ভারতকী প্রধান মন্ত্রী, শ্রী নরেন্দ্র মোদীনা বর্তন তৌরুবদগী, ফ্রান্সকী রাস্ত্রপতি ঐচ.ই. শ্রী ইম্মান্যুএল মেক্রোননা ২০২৬গী ফেব্রুৱারী ১৭দগী ১৯ ফাওবা ভারতকী ওফিসিএল ভিজিৎ তৌখি অমসুং আর্তিফিসিএল ইন্তেলিজেন্স ইম্পেক্ত সম্মিৎ ২০২৬তা শরুক য়াখি। খোঙচৎ অসিগী মনুংদা লুচিংবা অনিনা লৈবাক অনিগী ওইবা ৱারী শানখি অমসুং ফেব্রুৱারী ১৭তা মুম্বাইদা ২০২৬ ইন্দিয়া-ফ্রান্স ইয়ার ওফ ইন্নোবেসন পুন্না হৌদোকখি। মসি রাস্ত্রপতি মেক্রোনগী মরিশুবা ভারত খোঙচৎনি অমসুং মসি ২০২৫গী ফেব্রুৱারীদা প্রধান মন্ত্রী মোদীগী ফ্রান্স খোঙচৎকী মতুংদা লাকপনি।

থৌরম অসিদা লুচিংবা অনিমক্না লাক্কদৌরিবা দিকেদশিংদা নাকল অনিগী ওইবা মতেং পীনবা লমজিংনবা "স্পিসিএল গ্লোবেল স্ত্রেতেজিক পার্তনরশিপ" অমা শেম্নবা য়ানখি। মরী অসি ফগৎলকপা অসিনা ভারত-ফ্রান্স মরীদা লুচিংবা অনিগী মরক্তা লৈরিবা চাউখৎলক্লিবা এম্বিশন অমসুং মিৎয়েং অদু উৎলি। মখোয়না মালেমগী অফবা অমগীদমক থৌদাং লৌদুনা মখোয়গী শেন্মিৎলোনদা চাউখৎপা অমসুং রেসিলিয়েন্স শেমগৎপদা অমসুং মখোয়গী লৈবাকশিংগী সেক্যুরিতী হেনগৎহনবদা মতেং পাংবতা নত্তনা মালেমগী অকোয়বগী ফিভমদা হেনগৎলক্লিবা অনিংবশিং অসি থেংননবা পুন্না থবক তৌমিন্নবা অমসুং অসুম্না নিয়মদা য়ুম্ফম ওইবা অচেৎপা মালেমগী ওইবা কাংলোন অমা শেমগৎপদা মতেং পাংগনি। লৈবাক অনিমক্না ২০২৩দা স্ত্রেতেজিক পার্তনরশিপকী ২৫শুবা চহিগী থৌরম পাংথোকখি। মসিগী থৌরম অদুদা মখোয়না ২০৪৭ ফাওবগী, ভারতকী নীংতম্বা চহি ১০০, লৈবাক অনিগী মরক্তা দিপ্লোমেতিক ওইবা মরীগী চহি ১০০ অমসুং স্ত্রেতেজিক পার্তনরশিপকী চহি ৫০ ফাওবগী নাকল অনিগী মরীগী লমজেল লেপ্নবা হোরাইজন ২০৪৭ রোদমেপ চৎনহনখি। লুচিংবশিংনা চহিগী ওইবা ফোরেন মিনিস্তর কম্প্রিহেন্সিব দাইলোগ অমা লিংখৎখি। মসিদা নাকল অনিগী ওইবা তেংবাং পীনবা অমসুং অৱাংবা থাক্কী পার্তনরশিপ অমসুং হোরাইজন ২০৪৭, মরুওইনা ইকোনোমিক সেক্যুরিতী, মালেমগী ওইবা ৱাফমশিং অমসুং মীয়ামগী মরক্তা ললোন-ইতিক তৌনবগী হীরমশিংদা থবক পায়খৎপগী খোংজেল চাং নাইনা য়েংশিনগনি।

ভারত অমসুং ফ্রান্সনা ঙাকশেল অমসুং সেক্যুরিতীগী লমদা পুন্না থবক তৌমিন্নবগী মতম কুইরবা পুৱারী লৈরি। মসিনা ঙাকশেলগী প্লেৎফোর্মশিং পুন্না দিজাইন তৌবা, পুন্না শেমগৎপা অমসুং পুন্না পুথোকপদা মীৎয়েং থমদুনা হেন্না চেৎশিল্লক্লি। লৈবাক অনিমক্না সিভিল ন্যুক্লিয়র ইনর্জীদা তেংবাং পীনবা হেনগৎহনখ্রে। অচৌবা কেপাসিতি ন্যুক্লিয়র পাৱর প্লান্তশিং অমসুং অপীকপা মোদ্যুলর রিএক্তরশিং অমসুং এদভান্স মোদ্যুলর রিএক্তরশিংগুম্বা অনৌবা লমশিংদা তেংবাং পীনবগী ওইথোকপা লৈবগী মতাংদা কান্নরবা খন্ন-নৈনবগী খুত্থাংদা তেংবাং পীনবা হেনগৎহনখ্রে। লৈবাক অনিমক্না স্পেসকী লমদা মতম শাংনা তেংবাংদুনা লাক্লি। মসিগী মনুংদা জোইন্ত সেতলাইত দিবেলপমেন্ত, লোঞ্চরশিং অমসুং হ্যুমেন ফ্লাইৎ প্রোগ্রামশিং য়াওরি। লৈবাক অনিমক্না আর্তিফিসিএল ইন্তেলিজেন্স, ইন্নোবেসন, রিসর্চ, তেক্নোলোজী, দিজিতেল অমসুং সাইবর স্পেস, হকশেল, কলচর, শেন্মিৎলোন, এজুকেসনেল লিঙ্কশিং অমসুং মীগা মীগা লান্থেংনবা অসিগুম্বা লমশিংদা তেংবাং পীনবা পাকথোক চাউথোকহনখ্রে। লৈবাক অনিগী মরক্তা ললোন-ইতিক অমসুং ইনভেস্তমেন্তকী মরীশিং হেন্না চেৎশিল্লক্লি অমসুং লৈবাক অনিমক্না থাজবা থম্বা, থাজবা য়াবা অমসুং রেসিলেন্ত সপ্লাই চেনশিং শেমগৎপদা অমসুং মখোয়গী শেন্মিৎলোনগী সেক্যুরিতী ঙাকপদা মতেং পাংমিন্নরি। স্পিসিএল গ্লোবেল স্ত্রেতেজিক পার্তনরশিপ অমা লিংখৎতুনা, ভারত অমসুং ফ্রান্সনা ইন্দিয়া-ফ্রান্স হোরাইজন ২০৪৭ রোদমেপ্না লমজিংদুনা, বাইলেতরেল, রিজনেল অমসুং গ্লোবেল থাক্তা হেন্না চেৎশিল্লবা কোওপরেসন অমসুং কোওর্দিনেসনগীদমক থাজবা থম্লি।

লুচিংবা অনিনা সাইন্তিফিক নোলেজ, রিসর্চ অমসুং ইন্নোবেসন অমসুং হীরমশিং অসিদা ভারত অমসুং ফ্রান্সকী মরক্তা মতম শাংনা লৈরক্লবা মরীগী মরুওইবা অদু খঙলদুনা ২০২৬তা ইন্দিয়া-ফ্রান্স ইন্নোবেসন ইয়ার পুন্না হৌদোকখি। চহি অসিদা ভারত অমসুং ফ্রান্সনা ইন্নোবেসন, সাইন্স অমসুং তেক্নোলোজী, সাইবরস্পেস অমসুং আর্তিফিসিএল ইন্তেলিজেন্স, হেল্থকেয়র, সস্তেনেবল দিবেলপমেন্ত, কলচরেল অমসুং ক্রিয়েতিব ইকোনোমী, অমসুং রিসর্চ অমসুং এজুকেসনগুম্বা তোঙান তোঙানবা সেক্তরশিংদা ইম্পেক্ত লৈবা কোলাবোরেসন কয়া অমা পাংথোক্কনি। মসিগী এঙ্গেজমেন্তশিং অসিনা স্তার্তঅপশিং, একাদমিক ইন্সতিত্যুসনশিং, রিসর্স বোদীশিং অমসুং ইন্দস্ত্রীগী মরক্তা লৈরিবা কোলাবোরেসনশিং মপাঙ্গল কনখৎহন্নবা অমসুং অনৌবা কোলাবোরেসনশিং ফগৎহন্নবা পান্দম থম্লি। মসিনা স্মার্তর, সস্তেনেবল ওইবা তুংলমচৎ অমগীদমক্তা সোলুসন পুন্না পুথোক্নবা ভারত অমসুং ফ্রান্সনা পুন্না হোৎনমিন্নরিবা অদু উৎলি।

এ.আই. ইম্পেক্ত সম্মিৎ অসি ভারতনা মাই পাক্না পাঙথোকপগীদমক রাস্ত্রপতি মেক্রোননা প্রধান মন্ত্রী মোদীবু থাগৎপা ফোংদোকখি। সম্মিৎ অসিদা, রিস্কশিং অসি কোকহন্দুনা, এ.আই.না পীরিবা খুদোংচাবশিং অদুসু শন্দোক্না তাকখি অমসুং ফ্রান্সনা য়ুম্বু ওইদুনা অমসুং ফেব্রুৱারী ২০২৫দা পেরিসতা প্রসিদেন্ত মেক্রোন অমসুং প্রধান মন্ত্রী মোদীনা পুন্না প্রসিদেন্ত ওইদুনা পাংথোকখিবা এ.আই. এক্সন সম্মিৎতা খুমাং চাউশিল্লকপদা য়ুম্ফম ওইখি। আর্তিফিসিএল ইন্তেলিজেন্সকী মতাংদা ইন্দিয়া-ফ্রান্স দিক্লারেসন নীংশিংলদুনা লুচিংবা অনিমক্না মীয়াম, মীয়ামগী কান্নবা, গ্রহ অমসুং ঐখোয়গী মীয়ামগী চাউখৎ থৌরাংগীদমক সেক্যুর অমসুং থাজবা য়াবা আর্তিফিসিএল ইন্তেলিজেন্স অমগীদমক মখোয়গী অচেৎপা ফিরেপ অদু ফোংদোক্নখি। নাকল অনিমক্না ওপননেসকী থোংদা এ.আই. রিসোর্সশিং দেমোক্রেতাইজ তৌবা অমসুং মালেমগী এ.আই. দিভাইদশিং কোকহনবা অসি মরুওইবা প্রিন্সিপলশিং ওইনা য়ানখি। ফ্রান্সনা রেসিলিয়েন্স, ইন্নোবেসন অমসুং ইফিসিএন্সিগী ৱার্কিং গ্রুপকী কো-চেয়র অমা ওইনা য়াম্না চাউনা মতেং পাংখি।

২০২৬দা ফ্রান্সনা য়ুম্বু ওইদুনা পাংথোক্কদৌরিবা জি.৭ সম্মিৎতা শরুক য়ানবা রাস্ত্রপতি মেক্রোননা প্রধান মন্ত্রী নরেন্দ্র মোদীদা তকশিনখি। মরুওইনা মালেমগী মেক্রো ইকোনোমিক ইস্বেলেন্স থেংননবা অমসুং ইন্তর্নেস্নেল পার্তনরশিপ অমসুং সোলিদরিতীগী অনৌবা পেরাদাইম অমা মশক তাক্নবা মরুওইবা ইসুশিংদা সম্মিৎ অসিগী মমাংদা খন্ন-নৈনবদা অমসুং শেম-শাবগী থবকশিংদা ভারতনা থৌনা য়াওনবা মহাক্না তকশিনখি। প্রধান মন্ত্রী মোদীনা জি.৭গা লোয়ননা ভারতকী মতম শাংনা লৈরক্লবা পার্তনরশিপ অমসুং গ্লোবেল ইকোনোমিক ইস্বেলেন্স, দিবেলপমেন্ত ফাইনান্সিং, ইন্তর্নেস্নেল পার্তনরশিপ, ইকোনোমিক সেক্যুরিতী, রেসিলিয়েন্ত সপ্লাই চেন, ক্লাইমেৎ এক্সন অমসুং ইন্তর্নেস্নেল সেক্যুরিতীগী মতাংদা মালেমগী খন্ন-নৈনবদা কন্ত্রাকতিব ওইনা শরুক য়ানবা মহাক্কী ফিরেপ অদু পল্লদুনা কৌবদা নুংঙাইবা ফোংদোকখি। লুচিংবা অনিমক্না থাজবা থমখি মদুদি ভারতকী শরুক য়াবনা মালেমগী ওইবা শিংনবশিং থেংননবা অমসুং হেন্না মতিং লৈবা, ইনক্লুসিব ওইবা অমসুং রেসিলিয়েন্ত ওইবা মালেমগী ওইবা কাংলোন অমা প্রমোৎ তৌনবা পুন্না হোৎনরিবা অসি হেন্না মপাঙ্গল কনখৎহল্লগনি। মালেমগী ওইবা শিংনবশিং, মরুওইনা মেক্রো ইকোনোমিক ইসুশিং অসি পুন্না থেংননবা পুন্না হোৎনমিন্নবগী মরুওইবা অদু লুচিংবা অনিনা ফোংদোকখি।

২০২৬গী মে ১১ অমসুং ১২দা কেনিয়াগী নাইরোবিদা পাংথোক্কদৌরিবা "আফ্রিকা ফোর্ৱার্দ: ইন্নোবেসন অমসুং গ্রোথকীদমক আফ্রিকা অমসুং ফ্রান্সকী মরক্তা পার্তনরশিপ" সম্মিৎতা শরুক য়ানবা রাস্ত্রপতি রুতোনা প্রধান মন্ত্রী মোদীদা পুন্না কৌখিবা অদু রাস্ত্রপতি মেক্রোননা নিংশিংখি। ভারতনা ফ্রান্স অমসুং অফ্রিকান লৈবাক অনিমক্তা মতম শাংনা অমসুং মৈতৈ ওইবা মরী লৈনবগী মতাংদা খন্নরদুনা, প্রধান মন্ত্রী মোদীনা কৌবগীদমক থাগৎপা ফোংদোকখি অমসুং ম্যুচেল ইন্তরেস্তকী লমশিংদা, মরুওইনা ইনর্জী ত্রাঞ্জিসন, আর্তিফিসিএল ইন্তেলিজেন্স, হকশেল, লৌউ-শিংউ অমসুং ব্লু ইকোনোমীদা মতেং পীনবা অমুক হন্না ফোংদোকখি।

লুচিংবা অনিনা ইন্দো-পেসিফিক রিজন অমসুং মসিগী ৱাংমদা রুলস-বেজ ওর্দর অমগীদমক মখোয়গী ফিরেপ অমুক হন্না ফোংদোক্নখি। মরী অসি হেন্না মপাঙ্গল কনখৎহনবনা লৈবাক অনিগী মরক্তা তুংলমচৎকী সেক্তরশিংদা তেংবাং পীনবা হেনগৎহল্লগনি। মসিনা মখোয়গী লৈঙাক্লোন অমসুং ৱারেপ লৌবগী ওতোনোমী হেন্না মপাঙ্গল কনখৎহল্লগনি অমসুং ভারত অমসুং য়ুরোপিয়ন য়ুনিয়নগী মরক্তা তেংবাং পীনবা য়াওনা মালেম অসিনা থেংনরিবা অচৌবা শিংনবশিংদা পুন্না থেংনবা ঙম্লগনি।

তেক্নোলোজিকেল অমসুং ইকোনোমিক দোমেনশিং য়াওনা মালেমদা থোক্লিবা চাউখৎ থৌরাংশিংগীদমক্তা মালেমগী ওইবা অরুবা শিংনবশিং থেংননবা অমসুং মালেম অসি শেম-শাগৎনবা মখোয়না রিফোর্ম অমসুং ইফেক্তিব মল্তিলেতরেলিজমদা অমুক হন্না হায়জখি। লুচিংবা অনিনা য়ুনাইতেদ নেসন্স সেক্যুরিতী কাউন্সিলগী রিফোর্ম তৌবগী তঙাইফদবা অদু মরুওইনা পনখি। মখোয়না য়ু.এন.এস.সি.গী হীরমশিং য়াওনা মল্তিলেতরেল ফোরমশিংদা নক্না চৎমিন্ননবা য়ানখি অমসুং য়ুনাইতেদ নেসন্স সেক্যুরিতী কাউন্সিলগী রিফোর্মগী মতাংদা ইন্তরগবর্নমেন্তেল ৱারী শানবগী ৱারোইশিন পুরক্নবা মখোয়গী হোৎনবা মখা চত্থনবা অচেৎপা ৱাফম থমখি। য়ুনাইতেদ নেসন্স সেক্যুরিতী কাউন্সিলদা ভারতকী পর্মিনেন্ত মেম্বর ওইরকপদা ফ্রান্সনা মহাক্কী অচেৎপা মতেং পাংখি। মখোয়না ভেতো শীজিন্নবগী রেগুলেসনগী মতাংদা খন্ন-নৈনবা হেনগৎহন্নবা য়ানখি। মখোয়না মতম শাংনা লৈরক্লিবা মালেমগী শিংনবশিং অমসুং হৌজিক ওইরক্লিবা মালেমগী ওইবা ফীভমশিং অদুগী মতাংদা কুপ্না খন্ন-নৈনখি অমসুং মখোয়গী থৌদাং অদু হেন্না চেৎশিলহন্নবা য়ানখি।

লুচিংবা অনিনা ই.য়ু.-ইন্দিয়া মরী মপাঙ্গল কনখৎহনবগী মরুওইবা অদুসু পনখি অমসুং ভারত-ই.য়ু.গী মরক্তা পুৱারী ওইরবা সম্মিৎ অদু তরাম্না ওকখি, মদুদা ই.য়ু.-ইন্দিয়া ফ্রী ত্রেদ এগ্রীমেন্তগী ৱারী শানবগী ৱারোইশিন লাকখি। এফ.তি.এ.না ভারত, ফ্রান্স অমসুং য়ুরোপকী মরক্তা মখা তানা ইকোনোমিক কোলাবোরেসনগী খুদোংচাবশিং ফংহল্লগনি, ঐখোয়গী বিজিনেসশিংগী কম্পিতিতিবনেস মপাঙ্গল কনখৎহল্লগনি, সস্তেনেবল প্রোস্পেরিতি অমসুং রেসিলিয়েন্ত ভেল্যু চেনগী অনৌবা চহিচা অমা হৌদোক্লগনি।  লুচিংবা অনিমক্না সেক্যুরিতী অমসুং দিফেন্স পার্তনরশিপকী ৱারোইশিন অদু তরাম্না ওকখি। মসিনা ই.য়ু. অমসুং ভারতকী স্ত্রেতেজিক ওতোনোমীদা মতেং পাংগনি। মসিনা মেরিতাইম সেক্যুরিতী, সাইবর সেক্যুরিতী, হাইব্রিদ থ্রেতস, স্পেস অমসুং কাউন্তর তেরোরিজমগুম্বা কমন সেক্যুরিতীগী শিংনবশিংদা অকুপ্পা এক্সচেঞ্জ অমসুং কোওপরেসনগী ফ্রেমৱার্ক অমা পীগনি।

লুচিংবা অনিমক্না য়ুক্রেনদা চত্থরিবা লানগী মতাংদা মখোয়গী নুংনাংবা অমুক হন্না ফোংদোকখি। মসিনা মীওইবগী অৱাবা অমসুং মালেমগী ওইনা নেগেতিব ওইবা চৈথেং থোকহল্লি। মখোয়না য়ু.এন. চার্তর অমসুং ইন্তরনেস্নেল লোগী কাংলোনশিং, মনীং তম্বা, লৈঙাক লৈতবা অমসুং লমদমগী অপুনবগী মগুনশিং য়াওনা চুনবা, অচুম্বা অমসুং তুং কোইনা চৎনবা য়াবা শান্তি অমা য়ুক্রেনদা ৱারী শানবগী অমসুং দিপ্লোমেসীগী খুত্থাংদা পুরকপদা মতেং পীনবগী মরুওইবা অদু পনখি।

নাকল অনিমক্না ইরান অমসুং লমদম অসিদা হন্দক থোকখিবা থৌদোকশিং অদু খন্নখি। মখোয়না ৱারী শানবগী মরুওইবা অমসুং শান্তি ওইবা মওংদা ৱারোইশিন পুরকপদা দিপ্লোমেসীগী মরুওইবা অদু ফোংদোকখি।

লুচিংবা অনিনা য়ুনাইতেদ নেসন্স সেক্যুরিতী কাউন্সিলনা এদোপ্ত তৌখিবা রিজোলুসন ২৮০৩ অমসুং ন্যু য়োর্ক দিক্লারেসনদা য়াওরিবা প্রিন্সিপলশিং অদুগী মতুং ইন্না গাজাগীদমক পিস প্লান অসি ইমপ্লিমেন্ত তৌবদা মখোয়না মতেং পাংলি হায়না ফোংদোকখি। রিজোলুসন অসি মপুং ফানা চৎনহন্নবা মখোয়না শরুক য়ারিবা পুম্নমকপু পুক্নিং থৌগৎখি। নাকল অনিমক্না অচুম্বা অমসুং তুং কোইনা চৎকদবা শান্তিগী মায়কৈদা হোৎনরিবশিংবু মতেং পাংনবা মখোয়গী শেম-শাবা অদু অমুক হন্না ফোংদোকখি অমসুং গাজা স্ত্রিপ শিনবা থুংনা অথুবা মতমদা, শাফবা মওং অমসুং অথিংবা লৈতনা মতেং পীনবগী তঙাই ফদবা অদুদা পুক্নিং চিংশিনখি। লুচিংবা অনিমক্না ভারত অমসুং ফ্রান্সনা দাইলোগ অমসুং দিপ্লোমেসীগী খুত্থাংদা লৈবাক অনিগী সোলুসন চৎনহনবদা য়ুম্ফম ওইদুনা অচুম্বা অমসুং অচেৎপা সোলুসন অমা পুরক্নবা মখোয়গী অচেৎপা ফিরেপ অদু অমুক হন্না ফোংদোকখি।

I. সেক্যুরিতী অমসুং সোভরেন্তীগীদমক পার্তনরশিপ

ফ্রান্স অমসুং ভারতকী মরক্তা অচেৎপা অমসুং মতম শাংনা লৈরক্লবা দিফেন্স কোওপরেসন অদু নীংশিংলদুনা প্রধান মন্ত্রী মোদী অমসুং রাস্ত্রপতি মেক্রোননা ২০২৪দা য়ানখিবা অচৌবা দিফেন্স ইন্দস্ত্রীএল রোদমেপকী মতুং ইন্না এয়র, নেভেল অমসুং লেন্দ সিস্তেমশিংগী লমদা অমসুং অনৌবা দ্যুএল-য়ুজ তেক্নোলোজীশিং য়াওনা এদভান্স দিফেন্স প্লেৎফোর্মশিংগী জোইন্ত রিসর্চ, কো-দিজাইন, কো-দেবেলপমেন্ত অমসুং কো-প্রদক্সন হেনগৎহন্নবা য়ানখি। মখোয়না লৈবাক অনিগী দিফেন্স মিনিস্তরশিংগী মরক্তা চহিগী ওইবা দিফেন্স দাইলোগ অসি খোঙচৎ অসিগী মনুংদা পাংথোক্নবগীদমক থাজবা থমখি। নবেম্বর ২০২৫দা দি.জি.এ. অমসুং দি.আর.দি.ও.গী মরক্তা দিফেন্স তেক্নোলোজীদা তেংবাং পীননবা তেক্নিকেল এরেঞ্জমেন্ত অমা খুৎয়েক পীনখিবা অদু মখোয়না তরাম্না ওকখি। মসিনা এজেন্সী অনি অসিগী মরক্তা রিসর্চ অমসুং দিবেলপমেন্ত পার্তনরশিপকীদমক প্লেৎফোর্ম অমা পীগনি। ভারত অমসুং ফ্রান্সকী মরক্তা অৱাংবা তেক্নোলোজীগী লমদা লৈনরিবা থাজবা অদুদা য়ুম্ফম ওইদুনা লুচিংবা অনিমক্না মশক খঙদোক্লবা মফমশিংদা অনৌবা অমসুং মরুওইবা তেক্নোলোজী পুন্না পুথোক্নবগী খুদোংচাবশিং থিদোক্নবা জোইন্ত এদভান্স তেক্নোলোজী দিবেলপমেন্ত গ্রুপ অমা শেম্নবা য়ানখি।

হেলিকোপ্তর অমসুং জেৎ ইঞ্জিনশিংদা দিফেন্স কোওপরেসন হেনগৎহন্নবা হৌজিক চত্থরিবা খন্ন-নৈনবশিং অমসুং নাকল অনিমক্কী মরী লৈনবা এন্তিতীশিংগী মরক্তা অফবা কোওপরেসন লৈবগী মখোয়না থাগৎপা ফোংদোকখি। অখন্ননা, লুচিংবা অনিনা রাফেল-মেরিন ফাইতর জেৎ ২৬ পুথোক্নবা কন্ত্রেক্ত অদু থাগৎপা ফোংদোকখি। মখোয়না দিফেন্স এয়রনেতিক্সকী লমদা মখোয়গী পার্তনরশিপ মখা তানা মপাঙ্গল কনখৎহন্নবা মখোয়গী অপাম্বা ফোঙদোকখি। মরুওইনা মেক ইন ইন্দিয়া ইনিসিয়েতিবকী মখাদা ফাইতর এয়রক্রাফ অমসুং ফাইতর এয়রক্রাফ ইঞ্জিন পুথোকপগী লমদা, অমসুং মসিগী মতাংদা হন্দক পাংথোকখিবা পোজিতিব দিবেলপমেন্তশিংবু তরাম্না ওকখি। মখোয়না সাফ্রান গ্রুপকী মরী লৈনবা এন্তিতীশিং অমসুং মখোয়গী ভারতকী কাউন্তরপার্তশিংগী মরক্তা য়াম্না ফবা কোওপরেসন লৈ হায়না পনখি। ইন্দিয়ন মল্তি রোল হেলিকোপ্তর (আই.এম.আর.ঐচ.) গী শেমগৎ-শাগৎপদা সাফ্রান অমসুং ঐচ.এ.এল.গী মরক্তা হৌজিক ফাওবদা চৎথরিবা পার্তনরশিপ অদু মখোয়না থাগৎখি। ‌এল.ই.এ.পি. ইঞ্জিনগী মেন্তেনেন্স, রিপিয়র এন্দ ওভরহোল (এম.আর.ও) ফেসিলিতী শঙ্গাবা, রাফেল এয়রক্রাফ্ততা এম-৮৮ ইঞ্জিনগী এম.আর.ও ফেসিলিতী লিংখৎপা অমসুং ভারত্তা হেমর মিসাইল পুথোক্নবা ভারত ইলেক্ত্রোনিক্স লিমিতেদকা লোয়ননা জোইন্ত ভেঞ্চর শেমগৎপদা নাকল অনিমক্না নুংঙাইবা ফোংদোকখি। লুচিংবা অনিমক্না ঐচ.১.২৫ ফাইনেল এসেমব্লী লাইনসু পুন্না হৌদোকখি। মসি ভারত্তা প্রাইবেৎ সেক্তরগী হেলিকোপ্তর পুথোকপগী অহানবা ফেসিলিতীনি। মসি ভারতকী পুৱারী ওইরবা মাইলস্তোন অমনি। মসিনা ভারতকী চাউখৎলক্লিবা কৈথেল অমসুং অহুমশুবা লৈবাকশিংদা এক্সপোর্ত তৌবদা তেতা এদভান্সদ সিস্তেম্স অমসুং এয়রবসকী পাঙ্গল পুনশিনগনি। প্রধান মন্ত্রী মোদীনা ভারতকী পিনাকা এম.বি.আর.এল.দা ফ্রান্সকী মায়কৈদগী হেনগৎলক্লিবা ইন্তরেস্ত অদুগী থাগৎপা ফোংদোকখি।

লুচিংবা অনিমক্না মেদ-ইন-ইন্দিয়া স্কোরপেন প্রোগ্রাম (পি৭৫ - কালভারি) গী মায় পাকপা অদু পনখি। মসিগী তরুকশুবা সবমেরিন অদু ২০২৫গী জনুৱারী ১৫দা ইন্দিয়ন নেভীদা দেলিভর তৌখি। অমসুং সবমেরিনশিংদা মখা তানা মতেং পাংমিন্নবগী ৱাফম অদু তরাম্না ওকখি।
লুচিংবা অনিমক্না ২০২৫দা মরুওইবা লৈবাক অনিগী ওইবা এক্সর্সাইজ অহুম (বরুনা, শক্তি অমসুং গারুদা) পাংথোকপা অমসুং ফ্রান্স স্পেস মিলিতরী এক্সরসাইজদা ভারতনা শরুক য়াবা য়াওনা মল্তিলেতরেল এক্সর্সাইজশিংদা নাকল অনিমক্না শরুক য়াবগীদমক হীরম পুম্নমক্তা বাইলেতরেল মিলিতরী এক্সর্সাইজ চাং নাইনা পাংথোকপগীদমক থাগৎপা ফোংদোকখি। লৈবাক অনিগী মরক্তা চাং নাইনা পোর্ত থুংবগী থবকশিং পাংথোকপবু মখোয়না তরাম্না ওকখি। লুচিংবা অনিনা ২০২৬ ফাওবদা ঐখোয়গী আর্মীশিংদা ওফিসরশিং দিপ্লোই তৌববু তরাম্না ওকখি। মসিনা ঐখোয়গী আর্মদ ফোর্সশিংগী মরক্তা অমগা অমগা খঙমিন্নবদা মতেং ওইরগনি। লুচিংবা অনিনা লৈবাক অনিগী আর্মদ ফোর্সেসকী মরক্তা ওপরেস্নেল এঙ্গেজমেন্ত হেনগৎহন্নবা থাজবা থমখি।

লুচিংবা অনিনা ২০২৪গী জনুৱারীদা খুৎয়েক পীনখিবা লেতর ওফ ইন্তেন্তকী মতুং ইন্না দিফেন্স স্পেসকী লমদা নাকল অনিগী ওইবা মতেং পীনবা হেনগৎহন্নবা মখোয়গী ফিরেপ অদু অমুক হন্না ফোংদোকখি। দি.আর.দি.ও. অমসুং দি.জি.এ.গী মরক্তা তেক্নিকেল এরেঞ্জমেন্ত অসিনা দিফেন্স স্পেসকী লম অসি মসিগী স্কোপতা য়াওরি। মসিনা ম্যুচেল ইন্তরেস্তকী ইন্নোবেতিব স্তেৎ লেবেল অমসুং ইন্দস্ত্রীএল কোওপরেসনগীদমক ফ্রেমৱার্ক অমা পীরি।

গ্রীন অমসুং দিজিতেল ইকোনোমী, অনৌবা তেক্নোলোজীশিং অমসুং এদভান্স মেন্যুফেকচরিংদা মতেং পাংবদা মরুওইবা মিনরেলশিংগী মরুওইবা থৌদাং অদু শকখঙলদুনা লুচিংবা অনিমক্না তোঙান তোঙানবা, তুং কোইনা চৎনবা য়াবা, থৌদাং লৌবা য়াবা অমসুং রেসিলিয়েন্ত সপ্লাই চেনশিং শেমগৎনবা মরুওইবা মিনরেলশিং অমসুং রিয়র অর্থশিংগী এক্সপ্লোরেসন, এক্সত্রাক্সন, প্রোসেসিং অমসুং রিসাইকলিং তেক্নোলোজীশিংদা মতেং পীননবা য়ানখি। মসিগী মতাংদা, ফ্রান্স অমসুং ভারতকী মরক্তা মরুওইবা মিনরেলশিংগী লমদা তেংবাং পীননবা জোইন্ত দিক্লারেসন ওফ ইন্তেন্তকী মায়কৈদা নাকল অনিমক্না তরাম্না ওকখি।

