্দ গ্রুপ ইন্দিয়াগী সি.ই.ও. অমসুং মেককান ৱার্ল্দ গ্রুপ এসিয়া পেসিফিক (মেককান এরিকসনগী সবসিদিয়রী) গী চেয়রমেনসু ওইখি। মহাক্না ২০১৬দগী ইন্দিরা গান্ধী নেস্নেল সেন্তর ফোর আর্তসকী ত্রস্তীশিংগী মরক্তগী অমা ওইরি।

ক্রিএতিব ইন্দস্ত্রীজ অমসুং পব্লিক কম্ম্যুনিকেসনদা মহাক্কী পাক চাউবা এক্সপরিয়েন্সগা লোয়ননা, পব্লিক ব্রোদকাস্তিং অসি তেক্নোলোজীগী খোঙজেল য়াংনা হোংলক্লিবা ফিভম অমসুং মীচম মীয়ামগী অপাম্বা হেনগৎলক্লিবা তানফম অসিদা শ্রী জোশীনা প্রসার ভারতীগী লুচিংবদা অখন্নবা মীৎয়েং অমা পুরক্লগনি হায়না পানরি।

প্রসার ভারতীগী মতাংদা

প্রসার ভারতী (ব্রোদকাস্তিং কোর্পোরেসন ওফ ইন্দিয়া) এক্ত, ১৯৯০গী মখাদা লিংখৎখিবা অমসুং ১৯৯৭দগী থবক হৌরকখিবা, প্রসার ভারতী অসি ভারতকী স্তেচ্যুতোরি ওতোনোমস পব্লিক সর্বিস ব্রোদকাস্তরনি। মসিদা মরুওইবা দিভিজন অনি য়াওই:

• ওল ইন্দিয়া রেদিও (এ.আই.আর) - মালেমগী খ্বাইদগী চাউবা রেদিও নেৎৱার্কশিংগী মনুংদা অমা ওইরিবা, ভারতকী শহর অমসুং খুঙ্গংগী মীওই লাখ কয়াদা লোল অমসুং দাইলেক্ত কয়াদা শন্দোক্লি।
• দুরদর্শন (দি.দি.) – ভারতকী নেস্নেল তেলিভিজন ব্রোদকাস্তরনি, মসিনা পাউ, এজুকেসন, এন্তর্তেনমেন্ত অমসুং কলচরেল কন্তেন্ত য়াওনা প্রোগ্রামিং মখল কয়া অমা পীরি।

প্রসার ভারতীনা পব্লিক ব্রোদকাস্তিংগী ৱাখল্লোন্দা ফ্রী-তু-এয়র ও.তি.তি. সর্বিসশিং মপাঙ্গল কনখৎহন্নবা ৱেবস ও.তি.তি. প্লেৎফোর্মসু লোঞ্চ তৌখি।

প্রসার ভারতীনা ই-পাউ শন্দোকপদা, নেস্নেল ইন্তিগ্রেসন প্রমোৎ তৌবদা, কলচরেল হেরিতেজ ঙাকপদা অমসুং লৈবাক শিনবা থুংনা থাজবা য়াবা পব্লিক ব্রোদকাস্তিং সর্বিসশিং ফংহনবদা মরু ওইবা থৌদাং অমা লৌরি। অচৌবা তেরেস্তরিএল অমসুং দিজিতেল ফুতপ্রিন্স অমা লৈদুনা, মসিনা দিজিতেল প্লেৎফোর্মশিং, দি.তি.ঐচ. সর্বিসশিং, অমসুং আর্কাইবকী থৌরাংশিংগী খুত্থাংদা মাগী য়ৌশিনবা ঙম্বা মফমশিং পাকথোক চাউথোকহল্লক্লি।

***