প্রধানমন্ত্রীগী লোইশঙ
পুদুচেরিদা লুপা করোর ২,৭০০ হেনবগী তোঙান তোঙানবা চাউখৎ-থৌরাংগী প্রোজেকশিং শঙ্গাবা, উরেপ-উয়ুং তম্বা অমসুং মীয়ামদা কৎথোকপা মনুংদা মহাক্না ফোঙদোকখিবা ৱারোল প্রধান মন্ত্রীনা সিয়ার তৌখ্রে
থাগৎখিবা:
01 MAR 2026 6:03PM by PIB Imphal
পুদুচেরিদা লুপা করোর ২,৭০০ হেনবগী তোঙান তোঙানবা চাউখৎ-থৌরাংগী প্রোজেকশিং শঙ্গাবা, উরেপ-উয়ুং তম্বা অমসুং মীয়ামদা কৎথোকপা মনুংদা মহাক্না ফোঙদোকখিবা ৱারোল প্রধান মন্ত্রী শ্রী নরেন্দ্র মোদীনা সিয়ার তৌখ্রে।
এক্সতা পোষ্টশিংগী পরিং অমদা, প্রধান মন্ত্রী মোদীনা হায়খি;
“পুদুচেরিগী অঙকপা মীয়ামগী মরক্ত তিনবা অসি অপেনবা ফাওই। ঙসি হৌদোক্লিবা তোঙান তোঙানবা চাউখৎ-থৌরাংগী থবকশিংনা হিংবদা লাইহনগনি অমসুং লমদম অসিগী শেন-থুম চাউখৎপা হেনগৎহনগনি”।
“বনাক্কম পুদুচেরি!
তোঙান তোঙানবা চাউখৎ-থৌরাংগী থবকশিং হৌদোক্নবা পুদুচেরিগী ঐগী ইচলশিং অমসুং ইনাওশিংগী মরক্ত শরুক য়াবা অসি হরাওই। মীয়ামগী য়াইফনবা দবল-ইঞ্জিন এন.দি.এ সরকারনা থবক পায়খৎলে”।
“হৌখিবা চহি ৫ দা, পুদুচেরি শিংথাবা য়ানা চাউখৎপা উরে, বেষ্ট পুদুচেরি শেমগৎনবা পান্দমগী লম্বীদা চঙশিল্লি”।
“কমদৌনা ঐখোয়না পুদুচেরিগী নহারোলশিং ফিবম ফগৎহনবগে হায়বা মফম অসিদা লৈরে…”
“পুদুচেরি মেদিকেল তুরিজম অমসুং অনা-লাইয়েংগী মফম অমা ওইহনবা ঐখোয়না পাম্মী”।
“দিল্লিদা ইমুং অমা খক সেবা তৌনবা কংগ্রেসনা পুদুচেরি এ.তি.এম অমা ওন্থোকখি। মরম অদুনা পুদুচেরিনা কৈদৌঙৈদা কংগ্রেস অমসুং মসিগা চৎমিন্নরিবশিংদা ভোৎ পীদ্রিবনি”।
***
(রিলিজ আই.দি.: 2234408)
ভিজিতর কাউন্তর : 33
রিলিজ অসি মসিদা পাবীয়ু:
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam