প্ৰধানমন্ত্ৰীৰ কাৰ্যালয়
গুজৰাটৰ সানন্দত কেইন্স ছেমিকন প্ৰকল্প উদ্বোধন অনুষ্ঠানত দিয়া নিজ ভাষণত আলোকপাত প্ৰধানমন্ত্ৰী শ্ৰী নৰেন্দ্ৰ মোদীৰ
পোষ্ট কৰা হৈছে:
31 MAR 2026 4:54PM by PIB Guwahati
প্ৰধানমন্ত্ৰী শ্ৰী নৰেন্দ্ৰ মোদীয়ে গুজৰাটৰ সানন্দত কেইন্স টেকন’লজিৰ ছেমিকণ্ডাক্টৰ প্ৰকল্পৰ উদ্বোধনী অনুষ্ঠানত আলোকপাত কৰি এই প্ৰকল্পটোত উৎপাদন আৰম্ভ কৰে। মাইক্ৰন কাৰখানাত উৎপাদন আৰম্ভ কৰাৰ বাবে ২৮ ফেব্ৰুৱাৰীত তেওঁ সানন্দত উপস্থিত আছিল আৰু কেইন্সৰ বাবে ঠিক এমাহ পিছত উভতি আহিছে বুলি উল্লেখ কৰি প্ৰধানমন্ত্ৰীগৰাকীয়ে ভাৰতৰ ছেমিকণ্ডাক্টৰ যাত্ৰাৰ গতিৰ ওপৰত গুৰুত্ব আৰোপ কৰে। ‘এয়া কেৱল কাকতালীয় ঘটনা নহয়, ই ভাৰতৰ ছেমিকণ্ডাক্টৰ পৰিবেশতন্ত্ৰৰ বিকাশৰ গতিৰ প্ৰমাণ’, শ্ৰী মোদীয়ে মন্তব্য কৰে।
এক্সত এলানি পোষ্টত শ্ৰী মোদীয়ে কৈছেঃ
‘ভাৰতৰ ছেমিকণ্ডাক্টৰ পৰিবেশতন্ত্ৰৰ বাবে এইটো সঁচাকৈয়ে এক গৌৰৱৰ মুহূৰ্ত যে গুজৰাটৰ সানন্দত কেইন্স ছেমিকন অ’এছএটি সুবিধা উদ্বোধন কৰা হৈছে। ই ভৱিষ্যতৰ প্ৰযুক্তি আৰু উদ্ভাৱনৰ ক্ষেত্ৰত অগ্ৰণী হিচাপে ভাৰতৰ আত্মপ্ৰকাশৰ প্ৰচেষ্টাক উৎসাহিত কৰিব।’
‘‘মেক ইন ইণ্ডিয়া’ আৰু ‘মেক ফৰ দ্য ৱৰ্ল্ড’ৰ প্ৰসাৰ’
‘ভাৰতৰ ছেমিকণ্ডাক্টৰ উদ্যোগ বিভিন্ন ৰাজ্যত বিকশিত হৈ আছে, অসংখ্য যুৱক-যুৱতীৰ বাবে নতুন সুযোগৰ সৃষ্টি কৰিছে। আমি এতিয়া এই প্ৰচেষ্টাবোৰত আৰু অধিক পৰিসৰ যোগ কৰিবলৈ ছেমিকণ্ডাক্টৰ মিছন ২.০ত কাম কৰি আছো।’
‘এয়া ভাৰতৰ টেকেড!
প্ৰযুক্তি, এআই, ছেমিকণ্ডাক্টৰৰ ক্ষেত্ৰত আমাৰ উদ্যোগসমূহে সমগ্ৰ গ্ৰহটোকে উপকৃত কৰিব।’
***
MJPS/VJ/HS
(ৰিলিজ আই ডি : 2247724)
অতিথি কক্ষ : 4