Posted On:
11 MAR 2026 9:37AM by PIB Chandigarh
ਭਾਰਤ ਸਰਕਾਰ ਦੇ ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲੇ ਨੇ 9 ਮਾਰਚ, 2026 ਨੂੰ ਡ੍ਰਾਫਟ ਗਜ਼ਟ ਨੋਟੀਫਿਕੇਸ਼ਨ ਜੀਐੱਸਆਰ 164(ਈ) ਦੇ ਖਰੜੇ ਜਾਰੀ ਕੀਤੇ ਹਨ, ਜਿਸ ਵਿੱਚ ਡਰੱਗਜ਼ ਰੂਲਜ਼, 1945 ਦੇ ਸ਼ਡਿਊਲ ਐੱਫ ਦੇ ਭਾਗ XII ਸੀ ਦੇ ਪੈਰਾ ਜੀ (ਖੂਨ ਉਤਪਾਦਾਂ ਦੀ ਜਾਂਚ) ਵਿੱਚ ਸੋਧ ਦੇ ਪ੍ਰਸਤਾਵ 'ਤੇ ਲੋਕਾਂ ਤੋਂ ਟਿੱਪਣੀਆਂ ਦੀ ਮੰਗ ਕੀਤੀ ਹੈ।
ਪ੍ਰਸਤਾਵਿਤ ਸੋਧ ਦਾ ਉਦੇਸ਼ ਖੂਨ ਉਤਪਾਦਾਂ ਦੀ ਜਾਂਚ ਲਈ ਰੈਗੂਲੇਟਰੀ ਜ਼ਰੂਰਤਾਂ ਨੂੰ ਅੰਤਰਰਾਸ਼ਟਰੀ ਪੱਧਰ 'ਤੇ ਪ੍ਰਵਾਨਿਤ ਫਾਰਮਾਕੋਪੀਅਲ ਮਿਆਰਾਂ ਦੇ ਅਨੁਸਾਰ ਬਣਾਉਣਾ ਅਤੇ ਉਨ੍ਹਾਂ ਉਤਪਾਦਾਂ 'ਤੇ ਵਾਧੂ ਜਾਂਚ ਜ਼ਰੂਰਤਾਂ ਨੂੰ ਹਟਾਉਣਾ ਹੈ ਜੋ ਵਿਸ਼ਵ-ਵਿਆਪੀ ਸਭ ਤੋਂ ਵਧੀਆ ਪ੍ਰਣਾਲੀਆਂ ਦੇ ਤਹਿਤ ਲੋੜੀਂਦੀਆਂ ਨਹੀਂ ਹਨ।
ਇੰਡੀਅਨ ਫਾਰਮਾਕੋਪੀਆ (ਆਈਪੀ), ਬ੍ਰਿਟਿਸ਼ ਫਾਰਮਾਕੋਪੀਆ (ਬੀਪੀ), ਯੂਨਾਈਟਿਡ ਸਟੇਟਸ ਫਾਰਮਾਕੋਪੀਆ (ਯੂਐੱਸਪੀ) ਅਤੇ ਯੂਰੋਪੀਅਨ ਫਾਰਮਾਕੋਪੀਆ (ਈਪੀ) ਵਿੱਚ ਮਨੁੱਖੀ ਪਲਾਜ਼ਮਾ ਦੇ ਅੰਸ਼ਾਂ ਦੇ ਅਧਿਕਾਰਤ ਮੋਨੋਗ੍ਰਾਫਾਂ ਦੇ ਅਨੁਸਾਰ, ਇਕੱਠੇ ਕੀਤੇ ਮਨੁੱਖੀ ਪਲਾਜ਼ਮਾ ਲਈ ਸਖ਼ਤ ਟੈਸਟਿੰਗ ਪ੍ਰੋਟੋਕੋਲ ਨਿਰਧਾਰਿਤ ਕੀਤੇ ਗਏ ਹਨ।
ਇਨ੍ਹਾਂ ਮਿਆਰੀ ਮਾਪਢੰਡਾਂ ਦੇ ਅਧੀਨ:
-
ਪਲਾਜ਼ਮਾ ਦੇ ਪਹਿਲੇ ਸਮਰੂਪ ਪੂਲ ਦਾ ਲਾਜ਼ਮੀ ਤੌਰ ‘ਤੇ ਹੈਪੇਟਾਈਟਿਸ ਬੀ ਸਰਫੇਸ ਐਂਟੀਜੈਨ (ਐੱਚਬੀਐੱਸਏਜੀ), ਹੈਪੇਟਾਈਟਿਸ ਸੀ ਵਾਇਰਸ ਆਰਐੱਨਏ ਅਤੇ ਐੱਚਆਈਵੀ ਦੇ ਐਂਟੀਬਾਡੀਜ਼ ਲਈ ਜਾਂਚ ਕੀਤੀ ਜਾਂਦੀ ਹੈ।
-
ਇਕੱਠੇ ਕੀਤੇ ਪਲਾਜ਼ਮਾ ਨੂੰ ਅੰਸ਼ਾਂ ਵਿੱਚ ਵੰਡਣ ਦੀ ਇਜ਼ਾਜਤ ਦੇਣ ਤੋਂ ਪਹਿਲਾਂ ਇਨ੍ਹਾਂ ਵਾਇਰਲ ਮਾਰਕਰਾਂ ਦੀ ਜਾਂਚ ਨੈਗੇਟਿਵ ਹੋਣੀ ਜ਼ਰੂਰੀ ਹੈ।
-
ਸਿਰਫ਼ ਉਹੀ ਪਲਾਜ਼ਮਾ ਪੂਲਾਂ ਦੀ ਵਰਤੋਂ ਪਲਾਜ਼ਮਾ ਤੋਂ ਪੈਦਾ ਹੋਈਆਂ ਦਵਾਈਆਂ ਦੇ ਉਤਪਾਦਾਂ ਦੇ ਨਿਰਮਾਣ ਲਈ ਕੀਤੀ ਜਾਂਦੀ ਹੈ ਜੋ ਇਨ੍ਹਾਂ ਸੁਰੱਖਿਆ ਜ਼ਰੂਰਤਾਂ ਨੂੰ ਪੂਰਾ ਕਰਦੇ ਹਨ
ਇਸ ਦੇ ਬਾਵਜੂਦ, ਮੌਜੂਦਾ ਰੈਗੂਲੇਟਰੀ ਢਾਂਚੇ ਦੇ ਤਹਿਤ, ਪਹਿਲਾਂ ਤੋਂ ਹੀ ਟੈਸਟ ਕੀਤੇ ਗਏ ਅਤੇ ਯੋਗ ਪਲਾਜ਼ਮਾ ਪੂਲ ਤੋਂ ਤਿਆਰ ਕੀਤੇ ਗਏ ਅੰਤਿਮ ਉਤਪਾਦਾਂ ਦਾ ਮੁੜ ਤੋਂ ਟੈਸਟ ਕੀਤਾ ਜਾਂਦਾ ਹੈ।
ਇਸ ਦੇ ਨਤੀਜੇ ਵਜੋਂ, ਪੂਲਡ ਪਲਾਜ਼ਮਾ ਪੜਾਅ ਅਤੇ ਤਿਆਰ ਉਤਪਾਦ ਪੜਾਅ ਦੋਵਾਂ ਵਿੱਚ ਇੱਕੋ ਵਾਇਰਲ ਮਾਰਕਰ ਲਈ ਜਾਂਚ ਦੀ ਮੁੜ ਜਾਂਚ ਹੁੰਦੀ ਹੈ। ਇਸ ਤਰ੍ਹਾਂ ਦੀ ਦੋਹਰੀ ਜਾਂਚ ਅੰਤਰਰਾਸ਼ਟਰੀ ਰੈਗੂਲੇਟਰੀ ਅਭਿਆਸਾਂ ਦੇ ਅਨੁਕੂਲ ਨਹੀਂ ਹੈ।
ਪ੍ਰਸਤਾਵਿਤ ਸੋਧ ਰੈਗੂਲੇਟਰੀ ਤਾਲਮੇਲ, ਟੈਸਟਿੰਗ ਜ਼ਰੂਰਤਾਂ ਦੇ ਵਿਗਿਆਨਕ ਤਰਕਸੰਗਤੀਕਰਣ ਅਤੇ ਮਰੀਜ਼ਾਂ ਦੀ ਸੁਰੱਖਿਆ ਦੀਆਂ ਉੱਚਤਮ ਮਿਆਰਾਂ ਨੂੰ ਬਣਾਈ ਰੱਖਦੇ ਹੋਏ ਬੇਲੋੜੀ ਪਾਲਣਾ ਬੋਝ ਨੂੰ ਘਟਾਉਣ ਵੱਲ ਇੱਕ ਪ੍ਰਗਤੀਸ਼ੀਲ ਕਦਮ ਹੈ।
ਸਾਰੇ ਹਿਤਧਾਰਕਾਂ ਨੂੰ ਡ੍ਰਾਫਟ ਨੋਟੀਫਿਕੇਸ਼ਨ ਦੀ ਸਮੀਖਿਆ ਕਰਨ ਅਤੇ ਨਿਰਧਾਰਿਤ ਸਮੇਂ ਸੀਮਾ ਦੇ ਅੰਦਰ ਆਪਣੀਆਂ ਟਿੱਪਣੀਆਂ ਅਤੇ ਸੁਝਾਅ ਪੇਸ਼ ਕਰਨ ਲਈ ਉਤਸ਼ਾਹਿਤ ਕੀਤਾ ਜਾਂਦਾ ਹੈ।
************
ਐੱਸਆਰ/ਬਲਜੀਤ ਸਿੰਘ