প্রধানমন্ত্রীগী লোইশঙ
প্রধান মন্ত্রীনা AI ইম্পেক্ত সম্মিত 2026 মনুংদা স্বিস কনফেদরেসনগী রাস্ত্রপতি, হিস এক্সেলেন্সী শ্রী গাই পারমেলিনগা উনবা
থাগৎখিবা:
19 FEB 2026 6:29PM by PIB Imphal
স্বিস কনফেদরেসনগী রাস্ত্রপতিনা ন্যু দিল্লীদা 2026গী ফেব্রুৱারী 19দগী 20 ফাওবা পাংথোক্কদৌরিবা AI ইম্পেক্ত সম্মিত, 2026তা শরুক য়ানবা নুমিৎ অনীগী খোঙচৎ অমদা ভারত্তা লাক্লি।
লুচিংবা অনিনা ভারত অমসুং স্বিৎজর্লেন্দগী মরক্তা লৈরিবা মরুপ-মপাং ওইবা অমসুং তোঙান-তোঙানবা মরীশিং অদুবু অমুক হন্না ফোংদোক্নখি। মখোয়না ত্রেদ অমসুং ইনভেস্তমেন্ত, সাইন্স অমসুং তেক্নোলোজী, ন্নোবেসন, স্কিল দিবেলপমেন্ত, কলচরেল একচেঞ্জ অমসুং মীয়ামগী মরক্তা লৈনরিবা মরী য়াওনা লৈবাক অনিগী মরক্তা লৈনরিবা মরীশিংগী মপুং ফাবা স্পেক্ত্রম অদু য়েংশিনখি। মখোয়না রিজনেল অমসুং গ্লোবেল ইসুশিংগী মতাংদসু মখোয়গী ৱাখল্লোনশিং ফোংদোক্নখি।
লুচিংবা অনিনা শেন্মিৎলোনগী মরী হেন্না চেৎশিল্লকপদা নুংঙাইবা ফোংদোকখি অমসুং ইন্দিয়া অমসুং স্বিৎজর্লেন্দনা মরুওইবা মেম্বর অমা ওইরিবা য়ুরোপিয়ন ফ্রী ত্রেদ এসোসিয়েসন (EFTA)গী মরক্তা ইকুই কুইদ্রিঙৈ হন্দক্তা লোইশিনখিবা পুৱারী ওইরবা ভারত- EFTA ত্রেদ অমসুং ইকোনোমিক পার্তনরশিপ এগ্রীমেন্ত (TEPA) ইমপ্লিমেন্ত তৌবদগী ওইরকপা পোজিতিব মোমেন্তম অদুবুসু য়াম্না মরু ওইনা পনখি । তেপাদা লৈবাক অনিগী মরক্তা লাল্লোন-ইতিক অমসুং ইনভেস্তমেন্তকী ফ্লোশিং চাউনা পাকথোক চাউথোকহন্নবা অচৌবা পোতেন্সিয়েল লৈ।
নাকল অনক্না ইন্নোবেসন্না পুরকপা গ্রোথ, জোইন্ত রিসর্স, খ্বাইদগী ফবা থৌওংশিং শেয়র তৌবা অমসুং ত্রেনিং অমসুং স্কিল দিবেলপমেন্ত ইনিসিয়েতিবশিংগী খুত্থাংদা কেপাসিতী বিল্দিংদা মখা তানা খুৎশম্ননা থবক তৌমিন্নবা হেননা হেনগৎহন্নবগী মতাংদা য়ানখি। মীফম অদু ভারত-স্বিৎজর্লেন্দ পার্তনরশিপপু অনৌবা অৱাংবা থাক্তা পুখৎনবা অপুনবা মিৎয়েং অমগা লোয়ননা লোইশিনখি।
UAEনা মথংগী AI সম্মিতকী য়ুম্বু ওইনবা স্বিৎজর্লেন্দনা লৌখৎলকপা খোংথাং অদবু প্রধান মন্ত্রীনা তরাম্না ওকখি।
***
(রিলিজ আই.দি.: 2230745)
ভিজিতর কাউন্তর : 3
রিলিজ অসি মসিদা পাবীয়ু:
Kannada
,
Gujarati
,
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Tamil
,
Telugu
,
Malayalam