ਆਰਥਿਕ ਮਾਮਲਿਆਂ ਬਾਰੇ ਮੰਤਰੀ ਮੰਡਲ ਕਮੇਟੀ
azadi ka amrit mahotsav

ਕੈਬਨਿਟ ਨੇ ਤੇਲੰਗਾਨਾ ਵਿੱਚ ਹੈਦਰਾਬਾਦ-ਪਣਜੀ ਆਰਥਿਕ ਕੌਰੀਡੋਰ 'ਤੇ ਗੁਡੇਬੇੱਲੂਰ ਤੋਂ ਮਹਿਬੂਬਨਗਰ ਤੱਕ ਰਾਸ਼ਟਰੀ ਰਾਜਮਾਰਗ-167 ਨੂੰ 4-ਲੇਨ ਸਟੈਂਡਰਡ ਤੱਕ ਚੌੜਾ ਕਰਨ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ, ਜਿਸ ਦੀ ਕੁੱਲ ਲੰਬਾਈ 80.01 ਕਿਲੋਮੀਟਰ ਹੈ ਅਤੇ ਕੁੱਲ ਪੂੰਜੀ ਲਾਗਤ 3175.08 ਕਰੋੜ ਰੁਪਏ ਹੈ

प्रविष्टि तिथि: 14 FEB 2026 1:00PM by PIB Chandigarh

ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੀ ਪ੍ਰਧਾਨਗੀ ਹੇਠ ਆਰਥਿਕ ਮਾਮਲੇ ਕੈਬਨਿਟ ਕਮੇਟੀ ਨੇ ਕੱਲ੍ਹ ਐੱਨਐੱਚ(ਓ) ਯੋਜਨਾ ਦੇ ਤਹਿਤ ਹਾਈਬ੍ਰਿਡ ਐਨੂਇਟੀ ਮੋਡ (ਐੱਚਏਐੱਮ) ਤਹਿਤ ਤੇਲੰਗਾਨਾ ਵਿੱਚ ਹੈਦਰਾਬਾਦ-ਪਣਜੀ ਆਰਥਿਕ ਕੌਰੀਡੋਰ 'ਤੇ ਗੁਡੇਬੇੱਲੂਰ ਤੋਂ ਮਹਿਬੂਬਨਗਰ ਤੱਕ ਰਾਸ਼ਟਰੀ ਰਾਜਮਾਰਗ-167 ਨੂੰ ਚੌੜਾ ਕਰਨ ਨੂੰ ਪ੍ਰਵਾਨਗੀ ਦੇ ਦਿੱਤੀ ਹੈ, ਜਿਸਦੀ ਕੁੱਲ ਪ੍ਰੋਜੈਕਟ ਲੰਬਾਈ 80.01 ਕਿਲੋਮੀਟਰ ਹੈ ਅਤੇ ਕੁੱਲ ਪੂੰਜੀ ਲਾਗਤ 3175.08 ਕਰੋੜ ਰੁਪਏ ਹੈ।

ਵਰਤਮਾਨ ਵਿੱਚ, ਮੌਜੂਦਾ ਰਾਸ਼ਟਰੀ ਰਾਜਮਾਰਗ ਐੱਨਐੱਚ-167 'ਤੇ ਗੁਡੇਬੇੱਲੂਰ  ਤੋਂ ਮਹਿਬੂਬਨਗਰ ਵਿਚਾਲੇ ਸੰਪਰਕ ਬਹੁਤ ਹੀ ਮਾੜਾ ਹੈ ਅਤੇ ਸ਼ਹਿਰੀ ਖੇਤਰ ਵਿੱਚ ਟ੍ਰੈਫਿਕ ਜਾਮ ਕਾਰਨ ਯਾਤਰਾ ਸਮੇਂ ਵਿੱਚ ਕਾਫ਼ੀ ਦੇਰੀ ਹੁੰਦੀ ਹੈ, ਜੋ ਕਿ ਬਹੁਤ ਜ਼ਿਆਦਾ ਸ਼ਹਿਰੀ ਕਸਬਿਆਂ/ਪਿੰਡਾਂ ਜਿਵੇਂ ਕਿ ਗੁਡੇਬੇੱਲੂਰ, ਮਗਨੂਰ, ਮਕਥਲ, ਮਰੀਕਲ, ਦੇਵਰਕਦਰਾ, ਜਕਲੇਅਰ, ਯੇਲੀਗੰਡਲਾ ਅਤੇ ਬੰਦਰਪੱਲੀ ਵਿੱਚੋਂ ਲੰਘਦਾ ਹੈ। ਇਨ੍ਹਾਂ ਚੁਣੌਤੀਆਂ ਦੇ ਹੱਲ ਲਈ, ਪ੍ਰੋਜੈਕਟ ਨੂੰ 4 ਲੇਨ ਸਟੈਂਡਰਡ ਵਜੋਂ ਵਿਕਸਿਤ ਕਰਨ ਦਾ ਪ੍ਰਸਤਾਵ ਹੈ। ਇਹ ਪ੍ਰੋਜੈਕਟ ਤੇਲੰਗਾਨਾ ਸੂਬੇ ਦੇ ਨਾਰਾਇਣਪੇਟ ਅਤੇ ਮਹਿਬੂਬਨਗਰ ਜ਼ਿਲ੍ਹਿਆਂ ਨੂੰ ਵੱਡਾ ਲਾਭ ਪ੍ਰਦਾਨ ਕਰੇਗਾ। ਇਹ ਮਾਲ ਢੋਆ-ਢੁਆਈ ਦੀ ਕੁਸ਼ਲਤਾ ਨੂੰ ਵਧਾਏਗਾ, ਲੌਜਿਸਟਿਕਸ ਲਾਗਤ ਘਟਾਏਗਾ ਅਤੇ ਖੇਤਰ ਵਿੱਚ ਸਮਾਜਿਕ-ਆਰਥਿਕ ਵਿਕਾਸ ਨੂੰ ਵਧਾਏਗਾ।

ਇਹ ਪ੍ਰੋਜੈਕਟ ਅਲਾਇਨਮੈਂਟ 2 ਪ੍ਰਮੁੱਖ ਰਾਸ਼ਟਰੀ ਰਾਜਮਾਰਗਾਂ (ਐੱਨਐੱਚ-150 ਅਤੇ ਐੱਨਐੱਚ-167ਐੱਨ) ਨਾਲ ਜੁੜਿਆ ਹੋਇਆ ਹੈ ਜੋ ਤੇਲੰਗਾਨਾ ਵਿੱਚ ਮੁੱਖ ਆਰਥਿਕ, ਸਮਾਜਿਕ ਅਤੇ ਲੌਜਿਸਟਿਕ ਬਿੰਦੂਆਂ ਨੂੰ ਨਿਰਵਿਘਨ ਸੰਪਰਕ ਪ੍ਰਦਾਨ ਕਰਦਾ ਹੈ। ਇਸ ਤੋਂ ਇਲਾਵਾ, ਅਪਗ੍ਰੇਡ ਕੀਤਾ ਗਿਆ ਕੌਰੀਡੋਰ ਤਿੰਨ ਪੀਐੱਮ ਗਤੀਸ਼ਕਤੀ ਆਰਥਿਕ ਬਿੰਦੂਆਂ, ਨੌਂ ਸਮਾਜਿਕ ਬਿੰਦੂਆਂ ਅਤੇ ਸੱਤ ਲੌਜਿਸਟਿਕ ਬਿੰਦੂਆਂ ਨੂੰ ਕਨੈਕਟੀਵਿਟੀ ਪ੍ਰਦਾਨ ਕਰਕੇ ਮਲਟੀ-ਮਾਡਲ ਏਕੀਕਰਣ ਅਤੇ ਸਹਿਜ ਸੰਪਰਕ ਨੂੰ ਵਧਾਏਗਾ ਜਿਸ ਨਾਲ ਪੂਰੇ ਖੇਤਰ ਵਿੱਚ ਮਾਲ ਅਤੇ ਯਾਤਰੀਆਂ ਦੀ ਤੇਜ਼ ਆਵਾਜਾਈ ਨੂੰ ਸਹੂਲਤ ਮਿਲੇਗੀ।

