শেনমিৎলোন্দা মন্ত্রীমন্দলগী মীফম (সি.সি.ই.এ.)
মহারাষ্ট্রি, মধ্য প্রদেস, বিহার অমসুং ঝারখন্দ রাজ্যশিং শীনবা থুংনা জিলা ৮ দা মল্তিত্রেক্কিং প্রোজেক অহুম পায়খৎপদা মন্ত্রীমন্দলনা অয়াবা পীরে, ভারত রেলৱেগী হৌজিক লৈরিবা নেতৱার্ক কিমি ৩০৭ রোম হেনগৎলগনি
প্রোজেক অসিগী অপুনবা শেনফম লুপা করোর ৯,০৭২ নি অমসুং মসি ২০৩০-৩১ ফাওবগী মনুংদা লোইশিনগনি
থাগৎখিবা:
24 FEB 2026 3:25PM by PIB Imphal
ঙসি প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতি ওন ইকোনোমিক এফেয়ার্সনা অপুনবা শেনফম লুপা করোর ৯,০৭২ গী রেলৱেজ মিনিষ্ট্রিগী মল্তিত্রেক্কিং প্রোজেক অহুম পায়খৎপদা অয়াবা পীরে। হায়রিবা প্রোজকশিং অদুগী মনুংদা য়াওরিবদি:
a. গোন্দা-জবলপুর দবল ওইহনবা
b. পুনারাখ-কিউল ৩শুবা অমসুং ৪শুবা লাইন
c. গামহারিয়া-চান্দিল ৩শুবা অমসুং ৪শুবা লাইন
প্রোজেক অহুম অসিনা মহারাষ্ট্রি, মধ্য প্রদেস, বিহার অমসুং ঝারখন্দ রাজ্যশিং শীনবা থুংনা জিলা ৮ কোনশিন্দুনা ভারত রেলৱেগী হৌজিক লৈরিবা নেতৱার্ক কিমি ৩০৭ রোম হেনগৎলগনি।
পায়খৎকদৌরিবা মল্তিত্রেক্কিং প্রোজেক অসিনা অপুনবা মীশিং লাখ ৯৮ রোম লৈবা চাউরাক্না খুঙ্গং ৫,৪০৭ দা চৎথোক-চৎশিন ফগৎহনগনি।
লাইন হেনগৎলকপা অসিনা চৎথোক-চৎশিন হেনগৎহনগনি অমসুং ভারত রেলৱেজ মথৌ ফজনা পাংথোকপা অমসুং অশোই-অঙাম থোক্তবা হেনগৎহনগনি। মল্তিত্রেক্কিং প্রোজেকশিং অসিনা থবক ফজন পাংথোকপা ঙমহনগনি অমসুং য়াম্না চিনবা ফহনগনি। প্রোজেক অসিনা মফম অমা অপুনবা ওইনা চাউখৎহন্দুনা মীয়াম থবক ফংবা/মশানা মশাবু থবক পীজবা হেনগৎহন্দুনা লমদম অসিগী মীয়াম অত্মনির্ভর ওইহন্দুনা অনৌবা ভারত অমা শেম্নবা প্রধান মন্ত্রী শ্রী নরেন্দ্র মোদীগী মঙলানগী শরুক অমনি।
অপুনবা থৌরাং অমসুং মরী লৈনবশিং খন্নদুনা মল্তি-মোদালগী চৎথোক-চৎশিন অমসুং পোৎ-চৈ পুথোক-পুশিন হেনগৎহন্নবা পান্দমগা লোয়ননা প্রোজেকশিং অসি পি.এম-গাতি শক্তি নেসনেল মাষ্টর প্লানদা থৌরাং তৌবনি। প্রোজেকশিং অসিনা মীয়াম, পোৎ-চৈ অমসুং থবকশিং অপনবা লৈতনা চৎথোক-চৎশিন য়াহনগনি।
লাইন মশিং হেনগৎলক্কদৌরিবা অসিনা, কচনার সিবা লাইশঙ (জবলপুর), কনহা নেসনেল পার্ক (বালাঘাত), গঙ্গুলপারা দাম অমসুং ঈশিং চাইবী, পেঞ্চ নেসনেল পার্ক, ধুয়ানধর ঈশিং চাইবী, বার্গি দাম, গোমজি-সোমজি লাইশঙ, চান্দিল দাম, দালমা চীঙদোল, হেসাকোচা ঈশিং চাইবী, রাইজমা ঘাতি, দালমা ৱাইল্দলাইফ সেঙ্কচুরি য়াওনা লৈবাক শীনবা থুংনা লৈরিবা মমিং চৎলবা লমকোয়ফমশিংদা রেলনা চৎথোক-চৎশিন তৌবা হেনগৎহনগনি।
প্রোজেকশিং অসি কয়লা, ষ্টিল, আইরন ওর, সিমেন্ত, বাল্লাষ্ট অমসুং ষ্টোন চিপশিং, ফ্লাই এস, হারশিং, শুনু নুঙ, মেগানিজ, দোলোমাইত, মহৈ-মরোশিং, পি.ও.এল অসিনচিংবা পোৎ-চৈশিং পুথোক-পুশিনগী মরুওইবা লম্বীশিংনি। লাইন মশিং হেনগৎহনবা অসিনা ৫২ এম.তি.পি.এ (মিল্লয়ন তন্স পর এনম) গী অহেনবা পোৎ-চৈ পুগনি। রেলৱেজশিং মহৌশাগী অকোয়গী ফিবম শোকহন্দবা অমসুং ইনর্জি য়াম্না চাদবা মখলগী চৎথোক-চৎশিনগী থবক ওইবনা, মসিনা ক্লাইমেত গোলশিং ফংবা অমসুং লৈবাক অসিগী পোৎ-চৈ পুথোক-পুশিনগী চাদিং হন্থহনবদা মতেং পাংগনি, মপান্দগী থাউ পুশিল্লকপা (লিতর করোর ৬) হন্থহনগনি অমসুং উ পাম্বী করোর ১ থাবগা মান্নবা কার্বোনদাইওক্সাইদ থাদোকপা (কেজি করোর ৩০) হন্থহনগনি।
***
(রিলিজ আই.দি.: 2232696)
ভিজিতর কাউন্তর : 4
রিলিজ অসি মসিদা পাবীয়ু:
English
,
Urdu
,
हिन्दी
,
Marathi
,
Assamese
,
Bengali
,
Bengali-TR
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam