প্রধানমন্ত্রীগী লোইশঙ
প্রধান মন্ত্রীগা UN সেক্রেতরী-জেনেরেলগা AI ইম্পেক্ত সম্মিত্তা উনখিবা
থাগৎখিবা:
20 FEB 2026 9:52PM by PIB Imphal
প্রধান মন্ত্রী শ্রী নরেন্দ্র মোদীগা UN সেক্রেতরী-জেনেরেল (UNSG) মিস্তর এন্তোনিও গুতেরেসকা ফেব্রুৱারী ২০, ২০২৬ তা AI ইম্পেক্ত সম্মিত্তা উনখ্রে।
UNSG না প্রধান মন্ত্রীবু AI বু দিমোক্রেতাইজ তৌনবা অমদি মীওইবদা য়ুম্ফম ওইহন্নবা মীৎয়েঙগা লোয়ননা AI ইম্পেক্ত সম্মিত পাঙথোকপগীদমক নুংঙাইবা ফোঙদোকখি। প্রধান মন্ত্রীনা UNSG বু ইন্দিপেন্দেন্ত ইন্তরনেস্নেল সাইন্তিফিক পেনেল অমা শেম্নবা হোৎনরিবা অমদি চাওখৎলক্লিবা লৈবাকশিংবু AI গী লমদা ঙাক্লৌ পীবগীদমক তৌবিমল খঙব ফোঙদোকখি। প্রধান মন্ত্রী মোদীনা MANAV ভিজন ফোর AI অমদি তেক্নোলোজীনা চাওখৎপা পুরক্নবা পাম্বৈ অমা ওইবগী মতাঙদা মরুওইবা ৱাফমশিং নৌহৌননা ফোঙদোকখি।
লুচিংবা অনিনা মতমসিগী ওইবা মচৎকী মমি তারিবা মল্তিপোলার মালেমগী ৱাখল্লোন ফোদোক্নখি। মখোয়না য়ুনাইতেদ নেসন্সতা, মরুওইনা য়ুনাইতেদ নেসন্স সিক্যুরিতী কাউন্সিল (UNSC) দা থুনা রিফোর্ম পুরকপগী মথৌ তাবা ৱাফমশিং ফোঙদোক্নখি।
প্রধান মন্ত্রীনা UNSG গুতেরেসকী মফমদা মহাক্কী লেমহৌরিবা মতমগীদমক য়াইফ-পাউজেল পীখি।
***
(রিলিজ আই.দি.: 2231689)
ভিজিতর কাউন্তর : 23
রিলিজ অসি মসিদা পাবীয়ু:
Gujarati
,
Kannada
,
English
,
Urdu
,
हिन्दी
,
Marathi
,
Assamese
,
Bengali
,
Bengali-TR
,
Punjabi
,
Odia
,
Tamil
,
Telugu
,
Malayalam