লুচিংবা অনিমক্না ইন্দিয়া-মিদ্দল ইস্ত-য়ুরোপ ইকোনোমিক কোরিদোর (আই.এম.ই.সি.) দা মতেং পীননবা মখোয়গী অচেৎপা ফিরেপ অদু অমুক হন্না ফোংদোকখি। মখোয়না মসিগী ত্রান্সফোর্মেস্নেল পোতেন্সিএল অসি গ্লোবেল ত্রেদ, কনেক্তিবিতী অমসুং প্রোসপ্রিতীবু অমুক হন্না শেমগৎনবা অমসুং প্রমোৎ তৌনবা খঙমিন্নখি। প্রোজেক্ত অসিগী মতাংদা অহানবা খন্ন-নৈনখিবা অদু থাগৎপা ফোংদোক্লদুনা, মখোয়না ২০২৬তা মসিগী খোংথাং অসি খুমাং চাউশিলহন্নবা অচৌবা খোংথাংশিং লৌখৎনবা অহানবা আই.এম.ই.সি. মিনিস্তরেল মীফমদা পুক্নিং থৌগৎখি।

মখোয়না ওস্ত্রেলিয়া অমসুং য়ুনাইতেদ আরব ইমিরেৎকা লোয়ননা ত্রাইলেতরেল ফোর্মেৎশিংদা তেংবাং পীনবগীদমক থাগৎপা ফোংদোকখি অমসুং মখোয়গী মরী লৈনবা ওফিসিএলশিংদা ওস্ত্রেলিয়া অমসুং য়ুনাইতেদ আরব ইমিরেৎকী সরকারগী ওফিসিএলশিংগা লোয়ননা থবক পায়খৎনবা অনৌবা পান্দম থমনবা খঙহনখি।

মখোয়না ইন্দো-পেসিফিক লমদমদা ফ্রী, ওপন, চাউখৎপা অমসুং কাঙলোনশিংদা য়ুম্ফম ওইবা লমদম অমা ওইহন্নবা মখোয়গী ফিরেপ অদু অমুক হন্না ফোংদোকখি। মখোয়না ইন্দো-পেসিফিক লমদমদা হেন্না নকশিন্ননা থবক তৌমিন্ননবা হায়খি। মখোয়না ইন্দো-পেসিফিক ওসিন ইনিসিএতিব (আই.পি.ও.আই.) গী মখাদা হেন্না চেৎশিল্লবা এঙ্গেজমেন্ত অমসুং ভারতকী চেয়রশিপকী মখাদা ইন্দিয়ন ওসিন রিম এসোসিয়েসনদা মতেং পীনবা হেনগৎহন্নবা থাজবা থমখি। ইন্দো-পেসিফিক রিজনগী লৈবাকশিংদা ইন্তর্নেস্নেল সোলর এলাইন্স (আই.এস.এ.) গী খুত্থাংদা ইন্দিয়ন অমসুং ফ্রেঞ্চ অনিমক্না শেল থাদদুনা সোলর ইনর্জীগী অনৌবা ত্রেনিং পীবগী থবকশিং য়াওনা রিজন অসিদা পুন্না পায়খৎলিবা থবকশিংগী খ্বাইদগী নৌবা দিবেলপমেন্ত অদু মখোয়না তরাম্না ওকখি। লোয়ননা অহুমশুবা লৈবাকশিংদা কোলিজন ফোর দিজাস্তর রেসিলিয়েন্ত ইনফ্রাস্ত্রকচর (সি.দি.আর.আই.) অমসুং এ.এফ.দি. গ্রুপকী মরক্তা মেমোরেন্দম ওফ অন্দরস্তেন্দিং অমা খুৎয়েক পীনখি। মখোয়না ইন্দো-পেসিফিক্কী অহুমশুবা লৈবাকশিংদগী ক্লাইমেৎ অমসুং এস.দি.জি. ফোকস প্রোজেক্তশিং শৌগৎনবা পান্দম থম্লিবা ইন্দো-পেসিফিক ত্রাইএঙ্গুলর দিবেলপমেন্ত কোওপরেসন (আই.পি.তি.দি.সি.) গী খুমাং চাউশিল্লকপগীদমক থাগৎপা ফোংদোকখি। নাকল অনিমক্না দিজিতেল স্তার্তঅপ, হেল্থ অমসুং দিজিতেল পব্লিক ইনফ্রাস্ত্রকচরগী লমদা পুন্না থবক পায়খৎনবা প্রোজেক্তশিং পুন্না মশক খঙদোকখ্রে।

স্পেস সেক্তরদা, মখোয়না সি.এন.ই.এস. অমসুং ইসরোগী মরক্তা লৈবা পার্তনরশিপকী মপাঙ্গল অদু থাগৎখি অমসুং মখোয়গী স্পেস ইন্দস্ত্রীশিংগী মরক্তা হেন্না চেৎশিল্লবা কোলাবোরেসনশিং শেমগৎপদা মতেং পাংখি। ভারত-ফ্রান্স স্ত্রেতেজিক স্পেস দাইলোগকী অহানবা সেসন অনি অসিনা মসিগী পান্দম অসি হেন্না মপাঙ্গল কনখৎহনবদা অচৌবা থৌদাং লৌখিবা অদু খঙলদুনা মখোয়না ২০২৬তা অহুমশুবা সেসন অথুবা মতমদা পাংথোক্নবা হায়খি। দিফেন্স স্পেসকী মতাংদা তেংবাং পীননবা লেতর ওফ ইন্তেন্ততা য়ুম্ফম ওইদুনা, লুচিংবা অনিমক্না স্পেসতা সোভরেন এক্সেস অমসুং স্পেস সিচুএসনেল এৱারনেস হেনগৎহন্নবগী মতাংদা মখোয়গী সিনর্জীশিং মপাঙ্গল কনখৎহন্নবা য়ানখি। স্পেসতা মল্তিলেতরেলিজম মপাঙ্গল কনখৎহন্নবগীদমক ২০২৬কী জুলাইদা ইন্তর্নেস্নেল স্পেস সম্মিৎ ফ্রান্সনা শিনবা অদু ভারতনা তরাম্না ওকখি অমসুং শরুক য়াগনি হায়না কনফার্ম তৌখি।

লুচিংবা অনিমক্না সমুদ্রদা চাউখৎপা অমসুং ঙাকশেল কোনশিল্লিবা ওদিনোগ্রাফিক ফ্লীতশিং অমসুং সস্তেনেবল মেনেজমেন্ত সপ্পোর্ত তৌবগা মরী লৈননা ওসিন ওবজর্বেসন ফগৎহন্নবা মরুওইনা সি.এন.ই.এস. অমসুং ই.এন.সি.ও.আই.এস.গী মরক্তা তেংবাং পীনবা মপাঙ্গল কনখৎহন্দুনা ওসিন-স্পেস নেক্সসতা মখোয়গী মরুওইবা ওসিনোগ্রাফী ইন্সতিত্যুসনশিংগী মরক্তা তেংবাং পীনবা হেন্না চেৎশিলহনবা অমসুং মহাসাগর অমসুং স্পেসকী মরীদা সিনর্জীশিং শেমগৎপগী মরুওইবা অদুসু পনখি।

সাইবর সেক্তরদা লুচিংবা অনিমক্না ভারত অমসুং ফ্রান্সকী ইন্দস্ত্রীশিংগী মরক্তা সিনর্জীশিং শেমগৎপদা য়ুম্ফম ওইদুনা মপাঙ্গল কনখৎপা লৈবাক অনিগী ওইবা পার্তনরশিপকীদমক থাগৎপা ফোংদোকখি। নাকল অনিমক্না সাইবরগী লমদা চাং নাইনা নাকল অনিগী ওইবা ৱারী শানবা অমসুং থবক তৌমিন্নবগী থোংদা সাইবরগী লমদা মতেং পীনবা হেনগৎহনবদা অকনবা ৱাফম থমখি। মখোয়না মথংগী দাইলোগ অসি ২০২৬তা পাংথোক্নবা হায়খি। লুচিংবা অনিমক্না সাইবর স্পেসকী স্ত্রেতেজিক ওইবা মরুওইবা অদু অমুক হন্না ফোংদোকখি অমসুং সাইবর স্পেসতা ইন্তর্নেস্নেল লো শীজিন্নবা অমসুং রাজ্যশিংনা থৌদাং লৌবগী ফ্রেমৱার্ক ইমপ্লিমেন্ত তৌবগী মতাংদা য়ুনাইতেদ নেসন্সতা মখোয়গী কোওর্দিনেসন মপাঙ্গল কনখৎহন্নবা মখোয়গী অপাম্বা অদু অমুক হন্না ফোংদোকখি।

লুচিংবা অনিনা তেরোরিজম অমসুং হিংসাগী ওইবা এক্সত্রিমিজমবু মাগী মওং অমসুং মশক মওং খুদিংমক্তা, ঙমখৈ লান্না তেরোরিজম য়াওনা অকনবা মওংদা নিন্দা তৌখি। রাস্ত্রপতি মেক্রোননা এপ্রিল ২০২৫গী পহলগাম তেরোরিস্ত এতেক অদু অকনবা মওংদা য়ানিংদবা ফোংদোকখি অমসুং তেরোরিজমগী মায়োক্তা ঙাকথোক্নবা ভারতকী হক অদুদা মতেং পাংখি। মহাক্না নবেম্বর ২০২৫দা ন্যু দিল্লীগী রেদ ফোর্ৎকী মনাক্তা থোকখিবা তেরোরিস্তকী থৌদোক অদুসু কন্দেম তৌখি। লুচিংবশিংনা তেরোরিস্তশিং অমসুং তেরোরিস্ত গ্রুপশিং অমসুং মখোয়গা মরী লৈনবা মীওইশিং, য়ু.এন. সেক্যুরিতী কাউন্সিল ১২৬৭ সেঙ্কসন কমিতীনা লিস্ত তৌরবা মীওইশিং য়াওনা মসি থেংনবদা মতেং পীননবা মখোয়গী ফিরেপ অমুক হন্না ফোংদোকখি। ফাইনান্সিএল এক্সন তাস্ক ফোর্স (এফ.এ.তি.এফ.) গা চুনবা মওংদা তেরোরিস্ত সেফ হেভনশিং অমসুং ইনফ্রাস্ত্রকচরশিং মুত্থৎনবা অমসুং তেরোরিস্ত নেৎৱার্কশিং থিংনবা অমসুং তেরোরিস্তকী শেল থাদবা থেংননবা লৈবাক পুম্নমক্না মখা তানা থবক পায়খৎনবা নাকল অনিমক্না হায়খি। লৈবাক অনিমক্না য়ু.এন., এ.এ.তি.এফ.এফ. অমসুং অতোপ্পা মল্তিলেতরেল প্লেৎফোর্মশিংদা পুন্না থবক তৌমিন্নবগী মখোয়গী ফিরেপ অদু অমুক হন্না ফোংদোকখি। ২০২৬গী মে থাদা পেরিসতা পাংথোক্কদৌরিবা মথংগী নো মানি ফোর তেরোরিস্ত (এন.এম.এফ.তি.) কনফরেন্সকী ফ্রান্সনা য়ুম্বু ওইবদা ভারতনা মতেং পাংগনি।

