প্রধান মন্ত্রী শ্রী নরেন্দ্র মোদীনা ২০২৬গী এপ্রিল ২৭-২৮দা সিক্কিমদা চৎকনি। মহাক্না এপ্রিল ২৭গী নুংথিল পুং ৩ রোম তাবদা গেংতোক্তা থুংলগনি। এপ্রিল ২৮, অয়ুক পুং ৯.৩০ রোম তাবদা, প্রধান মন্ত্রীনা গেংতোক্তা লৈবা ওর্কিদেরিয়মদা চৎকনি। রাজ্য অসিগী ইকোলোজিকেল অমসুং ফ্লোরেল হেরিতেজ উৎনবগীদমক, স্বর্ণজয়ন্তী মৈত্রি মঞ্জরী পার্ক অসি অত্যাধুনিক, মালেমগী থাক্কী ওর্কিদ এক্সপরিয়েন্স সেন্তর অমা ওইনা শেমগৎখ্রে।

মসিগী মতুংদা, অয়ুক্কী পুং ১০ রোম তাবদা, প্রধান মন্ত্রীনা পলজোর স্তেদিয়মদা সিক্কিমগী রাজ্য ওইরকপগী চহি ৫০শুবা থৌরম লোইশিনবগী থৌরমদা শরুক য়াগনি। মফম অসিদা মহাক্না রাজ্য অসিদা লুপা করোর ৪,০০০ হেনবগী দিবেলপমেন্ত প্রোজেক্ত কয়া শঙ্গাগনি, হৌদোক্কনি অমসুং উরেপ উয়ুং তমগনি। থৌরম অদুদা প্রধান মন্ত্রীনা মীয়াম তিনবা মীফম অদুদা ৱা ঙাংগনি।

প্রোজেক্তশিং অসি ইনফ্রাস্ত্রকচর, কনেক্তিবিতী, হেল্থকেয়র, এজুকেসন, পাৱর, অর্বান দিবেলপমেন্ত, এনভাইরনমেন্ত, তুরিজম অমসুং এগ্রিকলচর য়াওনা সেক্তর কয়া অমা কোনশিল্লি। মসিগী পান্দমদি সিক্কিমদা হোলিস্তিক অমসুং ইনক্লুসিব দিবেলপমেন্ত খোংজেল য়াংশিনবনি।

হেল্থকেয়র সেক্তরদা, প্রধান মন্ত্রীনা নামচী দিস্ত্রিক্তকী য়াঙ্গোংদা ফমুং ১০০ লৈবা আয়ুর্বেদ হোস্পিতাল অমগী উরেপ উয়ুংসু তমগনি। মহাক্না এন.আই.তি. দেওরালীদা ফমুং ৩০ লৈবা ইন্তিগ্রেতেদ সোৱা রিগপা হোস্পিতাল অমসু শঙ্গাগনি। মসিনা রাজ্য অসিদা ত্রেদিস্নেল অমসুং ইন্তিগ্রেতিব সিস্তেম ওফ মেদিসিনগী খুদোংচাবা হেনগৎহল্লগনি।

এজুকেসন সেক্তরদা, প্রধান মন্ত্রীনা য়াঙ্গোংদা সিক্কিম য়ুনিভর্সিতীগী পর্মানেন্ত কেম্পস, চাকুংদা নেতাজী সুভাশ চন্দ্র বোস য়ুনিভর্সিতী ওফ এক্সেলেন্সকী এদমিনিস্ত্রেতিব ব্লোক, গেংতোক দিস্ত্রিক্তকী সোচাইগোংদা হেলেন লেপচা মেদিকেল কোলেজ অমসুং গিয়ালসিং দিস্ত্রিক্তকী দান্তামদা দান্তাম প্রোফেস্নেল কোলেজ শঙ্গাগনি। মহাক্না হি জিয়াথোংদা মোদেল রেসিদেন্সিএল স্কুলশিং, মঙ্গান দিস্ত্রিক্তকী মঙ্গশিলাদা অনৌবা মোদেল দিগ্রী কোলেজ অমসুং নামচি দিস্ত্রিক্তকী বুমতার গুম্পাদা মোনাস্তিক হোস্তেল-কুম ক্লাস রুম অমসু শঙ্গাগনি। মখা তানা, মহাক্না সিক্কিমগী স্কুল ১৬০দা আই.তি. শিজিন্নবা এজুকেসনগী ইনফ্রাস্ত্রকচর প্রোজেক্তশিং হৌদোক্কনি।

