حکومت ہند نے مغربی ایشیا کے موجودہ ابھرتے ہوئے حالات و واقعات سے میڈیا کو آگاہ رکھنے کے لیے اپنی رسائی جاری رکھتے ہوئے ، آج نیشنل میڈیا سینٹر میں اپنی باقاعدہ بات چیت کی ۔  بات چیت کے دوران ، پیٹرولیم اور قدرتی گیس ، بندرگاہوں ، جہاز رانی اور آبی گزرگاہوں ، امور خارجہ ، اور اطلاعات و نشریات کی وزارتوں کے نمائندوں نے ایندھن کی دستیابی ، سمندری کارروائیوں ، خطے میں ہندوستانی شہریوں کی مدد اور ان شعبوں میں استحکام کو یقینی بنانے کے لیے کئے جانے والے اقدامات سے متعلق تازہ ترین معلومات فراہم کیں ۔  میٹنگ میں بالواسطہ ٹیکسوں اور کسٹمز کے مرکزی بورڈ (سی بی آئی سی) کے سینئر افسران نے بھی شرکت کی اور ایکسائز ڈیوٹی سے متعلق حالیہ فیصلوں کے بارے میں تازہ ترین معلومات فراہم کیں ۔

ٹیکس اور محصولات سے متعلق تازہ ترین جانکاری

ٹیکس اور محصولات سے متعلق حالیہ اقدامات کو اجاگر کیا گیا ، جس کا مقصد سپلائی کے استحکام کی حمایت کرنا ہے ۔  بریفنگ میں کہا گیا کہ:

• مغربی ایشیا میں جاری بحران خاص طور پر پٹرولیم مصنوعات کی فراہمی میں رکاوٹوں کی وجہ سے ہندوستانی معیشت پر اثرات مرتب ہورہے ہیں۔
• بحران کے بعد ، بین الاقوامی خام تیل کی قیمتوں میں نمایاں اضافہ ہوا ہے ۔  پٹرول ، ڈیزل اور ہوائی جہازوں کے ایندھن (اے ٹی ایف) کی بین الاقوامی قیمتوں میں بھی تیزی سے اضافہ ہوا ہے ۔
• مارکیٹ کی موجودہ صورتحال ریفائنریوں کے لیے زیادہ بین الاقوامی قیمتوں پر پٹرولیم مصنوعات برآمد کرنے کے لیے ترغیبات پیدا کرتی ہے ۔
• حکومت نے صورتحال سے نمٹنے کے لیے بہتر اقدامات کئے ہیں۔
• ایکسپورٹ ڈیوٹیز اسپیشل ایڈیشنل ایکسائز ڈیوٹی (ایس اے ای ڈی) اور/یا  سڑک اور بنیادی ڈھانچہ کے سیس کی شکل میں عائد کی گئی ہیں ۔  یہ محصولات ہندوستان میں پیدا ہونے والے ڈیزل اور ہوائی جہازوں کے ایندھن (اے ٹی ایف) کی برآمد پر عائد کیے گئے ہیں ۔

 مطلع شدہ شرحوں کے مطابق:

• ڈیزل پر برآمدی محصول: 21.50 روپے فی لیٹر
• ہوائی جہازوں کے ایندھن پر برآمدی محصول: 29.50 روپے فی لیٹر
• موجودہ کریک مارجن کی بنیاد پر پٹرول پر برآمدی محصول فی الحال صفر ہے ۔

• شرحوں کا ہرپندرہ دن پر جائزہ لیا جائے گا ۔
• ان اقدامات کا مقصد ڈیزل اور اے ٹی ایف کی گھریلو دستیابی کو ترجیح دینا ہے ۔
• ان اقدامات کا مقصد عالمی سطح پر غیر یقینی کی صورتحال کے درمیان ملک کے لیے توانائی کی فراہمی کو یقینی بنانا بھی ہے ۔  یہ غیر یقینی کی صورتحال سپلائی چین میں رکاوٹوں اور دستیابی اور قیمت دونوں کے لحاظ سے بین الاقوامی بازاروں میں اتار چڑھاؤ کی وجہ سے بڑھ گئی ہے ۔
• برآمدات سے متعلق اقدامات کے علاوہ گھریلو استعمال کے لیے پٹرول اور ڈیزل پر ایکسائز ڈیوٹی میں بھی تبدیلیاں کی گئی ہیں ۔
• ان تبدیلیوں میں پٹرول اور ڈیزل دونوں پر گھریلو خصوصی اضافی ایکسائز ڈیوٹی جزو میں 10 روپے فی لیٹر کی کمی شامل ہے ۔
• ان اقدامات کا مقصد اس بات کو یقینی بنانا ہے کہ جاری بحران کے دوران صارفین کے لیے پٹرول اور ڈیزل کی خردہ قیمتوں میں کوئی اضافہ نہ ہو۔
• صورتحال پر کڑی نظر رکھی جا رہی ہے ۔  محکمہ وقتا فوقتا پیش رفت کا جائزہ لے گا اور ضرورت کے مطابق مزید اقدامات کرے گا ۔

ایندھن کی فراہمی اور دستیابی

آبنائے ہرمز کی بندش کے تناظر میں پٹرولیم مصنوعات اور ایل پی جی کی بلا رکاوٹ  دستیابی کو یقینی بنانے کے لیے کئے جانے والے اقدامات کو اجاگر کرتے ہوئے ایندھن کی فراہمی کی موجودہ صورتحال پر ایک تازہ ترین معلومات شیئر کی گئیں ۔  اس میں کہا گیا کہ:

خام تیل اور ریفائنریاں

• تمام ریفائنریاں کافی خام انوینٹریز کے ساتھ اعلی صلاحیت پر کام کر رہی ہیں  اور پٹرول اور ڈیزل کا کافی ذخیرہ برقرار رکھا جا رہا ہے ۔
• گھریلو کھپت کو سہارا دینے کے لیے ریفائنریوں سے گھریلو ایل پی جی کی پیداوار میں 40 فیصد اضافہ کیا گیا ہے ۔

خردہ دکانیں

• ملک بھر میں تمام خردہ دکانیں معمول کے مطابق کام کر رہے ہیں ۔
• مشرق وسطی کے بحران کی وجہ سے خام تیل کی قیمتوں میں اضافے کے پیش نظر ، حکومت ہند نے صارفین کے تحفظ کے لیے پٹرول اور ڈیزل پر ایکسائز محصول میں 10 روپے فی لیٹر کی کمی کی ہے ۔
• حکومت نے مناسب گھریلو دستیابی کو یقینی بنانے کے لیے ڈیزل کی برآمد پر 21.5 روپے فی لیٹر اور ہوائی جہازوں کے ایندھن (اے ٹی ایف) کی برآمد پر 29.5 روپے فی لیٹر کا محصول بھی عائد کیا ہے ۔
• حکومت نے گھریلو ریفائنریز کو برآمد شدہ پٹرول کا 50 فیصد اور برآمد شدہ ڈیزل کا 30 فیصد گھریلو مارکیٹ میں سپلائی کرنے کا حکم دیا ہے ۔
• افواہوں کی وجہ سے کچھ علاقوں میں گھبراہٹ کی خریداری کی اطلاع ملی ہے ، جس کے نتیجے میں خردہ دکانوں پر غیر معمولی طور پر زیادہ فروخت اور لوگوں کی بھیڑ دیکھنے کو ملی ہے۔  تاہم ، ملک کے تمام پٹرول پمپوں پر پٹرول اور ڈیزل کا کافی ذخیرہ دستیاب ہے ۔
• حکومت نے عوام کو افواہوں پر یقین نہ کرنے کے اپنے مشورے کا اعادہ کیا ہے ۔

قدرتی گیس

• گھریلو پی این جی اور سی این جی ٹرانسپورٹ کو 100 فیصد سپلائی کے ساتھ ترجیحی طور پرمختص کرنے کا عمل جاری ہے ، جبکہ گرڈ سے منسلک صنعتی اور تجارتی صارفین کو سپلائی اوسط کھپت کے تقریبا 80 فیصد پر برقرار رکھی جارہی ہے ۔
• سٹی گیس ڈسٹری بیوشن (سی جی ڈی) اداروں کو مشورہ دیا گیا ہے کہ وہ ریستوراں ، ہوٹلوں اور کینٹین جیسے تجارتی اداروں کے لیے پی این جی کنکشن کو ترجیح دیں ۔
• آئی جی ایل ، ایم جی ایل ، گیل گیس اور بی پی سی ایل سمیت سی جی ڈی کمپنیاں گھریلو اور کمرشیل  پی این جی کنکشن کے لیے مراعات کی پیشکش کر رہی ہیں ۔
• حکومت ہند نے ریاستوں/مرکز کے زیر انتظام علاقوں اور مرکزی وزارتوں سے سی جی ڈی نیٹ ورک کی توسیع کے لیے درکار منظوری کے عمل میں تیزی لانے کی درخواست کی ہے ۔
• حکومت ہند نے 18 مارچ 2026 کے خط کے ذریعے ایل پی جی سے پی این جی میں منتقلی سے منسلک ریاستوں/مرکز کے زیر انتظام علاقوں کو کمرشیل ایل پی جی کے اضافی 10 فیصد مختص کرنے کی پیشکش کی ہے  اور اصلاحات کرنے والی ریاستوں کے لیے اضافی الاٹمنٹ کرنے کی سفارش کی گئی ہے ۔
• متعدد ریاستوں نے تیز رفتار پی این جی کے آغاز  کو آسان بنانے کے لیے اقدامات متعارف کرائے ہیں ، جن میں صارف کا حق/راستے کی اجازت کا حق ، کام کے اوقات میں توسیع اور چارجز کو معقول بنانا شامل ہے ۔
• پیٹرولیم اینڈ ایکسپلوزیو سیفٹی آرگنائزیشن (پی ای ایس او) نے اپنے دفاتر کو مشورہ دیا ہے کہ وہ سی جی ڈی کی درخواستوں کو 10 دن کے اندر ترجیحی بنیادوں پر نمٹائیں ۔
• پیٹرولیم اور قدرتی گیس سے متعلق انضباطی بورڈ (پی این جی آر بی) نے اپنے 23 مارچ 2026 کے حکم نامے میں سی جی ڈی اداروں کو ہدایت کی ہے کہ وہ اقامتی اسکولوں ، کالجوں ، ہاسٹلوں ، کمیونٹی کچن اور آنگن واڑی کچن کے لیے پی این جی کنکشن کو جہاں بھی ممکن ہو ، پانچ دن کے اندر ترجیح دیں ۔
• سڑک نقل و حمل اور شاہراہوں کی وزارت نے تین ماہ کی مدت کے لیے سی جی ڈی بنیادی ڈھانچے کے لیے کم وقت کے ساتھ ایک تیز تر منظوری فریم ورک اپنایا ہے ۔
• حکومت ہند نے 24 مارچ 2026 کے گزٹ کے ذریعے قدرتی گیس اور پیٹرولیم مصنوعات کی تقسیم کے آرڈر 2026 کو نوٹیفائی کیا ہے ، جو پائپ لائن کے بنیادی ڈھانچے کی توسیع اور آخری میل تک رابطے کو بڑھانے کے لیے ایک ہموار اور مقررہ وقت کا فریم ورک فراہم کرتا ہے۔
• سی جی ڈی اداروں نے پچھلے دن 110 جغرافیائی علاقوں میں 10,568 پی این جی کنکشن (نئے اور گیس) کی خبر دی ہے۔

ایل پی جی

• موجودہ جغرافیائی سیاسی صورتحال کی وجہ سے ایل پی جی کی سپلائی متاثر ہو رہی ہے ۔
• ایل پی جی ڈسٹری بیوٹرشپ پر  گیس کی کمی کی کوئی اطلاع نہیں ملی ہے ۔
• گھریلو ایل پی جی سلنڈروں کی ڈیلیوری معمول کے مطابق جاری ہے ۔
• حکومت نے پہلے ہی صارفین کو جزوی کمرشیل ایل پی جی سپلائی (20فیصد) بحال کر دی ہے ، جس میں اضافی 10فیصد مختص پی این جی اصلاحات سے منسلک ہے ۔
• حکومت ہند نے 21مارچ2026 کو جاری کردہ خط کے ذریعے ریستوراں ، ڈھابوں ، ہوٹلوں ، صنعتی کینٹین ، فوڈ پروسیسنگ/ڈیری ، سبسڈی والے کینٹین/ریاستی حکومت کے زیر انتظام آؤٹ لیٹس یا کھانے کے لیے مقامی ادارے ، کمیونٹی کچن ، مہاجر مزدوروں کے لیے 5 کلو ایف ٹی ایل تک ۔ جیسے کلیدی شعبوں کو ترجیح دینے کے ساتھ کل مختص رقم کو 50فیصد تک لے کر مزید 20فیصد مختص کرنے کی اجازت دی ہے۔
• حکومت ہند نے 27 مارچ 2026 کو جاری کردہ خط کے ذریعے کمرشیل ایل پی جی کے اضافی 20فیصدمختص کرنے کی منظوری دے دی ہے ، جس میں اسٹیل ، آٹوموبائل ، ٹیکسٹائل ، ڈائی ، کیمیکلز اور پلاسٹک کو ترجیح دینے کے ساتھ بحران سے پہلے کی سطح کے 70فیصد تک کل مختص کیا گیا ہے۔  اس میں پروسیسنگ انڈسٹریز یا خصوصی  طور پر زیادہ حرارتی مقاصد کے لیے ایل پی جی کی ضرورت والی صنعتوں کو ترجیح دی جائے گی جنہیں قدرتی گیس سے تبدیل نہیں کیا جا سکتا ۔
• گزشتہ روز5کلو گرام والے 40,000 فری ٹریڈ ایل پی جی سلنڈر فروخت ہوئے ۔
• 28 ریاستوں/مرکز کے زیر انتظام علاقوں نے غیر گھریلو ایل پی جی کے لیے الاٹمنٹ آرڈر جاری کیے ہیں ، جبکہ پی ایس یو آئل مارکیٹنگ کمپنیاں باقی علاقوں میں سپلائی کر رہی ہیں ۔
• 14 مارچ 2026 سے اب تک تقریباً 29,656 میٹرک ٹن کمرشیل ایل پی جی سیلنڈر کوپہنچایا جا چکا ہے ۔

مٹی کا تیل

• تمام ریاستوں/مرکز کے زیر انتظام علاقوں کو باقاعدہ الاٹمنٹ کے علاوہ 48,000 کلو لیٹر مٹی کا تیل مختص کیا گیا ہے ۔
• ریاستوں/مرکز کے زیر انتظام علاقوں سے درخواست کی گئی ہے کہ وہ ضلعی سطح پر تقسیم کے مقامات کی نشاندہی کریں ۔
• 17 ریاستوں/مرکز کے زیر انتظام علاقوں نے ایس کے او الاٹمنٹ کے احکامات جاری کیے ہیں ، جبکہ ہماچل پردیش اور لداخ نے کوئی ضرورت ظاہر نہیں کی ہے ۔

ریاستی حکومتوں/مرکز کے زیر انتظام علاقوں کا رول

• ضروری اشیاء سے متعلق قانون ، 1955 اور ایل پی جی کنٹرول آرڈر ، 2000 کے تحت ، ریاستی حکومتوں کو ذخیرہ اندوزی اورکالا بازاری کے خلاف کارروائی کرنے اور ضروری اشیاء کی فراہمی کو منظم کرنے میں بنیادی رول ادا کرنے کا اختیار حاصل ہے ۔
• حکومت ہند نے تمام ریاستوں/مرکز کے زیر انتظام علاقوں سے درخواست کی ہے کہ:

Ø روزانہ پریس بریفنگز کو ادارہ جاتی بنائیں اور باقاعدہ عوامی مشاورت جاری کریں ۔

Ø مخصوص کنٹرول روم اور ہیلپ لائنز قائم کریں ۔

Ø سوشل میڈیا پرگمراہ کن معلومات کی فعال طور پر نگرانی اور ان کا مقابلہ کریں ۔

Ø نفاذ کی مہمات کو تیز کریں اور باقاعدگی سے چھاپے ماری اور معائنہ کریں ۔

Ø کمرشیل ایل پی جی اور ایس کے او الاٹمنٹ آرڈر جاری کریں ۔

Ø آر او ڈبلیو/آر او یو منظوریوں سمیت فاسٹ ٹریک سی جی ڈی کی توسیع ۔

Ø پی این جی کو اپنانے اور متبادل ایندھن کو فروغ دیں ۔

Ø وزارت کے ساتھ ہم آہنگی کے لیے سینئر نوڈل افسران کو نامزد کریں ۔

14 ریاستیں/مرکز کے زیر انتظام علاقے روزانہ پریس بریفنگ کا انعقاد کر رہے ہیں ، جبکہ دیگر سے ایسا کرنے کی درخواست کی گئی ہے ۔

