পোষ্ট কৰা হৈছে:
13 MAR 2026 11:01AM by PIB Guwahati
কেন্দ্ৰীয় গৃহ তথা সমবায় মন্ত্ৰী শ্ৰী অমিত শ্বাহৰ অধ্যক্ষতাত এখন উচ্চ পৰ্যায়ৰ সমিতিয়ে (এইচ এল চি) ২০২৫ চনৰ বান, আকস্মিক বান, ডাৱৰ বিস্ফোৰণ, ঘূৰ্ণীবতাহ 'মন্থা', ভূমিস্খলনৰ ফলত ক্ষতিগ্ৰস্ত অন্ধ্ৰপ্ৰদেশ, চত্তিছগড়, গুজৰাট, হিমাচল প্ৰদেশ, নাগালেণ্ড আৰু কেন্দ্ৰীয়শাসিত অঞ্চল জম্মু-কাশ্মীৰক অতিৰিক্ত কেন্দ্ৰীয় সাহায্যৰ বাবে ১,৯১২.৯৯ কোটি টকাৰ অনুমোদন জনাইছে।
ৰাজ্যিক দুৰ্যোগ সঁহাৰি পুঁজি (এছডিআৰএফ)ত উপলব্ধ বছৰৰ বাবে মুকলি ধনৰাশিৰ ৫০ শতাংশৰ সমন্বয় সাপেক্ষে এই কেন্দ্ৰীয় সাহায্য ৰাষ্ট্ৰীয় দুৰ্যোগ সঁহাৰি পুঁজি (এনডিআৰএফ)ৰ পৰা প্ৰদান কৰা হৈছে। মুঠ ১,৯১২.৯৯ কোটি টকাৰ ভিতৰত অন্ধ্ৰপ্ৰদেশৰ বাবে ৩৪১.৪৮ কোটি টকা, ছত্তীশগড়ৰ বাবে ১৫.৭০ কোটি টকা, গুজৰাটৰ বাবে ৭৭৮.৬৭ কোটি টকা, হিমাচল প্ৰদেশৰ বাবে ২৮৮.৩৯ কোটি টকা, নাগালেণ্ডৰ বাবে ১৫৮.৪১ কোটি টকা আৰু কেন্দ্ৰীয়শাসিত অঞ্চল জম্মু-কাশ্মীৰৰ বাবে ৩৩০.৩৪ কোটি টকা অনুমোদন জনোৱা হৈছে।
প্ৰধানমন্ত্ৰী শ্ৰী নৰেন্দ্ৰ মোদীৰ নেতৃত্বত ভাৰত চৰকাৰে প্ৰাকৃতিক দুৰ্যোগ আৰু বিপৰ্যয়ৰ সময়ত ৰাজ্য চৰকাৰসমূহৰ সৈতে কান্ধত কান্ধ মিলাই থিয় দি আছে আৰু সকলো প্ৰয়োজনীয় সহায়তা আগবঢ়াইছে।
ৰাজ্যসমূহক কেন্দ্ৰই প্ৰদান কৰা এই সাহায্য ৰাজ্যিক দুৰ্যোগ সঁহাৰি পুঁজি (এছডিআৰএফ)ৰ অধীনত মুকলি কৰা পুঁজিৰ অতিৰিক্ত, যি ইতিমধ্যে ৰাজ্যসমূহৰ অধীনত আছে। ২০২৫-২৬ বিত্তীয় বৰ্ষত কেন্দ্ৰীয় চৰকাৰে এছডিআৰএফৰ অধীনত ২৮ খন ৰাজ্যলৈ ২০,৭৩৫.২০ কোটি টকা আৰু এনডিআৰএফৰ অধীনত ২১ খন ৰাজ্যলৈ ৩,৬২৮.১৮ কোটি টকা মুকলি কৰিছে।
ইয়াৰ উপৰি ৰাজ্যিক দুৰ্যোগ প্ৰশমন পুঁজি (এছডিএমএফ)ৰ পৰা ২৩ খন ৰাজ্যলৈ ৫,৩৭৩.২০ কোটি টকা আৰু ৰাষ্ট্ৰীয় দুৰ্যোগ প্ৰশমন পুঁজি (এনডিএমএফ)ৰ পৰা ২১ খন ৰাজ্যলৈ ১,১৮৯.৫৬ কোটি টকা মুকলি কৰা হৈছে।
*****
RK/RR/PS/HS