নবেম্বর ২০২৫দা তেরোরিজম থেংনবদা মতেং পীননবা নেস্নেল সেক্যুরিতী গার্দ (এন.এস.জি.) অমসুং গ্রুপ দি ইন্তরভেন্সন দি লা জেন্দরমরী নেস্নেল (জি.আই.জি.এন.) গী মরক্তা লেতর ওফ ইন্তেন্ত অমা খুৎয়েক পীনখিবা অসিদা লুচিংবা অনিনা থাগৎপা ফোংদোকখি। মখোয়না লৈবাক অনিগী মরক্তা ২০২৫দা মিলিপোল একজিবিসনশিং পাংথোকপদা লৈবাক অনিগী মরক্তা লৈনরিবা মতেং অদু থাগৎখি অমসুং ২০২৭দা ন্যু দিল্লী অমসুং পেরিসতা মিলিপোল একজিবিসনশিং মায় পাক্না পাংথোক্নবা থাজবা থমখি। লুচিংবা অনিনা সেপ্তেম্বর ২০২৫দা পাংথোকখিবা তেরোরিজম থেংননবা ৱারী শানবগী মহৈশিং অদু তরাম্না ওকখি। মসিনা তেরোরিজম থেংননবা অমসুং ইন্তেলিজেন্সতা ভারত-ফ্রান্সকী মতেং পীনবা হেনগৎলক্লিবা অদু উৎলি।

II. গ্রহাগীদমক পার্তনরশিপ

লুচিংবা অনিমক্না এক্সত্রিম ৱেদর ইভেন্তশিংগী ইন্তেনসিতী অমসুং ফ্রিক্বেন্সী হেনগৎলকপদগী ক্লাইমেৎ চেঞ্জগী শাফু হেন্না শোকহল্লিবা অদু খঙখি অমসুং পেরিস এগ্রীমেন্ত অমসুং সস্তেনেবল লাইফস্তাইলশিং প্রমোৎ তৌবগী মরুওইবা অদু অমুক হন্না ফোংদোকখি। মখোয়না মসিগী ইফেক্তিব ওইবা ইমপ্লিমেন্ত তৌনবগীদমক নক্না মতেং পাংনবা অমসুং মালেমগী অৱাংবা থাক্কী এম্বিসন হেনগৎহন্নবা হোৎনমিন্ননবা য়ানখি। মসিগী মনুংদা ইন্দস্ত্রীগী মমাংগী থাক্তগী মালেমগী চাংচৎকী অশাবা হেনগৎলকপা অসি সেলসিয়স দিগ্রী ২গী মখাদা থম্বগী অমসুং অশাবা হেনগৎলকপা অসি ইন্দস্ত্রীগী মমাংগী থাক্তগী সেলসিয়স দিগ্রী ১.৫দা হন্থহন্নবা হোৎনমিন্নবা য়াওরি। ফ্রান্স অমসুং ভারতনা সাইন্সকী থৌদাং অসি ক্লাইমেৎ এক্সনগী য়ুম্ফম ওইনা ঙাক্নবা অমসুং ইন্তরগবর্নমেন্তেল পেনেল ওন ক্লাইমেৎ চেঞ্জ (আই.পি.সি.সি.) গী থবকশিংদা মতেং পাংনবা মখোয়গী ফিরেপ অদু অমুক হন্না ফোংদোকখি। ২০২৪দগী দিজাস্তর রেসিলিয়েন্ত ইনফ্রাস্ত্রকচর (সি.দি.আর.আই.) গী কোলিসন অমসুং ২০১৮দগী ইন্তর্নেস্নেল সোলর এলাইন্স (আই.এস.এ.) গী ফ্রান্স-ইন্দিয়ন প্রসিদেন্সীশিংগী ফ্রেমৱার্ক মনুংদা মল্তিলেতরেল ফোরমশিংদা পাংথোকপা লৈবাক অনিগী ওইবা মতেং পাংনবা মখোয়না তরাম্না ওকখি। মখোয়না নই দিল্লীদা য়ুম্ফম ওইবা ওর্গানাইজেসন অনি অসিগীদমক মখোয়গী অচেৎপা ফিরেপ অদু ফোংদোকখি। মসিনা ২০২৫দা সি.দি.আর.আই.গী ইন্তর্নেস্নেল কনফরেন্স অদু ফ্রান্সনা কো-প্রসিদেন্ত ওইনা পাংথোকপদা অমসুং ওর্গানাইজেসন অনিমক্তা ভারত অমসুং ফ্রান্সনা অকনবা মতেং পাংবদা উৎলি। মখোয়না পেরিসতা ইন্তর্নেস্নেল সোলর এলাইন্সকী য়ুরোপিয়ন ওফিস অমা লিংখৎনবগী মতাংদা হৌজিক চত্থরিবা খন্ন-নৈনবশিং অদুসু তরাম্না ওকখি। মখোয়না বিলদিং সেক্তরগী দেকার্বোনেসন অমসুং রেসিলিয়েন্সকীদমক, মরুওইনা দি দিক্লারেসন দি শেল্লো অমসুং মসিগী বিলদিং অমসুং ক্লাইমেৎকী ইন্তরগবর্নমেন্তেল কাউন্সিলগী খুত্থাংদা থবক পায়খৎকনি অমসুং লীদর্দ গ্রুপ ফোর ইন্দস্ত্রী ত্রাঞ্জিসন (লীদ আই.তি.) ইনিসিএতিব য়াওনা হর্দ-তু-এবেত সেক্তরশিংদা দেকার্বোনেসন তৌনবা হোৎনরিবা অসিদা মতেং পাংগনি।

লুচিংবা অনিমক্না ক্লাইমেৎ অমসুং এনভাইরনমেন্তকী ইসুশিংদা ভারত অমসুং ফ্রান্সকী মরক্তা মপাঙ্গল কনখৎপা লৈবাক অনিগী ওইবা কোওপরেসনগীদমক থাগৎপা ফোংদোকখি। মখোয়না ন্যু অমসুং রিন্যুএবল ইনর্জী মন্ত্রালয় অমসুং ইকোনোমী, ফাইনান্স অমসুং ইন্দস্ত্রীএল অমসুং দিজিতেল সোভরেন্তী মন্ত্রালয়গী মরক্তা রিন্যুএবল ইনর্জী কোওপরেসনগী মতাংদা মেমোরেন্দম ওফ অন্দর্স্তেন্দিং রিন্যু তৌবদা নুংঙাইবা ফোংদোকখি। এ.এফ.দি. গ্রুপকী শরুক য়াদুনা ভারত্তা অর্বান মোবিলিতী, ইনর্জী ত্রাঞ্জিসন, গ্রীন ফাইনান্স, বাইওদাইভর্সিতী কঞ্জার্বেসন অমসুং দিজাস্তর মেনেজমেন্তকী প্রোজেক্তশিংদা নাকল অনিগী ওইবা তেংবাং পীনবগীদমক মখোয়না থাগৎপা ফোংদোকখি। ভারতকী ইনর্জী ত্রাঞ্জিসনগী ইম্পেক্তশিংগী অনৌবা মেক্রোইকোনোমিক মোদেলিং পুন্না শেমগৎনবা নীতি আয়োগ অমসুং এ.এফ.দি. গ্রুপকী মরক্তা স্তেৎমেন্ত ওফ ইন্তেন্তকী মতাংদা খন্ন-নৈনবশিংদা খুমাং চাউশিনবা অদু খঙখি।

লুচিংবা অনিমক্না ২০২৫গী জুনদা নাইসতা পাংথোকখিবা য়ুনাইতেদ নেসন্স ওসিন কনফরেন্স (য়ু.এন.ও.সি.-৩) গী মাই পাকপা অদু তরাম্না ওকখি। ইনক্লুসিব অমসুং কম্প্রিহেন্সিব ইন্তরনেস্নেল ওসিন গবর্নান্সকী য়ুম্বী অমা ওইরিবা নেস্নেল জুরিসদিক্সনগী ৱাংমদা লৈবা এরিয়াশিংদা মেরিন বাইওদাইবর্সিতী কঞ্জর্বেসন অমসুং সস্তেনেবল য়ুজ ওন দি এগ্রীমেন্ত (BBNJ ত্রিতি) চৎনবা হৌরকপদা ফ্রান্স অমসুং ভারতনা তরাম্না ওকখি। য়ানচে অসিনা মল্তিলেতরেলিজম, সাইন্স অমসুং তুংগী চারোন-শুরোনগীদমক পীরিবা অচৌবা খুদোংচাবা অদু খঙলদুনা, লুচিংবশিংনা পার্তীশিংগী অহানবা কনফরেন্সতগী হৌরগা ইফেক্টিভ ওইনা ইমপ্লিমেন্ত তৌনবগীদমক খ্বাইদগী য়াম্বা মশীংদা লৈবা স্তেতশিংনা য়ানচে অসিবু রেতিফিকেসন তৌবগী মরুওইবা অদুদা য়ানখি। মহাসাগরগী বাইওদাইভর্সিতী ঙাক-শেনবগী মরুওইবা অদুদা থাজবা থম্লদুনা, ফ্রান্স অমসুং ভারতনা মালেম শিনবা থুংনা মেরিন প্রোতেক্তেদ এরিয়াশিং পাকথোক চাউথোকহন্নবা হায়খি। ভারত অমসুং ফ্রান্সনা কুনমিং-মোন্ত্রিএল গ্লোবেল বাইওদাইবর্সিতী ফ্রেমৱার্ক মপুং ফানা অমসুং ইফেক্তিব ওইনা ইমপ্লিমেন্ত তৌনবা মখোয়গী অচেৎপা ফিরেপ অদু অমুক হন্না ফোংদোকখি। ফ্রান্স অমসুং ভারতনা মহাসাগরগী এক্সপ্লোরেসন অমসুং ওবজর্বেসনদা মখোয়গী কোওপরেসন মপাঙ্গল কনখৎহন্নবা, ত্রীতি ওন দি হায় সীস ইমপ্লিমেন্ত তৌনবগীদমক থাজবা য়াবা সাইন্তিফিক দেতা পুথোকপা অমসুং শরুক য়ামিন্নবদা মতেং পাংনবা, ইন্তর্নেস্নেল মেরিন স্পেসশিংগী গভর্নান্স মপাঙ্গল কনখৎহন্নবা অমসুং অনৌবা মেরিন প্রোতেক্তেদ এরিয়াশিং শেমগৎনবা মখোয়গী অচেৎপা ফিরেপ অদু অমুক হন্না ফোংদোকখি।