نفاذ کی کارروائی

• ریاستوں/مرکز کے زیر انتظام علاقوں میں نفاذ کی مہم جاری ہے ، جس میں 3,000 سے زیادہ چھاپے مارے گئے اور 1500 سے زیادہ ایل پی جی سلنڈر ضبط کیے گئے ۔
• پی ایس یو آئل مارکیٹنگ کمپنیوں نے ملک بھر میں خوردہ دکانوں اور ایل پی جی ڈسریبیوٹرشپ پر 1500 سے زیادہ اچانک معائنہ کیا ۔
• ایل پی جی ڈسریبیوٹرشپ کو 350 سے زیادہ وجہ بتاؤ نوٹس جاری کیے گئے ہیں ۔

دیگرحکومتی اقدامات

• حکومت اسپتالوں اور تعلیمی اداروں جیسے ضروری شعبوں کے ساتھ ساتھ گھریلو ایل پی جی اور پی این جی کی فراہمی کو ترجیح دے رہی ہے ۔
• اقدامات میں ریفائنری کی پیداوار میں اضافہ ، بکنگ کے نظر ثانی شدہ وقفے اور سپلائی کی ترجیحی تقسیم شامل ہیں ۔
• ایل پی جی کی مانگ کو کم کرنے کے لیے مٹی کے تیل اور کوئلے جیسے متبادل ایندھن کو فروغ دیا جا رہا ہے ۔
• کوئلے کی وزارت نے کول انڈیا اور سنگارینی کولیریز کو چھوٹے اور درمیانے درجے کے صارفین کو تقسیم کرنے کے لیے ریاستوں کو سپلائی بڑھانے کی ہدایت کی ہے ۔
• ریاستوں کو مشورہ دیا گیا ہے کہ وہ گھریلو اور تجارتی صارفین کے لیے نئے پی این جی کنکشن کی سہولت فراہم کریں ۔

عوامی مشاورت

• حکومت پٹرول ، ڈیزل اور ایل پی جی کی دستیابی کو یقینی بنانے کے لیے ہر ممکن کوشش کر رہی ہے اور شہریوں کو مشورہ دیا جاتا ہے کہ وہ گھبراہٹ میں خریداری سے گریز کریں ۔
• شہریوں کو مشورہ دیا جاتا ہے کہ وہ صرف سرکاری ذرائع پر انحصار کریں اور افواہوں پر یقین نہ کریں ۔
• ایل پی جی کے لیے صارفین سے درخواست کی جاتی ہے کہ وہ:

Ø بکنگ کے لیے ڈیجیٹل طریقوں کا استعمال کریں۔

Ø غیر ضروری طور پر ایل پی جی تقسیم کاروں کے پاس جانے سے گریز کریں ۔

• شہریوں کو متبادل ایندھن جیسے پی این جی اور برقی یا انڈکشن کک ٹاپ استعمال کرنے کی ترغیب دی جاتی ہے ۔
• تمام شہریوں سے درخواست کی جاتی ہے کہ وہ اپنے روزمرہ کے استعمال میں توانائی کا تحفظ کریں ۔

سمندری تحفظ اور جہاز رانی  کے آپریشنز

خلیج فارس میں موجودہ سمندری صورتحال کے ساتھ ساتھ ہندوستانی جہازوں اور عملے کے تحفظ کے لیے کیے جانے والے اقدامات سے بھی آگاہ کیا گیاہے۔  اس میں کہا گیا ہے کہ:

• خطے میں اس وقت موجود تمام ہندوستانی  بحری اہلکار محفوظ ہیں اور گزشتہ 24 گھنٹوں کے دوران ہندوستانی پرچم بردار جہازوں کے جہاز رانی کے کسی واقعے کی اطلاع نہیں ملی ہے ۔
• خلیج فارس کے مغربی علاقے میں تقریباً 540 ہندوستانی بحری اہلکاروں کے ساتھ 20 ہندوستانی پرچم بردار بحری جہاز موجود ہیں ۔  ڈائریکٹوریٹ جنرل آف شپنگ (ڈی جی شپنگ) جہاز مالکان ، آر پی ایس ایل ایجنسیوں اور ہندوستانی مشنوں کے ساتھ مل کر قریبی نگرانی جاری رکھے ہوئے ہے ۔
• ڈی جی شپنگ کنٹرول روم 24 گھنٹے 7 دن کام کر رہا ہے اور اس نے ایکٹیویشن کے بعد سے 4,326 کالز اور 8,556 ای میلز کونمٹایا ہے ، جن میں گزشتہ 24 گھنٹوں میں 98 کالز اور 335 ای میلز ، اور گزشتہ 48 گھنٹوں کے دوران 218 کالز اور 647 ای میلز شامل ہیں ۔
• ڈی جی شپنگ نے ہوائی اڈوں اور مختلف علاقائی مقامات سے اب تک 699 سے زیادہ ہندوستانی ملاحوں کی محفوظ وطن واپسی میں سہولت فراہم کی ہے ، جن میں گزشتہ 24 گھنٹوں میں 25 اور گزشتہ 48 گھنٹوں کے دوران 64 شامل ہیں ۔
• جیسا کہ گجرات ، مہاراشٹر ، گوا ، کیرالہ ، آندھرا پردیش اور پڈوچیری سمیت ریاستی بحری بورڈز نے تصدیق کی ہے ، ہندوستان کا سمندری شعبہ،بندرگاہوں پر کسی بھی طرح کی بھیڑ کی اطلاع کے بغیر آسانی سے کام کر رہا ہے ۔
• وزارت ہندوستانی ملاحوں کی فلاح و بہبود اور بلا رکاوٹ سمندری کارروائیوں کو یقینی بنانے کے لیے وزارت خارجہ ، ہندوستانی مشنوں اور سمندری شراکت داروں کے ساتھ تال میل جاری رکھے ہوئے ہے ۔
• بندرگاہوں ، جہاز رانی اور آبی گزرگاہوں کی وزارت مغربی ایشیا میں بدلتی ہوئی صورتحال کے پیش نظر جہاز وں کی آمدو رفت، بندرگاہ کی کارروائیوں ، ہندوستانی ملاحوں کی حفاظت اور سمندری تجارت کے تسلسل پر کڑی نظر رکھے ہوئے ہے ۔

خطے میں بھارتی شہریوں کی حفاظت

بریفنگکےدوران ، بھارتی مشنوں کےذریعےامدادسمیت خطےمیں حالیہ پیشرفت کااشتراک کیاگیا ۔  بریفنگ میں بتایاگیاکہ:

• وزیر خارجہ 26-27 مارچ  ، 2026  ء کو منعقد ہونے والے جی 7 وزرائے خارجہ کے اجلاس میں شرکت کے لیے فرانس کا دورہ کر رہے ہیں۔
• میٹنگ کے موقع پر ، وزیر خارجہ نے شریک ممالک کے اپنے ہم منصبوں کے ساتھ بات چیت کی ، جہاں انہوں نے دو طرفہ امور کے علاوہ مغربی ایشیا کی بدلتی ہوئی صورتِ حال پر بھی تبادلہ خیال کیا ۔
• وزیر خارجہ نے ان مصروفیات کے دوران فرانس ، کینیڈا ، جنوبی کوریا ، جاپان ، برازیل ، برطانیہ اور جرمنی کے وزرائے خارجہ سے  بھی ملاقات کی ۔
• وزیر خارجہ نے 26 مارچ  ، 2026  ء کو عالمی حکمرانی میں اصلاحات سے متعلق مدعو  کئے گئے شراکت داروں کے ساتھ جی 7 کے وزرائے خارجہ کے اجلاس سے خطاب کیا ۔
• اپنے خطاب کے دوران ، انہوں نے اقوام متحدہ کی سلامتی کونسل میں اصلاحات کی فوری ضرورت ، امن کی کارروائیوں کو ہموار کرنے اور انسانی بنیادوں پر سپلائی چین کو مضبوط کرنے کی ضرورت  کو اجاگر کیا ۔
• انہوں نے  عالم جنوب کے ، خاص طور پر توانائی کے چیلنجوں ، کھاد کی فراہمی اور خوراک کی تحفظ کے خدشات کو بھی اٹھایا  ۔
• 26 مارچ  ، 2026  ء کو جی 7 کے وزرائے خارجہ کے اجلاس کے دوسرے سیشن میں ، وزیر خارجہ نے اس بات سے آگاہ کیا کہ مغربی ایشیا میں تنازعات سے پیدا ہونے والی غیر یقینی صورتِ حال زیادہ لچکدار تجارتی راہداریوں اور سپلائی چین کی ضرورت کی نشاندہی کرتی ہے ۔
• وزارت خارجہ خلیج اور مغربی ایشیا کے خطے میں ہونے والی پیش رفت کی سخت نگرانی جاری رکھے ہوئے ہے ، جس میں بھارتی  برادری کے تحفظ، سلامتی اور فلاح و بہبود کو اولین ترجیح دی جارہی ہے ۔
• بھارتی  شہریوں اور ان کے اہل خانہ کی مدد کے لیے ایک مخصوص کنٹرول روم کام کر رہا ہے ، جس میں ریاستی حکومتوں اور مرکز کے زیر انتظام علاقوں کے ساتھ مسلسل ہم آہنگی برقرار رکھی جا رہی ہے ۔
• پورے خطے میں بھارتی  مشن اور پوسٹ چوبیس گھنٹے ساتوں دن   کام کرنے والی ہیلپ لائنز کے ساتھ چوبیس گھنٹے کام کر رہے ہیں ، باقاعدہ مشورے جاری کر رہے ہیں اور بھارتی  کمیونٹی تنظیموں اور مقامی حکام کے ساتھ قریبی  مصروفیت برقرار رکھے ہوئے ہیں ۔
• مشن  ، سمندری مسافروں ، پھنسے ہوئے بھارتی  شہریوں اور قلیل مدتی زائرین کو ویزا کی سہولت ، قونصلر خدمات اور لاجسٹک سپورٹ کے ساتھ فعال طور پر مدد فراہم کر رہے ہیں ۔
• حکومت خلیجی خطے میں بھارتی  طلباء کی فلاح و بہبود کو اولین ترجیح دے رہی ہے اور اس بات کو یقینی بنانے کی کوششیں کر رہی ہے کہ ان کا تعلیمی سال متاثر نہ ہو ۔
• مشن مقامی حکام ، بھارتی  اسکولوں اور تعلیمی بورڈوں بشمول سی بی ایس ای ، آئی سی ایس ای اور کیرالہ بورڈ کے ساتھ تال میل  بنائے ہوئے ہیں۔
• سی بی ایس ای اور آئی سی ایس ای بورڈز نے خطے میں دسویں اور بارہویں جماعت کے امتحانات منسوخ کر دیے ہیں ، جبکہ کیرالہ بورڈ نے امتحانات ملتوی کر دیے ہیں اور 6 اپریل کو صورتِ حال کا جائزہ لیں گے ۔
• نیشنل ٹیسٹنگ ایجنسی نے کویت ، دوبئی اور بحرین سے رجسٹرڈ امیدواروں کے لیے جے ای ای (مین) 2026 سمیت مسابقتی امتحانات کے انعقاد کے حوالے سے ایک ایڈوائزری جاری کی ہے ۔
• 28 فروری سے اب تک تقریبا ً 4,75,000 مسافر خطے سے بھارت واپس آئے ہیں ۔
• متحدہ عرب امارات میں ، ایئر لائنز آپریشنل تحفظات کی بنیاد پر محدود غیر طے شدہ پروازیں چلانا جاری رکھے ہوئے ہیں ، آج  بھارت کے لیے تقریباً  80 پروازیں چلنے کی توقع ہے ۔
• سعودی عرب اور عمان کے مختلف ہوائی اڈوں سے  بھارت کے مقامات کے لیے پروازیں چل رہی ہیں ۔
• قطر کی فضائی حدود جزوی طور پر کھل جانے کی وجہ سے توقع ہے کہ قطر ایئرویز آج  بھارت کے لیے تقریبا ً 10 پروازیں چلائے گی ۔
• کویتاور بحرین کی فضائی حدود بند رہیں گی ۔ جزیرہ ایئر ویز اور گلف ایئر  ،  سعودی عرب کے دمام ہوائی اڈے سے  بھارت کے مختلف مقامات کے لیے پروازیں چلا رہے ہیں ۔
• پرواز کی پابندیوں اور فضائی حدود کی بندش کی وجہ سے ، بھارتی  شہریوں کو متبادل راستوں کے ذریعے سفر کرنے میں سہولت فراہم کی جا رہی ہے  ، جن میں  مندرجہ ذیل شامل ہیں:

Ø ایران سے ارمینیا اور آذربائیجان کے راستے

Ø اسرائیل سے اردن کے راستے

Ø عراق سے اردن اور سعودی عرب کے راستے

Øکویت اور بحرین سےسعودی عرب کے راستے

• ابوظہبی میں ایک حملے میں ایک بھارتی  شہری اپنی جان سے ہاتھ دھو بیٹھا ۔ حکومت نے اہل خانہ سے تعزیت کا اظہار کیا ہے  اور مشن  ،  باقیات  کی جلد وطن واپسی کے لیے مقامی حکام کے ساتھ تال میل کر رہا ہے ۔
• اس واقعے میں ایک اور بھارتی  شہری کو معمولی چوٹیں آئیں اور اسے اسپتال سے  چھٹی دے دی گئی ہے ۔
• مختلف واقعات میں کل 7 بھارتی  شہری اپنی جان سے ہاتھ دھو بیٹھے ہیں اور 1 لاپتہ ہے ۔ عمان ، عراق اور متحدہ عرب امارات میں مشن  ، لاپتہ  افراد  کا سراغ لگانے اور لاشوں کی وطن واپسی میں سہولت فراہم کرنے کے لیے حکام سے رابطے میں ہیں ۔

عوامی مواصلات

وزارت اطلاعات و نشریات نے  بتایا کہ:

• حکومت ہند تمام شہریوں سے اپیل کرتی ہے کہ وہ لاک ڈاؤن جیسی افواہوں پر یقین نہ کریں اور سوشل میڈیا اور دیگر پلیٹ فارمز پر پھیلائی جانے والی فرضی خبروں اور غلط معلومات سے محتاط رہیں ۔
• اس سے پہلے ، ایل پی جی سلنڈروں کی کمی کے بارے میں افواہیں پھیلائی جا رہی تھیں ، جس کی وجہ سے کچھ علاقوں میں گھبراہٹ  کی وجہ سے بکنگ دیکھنے میں آئی ۔
• میڈیا کے تعاون اور حکومت کی طرف سے کی جانے والی کوششوں سے بعد میں گھبراہٹ  کی سجہ سے سلنڈروں کی بکنگ کم ہو گئی  ۔
• پچھلے کچھ دنوں سے پیٹرول اور ڈیزل کی قلت کے بارے میں اسی طرح کی افواہیں پھیلائی جا رہی ہیں ۔
• واضح رہے کہ ملک میں پٹرول اور ڈیزل کی سپلائی میں کوئی کمی نہیں ہے ۔
• شہریوں سے درخواست کی جاتی ہے کہ وہ پٹرول پمپوں پر جلدی نہ کریں یا گھبراہٹ میں خریداری نہ کریں ۔
• پٹرول اور ڈیزل کی مناسب سپلائی دستیاب ہے اور سپلائی چین مکمل طور پر کام کر رہی ہے  ۔
• بعض حلقوں میں افواہیں پھیلانے اور شہریوں میں غیر ضروری خوف و ہراس پیدا کرنے کی کوششیں کی جا رہی ہیں ۔ حکومت لوگوں پر زور دیتی ہے کہ وہ اس طرح کی غلط معلومات پر یقین نہ کریں اور نہ ہی اسے پھیلائیں ۔
• ریاستی حکومتوں سے بھی درخواست کی گئی ہے کہ وہ  فرضی خبریں اور غلط معلومات پھیلانے والوں کے خلاف مناسب کارروائی کریں ۔
• پیٹرول ، ڈیزل یا ایل پی جی سلنڈروں کی ذخیرہ اندوزی یا بلیک مارکیٹنگ کی کسی بھی کوشش کے خلاف بھی سخت کارروائی کی جائے ۔
• حکومت اس بات کا اعادہ کرتی ہے کہ پیٹرولیم مصنوعات یا ایل پی جی سلنڈروں کی کوئی کمی نہیں ہے  اور شہریوں کو گھبرانے یا پٹرول پمپوں یا تقسیم کاروں کی طرف جلدی کرنے کی ضرورت نہیں ہے ۔

********

ش ح۔ م ع۔ ا خ۔ م ش۔ م الف۔ اش ق۔ع ا

U. No.5035