പ്രധാനമന്ത്രിയുടെ ഓഫീസ്
ഖത്തർ അമീറുമായി സംസാരിച്ച് പ്രധാനമന്ത്രി
പ്രധാനമന്ത്രി ഈദ് ആശംസകൾ അറിയിക്കുകയും ഊർജ്ജ അടിസ്ഥാന സൗകര്യങ്ങൾക്ക് നേരെയുള്ള ആക്രമണങ്ങളിൽ അപലപിക്കുകയും ചെയ്തു
പോസ്റ്റഡ് ഓണ്:
19 MAR 2026 10:54PM by PIB Thiruvananthpuram
ഈദ് ആശംസകൾ കൈമാറുന്നതിനും പ്രാദേശിക സുരക്ഷാ ആശങ്കകൾ ചർച്ച ചെയ്യുന്നതിനുമായി പ്രധാനമന്ത്രി ശ്രീ നരേന്ദ്ര മോദി ഖത്തർ അമീർ ഷെയ്ഖ് തമീം ബിൻ ഹമദ് അൽ താനിയുമായി സംഭാഷണം നടത്തി.
ഷെയ്ഖ് തമീം ബിൻ ഹമദ് അൽ താനിയുമായി പ്രധാനമന്ത്രി സംസാരിക്കുകയും അദ്ദേഹത്തിനും ഖത്തർ ജനതയ്ക്കും ഹൃദയം നിറഞ്ഞ ഈദ് ആശംസകൾ അറിയിക്കുകയും ചെയ്തു. സംഭാഷണത്തിനിടെ ഖത്തറിനോടുള്ള ഇന്ത്യയുടെ ഐക്യദാർഢ്യം പ്രധാനമന്ത്രി ആവർത്തിച്ചു. മേഖലയിലെ ഊർജ്ജ അടിസ്ഥാന സൗകര്യങ്ങൾക്ക് നേരെയുള്ള ആക്രമണങ്ങളെ ശക്തമായി അപലപിക്കുകയും ചെയ്തു. ഖത്തറിലെ ഇന്ത്യൻ സമൂഹത്തിന് നൽകുന്ന കരുതലിനും പിന്തുണയ്ക്കും ശ്രീ മോദി നന്ദി രേഖപ്പെടുത്തി. മേഖലയിൽ സമാധാനവും സുസ്ഥിരതയും നിലനിൽക്കാനുള്ള തന്റെ ആഗ്രഹം അദ്ദേഹം പങ്കുവെക്കുകയും ചെയ്തു. ഹോർമുസ് കടലിടുക്കിലൂടെയുള്ള സുരക്ഷിതവും സ്വതന്ത്രവുമായ കപ്പൽ ഗതാഗതത്തിനായി തങ്ങളുടെ പങ്കിട്ട നിലപാട് ഇരു നേതാക്കളും ഉറപ്പിച്ചുപറഞ്ഞു.
പ്രധാനമന്ത്രി എക്സിൽ കുറിച്ചു:
"എന്റെ സഹോദരൻ ഖത്തർ അമീർ ഷെയ്ഖ് തമീം ബിൻ ഹമദ് അൽ താനിയുമായി സംസാരിക്കുകയും അദ്ദേഹത്തിനും ഖത്തർ ജനതയ്ക്കും ഹൃദ്യമായ ഈദ് ആശംസകൾ അറിയിക്കുകയും ചെയ്തു.
ഞങ്ങൾ ഖത്തറിനോട് ഐക്യദാർഢ്യം പ്രഖ്യാപിക്കുന്നുവെന്നും മേഖലയിലെ ഊർജ്ജ അടിസ്ഥാന സൗകര്യങ്ങൾക്ക് നേരെയുള്ള ആക്രമണങ്ങളിൽ ശക്തമായി അപലപിക്കുന്നുവെന്നും ആവർത്തിച്ചു.
ഇന്ത്യൻ സമൂഹത്തിന് നൽകുന്ന കരുതലിനും പിന്തുണയ്ക്കും നന്ദി അറിയിക്കുകയും മേഖലയിൽ സമാധാനവും സുസ്ഥിരതയും നിലനിൽക്കുമെന്ന് പ്രത്യാശ പ്രകടിപ്പിക്കുകയും ചെയ്തു.
ഹോർമുസ് കടലിടുക്കിലൂടെയുള്ള സുരക്ഷിതവും സ്വതന്ത്രവുമായ കപ്പൽ ഗതാഗതത്തിനായി ഞങ്ങൾ നിലകൊള്ളുന്നു."
***
SK
( റിലീസ് ഐ.ഡി: 2245812)
സന്ദര്ശക കൗണ്ടര് : 16
ഈ റിലീസ് വായിക്കുക:
English
,
Urdu
,
Marathi
,
हिन्दी
,
Assamese
,
Bengali
,
Manipuri
,
Punjabi
,
Gujarati
,
Telugu
,
Kannada