কার্বন হন্থবা ইনর্জী পুম্নমক্কী মরক্তা অমগা অমগগী মরী লৈনবা অদু খঙলদুনা, মসিগী মনুংদা ন্যুক্লিয়র ইনর্জী অসি ইনর্জী সেক্যুরিতী মপাঙ্গল কনখৎহন্নবা অমসুং কার্বন হন্থবা শেন্মিৎলোন অমগী মায়কৈদা চৎপদা মরু ওইগনি হায়না প্রসিদেন্ত মেক্রোননা ফোংদোকখি। মহাক্না ২০৪৭ ফাওবদা ন্যুক্লিয়র পাৱর কেপাসিতী জি.দবল্যু. ১০০ ফংনবা ভারতনা পান্দম থম্লিবা অমসুং মসিগী সেক্তর অসিদা প্রাইবেৎ ইনভেস্তমেন্তগী অয়াবা পীবা য়াওনা ভারতনা নৌনা শেমদোকখিবা ন্যুক্লিয়র সেক্তরগীদমক থাগৎপা ফোংদোকখি। লুচিংবশিংনা রিসর্স, স্কিল দিবেলপমেন্তদগী হৌদুনা ইন্দস্ত্রীএল এপ্লিকেসনশিং ফাওবগী ভেল্যু চেন পুম্নমক্তা ন্যুক্লিয়র ইনর্জীদা ভারত-ফ্রান্সকী মরক্তা তেংবাং পীনবা হেনগৎনবা অমসুং ভারতকী ইনর্জী মিক্সতা মরুওইবা য়ুম্বী অমা ওইহন্নবা তেংবাং পীনবগী ওইথোকপশিং থিজিনবা য়ানখি। জয়তাপুর ন্যুক্লিয়র পাৱর প্লান্ত প্রোজেক্তকী মতাংদা খন্ন-নৈনখিবা য়াওনা সিভিল ন্যুক্লিয়র ইনর্জীগী স্পিসিএল টাস্ক ফোর্সকী চাং নাইনা পাংথোকপা মীফমশিংসু মখোয়না পনখি। অসিগুম্বা মওংদা, মখোয়না ২০২৫দা পেরিসতা পাংথোক্কদৌরিবা ৬শুবা ৱার্ল্দ ন্যুক্লিয়র একজিবিসন (দবল্যু.এন.ই.) দা ভারতকী কম্পনীশিং অমসুং ইন্দস্ত্রীগী মীহুৎশিংনা শরুক য়াবদা অমসুং আই.এ.ই.এ.গা খুৎশম্নদুনা ফ্রান্সতা পাংথোক্কদৌরিবা অনিশুবা ৱার্ল্দ ন্যুক্লিয়র ইনর্জী সম্মিত্তা ভারতনা শরুক য়াবদা নুংঙাইবা ফোংদোকখি।

মসিগী মতাংদা লুচিংবশিংনা দিপার্তমেন্ত ওফ এতোমিক ইনর্জী (দি.এ.ই.) অমসুং কম্মিসরিয়েত এ অল’ইনর্জী এতোমিক এত ঔক্স ইনর্জীজ অলতর্নেতিবস (সি.ই.এ.) গী মরক্তা মতম শাংনা লৈরক্লবা মরী অদু তরাম্না ওকখি অমসুং শান্তিগী ওইবা পান্দমদা ন্যুক্লিয়র সাইন্স অমসুং তেক্নোলোজীগী লমদা পুন্না থবক তৌমিন্নবা হেনগৎনবা অমসুং অমুক হন্না হৌদোক্নবা হায়খি। মসিগী মথক্তা লুচিংবা অনিমক্না মখোয়গী মরী লৈনবা রেগুলেতরী বোদীশিংগী মরক্তা তেংবাং পীনবা মপাঙ্গল কনখৎহনবগী ওইথোকপা য়াবশিং থিজিনবা য়ানখি।

ভারত অমসুং ফ্রান্সকী মরক্তা স্মোল অমসুং এদভান্স মোদ্যুলর রিএক্তর (এস.এম.আর./এ.এম.আর.) গী মতাংদা ২০২৫দা খুৎয়েক পীনখিবা তেংবাং পীননবা দিক্লারেসন ওফ ইন্তেন্ত (দি.ও.আই.) অমসুং সেফতী, সেক্যুরিতী অমসুং নন-প্রোলিফরেসনগী খ্বাইদগী ৱাংবা স্তেন্দর্দশিং চৎনহন্নবা মখোয়গী অচেৎপা ফিরেপ অদু নীংশিংদুনা লুচিংবা অনিনা ফ্রেঞ্চ স্তার্ত-অপ কম্পনীশিং অমসুং সেক্তর অসিদা মরী লৈনবা ভারতকী কম্পনীশিংগী মরক্তা তেংবাং পীনবা নাকল অনিমক্না হোৎনরিবশিং অদু পনখি। তোঙানবা মওংদা, দি.ও.আই. অসিগী ফ্রেমৱার্ক্কী মনুংদা, ফ্রান্সকী অলতর্নেতিব ইনর্জীজ অমসুং এতোমিক ইনর্জী কম্মিসন (সি.ই.এ.) অমসুং ভারতকী এতোমিক ইনর্জী দিপার্তমেন্ত (দি.এ.ই.) গী মরক্তা এস.এম.আর./এ.এম.আর.গী মতাংদা রিসর্চ অমসুং দিবেলপমেন্ততা মতেং পীনবগী ওইথোকপা লৈবশিং থিজিনবদা নাকল অনিমক্না য়ানখি।

লুচিংবশিংনা লৈবাক অনিগী মরক্তা তুংকোইনা হেনগৎলক্লিবা নাকল অনিগী ওইবা ললোন-ইতিক অমসুং মপাঙ্গল কনবা নাকল অনিগী ওইবা ইনভেস্তমেন্তশিংবু তরাম্না ওকখি। এম.এস.এম.ই.শিং, স্তার্ত-অপশিং, দিজিতেলাইজেসন, এ.আই. অমসুং ইন্নোবেসন দাইরেক্ত ইন্তর্প্রাইজেসশিং য়াওনা শীজিন্নদ্রিবা শেন্মিৎলোনগী পোতেন্সিএল অসি মপুং ফানা শীজিন্ননবা মখোয়না মখোয়গী অচেৎপা ফিরেপ অদু অমুক হন্না ফোংদোকখি। মসিগী মতাংদা লুচিংবা অনিনা খোঙচৎ অসিগী মনুংদা ইন্দিয়া-ফ্রান্স সি.ই.ও. ফোরম পাঙথোকপদা নুংঙাইবা ফোংদোকখি। চহি অসিদা ইকোনোমিক অমসুং ফাইনান্সিএল দাইলোগ পাংথোক্নবা মখোয়না অচেৎপা ৱাফম থমখি। লুচিংবশিংনা লৈবাক অনিগী কম্পেনীশিংগী মরক্তা মরু ওইনা এরোস্পেস, ইনর্জী অমসুং লোজিস্তিক্স, এগ্রো-ফুদ, তেলিকোম অমসুং তেক সেক্তরশিংদা ললোন-ইতিক্কী মরীশিং হেন্না চেৎশিল্লকপদা নুংঙাইবা ফোংদোকখি। হয়েং পাংথোক্কদৌরিবা সি.ই.ও. ফোরম্না লৈবাক অনিগী মরক্তা বিজিনেস পার্তনরশিপকী এজেন্দা মখা তানা পুখৎকনি।

লুচিংবশিংনা ফ্রেঞ্চ অমসুং ভারতকী ললোন-ইতিক্কী থবক থৌরমশিং ফগৎহন্নবা অমসুং লৈবাক অনিগী মরক্তা ইনভেস্তমেন্ত অমসুং কোলাবোরেসন হেনগৎহন্নবা লম্বী য়াৎহন্নবা বাইলেতরেল তেক্স ত্রিতেদকী এমেন্দমেন্তদা খুৎয়েক পীনখিববু তরাম্না ওকখি।

য়ু.পি.আই.না ফ্রান্সতা, য়ু.পি.আই. পীবা অহানবা য়ুরোপিয়ন লৈবাক অসিদা লেপ্পা লৈতনা খুমাং চাউশিল্লকপদা লুচিংবা অনিমক্না নুংঙাইবা ফোংদোকখি। ফ্লেগশিপ স্তোর কয়ানা য়ু.পি.আই.বু হান্ননা লৌরে, মসিনা পেরিসপু ভারতকী তুরিস্তশিংগীদমক্তা হেন্না পাম্নবা মফম অমা ওইহল্লি। তুরিস্তশিংনা শেল থাদবা হেনগৎহন্নবা সেক্যুর অমসুং ইফিসিএন্ত ওইবা দিজিতেল পেমেন্ত মেথদশিংবু হেন্না য়ানবা হোৎনবদা লুচিংবা অনিনা য়ানখি।

লুচিংবা অনিমক্না রেলৱে সেক্তরদা তেংবাং পীনবগীদমক থাগৎপা ফোংদোকখি অমসুং ওপরেসন অমসুং মেনতেন্সন, পেসেঞ্জরগী খুদোংচাবশিং, সস্তেনেবিলিতী অমসুং এনভাইরনমেন্ত ইম্পেক্ত মেনেজমেন্ত, রেলৱে পর্সোনেলগী ত্রেনিং অমসুং অপস্কিলিং, হাই-স্পিদ রেলগুম্বা কন্সত্রক্সন তেক্নোলোজীশিং, ইনফ্রাস্ত্রকচরশিং, অমসুং হায়দ্রোজেন-পাৱর ত্রেংশিং য়াওনা মেন্যুফেকচরিং তেক্নোলোজীশিং য়াওনা তোঙান তোঙানবা লমশিংদা তেংবাং পীননবা মখোয়গী অপাম্বা ফোংদোকখি। মসিগী মতাংদা মখোয়না ভারত্তা রেলৱেজ অমসুং হাই স্পীদ রেলৱেজ দিবেলপমেন্তকী মতাংদা তেংবাং পীননবা জোইন্ত দিক্লারেসন ওফ ইন্তেন্ত অমা খুৎয়েক পীনবগীদমক থাজবা থমখি।

III. মীয়ামগীদমক পার্তনরশিপ

ভারত-ফ্রান্সনা সাইন্স অমসুং তেক্নোলোজীদা পুন্না থবক তৌমিন্নবগী ইনাক খুল্লবা পুৱারী অদু নীংশিংলদুনা লুচিংবা অনিনা মরুওইনা ভারত-ফ্রান্স ইয়ার ওফ ইন্নোবেসন ২০২৬কী মতাংদা হীরম অসিদা মখা তানা মতেং পীনবগী মথৌ তাবা অদুদা অকনবা ৱাফম থমখি। স্পেস, সিভিল ন্যুক্লিয়র ইনর্জী, সাইবর অমসুং এ.আই. য়াওনা ক্রিতিকেল অমসুং ইমেজিং তেক্নোলোজীশিংদা হৌজিক লৈরিবা বাইলেতরেল কোওপরেসনগী প্রোগ্রেস অদু মখোয়না তরাম্না ওকখি অমসুং তেক্নোলোজী কোওপরেসনদা মখা তানা চৎনবা পুক্নিং থৌগৎখি। লৈবাক অনিমক্কী ইন্নোবেতরশিং, স্তার্ত-অপশিং, বিজিনেসশিং অমসুং ইনক্যুবেতরশিং য়াওনা মরুওইবা স্তেকহোল্দরশিং শম্নহন্দুনা দিজিতেল নেৎৱার্ক অমগী খুত্থাংদা ফ্রান্স অমসুং ভারতকী ইন্নোবেসন ইকোসিস্তেমশিং পুনশিন্ননবা ইন্দিয়া-ফ্রান্স ইন্নোবেসন নেৎৱার্ক হৌদোকপবু মখোয়না তরাম্না ওকখি।

 
হৌখিবা চহিদা স্তেসন এফদা ভারতকী স্তার্ত-অপ ১০ মাই পাক্না পাংথোকখিবা অদুগী মতুং ইন্না লুচিংবশিংনা স্তার্ত-অপ ইনক্যুবেসন অমসুং ভারত অমসুং ফ্রান্স স্তার্ত-অপ ইকোসিস্তেমগী মরক্তা হেন্না মরী লৈনবা অমসুং স্তার্ত-অপ ইকোসিস্তেম অনিগী মরক্তা তেংবাং পীননবা তি-হব অমসুং নোর্দ ফ্রান্স ইনভেস্তকী মরক্তা খুৎয়েক পীনখিবা এল.ও.আই. ফ্রেঞ্চ সাইদনা বেঙ্গলোর তেক সম্মিৎকা খুৎশম্নদুনা য়ুরোপকী খ্বাইদগী চাউবা তেক ফেয়র, ভিভা তেক ভারত্তা পুরক্নবা থাজবা ফোংদোকখি। তোঙান তোঙানবা প্রোজেক্তশিংদা হৌজিক লৈরিবা মপাঙ্গল কনবা সাইন্তিফিক পার্তনরশিপ অসি মাংলোমদা চংশিল্লদুনা, নেশনেল দি রিসর্চ ইন ইনফোর্মেতিকে এন্দ ওতোমেতিকে (আই.এন.আর.আই.এ.) অমসুং দিপার্তমেন্ত ওফ সাইন্স এন্দ তেক্নোলোজী (দি.এস.তি.) গী মরক্তা ভারত্তা বাইনেস্নেল সেন্তর ওন দিজিতেল সাইন্স এন্দ তেক্নোলোজী হাংদোক্নবা অমসুং নেশনেল দি লা রিসর্চ সাইন্তিফিক (সি.এন.আর.এস.) অমসুং দি.এস.তি.গী মরক্তা সাইন্তিফিক কোলাবোরেসনগীদমক মেমোরেন্দম ওফ অন্দস্তেন্দিং শেমদোক্নবা অমসুং দি.এস.তি. অমসুং সি.এন.আর.এস.গী মরক্তা এদভান্স মেতিরিএলশিংগীদমক জোইন্ত সেন্তর অমা লিংখৎনবা য়ানচে অদু লুচিংবা অনিনা তরাম্না ওকখি। এ.আই. অমসুং এপ্লাইদ মেথমেতিক্সকী লমদা এ.এন.আর. অমসুং দি.এস.তি.গী প্রোজেক্তশিংগীদমক অপুনবা কোলগী ঙন্না ৱা লেপথোক্নবা হায়খি।

সিভিল এভিএসনগী লমদা বাইলেতরেল কোওপরেসন হেন্না চেৎশিলহন্নবা মখোয়না পান্দম থম্লিবা অসিগা চুননা, সিভিল এভিএসনগী লমদা ইন্তেনসন দিক্লারেসন অমা ইকুই কুইদ্রিঙৈদা খুৎয়েক পীনখিবা অদু নাকল অনিমক্না তরাম্না ওকখি। মখোয়না সেন্ত-দেনি দে লা রিয়ুনিয়ন অমসুং চেন্নাইগী মরক্তা অনৌবা এয়রলাইন রুত অমা হৌদোকপবু তরাম্না ওকখি। মসিনা লা রিউনিয়ন অমসুং ভারতকী মরক্তা ইকোনোমিক অমসুং কলচরেল একচেঞ্জশিং চাউখৎহনবদা মতেং পাংগনি। লুচিংবা অনিমক্না কানপুরগী নেস্নেল স্কিল ত্রেনিং ইন্সতিত্যুৎ (এন.এস.তি.আই.) দা এয়রোনেতিক্স অমসুং মরী লৈনবা সেক্তরশিংদা নেস্নেল সেন্তর ওফ এক্সিলেন্স অমা লিংখৎনবা লেতর ওফ ইন্তেন্তদা খুৎয়েক পীনবদা নুংঙাইবা ফোংদোকখি। স্কিল দিবেলপমেন্ত, ভোকেসনেল এজুকেসন অমসুং ত্রেনিংগী লমশিংদা স্কিলিংগী মহৈ হেনগৎহনবদা মীৎয়েং থমদুনা হৌজিক লৈরিবা মেমোরেন্দম ওফ অন্দরস্তেন্দিংগী মখাদা লৈবাক অনিগী মরক্তা তেংবাং পীনবা মখা তানা চেৎশিনহনবগী মরুওইবা অদু মখোয়না ফোংদোকখি।

ভারত অমসুং ফ্রান্সনা হেল্থ কোওপরেসনগী লমদা মমাংদা অমুক্তা ওইখিদ্রিবা থৌনা অসি তরাম্না ওকখি। ২০২৪গী জনুৱারীদা ন্যু দিল্লীদা মমাংগী রাস্ত্রপতিগী খোংচৎ মনুংদা হকশেল অমসুং হিদাক লাংথক্কী লমদা তেংবাং পীননবা দিক্লারেসন ওফ ইন্তেন্তদা খুৎয়েক পীনখিবগী মতুং ইন্না ভারত অমসুং ফ্রান্সনা এ.আই. অমসুং দিজিতেল হেল্থপু মসিগী স্ত্রেতেজিক কোওপরেসন অসিগী ময়াইদা থম্লে। মসিগী মখা তানা, লুচিংবা অনিমক্না সোরবোন য়ুনিভর্সিতী, ওল ইন্দিয়া ইন্সতিত্যুৎ ওফ মেদিকেল সাইন্সস (এয়ম্স), ন্যু দিল্লী, অমসুং পেরিস ব্রেন ইন্সতিত্যুৎকী মরক্তা খুৎশম্নদুনা হেল্থকেয়রদা এ.আই. দা দেদিকেৎ তৌবা অখন্নবা রিসর্চ সেন্তর অমা লোঞ্চ তৌনবা আশা তৌরি। দিজিতেল হেল্থকী লমদা ইন্দো-ফ্রেঞ্চ কোওপরেসনগী অচেৎপা থৌওংনা মসিগী দাইনামিক অসিবু মপাঙ্গল কনখৎহনগনি। মসিগী মনুংদা পেরিসান্তে কেম্পস অমসুং সি-কেম্প (সেলুলর অমসুং মোলিক্যুলর প্লেৎফোর্মশিংগী সেন্তর), অমসুং হেল্থ দেতা হব অমসুং আই.সি.এম.আর. (ইন্দিয়ন কাউন্সিল ওফ মেদিকেল রিসর্স) গী মরক্তা পার্তনরশিপ য়াওরি। লুচিংবা অনিনা মালেমগী হকশেলগী মরুওইবা শিংনবশিং কোকহন্নবা লৈবাক অনিগী মকোক থোংবা হায়র এজুকেসন অমসুং রিসর্স ইন্সতিত্যুসন ২২ পুনশিনবা ফ্ল্যাগশিপ প্রোজেক্ত অমা ওইরিবা ফ্রেঞ্চ-ইন্দিয়ন কেম্পস ওন লাইফ সাইন্স ফোর হেল্থকী খুমাং চাউশিনবা অমসুং পান্দম অদুসু থাগৎখি। মখোয় অনিমক্না ইনফেক্সিয়স দিজিজ অমসুং গ্লোবেল হেল্থ রিসর্চকী লমদা রিসর্চ অমসুং দিবেলপমেন্ত প্রমোৎ তৌনবা ভারত-ফ্রান্স কোলাবোরেসনগী মতাংদা লেতর ওফ ইন্তেন্ত সাইন তৌবদা নুংঙাইবা ফোংদোকখি।

লৈবাক অনিগী মরক্তা মতম শাংনা লৈরক্লবা কলচরেল কোলাবোরেসনদা য়ুম্ফম ওইদুনা, লুচিংবা অনিমক্না মরুওইনা ইন্দিয়া-ফ্রান্স ইন্নোবেসন ২০২৬কী মতাংদা লৈবাক অনিমক্তা কলচরেল ইভেন্ত কয়া অমা পাংথোক্তুনা, ভারত অমসুং ফ্রান্সনা শরুক য়ামিন্নরিবা কলচরেল হেরিতেজ অসি শিংথাননবা অমসুং প্রমোৎ তৌনবা মখোয়গী অচেৎপা ফিরেপ অদু অমুক হন্না ফোংদোকখি। লুচিংবা অনিমক্না কলচরেল একচেঞ্জ হেনগৎহন্নবগীদমক রসিপরেল "ভিল্লা স্বগতম" রেসিদেন্সি নেৎৱার্ক্কী মরুওইবা অদু খঙখি।

দিল্লীদা লৈবা নেস্নেল ম্যুজিয়ম অমসুং ফ্রান্স ম্যুজিয়মস দিবেলপমেন্তকী মরক্তা ২০২৪গী দিসেম্বরদা খুৎয়েক পীনখিবা এগ্রীমেন্ত অদু নীংশিংলদুনা লুচিংবা অনিনা য়ুগে য়ুগীন ভারত ম্যুজিয়ম অসি মালেমগী কলচরেল লেন্দমার্ক অমা ওইনা লিংখৎপদা খুমাং চাউশিল্লকপগীদমক থাগৎপা ফোংদোকখি। লুচিংবা অনিমক্না লোথালদা লৈবা নেস্নেল মেরিতাইম হেরিতেজ কমপ্লেক্সতা মতেং পীননবা খন্ন-নৈনবদা খুমাং চাউশিল্লকপদা নুংঙাইবা ফোংদোকখি। মখোয়না ২০২৮দা ফ্রেঞ্চ নেস্নেল ম্যুজিয়ম ওফ এসিয়ন আর্তস (গুইমেৎ ম্যুজিয়ম) দা ভারতপু কৎথোকপা কলচরেল চহি অমা অমসুং ২০২৮দা ফ্রেঙ্ক-ইন্দিয়া স্ত্রেতেজিক পার্তনরশিপকী ৩০শুবা চহি মপোক কুমওন থৌরম পাংথোক্নবগীদমক্তা মুজিয়ু দু ক্বাই ব্রেনলী - জেক্স শিরাক্তা হৌজিক মতমগী ভারতকী ফোতোগ্রাফীদা কৎথোকপা একজিবিসন অমা লাওথোকপদা নুংঙাইবা ফোংদোকখি। ২০২৫গী অরোইবা শরুক্তা মোবিলিয়র নেস্নেলদা উরেপ-উয়ুং তমখিবা লৈবাক অনিগী তেক্সতাইল এক্সপর্সিতীদা কৎথোকপা "সে কুই সে ত্রেম/ তেক্সতাইল মেত্তর্স" এক্সপো অসি অথুবা মতমদা ভারত্তা উৎকনি।