ਇਸਦੇ ਪੂਰਾ ਹੋਣ 'ਤੇ, ਐੱਨਐੱਚ-167 ਦੇ ਅਪਗ੍ਰੇਡੇਸ਼ਨ ਕੰਮ ਖੇਤਰੀ ਆਰਥਿਕ ਵਿਕਾਸ ਵਿੱਚ ਇੱਕ ਮਹੱਤਵਪੂਰਨ ਭੂਮਿਕਾ ਨਿਭਾਏਗਾ, ਪ੍ਰਮੁੱਖ ਧਾਰਮਿਕ ਅਤੇ ਆਰਥਿਕ ਕੇਂਦਰਾਂ ਵਿਚਕਾਰ ਸੰਪਰਕ ਨੂੰ ਮਜ਼ਬੂਤ ​​ਕਰੇਗਾ ਅਤੇ ਵਪਾਰ ਅਤੇ ਉਦਯੋਗਿਕ ਵਿਕਾਸ ਲਈ ਨਵੇਂ ਰਾਹ ਖੋਲ੍ਹੇਗਾ। 80.01 ਕਿਲੋਮੀਟਰ ਦੀ ਲੰਬਾਈ ਵਾਲਾ ਪ੍ਰਸਤਾਵਿਤ ਪਹੁੰਚ-ਨਿਯੰਤਰਿਤ 4-ਲੇਨ ਪ੍ਰੋਜੈਕਟ ਇਸ ਤਰ੍ਹਾਂ 14.4 ਲੱਖ ਦਿਹਾੜੀਆਂ ਦਾ ਸਿੱਧਾ ਰੋਜ਼ਗਾਰ ਅਤੇ 17.9 ਲੱਖ ਦਿਹਾੜੀਆਂ ਦਾ ਅਸਿੱਧਾ ਰੋਜ਼ਗਾਰ ਪੈਦਾ ਕਰੇਗਾ। ਪ੍ਰਸਤਾਵਿਤ ਕੌਰੀਡੋਰਾਂ ਦੇ ਨੇੜੇ-ਤੇੜੇ ਆਰਥਿਕ ਗਤੀਵਿਧੀਆਂ ਵਿੱਚ ਵਾਧੇ ਕਾਰਨ ਇਹ ਪ੍ਰੋਜੈਕਟ ਵਾਧੂ ਰੋਜ਼ਗਾਰ ਦੇ ਮੌਕੇ ਵੀ ਸਿਰਜੇਗਾ।

ਅੰਤਿਕਾ - I: ਪ੍ਰੋਜੈਕਟ ਵੇਰਵੇ

ਵਿਸ਼ੇਸ਼ਤਾ

ਵੇਰਵੇ

ਪ੍ਰੋਜੈਕਟ ਦਾ ਨਾਮ

ਤੇਲੰਗਾਨਾ ਰਾਜ ਵਿੱਚ ਹੈਦਰਾਬਾਦ-ਪਣਜੀ ਆਰਥਿਕ ਕੌਰੀਡੋਰ 'ਤੇ ਗੁਡੇਬੇੱਲੂਰ ਤੋਂ ਮਹਿਬੂਬਨਗਰ ਤੱਕ 4-ਲੇਨ ਸਟੈਂਡਰਡ ਤੱਕ ਰਾਸ਼ਟਰੀ ਰਾਜਮਾਰਗ-167 ਨੂੰ ਚੌੜਾ ਕਰਨਾ, ਜਿਸਦੀ ਕੁੱਲ ਪ੍ਰੋਜੈਕਟ ਲੰਬਾਈ 80.01 ਕਿਲੋਮੀਟਰ ਹੈ ਅਤੇ ਐੱਨਐੱਚ(ਓ) ਯੋਜਨਾ ਦੇ ਤਹਿਤ ਹਾਈਬ੍ਰਿਡ ਐਨੂਇਟੀ ਮੋਡ (ਐੱਚਏਐੱਮ) 'ਤੇ 3175.08 ਕਰੋੜ ਰੁਪਏ ਦੀ ਕੁੱਲ ਪੂੰਜੀ ਲਾਗਤ ਹੈ।

ਕੌਰੀਡੋਰ

ਗੁਡੇਬੇੱਲੂਰ  - ਹੈਦਰਾਬਾਦ ਦਾ ਮਹਿਬੂਬਨਗਰ ਸੈਕਸ਼ਨ - ਪਣਜੀ ਆਰਥਿਕ ਕੌਰੀਡੋਰ

ਲੰਬਾਈ (ਕਿ.ਮੀ.)

