தகவல் மற்றும் ஒலிபரப்பு அமைச்சகம்
இயற்கைக்கு மாறான பண்புகளைக் கொண்டிருக்கும் விளம்பரங்களை விளம்பர விதிமுறைகள் தடை செய்கிறது
இடுகை இடப்பட்ட நாள்:
11 MAR 2026 3:28PM by PIB Chennai
தற்போது நடைமுறையிலுள்ள ஒழுங்குமுறை கட்டமைப்பின்படி, தனியார் தொலைக்காட்சி சேனல்களில் ஒளிபரப்பப்படும் அனைத்து விளம்பரங்களும், கேபிள் தொலைக்காட்சி நெட்வொர்க்குகள் (ஒழுங்குமுறை) சட்டம், 1995 மற்றும் அதன் கீழ் உருவாக்கப்பட்ட விதிமுறைகளின் கீழ் பரிந்துரைக்கப்பட்ட விளம்பர விதிமுறைகளை பின்பற்ற வேண்டும். விதி 7(5) மற்றும் சில விதிகளின் படி, ‘விளம்பரப்படுத்தப்பட்ட தயாரிப்பு அல்லது அதன் எந்தவொரு பொருட்களும் சிறப்பு அல்லது அதிசயமான அல்லது இயற்கைக்கு அப்பாற்பட்ட சொத்து அல்லது தரத்தைக் கொண்டுள்ளன. அவை நிரூபிக்க கடினமாக உள்ளன என்பதை பொதுமக்கள் ஊகிக்க வழிவகுக்கும் குறிப்புகளை எந்த விளம்பரமும் கொண்டிருக்கக்கூடாது’ என்று தெரிவிக்கிறது. விளம்பரக் குறியீட்டின் எந்தவொரு விதியையும் மீறுவது கண்டறியப்பட்டால், தனியார் தொலைக்காட்சி சேனல்கள் மீது தகுந்த நடவடிக்கை எடுக்கப்படும். விளம்பரக் குறியீட்டிற்கு இணங்கி ஒளிபரப்பப்படும் விளம்பரங்களை உறுதி செய்வதற்காக ஒளிபரப்பாளர்களுக்கு மத்திய தகவல் ஒலிபரப்பு அமைச்சகம் அவ்வப்போது ஆலோசனைகளையும் வழங்கி வருகிறது.
நுகர்வோர் உரிமைகளை மீறுதல், நியாயமற்ற வர்த்தக நடைமுறைகள் மற்றும் தவறான அல்லது தவறாக வழிநடத்தும் விளம்பரங்கள் தொடர்பான அம்சங்களை ஒழுங்குபடுத்துவதற்கும், நுகர்வோரின் உரிமைகளைப் பாதுகாப்பதற்கும், செயல்படுத்துவதற்கும், 2019 - ம் ஆண்டு நுகர்வோர் பாதுகாப்புச் சட்டத்தின் பிரிவு 10 - ன் கீழ் மத்திய நுகர்வோர் பாதுகாப்பு ஆணையம் நிறுவப்பட்டுள்ளது.
நுகர்வோர் பாதுகாப்புச் சட்டம், 2019- ன் பிரிவு 18 - ல் வழங்கப்பட்ட அதிகாரங்களைப் பயன்படுத்தி, மத்திய நுகர்வோர் பாதுகாப்பு ஆணையம், "தவறான விளம்பரங்களைத் தடுப்பதற்கான வழிகாட்டுதல் நெறிமுறைகள் மற்றும் தவறாக வழிநடத்தும் விளம்பரங்களுக்கான ஒப்புதல்கள், 2022" - ஐ வெளியிட்டுள்ளது. இந்த வழிகாட்டுதல் நெறிமுறைகள் தவறாக வழிநடத்தாத விளம்பரம், மாற்று விளம்பரத்தைத் தடை செய்தல், குழந்தைகளை இலக்காகக் கொண்ட விளம்பரம், விளம்பரத்தில் மறுப்பு மற்றும் உற்பத்தியாளர், சேவை வழங்குநர், விளம்பரதாரர் மற்றும் விளம்பர நிறுவனத்தின் கடமைகளுக்கான நிபந்தனைகளை வழங்குகின்றன.
மக்களவையில் இன்று கேள்வி ஒன்றிற்கு எழுத்து மூலம் அளித்துள்ள பதிலில், மத்திய தகவல் மற்றும் ஒலிபரப்புத்துறை இணையமைச்சர் டாக்டர் எல். முருகன் இதனைத் தெரிவித்துள்ளார்.
மேலும் விவரங்களுக்கு இந்த செய்திக்குறிப்பை ஆங்கிலத்தில் இங்கே காணவும்: https://www.pib.gov.in/PressReleasePage.aspx?PRID=2238159®=3&lang=1
(Release ID: 2238159)
****
TV/SV/SH
(வெளியீட்டு அடையாள எண்: 2238466)
வருகையாளர் எண்ணிக்கை : 15
இந்த வெளியீட்டை படிக்க:
Malayalam
,
English
,
Urdu
,
हिन्दी
,
Manipuri
,
Assamese
,
Bengali
,
Bengali-TR
,
Punjabi
,
Gujarati
,
Telugu
,
Kannada