হোং কোং ইন্তরনেস্নেল ফিল্ম এন্দ তি.ভি. মার্কেত (ফিল্মার্ত) ২০২৬তা ভারত পেভিলিয়ন্না মালেমগী মীদিয়া অমসুং এন্তর্তেনমেন্ত লেন্দস্কেপতা ভারতকী শরুক য়াবা হেনগৎহন্দুনা মসিনা ইন্তর্নেস্নেল এঙ্গেজমেন্ত, বিজিনেস এক্সচেঞ্জ অমসুং ইন্দস্ত্রী কোলাবোরেসনগী স্ত্রেতেজিক ওইবা প্লেৎফোর্ম অমা ওইনা মথৌ তৌরি।

পেভিলিয়ন অসি ভারত, হোং কোং অমসুং মাকাও এস.এ.আর.শিংগী কন্সুলেত জেনরেল, শ্রী রাজেশ নাইকনা হৌদোকখি, মহাক্না ফিল্ম, তেলিভিজন অমসুং অনৌবা মীদিয়া সেক্তরশিংদা মালেমগী ওইবা পার্তনরশিপশিং মপাঙ্গল কনখৎহন্নবা ভারতকী অচেৎপা ফিরেপ অদু পনখি। মহাক্না ভারতকী মীদিয়া অমসুং এন্তর্তেনমেন্ত ইকোসিস্তেমদা মালেমগী ওইনা পুক্নিং চিংশিনবা হেনগৎলক্লিবা অদু উৎলিবা, ভারতকী মীহুৎ কাংবুনা শরুক য়াখিবা অদুগীসু থাগৎপা ফোংদোকখি।

ভারত পেভিলিয়ন অসি কম্মর্স অমসুং ইন্দস্ত্রী মন্ত্রালয়গী মখাদা লৈবা সর্ভিসেস এক্সপোর্ত প্রমোসন কাউন্সিল (এস.ই.পি.সি.) অমসুং ইনফোর্মেসন অমসুং ব্রোদকাস্তিং মন্ত্রালয়গী মখাদা লৈবা নেস্নেল ফিল্ম দিবেলপমেন্ত কোর্পোরেসন (এন.এফ.দি.সি.) না হোং কোং অমসুং মকাও এস.এ.আর.শিংদা লৈবা ভারতকী কন্সুলেত জেনরেলগী মতেংগা লোয়ননা পুন্না শীন-লাংদুনা পাংথোক্লি। হৌদোকপগী থৌরম অদুদা এস.ই.পি.সি., এন.এফ.দি.সি. অমসুং হোং কোং ত্রেদ দিবেলপমেন্ত কাউন্সিল (ঐচ.কে.তি.দি.সি.) গী মকোক থোংবা মীহুৎশিংনা শরুক য়াখি।

পেভিলিয়ন অসিনা ফিল্ম, তেলিভিজন, এনিমেসন অমসুং অনৌবা মীদিয়াদা ভারতকী কন্তেন্ত অমসুং প্রদক্সন ইকোসিস্তেমগী মখল-মখা কয়া উৎখি। মসিনা বি.২.বি মীফমশিং, কো-প্রদক্সনগী মতাংদা খন্ন-নৈনবা অমসুং ইন্তর্নেস্নেল স্তেকহোল্দরশিংগা নেৎৱার্কিং তৌনবা খুদোংচাবা পীখি। মালেমগী কন্তেন্ত লেন্দস্কেপতা ফিল্মগী ইম্পেক্ত অমসুং অনৌবা খুদোংচাবশিংগী মতাংদা পেনেল দিস্কসন্দা ইন্দস্ত্রীগী অখঙ-অহৈশিং পুনশিন্দুনা কৈথেলগী দাইনামিক্স অমসুং ঙমখৈ লান্না পুন্না থবক তৌমিন্নবগী মতাংদা ৱাখল্লোনশিং ফোংদোক্নখি।

নেস্নেল ফিল্ম দিবেলপমেন্ত কোরপোরেসন (এন.এফ.দি.সি.) না কো-প্রদক্সন, মার্কেৎ এক্সেস অমসুং ভারতকী ক্রিএতরশিংগীদমক দিস্ত্রিব্যুসনগী খুদোংচাবশিং ফংহন্দুনা মালেমগী ফিল্মগী কৈথেলদা ভারতপু মকোক থোংবা মফমদা থম্বদা মরুওইবা থৌদাং অমা লৌদুনা লাক্লি।

পেভিলিয়ন অসিনা মুম্বাইগী পেদ্দর রোদতা লৈবা এন.এফ.দি.সি.গী কেম্পসতা ২০২৬গী জুন ১৫দগী হৌগদবা মুম্বাই ইন্তর্নেস্নেল ফিল্ম ফেস্তিবেল (এম.আই.এফ.এফ.) অমসুং ৱেভস দোক বাজার য়াওনা এন.এফ.দি.সি.না লুচিংবা মরুওইবা থৌরাংশিংসু প্রমোৎ তৌখি। ২০২৬গী নবেম্বর থাদা গোৱাদা পাংথোক্কদৌরিবা ইন্তর্নেস্নেল ফিল্ম ফেস্তিবেল ওফ ইন্দিয়া (আই.এফ.এফ.আই.) অমসুং ৱেভস ফিল্ম বাজার য়াওনা ভারতকী মরুওইবা প্লেৎফোর্মশিং অদু মহাক্না মখা তানা পনখি।

ভারত পেভিলিয়ন অসিনা ভারত সরকারনা পোলিসী, ইন্দস্ত্রী অমসুং গ্লোবেল আউৎরীচ পুনশিন্ননবা হোৎনরিবা অদু উৎলি। মসিনা ভারতপু গ্লোবেল মীদিয়া অমসুং এন্তর্তেনমেন্ত ইকোসিস্তেমদা মরুওইবা পার্তনর অমা ওইহল্লগনি।

***