হৌজিক লৈরিবা রেগ্যুলেতরী ফ্রেমৱার্ককী মতুং ইন্না, প্রাইবেৎ সেতলাইৎ তি.ভি. চেনেলশিংদা তেলিকাস্ত তৌরিবা এদভতাইজমেন্ত পুম্নমক কেবল তেলিভিজন নেৎৱর্ক (রেগুলেসন) এক্ত, ১৯৯৫গী মখাদা পীরিবা এদভতাইজমেন্ত কোদ অমসুং মদুগী মখাদা শেমখিবা কাংলোনশিং অদু ঙাক্না চৎকদবনি। এদভর্তাইজিং কোদকী রুল 7 ((5) না, অতোপ্পা ৱাফম অমগা লোয়ননা হায়রি মদুদি "মীয়ামদা চমম্নবা মওংদা অখন্নবা মচল নৎত্রগা অঙকপা মওংদা সুপরনেচরেল ওইবা মগুনশিং য়াওই হায়না এদভর্তাইজ তৌবদা য়াওরোইদবনি। প্রাইবেৎ টিভি চেনেলশিংনা এদভর্তাইজিং কোদকী প্রোভিজন অমা হেক্তা লান্না শীজিন্নরকপা থেংনরবদি মদুগী মতুং ইন্না চুনবা এক্সন লৌখৎলি। মিনিস্ত্রীনা মতম মতমগী ওইনা ব্রোদকাস্তরশিংদা এদভর্তাইজিং কোদ ঙাক্না চৎনবগীদমক এদভর্তাইজরীশিং পীরি।

কঞ্জ্যুমর প্রোতেক্সন এক্ত, ২০১৯গী সেক্সন ১০গী মখাদা সেন্ত্রেল কঞ্জ্যুমর প্রোতেক্সন ওথোরিতী (সেন্ত্রেল ওথোরিতী/ সি.সি.পি.এ.) লিংখৎখ্রে। মসিগী পান্দমদি কঞ্জ্যুমরশিংগী হকশিং লান্থোকপা, লান্না ললোন-ইতিক তৌবা অমসুং অরানবা নৎত্রগা লান্না তাকপা এদভর্তাইজমেন্তশিংগা মরী লৈনবা হিরমশিং লাকশিন্নবা অমসুং কাংলুপ অমা ওইনা কঞ্জ্যুমরশিংগী হকশিং ঙাক-শেনবা অমসুং চৎনহনবনি।

সেন্ত্রেল কঞ্জ্যুমর প্রোতেক্সন ওথোরিতী (সি.সি.পি.এ.) না কঞ্জ্যুমর প্রোতেক্সন এক্ত, ২০১৯গী সেক্সন ১৮না পীরিবা শক্তিশিং শীজিন্নদুনা, "গাইদলাইনস ফোর প্রিভেন্সন ওফ দিসইলেদিং এদভর্তাইজমেন্তস এন্দ এন্দোর্সমেন্তস ফোর দিসইলেদিং এদভর্তাইজমেন্তস, ২০২২" থোকখ্রে। গাইদলাইনশিং অসিনা লান্না লমজিংদবা অমসুং চৎনবা য়াবা এদভর্তাইজমেন্ত, বেৎ এদভর্তাইজমেন্ত, সারোগেৎ এদভর্তাইজমেন্ত থিংবা, অঙাংশিংদা পান্দম থম্লিবা এদভর্তাইজমেন্ত, এদভর্তাইজমেন্তদা দিসএবলমেন্ত অমসুং মেন্যুফেকচরর, সর্ভিস প্রোভাইদর, এদভর্তাইজর অমসুং এদভর্তাইজমেন্ত এজেন্সীগী মথৌ তাবশিং পীরি।

মথক্তা পল্লিবা গাইদলাইনশিং অসিনা ক্লোজ 13গী মখাদা মখা তানা পল্লি: এন্দোর্স তৌনবগী মথৌ তাবা মরম চাবা চেকশিন থৌরাং, হায়বদি এদভর্তাইজমেন্ত অমহেক্তদা উৎলিবা মীওই, কাঙলুপ নত্ত্রগা ওর্গানাইজেসন অদুগী অশেংবা, হৌজিক্কী ওইরিবা ৱাখল্লোন অদু উৎকদবনি অমসুং মশক খংদোক্লবা পোৎশক, পোৎথোক নত্ত্রগা সর্ভিস অদুগী মতিক চাবা ঈ-পাউ নত্ত্রগা এক্সপরিয়েন্সতা য়ুম্ফম ওইগদবনি অমসুং অতোপ্পা মওংদা লান্না তাকপীবা ওইরোইদবনি। মখা তানা, গাইদলাইনশিং অসিদা হায়রি মদুদি করিগুম্বা, ভারত্তা লৈবা নত্ত্রগা অতোপ্পা মফমদা লৈবা, ভারতকী প্রোফেস্নেলশিংনা, মতমদুদা চৎনরিবা আইন অমগী মখাদা, শিনফম অমহেক্তগা মরী লৈনবা এদভর্সমেন্ত অমহেক্তদা এন্দোর্সমেন্ত তৌবদগী অথিংবা থম্লবদি, অসিগুম্বা শিনফম অদুগী ফোরেন প্রোফেস্নেলশিংনসু অসিগুম্বা এদভর্সমেন্ত অদুদা এন্দোর্সমেন্ত তৌবগী অয়াবা পীদে।

পাউদম অসি ঙসি লোক সভাদা শ্রী দোক্তর এম কে বিষ্ণু প্রসাদতা দা. এল. মুরুগান, ইনফোর্মেসন অমসুং ব্রোদকাস্তিং অমসুং পার্লিয়ামেন্তরী এফিয়র্সকী রাজ্য মন্ত্রী অইবা পাউখুম অমদা পীখি।

***