Kum shi bynta jong ka sienjam jong ka Sorkar kaba dang ïaid shakhmat ban ai jingtip man ka por ïa ki lad pathai khubor shaphang ki jingjia ha ka thaiñ West Asia, la pynlong sa kawei pat ka jingïalang hapdeng ki myntri sorkar mynta ka sngi (19 tarik Lber 2026) ha National Media Centre. Ki heh ophisar na ki Tnad Petroleum and Natural Gas, Ports, Shipping and Waterways, External Affairs, bad Information and Broadcasting ki la ïasam ïa ki jingtip ba thymmai halor ki bynta ba kongsan kynthup ïa ka jingpynbiang umphniang, ki kam ba iadei bad ka duriaw, bad ki jingïarap ba la ai sha ki nongshong shnong jong ka India ba don ha ka thaiñ.

Ka jingpynbiang bording bad ka jingdon ka umphniang

Ka jingpynbna halor ka jinglong jingman ka jingpynbiang umphniang bad ki sienjam ba la shim ban pynthikna ka jingbteng ban ioh ia ki mar umphniang bad ka LPG la iasam ha kane ka jingialang ai jingtip, ha kaba iadei bad ka jingkhang ia ka Strait of Hormuz, da ka Tnad Petroleum and Natural Gas. Ka Tnad ka la ong:

Ka umphniang bym pat pynkhuid bad ki jaka pynkhuid umphniang

• Baroh ki jaka pynkhuid umphniang ki dang trei borbah bad ki dang pynbiang ia ka umphniang ka bym pat pynkhuid. Ka India ka don ia ka jingpynmih petrol bad diesel kaba biang, bad la pynbiang ia ka jingdon ka petrol bad diesel.

Ki Jaka die umphniang

• Ym don kano kano ka jingjia ha kaba ym don umphniang kumba la ioh jingtip na ki jaka die umphniang, bad ka jingpynbiang ia ka petrol bad diesel ka dang bteng na ka por sha ka por.
• La kyntu ia ki nongshong shnong ban ym thied kyrkieh namar ki stock ki biang bad ki don.