ফ্রান্স অমসুং ভারত অনিমক্না মখোয়গী কলচরেল অমসুং ক্রিয়েতিব ত্রেদিসনশিংগা লোয়ননা অনৌবা কোলাবোরেসনশিং পুক্নিং থৌগৎনবা অমসুং খ্বাইদগী ফবা থৌওংশিং শেয়র তৌনবা পান্দম থমদুনা কলচরেল অমসুং ক্রিয়েতিব ইন্দস্ত্রীশিং (সি.সি.আই.) প্রমোৎ তৌবদা মতেং পাংনবা মখোয়গী অপাম্বা ফোংদোক্লি।

২০২২গী পেরিস বুক ফেস্তিবেলদা ভারত অমসুং ২০২৩গী ন্যু দিল্লী ৱার্ল্দ বুক ফেয়রদা ফ্রান্সনা অমগা অমগা তানবগী মায় পাকপগী মখাদা, ফ্রান্স অমসুং ভারতনা প্রোফেস্নেলশিং অমগা অমগা তানবদা পুক্নিং থৌগৎতুনা, নাকল অনীগী ওইবা ত্রান্সলেসন ফ্লোশিং অমসুং কোলাবোরেতিব ভেঞ্চরশিংবু পুক্নিং থৌগৎতুনা লাইরিক অমসুং লিতরেচরগী লমদা মখোয়গী কোওপরেসন মপাঙ্গল কনখৎহন্নবা থৌরাং তৌরি।

২০২৩দা নমস্তে ফ্রান্সকী মাইপাকপা অদুদা য়ুম্ফম ওইদুনা লুচিংবা অনিমক্না নমস্তে ফ্রান্সকী মথংগী এদিসন অসি ২০২৮দা স্ত্রেতেজিক পার্তনরশিপকী চহি ৩০ মপুং ফাহননবা অমসুং মসি লৈবাক অনিগী ওইবা কলচরেল কোওপরেসনগী রিগুলর ফিচর অমা ওইনা পাংথোক্নবা য়ানখি।

মখোয়না ভারত্তা লৈবা এলায়েন্স ফ্রান্সিস নেৎৱার্ক অমসুং লা রিয়ুনিয়নদা লৈবা ইন্দিয়ন কলচরেল সেন্তরনা পাংথোকপা থবকশিংবু থাগৎপা ফোংদোকখি। মখোয়না পেরিসতা ইন্দিয়ন কলচরেল সেন্তর (স্বামী বিবেকানন্দ কলচরেল সেন্তর - এস.ভি.সি.সি.) হাংদোকপবু তরাম্না ওকখি অমসুং পেরিসতা ইন্দিয়ন কলচরেল সেন্তর অমসুং ভারত্তা এলাইন্স ফ্রান্সিস নেতৱার্ককী অখন্নবা মিসনশিং খঙমিন্নবগীদমক নাকল অনিগী ওইবা এগ্রীমেন্ত অমা লোইশিন্নবা মখোয়গী ওফিসিএলশিংদা খঙহনখি। মসিগী মতাংদা, নাকল অনিমক্না সেকেন্দরী স্কুলশিং, য়ুনিভর্সিতীশিং অমসুং ভারত্তা লৈরিবা ভোকেসনেল এজুকেসন সেন্তরশিংদা ফ্রেঞ্চ লোন তম্বীবা হেনগৎহন্নবা পান্দমদা লেপ্লি। মসিগী মনুংদা ফ্রেঞ্চ ফোর ওল, ফ্রেঞ্চ ফোর এ বেতর ফ্যুচর প্রোগ্রাম য়াওরি।

লুচিংবা অনিমক্না এজুকেস্নেল কোওপরেসন অমসুং মহৈরোইশিংগী মোবিলিতী মপাঙ্গল কনখৎহন্নবা মরুওইবা পীরি হায়না অমুক হন্না ফোংদোকখি। মসিগীদমক, মখোয়না ইন্তর্নেস্নেল ক্লাসকী থৌরাংবু থাগৎপা ফোংদোকখি। মসিনা ইন্দিয়ন সেকেন্দরী স্কুল সিস্তেমগী মহৈরোয়শিংদা লোল অমসুং মেথোদোলোজিকেল ত্রেনিং পীরদুনা ফ্রেঞ্চ য়ুনিভর্সিতীশিংদা চংবদা মতেং পাংলি। মসিনা স্তুদেন্ত মোবিলিতী হেঙ্গৎহল্লগনি। মসিগী পান্দমদি ২০৩০ ফাওবদা ভারতকী মহৈরোই ১০,০০০দগী ৩০,০০০দা ফ্রান্সতা লাক্নবা হোৎনবা অদুনি। লুচিংবা অনিমক্না মুম্বাইদা ইসেক বিজিনেস স্কুল অমসুং সেন্ত্রেলেসুপ্লেক ইঞ্জিনীয়রিং স্কুল পুনশিন্নগদবা হব অমা লিংখৎপবু তরাম্না ওকখি। লুচিংবা অনিমক্না একাদেমিক ক্বালিফিকেসনশিংগী ম্যুচেল রিকোগনিসনগী মতাংদা য়ানা ৱারোল শেমদোক্নবা থৌরাং তৌবদা নুংঙাইবা ফোংদোকখি।

লুচিংবা অনিমক্না একাদেমিক অমসুং সাইন্তিফিক কোওপরেসন হেনগৎলকপা অমসুং ফেব্রুৱারী ১৮ অমসুং ১৯দা ন্যু দিল্লীদা এ.আই.আই.এম.এস.না য়ুম্বু ওইদুনা পাংথোকখিবা অৱাংবা থাক্কী একাদেমিক অমসুং সাইন্তিফিক মীফমশিং মাই পাক্না পাংথোকপগীদমক থাগৎপা ফোংদোকখি। অৱাংবা থাক্কী মীফমশিং অসিদা লৈবাক অনিমক্কী য়ুনিভর্সিতীশিং অমসুং রিসর্স ইন্সতিত্যুৎশিং অমসুং সাইন্তিফিক ওর্গনাইজেসন ২০০ হেনবনা শরুক য়াখি। মসিনা লৈবাক অনিমক্কী মকোক থোংবা য়ুনিভর্সিতীশিং অমসুং একাদেমিক ইন্সতিত্যুৎশিংগী মরক্তা দবল অমসুং জোইন্ত দিগ্রীগী এরেঞ্জমেন্তশিং য়াওনা পুন্না থবক তৌমিন্নবগী মতাংদা ময়েক শেংখি। সোসিএল সাইন্সকী লমদা, লুচিংবা অনিমক্না সি.ই.এফ.আই.পি.আর.এ.না লৈবাক অনিগী সাইন্তিফিক রিসর্চ প্রমোৎ তৌবা অমসুং শেল থাদবদা পাংথোক্লিবা থবকশিং অদু থাগৎপা ফোংদোকখি।

লৈবাক অনিগী মরক্তা ম্যুচেল বেনিফিতেদ স্কিল অমসুং তেলেন্ত মোবিলিতী হেঙ্গৎহন্নবা মীৎয়েং থমদুনা লুচিংবা অনিমক্না ইন্দিয়া-ফ্রান্স মাইগ্রেসন অমসুং মোবিলিতী পার্তনরশিপ এগ্রীমেন্ত (এম.এম.পি.এ.) অমসুং য়ং প্রোফেস্নেল স্কিম (ৱাই.পি.এস.) গী মরুওইবা পনখি। লুচিংবা অনিমক্না ভারত অমসুং ফ্রান্সকী মরক্তা মীয়ামগী মরক্তা লৈনরিবা মরী অসি মপাঙ্গল কনখৎহন্নবা অমসুং নহাশিং অমসুং প্রোফেস্নেলশিংগী লমদা চৎথোক-চৎশিন তৌবগী খুদোংচাবশিং মপাঙ্গল কনখৎহন্নবা স্কিল দিবেলপমেন্ত, ভোকেস্নেল এজুকেসন অমসুং ত্রেনিংগী লমশিংদা তেংবাং পীননবা য়ানা ৱারোলদা খুৎয়েক পীনখিববু তরাম্না ওকখি। হায়রিবা ৱাখল্লোন অসিগা লোয়ননা লুচিংবশিংনা ফ্রেঞ্চ এয়রপোর্তশিংগী খুত্থাংদা ভারতকী নাগরিকশিং ভিসা য়াওদনা চৎথোক চৎশিন তৌবা হৌনবগী লাউথোকখিবা অদু তরাম্না ওকখি। মসিগী মতাংদা থা তরুক্কী পাইলোৎ মতমগী মতুংদা অমুক হন্না য়েংশিনগনি।

লুচিংবা অনিনা রাইসিনা দাইলোগকী হৌদোকপগী মেদিতেরনেয়ন এদিসন, মার্সিল্লীদা পাংথোকখিবা অদু তরাম্না ওকখি। মসিগী পান্দমদি মেদিতেরনেয়ন অমসুং ইন্দো-পেসিফিক লমদমগী মরক্তা ললোন-ইতিক অমসুং কনেক্তিবিতী হেঙ্গৎহন্নবা সরকারগী মীহুৎশিং, ইন্দস্ত্রীগী লুচিংবশিং, ললোন-ইতিক অমসুং কনেক্তিবিতীগী হীরমশিংদা এক্সপর্তশিং অমসুং অতোপ্পা মরী লৈনবা স্তেকহোল্দরশিং য়াওবা অৱাংবা থাক্কী দাইলোগ অমা থৌগৎপনি। মসিনা নাকল অনিমক্কী একাদেমিকশিং অমসুং থিঙ্ক-তেঙ্কশিংগী মরক্তা অমসুং মেদিতেরনিয়ন লমদমগী লৈবাকশিংগী মরক্তা নাকল অনিমক্কী এক্সচেঞ্জ হেন্না হেনগৎহনগনি হায়না মখোয়না পনখি। মসিগী মতাংদা, লুচিংবা অনিনা ফোরম অসিগী লাক্কদৌরিবা এদিসন অসিদা থাজবা থম্লি।

ইন্দিয়া-ফ্রান্স স্পিসিএল গ্লোবেল স্ত্রেতেজিক পার্তনরশিপ লিংখৎপা অসিনা লৈবাক অনিগী মীয়ামগীদমক্তা অনৌবা খুদোংচাবশিং ফংহন্দুনা অমসুং মালেমগী শান্তি, তংদু লৈতাবা অমসুং চাউখৎপা পুরক্নবা ভারত-ফ্রান্স মরীদা অনৌবা চেপ্তর অমা হাংদোক্লি।

***