প্রধানমন্ত্রীগী লোইশঙ
প্রধান মন্ত্রীনা এম.পি.শিংগী মফমদা নারি শক্তি বন্দন আধিনিয়মগীদমক্তা ভোত পীনবা হায়খ্রে, মসিবু পুৱারী ওইরবা খুদোংচাবা অমনি হায়খ্রে
থাগৎখিবা:
17 APR 2026 2:13PM by PIB Imphal
প্রধান মন্ত্রী শ্রী নরেন্দ্র মোদীনা নারি শক্তি বন্দন আধিনিয়মগী এমেন্দমেন্ত তৌনবা পার্লিয়ামেন্ততা ৱা খন্নখি অমসুং খন্নবা অসি ঙরাং অয়ুক্কী অঙনবা পুং ১ ফাওবা চত্থখি হায়না ফোংদোকখি।
এমেন্দমেন্ত অসিগা মরী লৈনবা ভাব তানদবশিং ৱাখল তাবা পাউখুমশিংগা লোয়ননা খন্ন-নৈনখি অমসুং মেম্বরশিংনা হংলকপা ৱাহং খুদিংগী পাউখুম পীখ্রে হায়না মহাক্না হায়খি। তঙাই ফদবা অৱাৎপা ই-পাউ খুদিংমক মেম্বরশিংদা খঙহনখি অমসুং মসিনা ওপোজিনশিংগী ৱাহংশিংগী পাউখুম পীখি হায়না প্রধান মন্ত্রীনা মখা তাখি।
নুপীশিংগী ফম খাকপগী হীরম অসি চাউরাকপা চহি নিফুদগী রাজনিতীগী ওইনা খন্ন-নৈনদুনা লাকখি হায়না মিৎয়েং চঙলদুনা প্রধান মন্ত্রীনা লৈবাক্কী মীশিংগী শরুক তংখাই অমা ওইরিবা নুপীশিংদা হক্কী মতুং ইন্না মীহুৎ ওইহনবগী মতম অসি লাক্লে হায়না ফোংদোকখি।
নিংতম্লবা মতুংগী দিকেদ কয়াগী মতুংগী ৱারেপ লৌবগী থৌওংশিংদা নুপী য়াওহন্দবা হায়বসি অচুম্বা নত্তে অমসুং মসিবু চুম্থোকপগী মথৌ তাই হায়না মহাক্না হায়খি।
মসিগী মতাংদা লোক সভাদা অথুবা মতমদা ভোত থাদরগনি অমসুং রাজনিতী দল খুদিংনা নুপীগী ফম খাকপগী এমেন্দমেন্ত অসিদা ভোত পীদুনা ৱাখল তাবা ৱারেপ লৌনবা প্রধান মন্ত্রীনা হায়খি।
মহাক্না লৈবাক্কী নুপীশিংগী মহুৎ শিল্লগা ৱাফম থম্লদুনা নারি শক্তিদা অশোকপা অমত্তা লৈহন্দনবা পার্লিয়ামেন্তকী মেম্বরশিংনা থৌদাং লৌবীনবা হায়খি। নুপী করোর কয়ানা পার্লিয়ামেন্ত, মসিগী পান্দম অমসুং মসিগী ৱারেপশিংদা থাজবা থম্লি হায়না মহাক্না হায়খি।
প্রধান মন্ত্রীনা এম.পি. খুদিংদা মখোয়গী ইমুং, মমা, মচল-মচে, মচানুপী অমসুং লোইনবীশিংগী মতাংদা খন্দুনা অমসুং মখোয়গী নুংগী ৱাখল্লোন খঙলগা ৱারেপ লৌবীনবা হায়খি।
এমেন্দমেন্ত অসিদি লৈবাক্কী নুপীশিংগী সেবা তৌনবা অমসুং ইকায় খুম্ননবা অচৌবা খুদোংচাবা অমনি হায়না মহাক্না পল্লদুনা মসিগুম্বা অনৌবা খুদোংচাবশিং অসি শোইদনা ফংহন্নবা মেম্বরশিংগী মফমদা হায়খি।
প্রধান মন্ত্রীনা মশাদা থাজবা অমগা লোয়ননা করিগুম্বা এমেন্দমেন্ত অসি অয়েৎপা অমত্তা য়াওদনা চৎনবা তারবদি, মসিনা নারি শক্তিগা লোয়ননা লৈবাক্কী গনতন্ত্রগী মপাঙ্গল কনখৎহনগনি হায়না ফোংদোকখি।
