ریلوے کے مرکزی وزیر جناب اشونی ویشنو نے بھارتیہ ریلوے کے مقامی طور پر تیار کردہ آٹومیٹک ٹرین پروٹیکشن (اے ٹی پی) نظام کوچ کی پیشرفت کا جائزہ لیا۔ میٹنگ میں تعیناتی کو تیز کرنے، اور جدید ٹیکنالوجی سے فائدہ اٹھانے پر توجہ مرکوز کی گئی تاکہ ٹرین کے زیادہ موثر آپریشن کو یقینی بنایا جا سکے۔

تکنیکی ترقیات ڈرائیونگ کوچ

بھارتیہریلوے نےکوچ میں کئی جدید ترین اضافہ متعارف کرایا ہے۔ یونیورسل بریکنگ الگورتھم، جو کہ مختلف مینوفیکچررز میں بریک کے منحنی خطوط کو معیاری بناتا ہے، انٹرآپریبلٹی کو یقینی بناتا ہے اور بار بار آزمائشوں کو ختم کرتا ہے۔ بیس لائن سافٹ ویئر،اے آئی سے چلنے والے ڈیزائن آٹومیشن، اور انجنوں، انٹر لاکنگ سسٹمز، اور ٹریک مشینوں کے لیے انٹیگریشن انٹرفیسز میں نمایاں اپ گریڈ سسٹم کی مضبوطی کو مزید مضبوط کر رہے ہیں۔

ایک مرکزی نگرانی کا پلیٹ فارم،سرکشا، ایک متحد آپریشنز مینجمنٹ سسٹم کے طور پر تیار کیا جا رہا ہے تاکہ حقیقی وقت کی نگرانی، اورکوچ تنصیبات کی پیشن گوئی کی دیکھ بھال کے قابل ہو سکے۔

اب تک کی پیشرفت

اب تک 3,103 کلومیٹر روٹ پرکوچ کو نصب کیا جا چکا ہے۔ کوچ کا کام اس وقت 24,427 روٹ کلومیٹر پر جاری ہے، جس میں ہائی ڈینسٹی اور زیادہ استعمال کی گزرگاہیں شامل ہیں۔

ورژن 4.0 تعیناتی کے حصے کے طور پر:

دہلی-ممبئی اور دہلی-ہاؤڑا جیسے اہم کوریڈورز پر 1,638 کلومیٹر روٹ پہلے ہی شروع ہو چکے ہیں۔

حال ہی میں، بھارتیہ ریلوے نے دہلی-ہاوڑہ ہائی ڈینسٹی کوریڈور کے پریاگ راج-کانپور سیکشن کے 190 روٹ کلومیٹر پرکوچ کو شروع کیا ہے۔

ایک ہزار سات روٹ کلومیٹر پر ٹریک سائیڈ تنصیبات جاری ہیں۔

آپٹیکل فائبر کیبل 8,921 کلومیٹر پر بچھائی گئی ہے، جس میں 767 اسٹیشنوں پر 1,183 ٹیلی کام ٹاورز اور کاوچ ڈیٹا سینٹرز کی تنصیبات کی مدد سے تعاون کیا گیا ہے۔

کوچ کو 4,277 انجنوں پر نصب کیا گیا ہے۔

آٹھ ہزار نو سو انیاسی انجنوں پر کام جاری ہے۔

توسیعی منصوبے

کوچ کی تنصیب ایک پیچیدہ عمل ہے۔ اس کے نفاذ کو مزید وسعت دینے کے لیے، ریلوے اگلے دو سالوں میں کوچ نیٹ ورک کو 9,000 روٹ کلومیٹر تک بڑھانے کا منصوبہ بنا رہا ہے اور اس کے بعد اس کے سالانہ 10,000 روٹ کلومیٹر تک بڑھنے کی امید ہے۔

***

(ش ح۔اص)

UN No 4976