80.01 (36.8 ਕਿਲੋਮੀਟਰ ਤੋਂ ਵੱਧ ਬਾਈਪਾਸ ਅਤੇ ਰੀ-ਅਲਾਇਨਮੈਂਟ ਸਮੇਤ)

ਕੁੱਲ ਸਿਵਿਲ ਲਾਗਤ ਜਿਸ ਵਿੱਚ ਉਪਯੋਗਤਾ ਸ਼ਿਫਟਿੰਗ (ਰੁਪਏ ਕਰੋੜ) ਸ਼ਾਮਲ ਹੈ

1868.90

ਪੂਰਵ-ਨਿਰਮਾਣ ਗਤੀਵਿਧੀਆਂ ਦੀ ਲਾਗਤ (ਐੱਲਏ ਲਾਗਤ + ਹੋਰ ਲਾਗਤ)

459.11

ਕੁੱਲ ਪੂੰਜੀ ਲਾਗਤ (ਰੁਪਏ ਕਰੋੜ)

3175.08

ਮਾਧਿਅਮ 

ਹਾਈਬ੍ਰਿਡ ਐਨੂਇਟੀ ਮੋਡ (ਐੱਚਏਐੱਮ)

ਮੁੱਖ ਸੜਕਾਂ ਜੁੜੀਆਂ

ਰਾਸ਼ਟਰੀ ਰਾਜਮਾਰਗ - ਐੱਨਐੱਚ-150 ਅਤੇ ਐੱਨਐੱਚ-167ਐੱਨ

ਆਰਥਿਕ / ਸਮਾਜਿਕ / ਆਵਾਜਾਈ ਬਿੰਦੂ ਜੁੜੇ

ਆਰਥਿਕ ਬਿੰਦੂ:

ਐੱਨਆਈਸੀਡੀਸੀ: ਹੈਦਰਾਬਾਦ - ਬੰਗਲੌਰ ਐੱਨਆਈਸੀਡੀਸੀ

ਫਾਰਮਾ ਅਤੇ ਮੈਡੀਕਲ ਕਲਸਟਰ- ਹੈਦਰਾਬਾਦ

ਹੈਦਰਾਬਾਦ ਵਿੱਚ ਐੱਸਈਜ਼ੈੱਡ 

ਸਮਾਜਿਕ ਬਿੰਦੂ:

ਖਹਿਸ਼ੀ ਜ਼ਿਲ੍ਹਾ - ਰਾਏਚੁਰ, ਕਈ ਸੈਲਾਨੀ ਅਤੇ ਧਾਰਮਿਕ ਸਥਾਨ

ਲੌਜਿਸਟਿਕ ਬਿੰਦੂ :

ਹਵਾਈ ਅੱਡਾ -1 ਨੰ. (ਹੈਦਰਾਬਾਦ)

ਰੇਲਵੇ ਸਟੇਸ਼ਨ: 4 ਨੰਬਰ

ਐੱਮਐੱਮਐੱਲਪੀਜ਼: 2 ਨੰਬਰ

ਮੁੱਖ ਸ਼ਹਿਰ / ਕਸਬੇ ਜੁੜੇ

ਮਹਾਬੂਬਨਗਰ, ਨਾਰਾਇਣਪੇਟ, ਰਾਏਚੁਰ, ਦੇਵਰਕਦਰਾ, ਮਕਥਲ ਅਤੇ ਹੈਦਰਾਬਾਦ ਆਦਿ,

ਰੋਜ਼ਗਾਰ ਪੈਦਾ ਕਰਨ ਦੀ ਸੰਭਾਵਨਾ

ਸਿੱਧੇ ਰੁਜ਼ਗਾਰ ਦੀਆਂ 14.4 ਲੱਖ ਦਿਹਾੜੀਆਂ ਅਤੇ ਅਸਿੱਧੇ ਰੁਜ਼ਗਾਰ ਦੀਆਂ 17.9 ਲੱਖ ਦਿਹਾੜੀਆਂ

ਵਿੱਤੀ ਸਾਲ 24-25 ਵਿੱਚ ਸਾਲਾਨਾ ਔਸਤ ਰੋਜ਼ਾਨਾ ਆਵਾਜਾਈ (ਏਏਡੀਟੀ)

ਅੰਦਾਜ਼ਨ 17,991 ਯਾਤਰੀ ਕਾਰ ਯੂਨਿਟ (ਪੀਸੀਯੂ)

 

***** 

ਐੱਮਜੇਪੀਐੱਸ/ਵੀਜੇ /ਏਕੇ


(रिलीज़ आईडी: 2228461) आगंतुक पटल : 30
इस विज्ञप्ति को इन भाषाओं में पढ़ें: English , Urdu , हिन्दी , Marathi , Manipuri , Assamese , Bengali , Bengali-TR , Gujarati , Odia , Tamil , Telugu , Kannada , Malayalam