প্রধান মন্ত্রীনা পুংফম অসিবু পুৱারী ওইবনি হায়রদুনা মেম্বরশিংনা অমত্তা ওইনা পুনশিন্দুনা লৈবাক্কী মীশিংগী শরুক তংখাই ওইরিবা নুপীশিংগী হক ওইরবা মীহুৎ ওইবগী খুদোংচাবা ফংহন্দুনা পুৱারী অমা শেম্লসি হায়না ফোংদোকখি।
প্রধান মন্ত্রীনা X তা অসুম্না থাগৎখি:
“নারি শক্তি বন্দন আধিনিয়মগী এমেন্দমেন্ত তৌনবা পার্লিয়ামেন্ততা ৱা খন্নখি অমসুং খন্নবা অসি ঙরাং অয়ুক্কী অঙনবা পুং ১ ফাওবা চত্থখি”।
“এমেন্দমেন্ত অসিগা মরী লৈনবা ভাব তানদবশিং ৱাখল তাবা পাউখুমশিংগা লোয়ননা খন্ন-নৈনখি অমসুং মেম্বরশিংনা হংলকপা ৱাহং খুদিংগী পাউখুম পীখ্রে। তঙাই ফদবা অৱাৎপা ই-পাউ খুদিংমক মেম্বরশিংদা খঙহনখি অমসুং মসিনা ওপোজিনশিংগী ৱাহংশিংগী পাউখুম পীখি।
নুপীশিংগী ফম খাকপগী হীরম অসি চাউরাকপা চহি নিফুদগী রাজনিতীগী ওইনা খন্ন-নৈনদুনা লাকখি। লৈবাক্কী মীশিংগী শরুক তংখাই অমা ওইরিবা নুপীশিংদা হক্কী মতুং ইন্না মীহুৎ ওইহনবগী মতম অসি লাক্লে।
নিংতম্লবা মতুংগী দিকেদ কয়াগী মতুংগী ৱারেপ লৌবগী থৌওংশিংদা নুপীশিংনা চাং নেম্না য়াওবা হায়বসি অচুম্বা নত্তে।
লোক সভাদা অথুবা মতমদা ভোত থাদরগনি। রাজনিতী দল খুদিংদা ঐহাক্না হায়জরি……..
ৱাখল তানা খন্থরবা মতুংদা ৱারেপ অমা লৌবীয়ু; নুপীগী ফম খাকপগী মায়কৈদা ভোত পীবিয়ু।
লৈবাক্কী ‘নারি শক্তি’ – নুপীশিং – অসিগী মহুৎ শিন্দুনা ঐহাক্না মেম্বরশিংনা নুপীশিংগী ৱাখল নুংঙাইহন্দনবা থবক অমত্তা তৌবীদনবা হায়জরি।
লৈবাক্কী নুপী মিলিয়ন কয়া অমনা ঐখোয়গী পান্দম অমসুং ৱারেপ্তা য়েংলি। নারি শক্তি বন্দন আধিনিয়মগী এমেন্দমেন্ত অসিবু শৌগৎপীয়ু”।
“ঐহাক্না পার্লিয়ামেন্তকী মেম্বর খুদিংমক্তা হায়জনীংই……
অদোমগী ইমুংদা লৈবা মমা, মচল-মচে, মচানুপী অমসুং লোইনবীশিংগী মতাংদা খন্দুনা অমসুং মখোয়গী নুংগী ৱাখল্লোন খঙবীয়ু….
মসিদি লৈবাক্কী নুপীশিংগী সেবা তৌনবা অমসুং ইকায় খুম্ননবা মশক থোকপা তাঞ্জা অমনি।
খুদোংচাবা অসি মখোয়দগী মাঙহল্লোইসি।
করিগুম্বা এমেন্দমেন্ত অসি অয়েৎপা অমত্তা য়াওদনা চৎনবা তারবদি, মসিনা নারি শক্তিগা লোয়ননা লৈবাক্কী গনতন্ত্রগী মপাঙ্গল কনখৎহনগনি
লাকও….ঙসিদি ঐখোয় পুন্না পুৱারী শেমিন্নরসি। লৈবাক্কী মীশিং তংখাই ওইরিবা ভারতকী নুপীশিংদা মখোয়গী ফংফম থোকপা হক ফংহল্লসি”।
***
(রিলিজ আই.দি.: 2253201)
ভিজিতর কাউন্তর : 10
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Bengali
,
Bengali-TR
,
Assamese
,
Gujarati
,
Odia
,
Telugu
,
Kannada
,
Malayalam