ইনফোর্মেসন অমসুং ব্রোদকাস্তিং মন্ত্রালয়
সরকারনা অরানবা পাউ লাকশিনখ্রে; পি.আই.বি. ফেক্ত-চেক য়ুনিৎনা ফেক্ত চেক ২,৯০০ হেন্না থোকখ্রে
থাগৎখিবা:
01 APR 2026 3:39PM by PIB Imphal
ইনফোর্মেসন অমসুং ব্রোদকাস্তিং মন্ত্রালয়গী প্রেস ইনফোর্মেসন ব্যুরোগী মখাদা ফেক্ত চেক য়ুনিৎ (এফ.সি.য়ু.) অমা মথৌ তৌরি। এফ.সি.য়ু.না কেন্দ্র সরকারগা মরী লৈনবা শাশিন্নবা পাউ, অরানবা পাউ মশক খঙদোকই। ওথোরাইজ তৌরবা সোর্সশিংদগী পাউগী ওথেন্তিসিতী ভেরিফাই তৌরবা মতুংদা, এফ.সি.য়ু.না অচুম্বা পাউদু সোসিএল মীদিয়া প্লেৎফোর্মশিংদা ফোঙই। মসিগী মথক্তা, মসিনা নাগরিকশিংদা চীংননীংঙাই ওইবা পাউ ভেরিফিকেসন তৌনবগীদমক রিপোর্ত তৌনবা পুক্নিং থৌগৎলি, মসিনা অরানবা পাউ লাকশিনবদা মীয়াম্না শরুক য়াবা মপাঙ্গল কনখৎহল্লি।
এফ.সি.য়ু.না ভারত সরকারগা মরী লৈনবা তোঙান তোঙানবা ফেক ক্লেমশিং, দিপ ফেকশিং, এ.আই.না পুথোকপা অমসুং লান্না লমজিংগফবা ভিদিওশিং, নোতিফিকেসনশিং, চিথীশিং অমসুং ৱেবসাইতশিং য়াওনা মশক খঙদোকখ্রে। হৌজিক ফাওবদা ফেক-চেক ২৯১৩ পুন্না ফোঙখ্রে। ফেক চেক পুম্নমক এক্স, ফেসবুক, ইন্সতাগ্রাম, তেলিগ্রাম, থ্রেদশিং অমসুং ৱাৎসএপ চেনেল য়াওনা পি.আই.বি. ফেক চেক ওফিসিএল সোসিএল মীদিয়া প্লেৎফোর্মশিংদা ফংহল্লি।
ওপরেসন সিন্দুরগী মনুংদা, পি.আই.বি. ফেক চেক য়ুনিৎনা ওনলাইনদা শন্দোক্লিবা অরানবা পাউশিং অমসুং নুংশিন্দবা পোকহল্লিবা ৱারোলশিং মশক খঙদোকখি। মসিনা ফেক-চেক তৌদুনা অরানবা ৱাফমশিং খুদক্তা লাকশিন্দুনা অশেংবা পাউশিং পীরি অমসুং মীয়ামদা অচুম্বা পাউ ফংহনখি, মসিনা লান্না লমজিংবা অমসুং ভারতকী মায়োক্তা লৈবা ৱারোলশিং শন্দোকপা থিংবদা মতেং পাংখি। মিনিস্ত্রীনা ওপরেসন সিন্দুরগী মনুংদা দিজিতেল মেদিয়াদা অসিগুম্বা য়ু.আর.এল. ১৪০০ হেন্না ব্লোক তৌনবগী য়াথং থোকখ্রে।
দিজিতেল মীদিয়াদা পাউ অমসুং হৌজিক্কী থৌদোকশিং পুথোক্লিবা অমসুং ওনলাইন ক্যুরেতেদ কন্তেন্ত পুথোক্লিবা মীওইশিংগীদমক, ইনফোর্মেসন তেক্নোলোজী (ইন্তরমিদিয়রী গাইদলাইনশিং অমসুং দিজিতেল মীদিয়া ইথিক্স কোদ) রুলস, ২০২১ (আই.তি. রুলস, ২০২১) না কোদ ওফ ইথিক্স অমা পীরি অমসুং অসিগুম্বা পুথোক্লিবা মীওইশিংনা কোদ ওফ ইথিক্স থুগাইবগী মতাংদা লাকপা গ্রিভান্সশিং কোকহন্নবা থাক অহুমগী ইন্সতিত্যুস্নেল মেকানিজম অমা লৈহল্লগনি।
ইনফোর্মেসন অমসুং ব্রোদকাস্তিংগী রাজ্য মন্ত্রী দা. এল. মুরুগননা শ্রী লোক সভাদা শ্রী ভি কে শ্রীকান্দনগী স্তার তৌদবা ৱাহং অমগী পাউখুম পীরদুনা ই-পাউ অসি পীশিনখি।
*****
(রিলিজ আই.দি.: 2248172)
ভিজিতর কাউন্তর : 8
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Bengali
,
Assamese
,
Bengali-TR
,
Punjabi
,
Gujarati
,
Telugu
,
Kannada
,
Malayalam