Natural Gas

• Ia ki kam ba kongsan la ai jingiada ban ïoh ïa ka jingpynbiang, kynthup ïa 100 percent ka jingpynbiang ia ka jingkit PNG bad CNG hapoh ka ri, katba ïa ka jingpynbiang sha ki nongpyndonkam ha ki karkhana bad ki nongkhaii la buh kumba 80 percent.
• La ai jingmut ia ki kynhun jong ka City Gas Distribution (CGD) ba kin buh hakhmat eh ia ki connection PNG na ka bynta ki jaka khaii kum ki hotel, ki jaka bam bad ki canteen, bad ki jaka khaii ki lah ban ioh ia ki connection na ki kynhun ka CGD ba la ai bor.
• Ki kompeni CGD kynthup ia ka IGL, MGL, GAIL Gas bad BPCL ki ai jingmyntoi na ka bynta ki connection PNG, bad la pynduna ia ki por na ka bynta ki jingpyniasoh ban pynshlur ia ka jingpdiang kaba kham iar ryngkat bad ki sienjam pynsngewthuh paidbah.
• Kum shi bynta jong ka kam PNG la ai jingmut ia ki kynhun ka CGD da ka PNGRB ban bud ia ki sienjam pynsngewthuh paidbah.
• Ka sorkar India, lyngba ka shithi ha ka 16 tarik Lber 2026, ka la kyrpad ïa ki Jylla bad ki UT ban pynsuk ïa ka jingpyniar ïa ka CGD da kaba ai ïa ki jingbit ba la shim na ka bynta ki aplikeshon kiba dang sahteng, ban mynjur ïa ki jingbit ba thymmai hapoh 24 kynta, ban pyllait ïa ka jingsiew ban pynbha ïa ki surok bad ka jingsiew bai ai jingbit, ban pynduna ïa ki por trei bad ki kynta treikam, bad ka jingthung ia ki nodal officer jong ki jylla na ka bynta ka jingiatreilang bad ka jingpyntreikam kaba kham sted.
• Ka Sorkar India, lyngba ka shithi ha ka 18 tarik Lber 2026, ka la tyrwa ïa ki Jylla bad ki UT ban mang shuh shuh sa 10 percent na ka bynta ka LPG ba pyndonkam ha ka kam khaii kaba ïadei bad ki jingpynkylla kiba kyrshan ïa ka jingkylla na ka LPG sha ka PNG, kynthup
  • 1% ka jingmang shuh shuh na ka bynta ban thaw ia ki komiti jong ka jylla bad distrik na ka bynta ban ai jingmynjur ia ki aplikeshon CGD bad ban pynbeit ia ki jingeh,
  • 2% ka jingmang shuh shuh na ka bynta ban pynmih hukum ban ai ia ki jingbit ba la shim ba ki dei ki CGD,
  • 3% ka jingmang shuh shuh na ka bynta ban wanrah ia ka “Skhim tih bad pynthymmai” na ka bynta ki kynhun ka CGD bad
  • 4% ka jingmang shuh shuh na ka bynta ban pynduna ia ka bai wai/ bai wai man la u snem.
• La pynshlur ia ki jylla bad ki UT ban rah shakhmat ia kine ki jingpynkylla ban pynsted ia ka jingpyniar ia ka rynsan jong ka CGD bad ban pynsted ia ki jingpyniasoh PNG na ka bynta ki nongpyndonkam hapoh ka ri, ki nongkhaii bad ki karkhana.
• La pynshlur ia ki nongpyndonkam LPG ha ki jaka sor ban pynkylla noh sha ka PNG, ha kaba palat 5,600 ngut ki nongpyndonkam ki ladep ban pynkylla sha PNG ha kine ki sngi ba la dep. La kmih lynti ba kine ki sienjam kin pynduna ia ka jingeh ha ka jingdawa LPG.

LPG

• La bteng ban buddien ia ka jingpynbiang ia ka LPG ha kaba iadei bad ka jinglong jingman ka sain pyrthei mynta.
• Ym don kano kano ka jingjia ha kaba ym don umphniang kumba la ioh jingtip ha ki jaka sam.
• Ka jingphah buh LPG online ka la kiew na ka 84% sha ka 94%, katba ka jingkynthup ia ka Delivery Authentication Code ka la nang kiew sha ka 83% ban iada na ka jingpynkylla.
• Ka jingphah buh kyrkieh ka la hiar sha ka 57 lak, bad ka jingpynpoi ia ki tyndong LPG hapoh ka ri ka dang bteng kumba ju long.
• 17 tylli ki Jylla bad ki UT ki la pynmih ia ki hukum ban mang ia ka non-domestic LPG, bad la pynbiang ia ka jingpynpoi ia ka LPG na ka bynta ka kam khaii ha kylleng ka ri.

Ka umphniang sharak

La mang sa 48,000 KL ka umphniang sharak sha ki Jylla bad ki UT, ryngkat ka jingithuh ia ki jaka sam umphniang ka dang iaid shakhmat.

• 15 tylli ki Jylla bad ki UT ki la pynmih ia ki hukum ban ai SKO, katba ki don ki Jylla kiba la pyni ba ym donkam.

Ki jingialang ba la pynlong da ki Sorkar Jylla

• Ki Sorkar Jylla bad ki UT ki dang buddien ïa ka jingpynbiang hapoh ka Essential Commodities Act bad LPG Control Order bad la ai jingmut ban pynlong ia ki jingleit jurip kynsan.
• Ka Sorkar. of India lyngba ka Shithi ha ka 13.03.2026 ka la kyrpad ia ki Chief Secretary jong baroh ki Jylla/UT ban bthah ia ki DM/Collector bad kiwei kiwei ki bor pynjari ain ban pynlong ia ka jingleit jurip bad jingtalasi kynsan ha ki Petrol Pump, ki jaka sam LPG, ki jaka buh bad kiwei kiwei ban tehlakam ia kino kino ki jingpyndonkam bakla.
• Ka Sorkar. India lyngba ka shithi kaba ha ka 18.03.2026 ka la kyrpad ia baroh ki Jylla/UT -

► Ban pyrkhing ka jingpeitngor khnang ban tehlakam ia ka jingpynlang, jingpyniaid iew beain, ka jingpynkylla ia ka LPG hapoh ka ri bad kiwei kiwei ki jingpyndonkam bakla.

► Lah ban shim ia ka jingpynshitom kaba tyngeh ia kiba pynkhein hapoh ki kyndon jong ka Essential Commodities Act, 1955, Petroleum Act, 1934, Petroleum Rules 2002, Motor Spirit bad HSD order 2005 bad kiwei kiwei ki ain kiba treikam.

► Ki lad jingpyniaid kam bad jingpynpoi mar kynthup ka jingïaid beit bad khlem jingthut jong ki tanker LPG bad ki tyndong bad kiwei kiwei.

► Ban pynwandur ia ki rukom sam kiba biang na ka bynta ka LPG ba pyndonkam ha ka kam khaii, da kaba buh jingmut ia ki jingthmu bad ki jingdonkam jong ka thain.

► Lah ban pynmih ia ki jingai jingmut na ka bynta ki paidbah ban iada na ka jingthied kyrkieh, ban pynshlur ia ka jingpyndonkam hok ia ka LPG bad ban pynphriang ia ki jingtip kiba thikna.

• La kyrpad ia baroh ki District Collector bad ki ophisar ka FC&S ba kin pynlong ia ki kam pynjari ain man ka por.
• Shuh shuh, la kyrpad ia baroh ki Jylla/UT ban pynlong ia ki jingialang ai jingtip man ka sngi bad ki lad pathai khubor ban iarap pynphriang ia ki jingtip kiba dei.
• La kyrpad ia baroh ki Jylla/UT ban buh ia ki helpline number bad ban pynthikna ia ka jingpynbna paidbah jong ki ha ki por ba la buh.
• 31 tylli ki Jylla/UT ki la buh ia ki control room ban peitngor ia ka jinglong jingman. Katto katne na ki Jylla/UT ki la pynlong ia ki jingialang man ka sngi bad ki lad pathai khubor.
• 25 tylli ki Jylla/UT ki la thaw ia ka District Level Monitoring Committee.
• La kyrpad ïa baroh kito ki Jylla/UT ki bym pat buh ïa ki Control room bad ki District Monitoring Committee ba kin leh kyrkieh ïa kane.

Ki kam na ka bynta ka jingtehlakam

• Ki kam na ka bynta ka jingtehlakam ki dang ïai bteng ha kylleng ki Jylla ban tehlakam ïa ka jingpynlang bad jingpyniaid iew beain, ha kaba la pynlong palat 6,000 tylli ki jingkhynra bad la ioh kurup palat 11,000 tylli ki cylinder.
• Ki la don ki sienjam ba kongsan ha ki Jylla kynthup ia ka Uttar Pradesh, Madhya Pradesh bad Telangana, kaba kynthup ia ki jingkurup, ki FIR bad ki jingkem.
• Baroh ki sorkar Jylla/UT kidei ban pynlong ia ki jingkhynra man ka por khnang ban lah ban kem ia ka jingkhaii beain bad ki jingpynlang.
• Ki Kompani umphniang PSU ki pynlong palat 2,000 tylli ki jingleit jurip kynsan man ka sngi ha ki jaka die umphniang bad ki jaka sam LPG ban pynthikna ba ka jingpynbiang ka long kaba iaid beit iaid ryntih bad ban iada na ka jingpyndonkam bakla.

Ki sienjam jong ka Sorkar

Ka Sorkar ka dang bteng ban buh hakhmat eh ïa ka jingpynbiang LPG khlem jingthut bad ka jingpyniar ïa ka PNG, khamtam na ka bynta ki longïing bad ki kam ba kongsan kum ki hospital bad ki jaka pule.

