اطلاعات و نشریات اور پارلیمانی امور کے وزیر مملکت ڈاکٹر ایل مروگن نے آج لوک سبھا میں ڈاکٹر ایم کے وشنو پرساد کے ذریعے پوچھے گئے ایک سوال کے تحریری جواب میں بتایا کہ موجودہ انضباطی فریم ورک کے تحت ، نجی سیٹلائٹ ٹی وی چینلز پر نشر ہونے والے تمام اشتہارات کے لیے ضروری ہے کہ وہ کیبل ٹیلی ویژن نیٹ ورکس (ضوابط) ایکٹ ، 1995 اور اس کے تحت بنائے گئے قواعد کے تحت تجویز کردہ اشتہارات سے متعلق ضابطوں پر عمل کریں ۔  اشہتارات سے متعلق ضابطے کے رول7 (5) میں دیگر باتوں کے ساتھ ساتھ یہ بھی کہا گیا ہے کہ ’کسی بھی اشتہار میں ایسے حوالہ جات شامل نہیں ہوں گے جو ممکنہ طور پر عوام کو یہ نتیجہ اخذ کرنے پر مجبور کریں کہ مشتہر کردہ پروڈکٹ یا اس کے کسی بھی اجزاء میں کوئی خاص یا معجزاتی یا انتہائی قدرتی خاصیت یا معیار ہے ، جسے ثابت کرنا مشکل ہوتا ہو ۔‘  اشتہارات سے متعلق ضابطوں کی کسی بھی شق کی خلاف ورزی پائے جانے پر نجی ٹی وی چینلز کے خلاف مناسب کارروائی کی جاتی ہے ۔  وزارت وقتاً فوقتاً نشریاتی اداروں کو ایڈوائزری بھی جاری کرتی رہتی ہے تاکہ اشتہارات سے متعلق ضابطوں کی تعمیل کو یقینی بنایا جا سکے ۔

صارفین کے تحفظ سے متعلق مرکزی اتھارٹی (مرکزی اتھارٹی/سی سی پی اے) کو صارفین کے حقوق کی خلاف ورزی ، غیر منصفانہ تجارتی طورطریقے اور جھوٹے یا گمراہ کن اشتہارات سے متعلق معاملات کو منظم کرنے اور ایک طبقے کے طور پر صارفین کے حقوق کے تحفظ اور نفاذ کے لیے صارفین کے تحفظ سے متعلق ایکٹ 2019 کی دفعہ 10 کے تحت قائم کیا گیا ہے ۔

صارفین کے تحفظ سے متعلق مرکزی اتھارٹی (سی سی پی اے) نے صارفین کے تحفظ ایکٹ 2019 کی دفعہ 18 کے ذریعے دیے گئے اختیارات کا استعمال کرتے ہوئے ’’گمراہ کن اشتہارات کی روک تھام اور گمراہ کن اشتہارات کی توثیق کے لیے رہنما خطوط ، 2022‘‘ جاری کیے۔  یہ رہنما خطوط غیر گمراہ کن اور درست اشتہار ، بیٹ اشتہار ، سرقہ والے  اشتہار کی ممانعت ، بچوں کو نشانہ بنانے والے اشتہار ، اشتہار میں دستبرداری اور مینوفیکچرر ، سروس فراہم کرنے والے ، مشتہر اور اشتہاری ایجنسی کے فرائض کے لیے شرائط فراہم کرتے ہیں ۔

مذکورہ بالا رہنما خطوط مزید شق 13 کے تحت متعین کرتے ہیں: اشتہارات کی توثیق کے لئے مطلوبہ مستعدی یعنی کسی اشتہار میں کسی بھی توثیق میں اس طرح کی نمائندگی کرنے والے فرد ، گروپ یا تنظیم کی حقیقی ، معقول طور پر موجودہ رائے کی عکاسی ہونی چاہیے اور یہ شناخت شدہ سامان ، پروڈکٹ یا سروس کے بارے میں مناسب معلومات یا تجربے پر مبنی ہونی چاہیے اور دوسری صورت میں دھوکہ دہی نہیں ہونی چاہیے ۔  مزید برآں ، رہنما خطوط میں ذکر کیا گیا ہے کہ جہاں ہندوستانی پیشہ ور افراد ، چاہے وہ ہندوستان میں مقیم ہوں یا دوسری صورت میں ، کو فی الحال نافذ کسی قانون کے تحت کسی بھی پیشے سے متعلق کسی بھی اشتہار میں توثیق کرنے سے روک دیا گیا ہے ، تو اس طرح کے پیشے کے غیر ملکی پیشہ ور افراد کو بھی اس طرح کے اشتہار میں توثیق کرنے کی اجازت نہیں ہوگی ۔

********

(ش ح ۔م  ع۔ش ہ ب(

U. No. 3779