Ka Tnat Kam Pohiing jong ka Sorkar Pdeng
azadi ka amrit mahotsav

La plie ia ka jingpynrung kyrteng na ka bynta ki khusnam Padma Awards-2027 haduh ka 31 tarik Naitung, 2026

Ha ka: 27 APR 2026 3:00PM by PIB Shillong

Ki jingtyrwa na ka bynta ki khusnam Padma Awards 2027 ki ban sa pynbna ha ka sngi rakhe ia ka Republic Day, 2027 ki la sdang naduh ka 15 tarik u Lber, 2026. Ka tarik ba khatduh ban thep kyrteng na ka bynta ki khusnam Padma Awards ka long ha ka 31 tarik Naitung, 2026. Ka jingtyrwa na ka bynta ki khusnam Padma Awards kan long tang lyngba ka lad online ha ka rynsan Rashtriya Puraskar (https://awards.gov.in).

Ki Padma Awards, kata, ka Padma Vibhushan, Padma Bhushan bad Padma Shri, ki dei napdeng ki khusnam ba heh tam ba ki briew shimet jong ka ri ki lah ban ioh. La sdang ha u snem 1954, ia kine ki khusnam la pynbna ha ka sngi rakhe ia ka Republic Day man la u snem. Ka khusnam ka ialeh ban ithuh ia ka ‘jingtrei ba kyrpang’ bad la ai ia ka na ka bynta ki jingjop/jingshakri ba kyrpang ha baroh ki kam, kum, ka jingsaindur, ka thoh ka tar bad ka jingpule, ka kam ialehkai, ka jingsumar, ka jingtrei ha ka imlang sahlang, ka science bad engineering, ki kam paidbah, ka kam khaii bad ka kam karkhana bad kiwei kiwei. Baroh ki briew khlem da pyniapher ia ka jaitbynriew, ka kam, ka kyrdan ne shynrang ne kynthei ki lah ban ioh ia kine ki Khusnam. Ki nongtrei sorkar kynthup kito kiba trei bad ki PSU, lait noh ki Doktor bad ki Scientist, kim lah ban ioh ia ka khusnam Padma Awards.

Ka Sorkar ka thmu ban pynkylla ïa ki khusnam Padma sha ka “People’s Padma”. Baroh ki nongshong shnong, namarkata, la kyrpad ban ai kyrteng/jingai jingmut, kynthup ia ka jingai kyrteng hi. Lah ban pyrshang ban ithuh ia ki briew kiba don sap kiba ka jingtbit bad ki jingjop jong ki ka dei hok shisha ban ioh jingithuh na ki kynthei, ki bynta kiba kham tlot jong ka imlang sahlang, ki SC & ST, ki briew kiba don jingduna ha ki dkhot met bad kiba trei shitrhem na ka bynta ka imlang sahlang.

Ki jingthep kyrteng /jingai jingmut ki dei ban don baroh ki jingtip ba iadei ba la batai ha ka rukom ba lah ban ioh ha ka rynsan ba la kdew haneng, kynthup ia ka jingthoh kaba ai jingbatai (bym tam ia ka 800 kyntien), kaba pynpaw shai ia ki jingjop/jingshakri ba kyrpang jong u briew ba la ai jingmut ban ioh khusnam.

Ia ki jingtip ba bniah halor kane lah ban ïoh ruh hapoh ka phang ‘'Awards and Medals’ ha ka website jong ka Tnad kam Pohïing (https://mha.gov.in) bad ha ka runsan Padma Awards (https://padmaawards.gov.in ). Ki ain bad ki kyndon kiba iadei bad kine ki khusnam lah ban ioh ha ka website ryngkat bad ka link https://padmaawards.gov.in/AboutAwards.aspx.

 

*****


(Release ID: 2256051) visitor counter : 3
Pule ia kane ka kyrwoh khubor ha ka: Bengali , Assamese , English , Urdu , Marathi , हिन्दी , Manipuri , Bengali-TR , Punjabi , Gujarati , Odia , Telugu , Kannada , Malayalam