• Ki sienjam ki kynthup ka jingpyniar ia ka jingpynmih ïa ki jaka pynkhuid umphniang, ka jingpynkylla ïa ka por phah buh kaba 25 sngi ha ki jaka sor bad haduh 45 sngi ha ki jaka nongkyndong, bad ka jingpeit kyrpang ban mang.
• La tyrwa ia kiwei pat ki lad pyndonkam umphniang kum ka umphniang sharak bad u dewiong ban pynduna ia ka jingeh ha ka jingdawa LPG. Ka MoEFCC ka la dep ban ai jingmut ia ka State Pollution Control Board na ka bynta ban ailad ban pyndonkam ia ka umphniang sharak bad u dewiong kum kawei pat ka lad.
• Ka Tnad kam Dewiong ka la dep ai hukum ia ka Coal India bad Singareni Coallieries ban ai kham bun sha ki Jylla na ka bynta ban sam ia u dewiong sha ki nongpyndonkam dewiong kiba rit, kiba pdeng bad kiwei kiwei.
• La ai jingmut ia ki jylla ban pynsuk ia ki connection thymmai na ka bynta ka PNG ia ki nongpyndonkam hapoh ka ri bad ki nongpyndonkam ha ka kam khaii. Ka jingtyrwa ban ai shuh shuh sa 10% ia ka LPG ba pyndonkam ha ka kam khaii sha ki Jylla kaba pynsuk bad pynsted ia ka jingtreikam.
• Hapoh ka Section-3 jong ka Essential Commodities Act, 1955, ka sorkar lyngba ka jingpynbna Gazette ha ka 18.03.2026 ka la buh ia ka Petroleum Planning and Analysis Cell (PPAC) kum ka nodal agency na ka bynta ban lum, pynlang, pynneh pynsah bad bishar bniah ia ki jingtip. Baroh ki kynhun ba dei peit kiba trei ha ka jingpynmih, jingpynkhreh, jingpynkhuid, jingbuh, jingkit, jingwanrah bad shalan, jingdie, jingsam ne jingpyndonkam ia ki mar umphniang ne ka natural gas la bthah ban ai jingtip sha ka PPAC.

Ka jingai jingmut ia ki paidbah

• La kyntu ia ki nongshong shnong ban shaniah ha ki tyllong khubor jong ka sorkar bad ban kiar na ki khubor hamsaia.
• La kyrpad ia ki nongpyndonkam ban kiar na ka jingphah buh kyrkieh, pyndonkam ia ki rynsan phah buh lyngba ki lad digital bad ban kiar na kaba leit sha ki jaka sam LPG khlem da donkam, namar ka jingpynpoi ha ki iing ka dang bteng.
• La pynshlur ia ki nongshong shnong ban pyndonkam da kiwei pat ki umphniang kum ka PNG bad ki kor shet elektrik ne induction bad ban tyngkai ia ka bording.

Ka jingshngain ha ki kam duriaw bad ki kam pyniaid jhad

Ia ki jingtip halor ka jinglong jingman jong ka kam duriaw kaba mynta ha Persian Gulf bad ki sienjam ba la shim ban pynthikna ia ka jingshngain jong ki lieng bad ki nongtrei jong ka  India la iasam ha ka jingialang ai jingtip da ka Ttnad Ports, Shipping and Waterways. Ka tnad ka la ong ba:

• Baroh ki nongleit nongwan jong ka India lyngba ki duriaw kiba don ha ka thain ki don ha ka jingshngain bad ym don kano kano ka jingjia ba iadei bad ki jhad kiba don ka lama India ha kine ki 24 kynta ba la dep.
• Kumba ka long mynta, ki don 22 tylli ki jhad kiba don ka lama India kiba don 611 ngut ki nongleit jingleit jong ka India lyngba ki duriaw kiba dang sah ha ka thaiñ Persian Gulf ba shaphang sepngi, ha kaba ka DG Shipping ka dang ïai bteng ban buddien ha ryngkat ka jingïatreilang bad ki trai jhad, ki agency jong ka RPSL bad ki Indian Mission.
• Ka lieng kit umphniang bym pat pynkhuid ka Jag Laadki ka la poi ha ka kad lieng Mundra ha ka 18 tarik Lber ha ka por 0600 baje bad mynta ka dang pynhap ia ki mar, la khmih lynti ba kan pyndep ha ka 19 tarik Lber.
• Ka DG Shipping Control Room ka dang bteng ban treikam baroh arphew saw kynta bad ka la lah ban jubab haduh 3,425 tylli ki phone call bad 6,539 tylli ki email naduh ba la pyntreikam ïa ka, kynthup ïa 150 tylli ki jingphone bad 215 tylli ki email ha ki 24 kynta ba ladep.
• Ka DG Shipping ka la pynsuk ban pynphai biang ïa palat 488 ngut ki nongleit jingleit jong ka India lyngba ki duriaw, kynthup 16 ngut ha ki 24 kynta ba ladep, na ki kad liengsuiñ bad ki jaka ba don ha ka thain
• Ka kam duriaw jong ka India ka dang ïai bteng ban treikam khlem kano kano ka jingkhapngiah ha ki kad lieng, kumba la pynthikna da ki State Maritime Board  kynthup ka Gujarat, Goa, Keralam, Andhra Pradesh bad Puducherry.
• Ki kad lieng ki buddien bha ia ka jingleit jingwan jong ki lieng bad ka jingpynkit ia ki mar bad ki don ia ka jaka buh mar kaba biang, kynthup ia ki sienjam ha ka Jawaharlal Nehru Port Authority (JNPA), V.O.Chidambaranar Port (VOCPA), Visakhapatnam Port bad Mundra.
• Ka Deendayal Port Authority ka la thaw ia ka jaka buh mar kaba kham heh kynthup ia ka jingai jaka kumba 54 akar, ryngkat bad ki jingpynlait na ki jingsiew bad ki lad jingkyrshan ia ka jingtreikam, bad ka la ai jingpynhiar dor 50% ia ka bai lutksan jong ki crane ha ki kad lieng na ka bynta ki nongpyndonkam ia ka kad lieng.
• Ka Tnad Ports, Shipping and Waterways ka dang bteng ban buddien ia ka jingleit jingwan jong ki lieng, ka jingtreikam jong ki kad lieng, ka jingshngain jong ki nongleit nongwan lyngba ki duriaw bad ka jingbteng jong ka kam khaii ha ki duriaw ha kaba iadei bad ka jinglong jingman kaba nang kylla ha ka thain West Asia.

Ka jingshngain jong ki briew ka India ha ka thain

Ka tnad Kam Bar ri ka la iasam ia ki jingtip ba thymmai halor ki jingjia ba dang shen ha ka thain, kynthup ka jingai jingiarap ba dang iaid shakhmat bad ka jingai jingtip lyngba ki Indian Mission. Ka Tnad ka la ai jingtip ba ka:

• U Myntri Rangbahduh u la ïakren bad u HH Sheikh Sabah Al-Khaled Al-Hamad Al-Mubarak Al-Sabah, Crown Prince jong ka Kuwait bad ai khublei na ka bynta ka jinglehkmen Eid ka ban wan.
• Kine ki nongialam ki la iakren halor ka jinglong jingman kaba mynta ha West Asia bad ki la pynpaw ka jingsngewkhia halor ki jingjia ba dang shen. U Myntri Rangbahduh u la pynpaw biang ïa ka jingpynrem jur jong ka India ïa ki jingshah thombor ha ka jingsynshar bad ka jinglong trai jong ka Kuwait.
• U Myntri Rangbahduh u la ban jur ia ka jingdonkam ban pynthikna ia ka jingleit jingwan kaba shngain bad kaba laitluid lyngba ka Strait of Hormuz.
• Baroh arngut ki nongïalam ki la mynjur ba ka jingïadei kaba neh bad ki ri ka long kaba donkam ban pynthikna ïa ka jingsuk bad jingskhem ha ka thaiñ.
• U Myntri Rangbahduh u la ai khublei ïa u Crown Prince ia ka jingiai kyrshan na ka bynta ka jingshngaiñ bad ka bha ka miat jong ki nong India ha Kuwait.
• Ka tnad kam bar ri ka dang bteng ban buddien ïa ki jingjia ha ka thaiñ Gulf bad ka thaiñ West Asia, ha kaba ka jingshngaiñ, bad ka bha ka miat jong ki briew ka India ka long kaba kongsan tam.
• Ka control room ba kyrpang jong ka MEA ka dang treikam baroh arphew saw kynta, bad ka jingiatreilang ka dang iaid shakhmat bad ki Sorkar Jylla bad ki Union Territory na ka bynta ka jingsam jingtip bad jingiarap.
• Ki Indian Mission bad ki Post ha kylleng ka thain ki dang bteng ban treikam baroh arphew saw kynta, da kaba pynmih ia ki jingbthah ba man ka por bad iakren bad ki bor ba dei peit ha ka thain.
• Ki Mission ki dang ai jingiarap ia ki nongleit jingleit lyngba ki duriaw, ki samla pule ki nong India kiba dang sahkut bad ki nongleit jngoh kai, kynthup ka jingkyrshan na ka bynta ki visa, ki jingshakri jong ki nongkitkam bad ka jingkyrshan ha ka liang ka jingdonkam.
• Naduh ka 28 tarik Rymphang, kumba 2,80,000 ngut ki nongleit nongwan ki la wanphai na ka thain sha India.
• Ka jingtreikam jong ki liengsuiñ ka nang kiew suki suki, da kaba wanrah shuh ia kiwei ki jingshakri wat hapdeng ki jingkhang treikam shipor ha ki katto katne ki ri.
• Ha UAE, ki liengsuin bym shym la buh por ki bteng ban treikam, kumba 75 tylli ki liengsuiñ ki la treikam ha ka 18 tarik Lber 2026 bad kumba 90 tylli ki liengsuiñ la khmih lynti ba kin poi mynta ka sngi na ki kad liengsuin bapher bapher sha India.
• Ki liengsuin ki la bteng ka jingtreikam na Oman bad Saudi Arabia sha India.
• Ka Qatar airspace ka dang plie shi bynta, ha kaba Qatar Airways ka pyntreikam ia ki liengsuin bym shym la buh por, kynthup khyndai tylli ki liengsuin sha India naduh mynta ka sngi.
• Ka Kuwait airspace ka dang khang naduh ka 28 tarik Rymphang 2026. La khmih lynti ba ki liengsuiñ ba kyrpang ki bym shym la buh por jong ka Jazeera Airways ki treikam na ka kad liengsuiñ Al Qaisumah ha Saudi Arabia, bad ka liengsuin ba nyngkong sha Cochin kan poi lashai ka sngi.
• Ka Bahrain airspace ka dang khangm bad ka Gulf Air ka pyntreikam ia ki liengsuin ba kyrpang na Dammam ha Saudi Arabia bad la khmih lynti shuh shuh ia ki jingshakri.
• Na ka bynta ki nong India kiba don ha Kuwait, Bahrain bad Iraq, ha kaba ka airspace ka dang bteng ban khang, ka jingïaid lynti lyngba ka Saudi Arabia ka dang ïai bteng ban pynsuk, khamtam na ka bynta ki jingjia ba kyrkieh.
• Ki 15 ngut ki nongtrei jong ka jhad MT Safesea Vishnu na India kiba la ïoh ban pyllait ki la mih noh na Iraq bad la khmih lynti ba kin waphai shen sha India.
• Ka Mission ka dang iakren bad ki nongtrei bad ki bor synshar jong ka Iraq ban pynsuk ïa ka jingwanphai jong ki bad ban pynsted ban pynphai ïa ka met ïap jong u nong India uba la khlad noh.