সিক্কিমদা কনেক্তিবিতী হেন্না ফগৎহন্নবগীদমক, প্রধান মন্ত্রীনা নামচী অমসুং গংতোক জিলাশিংগা শম্নহল্লিবা সিরৱানি অমসুং লোয়র সামদোংদা লৈবা তিস্তা তুরেলগী মথক্তা হিংজেদ দবল-লেন স্তীল আর্ক ব্রিজ অনিগী উরেপ উয়ুং তমগনি। মহাক্না কিচুদুমরাগী খুত্থাংদা বীরধংদগী নামচী ফাওবগী লম্বী পাকথোক-চাউথোকহনবা অমসুং মপাঙ্গল কনখৎহনবা হৌরগনি। মসিনা ইন্তর-দিস্ত্রিক্ত এক্সেসিবিলিতি হেনগৎহল্লগনি, ত্রাবেল ইফিসিএন্সী হেনগৎহল্লগনি, অমসুং মীওইশিং অমসুং পোৎ-চৈশিং চত্থোক-চৎশিন তৌবদা মতেং ওইরগনি।

পাৱর সেক্তরদা, লমদম অসিদা থাজবা য়াবা পাৱর সপ্লাই মপাঙ্গল কনখৎহন্দুনা প্রধান মন্ত্রীনা গেংতোকতা ত্রান্সমিসন অমসুং দিস্ত্রিব্যুসন (তি এন্দ দি) নেটৱার্ক ফগৎহনবা, অপগ্রেদ তৌবা অমসুং শেমগৎপগী থবক হৌদোক্কনি।

অর্বান দিবেলপমেন্ত অমসুং এদমিনিস্ত্রেতিব ইনফ্রাস্ত্রকচরগী লমদা, প্রধান মন্ত্রীনা লুমসীদা জন সেবা সাচিৱালয়া (মিনি সেক্রেতরিয়েৎ) অমসুং গংতোক্তা সিবিল সর্বিস ওফিসরশিংগী ইন্সতিত্যুৎ শঙ্গাগনি। মহাক্না সিক্কিম অর্বান গরীব অৱাস য়োজনা লিংদিংদা, পুলিস পার্সোনেলশিংগীদমক হাউজিং অমসুং এস.এ.পি. পাংথোংদা গ্রেদ  ⁇ সি ক্বার্টরশিং য়াওনা হাউজিং ইনিসিয়েতিবশিংসু শঙ্গাগনি। মসিগী মথক্তা, মহাক্না এম.জি. মার্গতা সদভ মন্দপ (পব্লিক য়ুতিলিতী সেন্তর) গী উরেপ উয়ুংসু তমগনি।

অকোয়বগী ফিভম ঙাক-শেনবগী থবকশিংগী শরুক অমা ওইনা, প্রধান মন্ত্রীনা সিংথাম শহরদা তুরেলগী পোলুসন হন্থহন্নবা থৌরাংগী মখাদা সিৱরেজ সিস্তেম শেমগৎনবা উরেপ উয়ুং তমগনি। মহাক্না গংতোককী জোন ৩দা রোরো চু তুরেলগী খুত্থাংদা রানি চু তুরেলগী পোলুসন হন্থহন্নবা স্কিমসু হৌদোক্কনি। মসিনা শহরগী সেনিতেসন অমসুং তুং কোইনা চৎকদবা ইকোসিস্তেমদা মতেং পাংগনি।

তুরিজম অমসুং লাইখুরুমগী সেক্তরদা, প্রধান মন্ত্রীনা গেংতোক্কী রিজ প্রিসিঙ্ক, সোরেংগী দোদকতা ইকো-তুরিজম অমসুং লাইখুরুমগী ইনফ্রাস্ত্রকচর, ১৮শুবা মাইল অমসুং হঙ্গু লেকতা ফেসিলিতীশিং য়াওনা কৈলাশ মনসরোবর য়াত্রাগা মরী লৈনবা ইনফ্রাস্ত্রকচর অমসুং নাম্ফিংগী কৃষ্ণ প্রনামি মঙ্গলধমদা য়াত্রী নিৱাস অমা শঙ্গাগনি। মহাক্না গিয়ালসিং জিলাগী সিলনোনদা ইকো-পিলগ্রিম কমপ্লেক্স অমগীসু উরেপ উয়ুং তমগনি।

প্রধান মন্ত্রীনা সিক্কিম ইফকো প্রোসেসিং প্লান্ত হৌদোক্কনি। মসিনা এগ্রো-প্রোসেসিংদা চাউনা ইনোৎ পীরগনি অমসুং রাজ্য অসিদা লৌমীশিংগী পুন্সি মহিং অমসুং ভেল্যু চেন মপাঙ্গল কনখৎহল্লগনি হায়না পানরি। প্রধান মন্ত্রীনা পকয়ং জিলাগী মাইনিং, রংপোদা ইনদোর ক্রিকেৎ ফেসিলিতীশিংসু উরেপ-উয়ুং তমগনি।

প্রধান মন্ত্রীগী খোংচৎ অসিনা সিক্কিমগী রাজ্য ওইবগী গোল্দন জুবিলী চহিদা মরুওইবা মাইলস্তোন অমা ওইরি অমসুং রাজ্য অমসুং অৱাং-নোংপোক লমদমগী খোঙজেল য়াংনা অমসুং তুং কোইনা চাউখৎনবা হৌজিক লৈরিবা সরকারগী অচেৎপা ফিরেপ অদু উৎলি।

***