ادارہ جاتی تعاون کو گہرا کرنے کی سمت میں ایک اہم قدم اٹھاتے ہوئے ، ہندوستانی ریلوے اور ہندوستانی فوج نے ایک ’’تعاون کا فریم ورک‘‘ کے آغاز کیا ہے جس کا مقصد اگنی ویروں اور خدمت گار فوجی اہلکاروں کے لیے ریٹائرمنٹ کے بعد روزگار کے موقعوں میں اضافہ کرنا ہے جو شہری زندگی میں منتقل ہو رہے ہیں ۔

فوج اور ریلوے کی وزارت کی سینئر قیادت کے تحت یہ پہل فوج سے شہری کریئر میں بلارکاوٹ تبدیلی کو یقینی بنانے کے لیے کی گئی ہے ۔ یہ ریلوے کے اندر ملازمت کے امکانات کے بارے میں بیداری میں بھی اضافہ کرے گا اور ریٹائر ہونے والے اہلکاروں کی مدد کے لیے ایک سپورٹ سسٹم بنائے گا ۔

یہ باہمی تعاون کا فریم ورک وسیع تر قومی ترقیاتی مقاصد کی حمایت کرتے ہوئے سابق فوجیوں کو بامعنی دوسرے کریئر کے راستے فراہم کرنے کے مشترکہ عزم کی نشاندہی کرتا ہے ۔

سابق فوجیوں کے لیے روزگار کے بڑے موقعے

ریٹائرڈ مسلح افواج کے اہلکاروں کی فلاح و بہبود اور آبادکاری ہندوستانی ریلوے کے پالیسی فریم ورک کا ایک اہم جزو ہے ۔

سابق فوجیوں کے لیے روزگار کے موقعے فراہم کرنا:

• سابق فوجیوں کے لیے لیول-2/اس سے اوپر کے عہدوں میں 10فیصد ورٹیکل ریزرویشن اور لیول-1 کے عہدوں میں 20فیصد ریزرویشن فراہم کیا گیا ہے ۔
• اس کے علاوہ، لیول-2/ اس سے اوپر کے عہدوں میں 5فیصد ریزرویشن اور لیول-1 کے عہدوں میں 10فیصد ریزرویشن سابق اگنی ویرز کے لیے مختص کیا گیا ہے ۔

سال 2024 اور 2025 میں ، ریلوے خالی آسامیوں کے نوٹیفکیشن میں سابق فوجیوں کے لیے کل 14,788 آسامیاں مخصوص کی گئیں ، جن میں مندرجہ ذیل شامل ہیں:

• لیول-1 میں 6,485 آسامیاں
• لیول-2/اس سے اوپر میں 8,303 آسامیاں

لیول-1 (سابقہ گروپ ڈی) اور لیول-2/اس سے اوپر کے عہدوں پر بھرتی بالترتیب ریلوے بھرتی مراکز (آر آر سی) اور ریلوے بھرتی بورڈز (آر آر بی) کے ذریعے مسابقتی امتحانات کے ذریعے کی جاتی ہے ۔

معاہدے کی تقرریوں کے ذریعے فوری مشغولیت

سابق فوجیوں کی تیزی سے شمولیت کو فروغ دینے اور موجودہ خالی آسامیوں کو حل کرنے کے لیے ، ریلوے کی وزارت نے باقاعدہ بھرتی کا عمل مکمل ہونے تک معاہدے کی بنیاد پر ہندوستانی ریلوے میں سابق فوجیوں کو ’پوائنٹ مین‘کے طور پر بھرتی کرنے کا فیصلہ کیا ہے ۔

اس وقت زونل اور ڈویژنل سطحوں پر 5000 سے زیادہ لیول-1 کے عہدوں پر کارروائی کی جا رہی ہے ۔ اب تک 9 ڈویژنوں نے پوائنٹس مین کی خدمات حاصل کرنے کے لیے متعلقہ فوجی تنظیموں کے ساتھ مفاہمت نامے کیے ہیں ۔

باہمی تعاون کا فریم ورک فوج کی بھرتی کرنے والی تنظیموں سے بھی مطالبہ کرتا ہے کہ وہ ان عہدوں کو پر کرنے میں تیزی لانے کے لیے ریلوے ڈویژنوں کے ساتھ  سرگرم رہیں۔

قوم کی تعمیر کے لیے اجتماعی طاقتوں کا استعمال

ہندوستانی ریلوے اور ہندوستانی فوج خدمات کے دوران تیار کردہ بیش بہا ہنر مندیوں ، نظم و ضبط ، تکنیکی قابلیت اور قائدانہ خصوصیات کا اشتراک کرتے ہیں ، جو قوم کی تعمیر میں نمایاں کردار ادا کرتے ہیں ۔ مضبوط نظم و ضبط اور قومی جوش و خروش کے ساتھ ساتھ زبردست آپریشنل اور انتظامی تجربے کے ساتھ کافی تعداد میں فوجی نسبتا کم عمر میں ریٹائر ہو جاتے ہیں ۔

ہندوستانی ریلوے اور ہندوستانی فوج کے درمیان تعاون لاجسٹکس اور اہلکاروں کی نقل و حرکت میں اہم کردار ادا کرتا ہے ۔ اسٹریٹجک انفراسٹرکچر پروجیکٹس جیسے ڈیڈیکیٹڈ فریٹ کوریڈور اور ادھم پور-سری نگر-بارہمولہ ریل لنک نے فوجیوں اور آلات کے لیے تیزی سے تعیناتی کی صلاحیتوں کو بڑھایا ہے ۔ گتی شکتی وشو ودیالیہ کے ساتھ مفاہمت کی یادداشتوں (ایم او یو) کے ذریعے ہنر مندی کے اشتراک کے اقدامات کو بھی فروغ دیا جا رہا ہے ۔

یہ فریم ورک موجودہ بھرتی کے نظام کے اندر سابق فوجیوں اوران کی  منظم شمولیت کو فروغ دیتا ہے اور طویل مدتی تعاون کو مضبوط کرتا ہے ۔ یہ پہل قومی بنیادی ڈھانچے اور سیکورٹی کوآرڈینیشن کو مضبوط کرتے ہوئے مسلح افواج کے سابق فوجیوں کے تجربے اور نظم و ضبط سے فائدہ اٹھانے کے لیے حکومت کے عزم کی نشاندہی کرتی ہے ۔

***

(ش ح ۔ ا س۔ ت ح)

U. No. :3107