প্ৰধানমন্ত্ৰীৰ কাৰ্যালয়
সাংসদসকলক নাৰী শক্তি বন্দন অধিনিয়ম সংশোধনীৰ সপক্ষে ভোটদান কৰিবলৈ প্ৰধানমন্ত্ৰীৰ আহ্বান আৰু ইয়াক ঐতিহাসিক সুযোগ বুলি অভিহিত
পোষ্ট কৰা হৈছে:
17 APR 2026 2:13PM by PIB Guwahati
প্ৰধানমন্ত্ৰী শ্ৰী নৰেন্দ্ৰ মোদীয়ে উল্লেখ কৰে যে নাৰী শক্তি বন্দন অধিনিয়মৰ সংশোধনী সন্দৰ্ভত বৰ্তমান সংসদত আলোচনা চলি আছে আৰু যোৱা নিশা ১ বজালৈকে আলোচনা অব্যাহত আছিল ।
তেওঁ কয় যে এই সংশোধনীক কেন্দ্ৰ কৰি থকা সকলো ভুল ধাৰণা যুক্তিসংগত প্ৰতিক্ৰিয়াৰে সমাধান কৰা হৈছে আৰু সদস্যসকলে উত্থাপন কৰা প্ৰতিটো উদ্বেগৰ সমাধান কৰা হৈছে। প্ৰধানমন্ত্ৰীগৰাকীয়ে লগতে কয় যে সকলো সদস্যক প্ৰয়োজনীয় তথ্য প্ৰদান কৰা হৈছে, যাতে বিষয়সমূহ বিৰোধীৰ বাবে স্পষ্ট হৈ পৰে।
মহিলা সংৰক্ষণৰ বিষয়টো প্ৰায় চাৰি দশক ধৰি ৰাজনৈতিক বিতৰ্কৰ সাক্ষী হৈ আহিছে বুলি গুৰুত্ব আৰোপ কৰি প্ৰধানমন্ত্ৰীগৰাকীয়ে কয় যে দেশৰ জনসংখ্যাৰ আধা অংশ গঠন কৰা মহিলাসকলে তেওঁলোকৰ সঠিক প্ৰতিনিধিত্ব লাভ কৰাটো নিশ্চিত কৰাৰ সময় এতিয়া আহিছে।
তেওঁ লক্ষ্য কৰে যে স্বাধীনতাৰ কেইবা দশকৰ পাছতো সিদ্ধান্ত গ্ৰহণ প্ৰক্ৰিয়াত মহিলাৰ নিম্ন প্ৰতিনিধিত্ব উপযুক্ত নহয় আৰু ইয়াক সংশোধন কৰাৰ প্ৰয়োজন আছে।
লোকসভাত শীঘ্ৰেই ভোটদানৰ সম্ভাৱনা আছে বুলি প্ৰধানমন্ত্ৰীয়ে অৱগত কৰে আৰু সকলো ৰাজনৈতিক দলক মহিলা সংৰক্ষণ সংশোধনীৰ সপক্ষে ভোটদান কৰি এক চিন্তাশীল আৰু স্পৰ্শকাতৰ সিদ্ধান্ত ল'বলৈ আহ্বান জনায়।
দেশৰ মহিলাসকলৰ ফালৰ পৰা আহ্বান জনাই তেওঁ সংসদৰ সকলো সদস্যক কোনো কাৰ্যই যাতে নাৰী শক্তিৰ ভাৱনাক আঘাত নকৰে সেয়া নিশ্চিত কৰিবলৈ আহ্বান জনায়। তেওঁ উল্লেখ কৰে যে কোটি কোটি মহিলাই সংসদ, ইয়াৰ অভিপ্ৰায় আৰু ইয়াৰ সিদ্ধান্তসমূহৰ ফালে চাই আছে।
প্ৰধানমন্ত্ৰীয়ে সাংসদসকলক তেওঁলোকৰ পৰিয়াল-মাতৃ, ভগ্নী, কন্যা তথা পত্নীৰ বিষয়ে চিন্তা কৰিবলৈ আৰু সিদ্ধান্ত লোৱাৰ সময়ত তেওঁলোকৰ আভ্যন্তৰীণ বিবেকৰ কথা শুনিবলৈ আহ্বান জনায়।
তেওঁ এই সংশোধনীখনক ৰাষ্ট্ৰৰ মহিলাসকলৰ সেৱা আৰু সন্মানৰ এক গুৰুত্বপূৰ্ণ সুযোগ বুলি বৰ্ণনা কৰি তেওঁলোকক নতুন সুযোগৰ পৰা বঞ্চিত নকৰিবলৈ সদস্যসকললৈ আহ্বান জনায়।
প্ৰধানমন্ত্ৰীয়ে আস্থা প্ৰকাশ কৰি কয় যে যদি এই সংশোধনী সৰ্বসম্মতিক্রমে গৃহীত হয়, ই নাৰী শক্তিৰ লগতে দেশৰ গণতন্ত্ৰক অধিক শক্তিশালী কৰিব।
ইয়াক এক ঐতিহাসিক মুহূৰ্ত বুলি অভিহিত কৰি তেওঁ ভাৰতৰ জনসংখ্যাৰ আধা অংশ গঠন কৰা মহিলাসকলক সঠিক প্ৰতিনিধিত্ব প্ৰদান কৰি ইতিহাস সৃষ্টি কৰাৰ অৰ্থে সকলো সদস্যক একত্ৰিত হ’বলৈ আহ্বান জনায়।
প্ৰধানমন্ত্ৰীয়ে এক্স-ত লিখিছে;
‘সংসদত বৰ্তমান নাৰীশক্তি বন্দন আইনৰ সংশোধনী সন্দৰ্ভত আলোচনা চলি আছে। যোৱা নিশাও এক বজালৈকে আলোচনা চলি আছিল।
সৃষ্টি হোৱা বিভ্ৰান্তিবোৰ দূৰ কৰিবলৈ এক যুক্তিসংগত উত্তৰ দিয়া হৈছে। সকলো সমস্যাৰ বুজ লোৱা হৈছে। যিবোৰ তথ্যৰ অভাৱ আছিল সেইবোৰো প্ৰতিজন সদস্যক দিয়া হৈছে। কাৰোবাৰ অন্তৰত প্ৰতিবাদৰ যি বিষয় আছিল সেয়াও সমাধান কৰা হৈছে।
মহিলা সংৰক্ষণৰ এই বিষয়ত চাৰি দশক ধৰি দেশত বহু ৰাজনীতি কৰা হৈছে। দেশৰ আধা জনসংখ্যাই ইয়াৰ অধিকাৰ নিশ্বয়কৈ লাভ কৰাৰ এতিয়া সময় হৈছে ।
স্বাধীনতাৰ ইমান দশকৰ পাছতো সিদ্ধান্ত গ্ৰহণ প্ৰক্ৰিয়াত ভাৰতৰ মহিলাসকলৰ প্ৰতিনিধিত্ব ইমান কম হোৱাটো ন্যায্য নহয়।
লোকসভা নিৰ্বাচনৰ ভোট গ্ৰহণ অতি সোনকালেই হ’ব। মই সকলো ৰাজনৈতিক দলক আহ্বান জনাইছো।
অনুগ্ৰহ কৰি সম্পূৰ্ণ সংবেদনশীলতাৰে চিন্তা কৰক আৰু সিদ্ধান্ত লওক, মহিলা সংৰক্ষণৰ সপক্ষে ভোট দিয়ক।
মই দেশৰ নাৰী শক্তিৰ হৈ সকলো সদস্যৰ ওচৰত প্ৰাৰ্থনা কৰিম.....নাৰী শক্তিৰ ভাৱনাক আঘাত কৰা কোনো কাম নকৰিব।
দেশৰ কোটি কোটি মহিলাৰ দৃষ্টি আমাৰ সকলোৰে ওপৰত আছে, আমাৰ উদ্দেশ্যৰ ওপৰত, আমাৰ সিদ্ধান্তৰ ওপৰত আছে। অনুগ্ৰহ কৰি নাৰী শক্তি বন্দন আইনৰ সংশোধনীৰ সমৰ্থন কৰক।’
‘মই সকলো সাংসদক কৈছো ..........
আপোনালোকৰ ঘৰৰ মা, ভনী, কন্যা আৰু পত্নীক স্মৰণ কৰি আপোনাৰ বিবেকৰ কথা শুনক.....
দেশৰ নাৰী শক্তিক সেৱা কৰা আৰু তেওঁলোকক অভিবাদন জনোৱাৰ এয়া এক উত্তম সুযোগ।
তেওঁলোকক নতুন সুযোগৰ পৰা বঞ্চিত নকৰিব।
যদি এই সংশোধনী সর্বসম্মতভাৱে গৃহীত হয়, তেন্তে দেশৰ নাৰী শক্তি অধিক শক্তিশালী হ’ব.... দেশৰ গণতন্ত্ৰ অধিক শক্তিশালী হ’ব।
আহক.... আজি একেলগে ইতিহাস ৰচনা কৰো। ভাৰতৰ মহিলাক.... দেশৰ আধা জনসংখ্যাক, তেওঁৰ অধিকাৰ দিয়ক।’
*****
MJPS/SS/ST/MK
(ৰিলিজ আই ডি : 2252970)
অতিথি কক্ষ : 11
ত এই ৰিলিজটো পঢ়ক:
English
,
Urdu
,
Marathi
,
हिन्दी
,
Bengali
,
Bengali-TR
,
Gujarati
,
Odia
,
Telugu
,
Kannada
,
Malayalam