નેશનલ હ્યુમન રાઈટ્સ કમિશન (NHRC), ભારત દ્વારા 21 રાજ્યો અને NCT-દિલ્હીને દેશમાં હીટ વેવ (લૂ) દરમિયાન સંવેદનશીલ વસ્તીના રક્ષણ માટે અગાઉથી પગલાં લેવા અને રાહત પગલાં અમલમાં મૂકવા માટે જણાવ્યું છે. આ રાજ્યોમાં આંધ્રપ્રદેશ, આસામ, બિહાર, છત્તીસગઢ, ગુજરાત, હરિયાણા, હિમાચલ પ્રદેશ, ઝારખંડ, કર્ણાટક, કેરળ, મધ્યપ્રદેશ, મહારાષ્ટ્ર, ઓડિશા, પંજાબ, રાજસ્થાન, સિક્કિમ, તમિલનાડુ, તેલંગાણા, ત્રિપુરા, ઉત્તર પ્રદેશ અને પશ્ચિમ બંગાળનો સમાવેશ થાય છે.

કમિશને અવલોકન કર્યું છે કે હીટ વેવની આવૃત્તિ, અવધિ અને તીવ્રતામાં વધારો, પર્યાપ્ત આશ્રય અને સંસાધનોના અભાવને કારણે હાંસિયામાં ધકેલાયેલા, આર્થિક રીતે નબળા વર્ગો, બહાર કામ કરતા શ્રમિકો અને નિરાશ્રીતોને અપ્રમાણસર રીતે અસર કરે છે. વૃદ્ધો, બાળકો, શિશુઓ અને નવજાત શિશુઓ અતિશય ગરમીની આરોગ્ય અસરો પ્રત્યે વિશેષ રૂપે સંવેદનશીલ હોય છે. વધારામાં, હીટ વેવ આજીવિકાના નુકસાન અને આગના અકસ્માતોના વધતા જોખમ તરફ દોરી શકે છે.

તેથી, કમિશને આ રાજ્યો અને કેન્દ્રશાસિત પ્રદેશ દિલ્હીના મુખ્ય સચિવોને લખેલા પત્રમાં સંકલિત અને સર્વસમાવેશક પગલાંની તાત્કાલિક જરૂરિયાત પર ભાર મૂક્યો છે. 2019-23 વચ્ચે ભારતમાં હીટ અથવા સનસ્ટ્રોકને કારણે 3,712 લોકોના નોંધાયેલા મૃત્યુ અંગેના નેશનલ ક્રાઈમ રેકોર્ડ બ્યુરો (NCRB)ના ડેટાને ટાંકીને, કમિશને તેમને હીટ વેવની અસર ઘટાડવા અને જાનહાનિ રોકવા માટે તેમના હાલના સ્ટાન્ડર્ડ ઓપરેટિંગ પ્રોસિજર (SOPs) અથવા નેશનલ ડિઝાસ્ટર મેનેજમેન્ટ ઓથોરિટી (NDMA) દ્વારા જારી કરાયેલ માર્ગદર્શિકા મુજબ રાહત પગલાંનું આયોજન કરવા અને તેના સીમલેસ અમલીકરણની સુવિધા આપવાનો આગ્રહ કર્યો છે.

કમિશને રાજ્ય/કેન્દ્રશાસિત પ્રદેશ સ્તરે જિલ્લાઓ પાસેથી સંકલિત એક્શન ટેકન રિપોર્ટ મંગાવ્યા છે.

SM/BS/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com