প্রধানমন্ত্রীগী লোইশঙ
প্রধান মন্ত্রী এপ্রিল ২১ দা রাজস্থানদা চৎকনি
বালোত্রাগী পচপদ্রাদা ভারতকী অহানবা গ্রীনফিল্ড ইন্তিগ্রেতেদ রিফাইনরী-কম-পেত্রোকেমিকেল কমপ্লেক্স প্রধান মন্ত্রীনা লৈবাক্কী মফমদা কত্থোক্কনি
চাউরাক্না লুপা করোর ৭৯,৪৫০ হেন্না থাদদুনা MMTPA ৯ গী গ্রীনফিল্ড রিফাইনরী-কম-পেত্রোকেমিকেল কমপ্লেক্স অসি লিংখৎখিবনি
মতমগা চুনবা কমপ্লেক্স অসিনা রিফাইনিং অমসুং পেত্রোকেমিকেল পুথোকপবু অমত্তা ওইনা পুনশিল্লে
প্রোজেক্ত অসিনা ভারতকী ইনর্জী সিক্যুরিতী মপাঙ্গল কনখৎহনবা অমসুং পেত্রোকেমিকেলগী লমদা মরোমদোম লেপচবদা মরুওইবা থৌদাং লৌগনি
থাগৎখিবা:
20 APR 2026 12:22PM by PIB Imphal
প্রধান মন্ত্রী শ্রী নরেন্দ্র মোদীনা এপ্রিল ২১, ২০২৬ তা রাজস্থানদা চৎকনি। অয়ুক পুং ১১:৩০ তাবা মতাংদা, বালোত্রাগী পচপদ্রাদা লৈবা ভারতকী অহানবা গ্রীনফিল্ড ইন্তিগ্রেতেদ রিফাইনরী-কম-পেত্রোকেমিকেল কমপ্লেক্স প্রধান মন্ত্রীনা লৈবাক্কী মফমদা কত্থোক্কনি। মহাক্না থৌরম অদুদা মীয়ামগী মীফম অমদসু ৱা ঙাংগনি।
মশক নাইরবা প্রোজেক্ত অসিনা ভারতকী ইনর্জী অমসুং পেত্রোকেমিকেল সেক্তরদা মরুওইবা পন্দোল অমা ওইরি। হিন্দুস্তান পেত্রোলিয়ম কোর্পোরেসন লিমিতেদ (HPCL) অমসুং রাজস্থান লৈঙাক্কী মরক্তা জোইন্ত ভেঞ্চর অমা ওইনা শেমগৎলিবা চহিদা মিলিয়ন মেত্রিক তন ৯ (MMTPA ৯) পুথোকপা ঙম্বা গ্রীনফিল্ড রিফাইনরী-কম-পেত্রোকেমিকেল কমপ্লেক্স অসি লুপা করোর ৭৯,৪৫০ হেন্না থাদদুনা লিংখৎখিবনি।
মতমগা চুনবা কমপ্লেক্স অসিনা রিফাইনিং অমসুং পেত্রোকেমিকেল পুথোকপবু অমত্তা ওইনা পুনশিল্লে, মসিদা MMTPA ২.৪ গী পেত্রোকেমিকেল পুথোকপা ঙম্বগী মতিং লৈ। রিফাইনরী অসিদা ১৭.০ গী নেস্নেল কমপ্লেক্সিতী ইন্দেক্স অমসুং ২৬% হেন্না পেত্রোকেমিকেল পুথোকপা ঙমবা মচৎ য়াওরি, মসি মতিং অমসুং তুং কোইনা চৎনবা য়াবগী মালেমগী থাক্কা মান্নৈ।
প্রোজেক্ত অসিনা ভারতকী ইনর্জী সিক্যুরিতী মপাঙ্গল কনখৎহনবা, পেত্রোকেমিকেলগী লমদা মরোমদোম লেপচবা ঙমহনবগী মতিং লৈহনবা অমসুং ইন্দস্ত্রী চাউখৎহনবদা মরুওইবা থৌদাং লৌগনি হায়না থাজবা থম্লি। মসিনা লমদম অসিদা পেত্রোকেমিকেল অমসুং প্লাস্তিক পার্ক চাউখৎহনবদা এঙ্কর ইন্দস্ত্রী অমা ওইনা থবক তৌগনি, অমসুং দাউনস্ত্রীম ইন্দস্ত্রী অমসুং মরী লৈনবা অতৈ সেক্তরশিংবু পুক্নিং থৌগৎকনি। মসিগা ইরোয়ননা, রিফাইনরী অসিনা থবক ফংবগী অচৌবা খুদোংচাবশিং পীগনি অমসুং লমদম অসিগী মীয়ামগী শেল-থুম অমদি খুন্নাইগী ওইবা চাউখৎপদা শরুক য়াগনি।
***
(রিলিজ আই.দি.: 2253700)
ভিজিতর কাউন্তর : 14
রিলিজ অসি মসিদা পাবীয়ু:
Assamese
,
Odia
,
English
,
Urdu
,
Marathi
,
हिन्दी
,
Bengali
,
Bengali-TR
,
Punjabi
,
Gujarati
,
Telugu
,
Kannada
,
Malayalam