প্রধানমন্ত্রীগী লোইশঙ
ঐখোয়গী তুংলমচৎ শেম্লিবা অমসুং লোইলমগী ৱাখল্লোনগী মমিশিং কোকহন্নবা হোৎনখিবা মীওইশিংবু ইকাই খুম্নবা উৎনবা ভারতকী ফিরেপ অদু উৎলদুনা শ্রী চক্রবর্তি রাজাগোপালচারিজীবু ইকাই খুম্নবা উৎলিবা ভারতকী রাস্ত্রপতিনা শরুক য়াখিবা রাজাজী উৎসব অদুবু প্রধান মন্ত্রীনা থাগৎখ্রে
থাগৎখিবা:
23 FEB 2026 5:12PM by PIB Imphal
ভারতকী রাস্ত্রপতি শ্রীমতি শ্রী দ্রৌপদী মর্মুনা রাস্ত্রপতি ভবনগী অশোক মন্দপকী মনাক্তা লৈবা গ্রান্দ ওপন স্তেরকেজতা খিল্লিবা চক্রবর্তি রাজাগোপালচারীগী মীতম অমা মাইখুম হাংদোকখি।
প্রধান মন্ত্রী, শ্রী নরেন্দ্র মোদীনা খোঙথাং অসিবু লৈবাক অসিগী তুংলমচৎ শেমখিবা মীওইশিংবু ইকায় খুম্নবা অমসুং লোইলমগী ৱাখল্লোনগী মমিশিং অদু কোকহন্নবা ভারতকী ৱারেপ অদু উৎলিবা থাগৎনিংঙাই ওইবা থবক অমনি হায়না ফোংদোকখি। শ্রী মোদীনা হায়খি মদুদি রাজাজী অসি শক্নাইরবা স্কোলর, নীংতম লান্মী, থিঙ্কর অমসুং এদমিনিস্ত্রেতর অমনি, মহাক্কী পুন্সিদা ইন্তিগ্রিতি, ইন্তেলিজেন্স অমসুং লৈবাক অসিগীদমক অচেৎপা থৌদাং লৌখি।
ভারতকী রাস্ত্রপতিনা রাস্ত্রপতি ভবনদা 'রাজাজী উৎসব'তা শরুক য়াখি। রাজাজী উৎসবকী শরুক অমা ওইনা, রাজাজীগী পুন্সি অমসুং থবক থৌরমগী মতাংদা এক্সিবিসন অমা ফেব্রুৱারী ২৪দগী মার্চ ১, ২০২৬ ফাওবা রাস্ত্রপতি ভবনদা পাংথোক্কনি।
প্রধান মন্ত্রী, শ্রী নরেন্দ্র মোদীনা হায়খি মদুদি রাজাজী উৎসব অসি রাজাজীনা লৈবাক অসিদা লৌখিবা থৌদাং কয়াগী তোঙান-তোঙানবা মশকশিং পুথোক্লিবা অঙকপা খোঙথাং অমনি। মহাক্না মীয়াম্বু এক্সিবিসন অসি য়েংনবা অমসুং মহাক্কী পুন্সি অমসুং ৱাখল্লোনশিংদগী ইথিল লৌনবা হায়খি।
মথক্তা পনখ্রিবা থৌরাংশিং অসিগী মতাংদা ভারতকী রাস্ত্রপতিগী Xকী পোস্তকী পাউখুম পীরদুনা শ্রী মোদীনা ইখি;
“ঐখোয়গী তুংগী পুন্সি শেমখিবা মীওইশিংবু ইকায় খুম্নবা অমসুং লোইলমগী ৱাখল্লোনগী মমি অদু মুত্থৎনবা ভারতকী ৱারেপ অদু উৎলিবা থাগৎনিংঙাই ওইবা থবক অমনি।
রাজাজী অসি শক্নাইরবা স্কোলর, নীংতম লান্মী, থিঙ্কর অমসুং এদমিনিস্ত্রেতর অমনি, মহাক্কী পুন্সিদা ইন্তিগ্রিতী, ইন্তেলিজেন্স অমসুং লৈবাক অসিগীদমক্তা অচেৎপা থৌদাং লৌবগী মশক অমা উখি।”
“রাজাজী উৎসব অসি ঐখোয়গী লৈবাক অসিদা রাজাজীনা লৌখিবা থৌদাং কয়াগী তোঙান-তোঙানবা মশকশিং পুথোক্লিবা অঙকপা খোঙথাং অমনি। ঐনা ময়াম পুম্নমকপু মসিদা চৎনবা অমসুং ইথিল লৌনবা হায়জরি!”
***
(রিলিজ আই.দি.: 2232077)
ভিজিতর কাউন্তর : 21
রিলিজ অসি মসিদা পাবীয়ু:
Gujarati
,
English
,
Urdu
,
हिन्दी
,
Marathi
,
Assamese
,
Bengali
,
Punjabi
,
Odia
,
Tamil
,
Telugu
,
Kannada
,
Malayalam