প্রধানমন্ত্রীগী লোইশঙ
প্রধান মন্ত্রীনা কতারগী অমিরগা লোয়ননা ৱারী শাখ্রে
পি.এম.না ইদকী য়াইফ-পাউজেল পীখ্রে অমসুং ইনর্জী ইনফ্রাস্ত্রকচরদা লান্দাখিববু য়ানিংদবা ফোংদোকখ্রে
থাগৎখিবা:
19 MAR 2026 10:54PM by PIB Imphal
প্রধান মন্ত্রী শ্রী নরেন্দ্র মোদীনা কতারগী অমির হিস হাইনেস শৈখ তামিম বিন হমাদ অল থানিগা ইদকী য়াইফ পাউজেল পীনবা ৱারী শানখ্রে অমসুং রিজনেল সেক্যুরিতীগী মতাংদা খন্নখ্রে।
প্রধান মন্ত্রীনা হিস হাইনেস শৈখ তামিম বিন হমাদ অল থানিগা ৱারী শানখি অমসুং মহাক অমসুং কতারগী মীয়ামদা য়াইফ-পাউজেল পীখি। খন্ন-নৈনবগী মনুংদা, প্রধান মন্ত্রীনা কতারগা লোয়ননা ভারতনা অমত্তা ওইনা লেপ্পী হায়না অমুক্কা হন্না ফোংদোকখি অমসুং লমদম অসিগী ইনর্জী ইনফ্রাস্ত্রকচরদা লান্দারকপশিং অদু অকনবা মওংদা য়ানিংদবা ফোংদোকখি। শ্রী মোদীনা কতারদা লৈরিবা ভারত মচাশিংদা পীরিবা মতেং অমসুং সপোর্তকীদমক থাগৎপা ফোংদোকখি অমসুং মহাক্না লমদম অসিদা শান্তি অমসুং তংদু লৈতাবা হঞ্জিনহন্নবগীদমক মহাক্কী অপাম্বা ফোংদোকখি। লুচিংবা অনিমক্না স্ত্রেত ওফ হোর্মজকী খুত্থাংদা শাফনা অমসুং অপনবা লৈতনা চৎথোক চৎশিন তৌবা য়াহন্নবা মখোয়গী মান্নবা ফিরেপ অদু অমুক হন্না ফোংদোক্নখি।
Xনা প্রধান মন্ত্রীদা ইখি:
“ঐহাক্না ঐহাক্কী ইনাও, কতারগী অমির, শেখ তামিম বিন হমাদ অল থানি অমসুং কতারগী মীয়ামদা ইদকী য়াইফ পাউজেল পীখি।
ঐখোয়না কতারগা অমত্তা ওইনা লেপ্পী অমসুং লমদম অসিগী ইনর্জী ইনফ্রাস্ত্রকচরদা চত্থরিবা এতেকশিং অদু কন্না য়ানিংদবা ফোংদোক্লি।
ভারতকী মীয়াম অদুদা পীরকপা মতেং অমসুং সপোর্ত অদুগীদমক থাগৎপা ফোংদোকখি অমসুং লমদম অসিদা শান্তি অমসুং তংদু লৈতাবা হঞ্জিনহন্নবা অপাম্বা ফোংদোকখি।
ঐখোয়না স্ত্রেত ওফ হোর্মজকী থোংদা শাফনা অমসুং অপনবা লৈতনা চৎথোক-চৎশিন তৌবা য়াহন্নবা মখোয়না অমত্তা ওইনা লেপখি।”
***
(রিলিজ আই.দি.: 2242786)
ভিজিতর কাউন্তর : 5