Ka jingpyntip paidbah

Ka Tnad Information and Broadcasting ka la pyntip ba:

• Ka Tnad Commerce and Industry ka la pynlong ia ka jingialang bad ki nongthoh khubor ban pynbna ia ka jingai jingiarap kaba thymmai na ka bynta ki nongshalan mar shabar ri namar ka jingthut ha ka rukom pynpoi mar ha ka pyrthei.
• Ia ka song jingiarap kaba la ai kyrteng RELIEF (Resilience and Logistic Intervention for Export Facilitation) la mynjur hapoh ka Export Promotion Mission.
• Ka jingthmu jong ka RELIEF ka long ban kyrshan ia ki nongshalan mar shabar ri bad ban pynsuk ia ka kam khaii pateng hapdeng ki jingpynthut kiba dang iai bteng.
• Ka jingmynjur ka pyni ia ka sienjam kaba stet jong ka Sorkar ia ki jingeh kiba mih ha ka khaii pateng ha ka pyrthei.
• La thaw ia ka Inter-Ministerial Group (IMG) halor ka jingpynkhlain ia ka jingpynbiang mar bad la pyntreikam naduh ka 3 tarik Lber 2026.
• Ka IMG ka la buddien bha ia ka jinglong jingman kaba nang kylla, ka la pynlong ia ki jingialang bishar bniah man ka sngi bad ka la pyniadei ia ki lad ban plié lad. Ia ka RELIEF package la thaw katkum ki jingpeit bniah ba iai bteng bad ki jingiamir jingmut hapdeng ki myntri.
• Ka RELIEF package ka don ka jingpynlut pisa kaba T.497 klur. Yn pyntreikam ia ka hapoh ka phang jong ka Export Promotion Mission. Ka package ka kynthup ia ki bynta kiba bun kiba thmu ban pynsuk ia ka jingshalan mar shabar ri bad ka jingkyrshan ia ka jingpynpoi mar.
• La iathuh ba ki jingjia jong ka jingleh thok lyngba ki lad cyber kiba iadei bad ka jingphah buh LPG na ki katto katne ki Jylla. Ki nongleh thok ki pyrshang ban shim kabu ia ka jinglong jingman da kaba phah ia ki file kiba sniew kum ka “GAS BILL UPDATE APK” lyngba ki lad phah khubor kum ka WhatsApp ban ialam bakla ia ki nongpyndonkam.
• La bthah ia ki nongpyndonkam ba kim dei ban download ne buh ia kino kino ki file ne aplikeshon kiba i suba kiba ki ioh lyngba ki message, namar kine ki lah ban plie lad ban ioh ia ki jingtip ba kyrpang bad ki bank account. La kyntu ia ki nongshong shnong ban shaniah tang ha ki rynsan ba la pynbna paidbah na ka bynta ban phah buh ia ka LPG.
• La ai jingmut ia ki Jylla bad ki Union Territory ban pynkhlain shuh shuh ia ki rukom pyniaid bad ki jingpynbeit ban pynthikna ia ka jingsam LPG kaba khlem jingthut.
• Ki bor pyniaid ki pynthikna ban buddien ia ka jingpynpoi LPG ha ki distrik bad pynsuk ia ka jingiaid beit iaid ryntih jong ki tanker bad ki cylinder LPG khlem jingthut.
• La ai jingmut ia ki jylla bad ki UT ban pynmih bad pynphriang ia ki jingai jingmut paidbah ban iada na ka jingthied kyrkieh, ban kyntiew ia ka jingpyndonkam hok ia ka LPG bad ban pynthikna ia ka jingpynphriang ia ki jingtip kiba thikna.
• La pyntip ia ki jingbthah jong ka Sorkar India sha baroh ki bor ba dei peit ban pyntreikam mardor.

***