द रिट्झ येथे आयोजित भारत पर्वचा एक भाग असलेल्या वेव्हज बाझार मध्ये जागतिक सिनेमा विश्लेषक, तंत्रज्ञान नवोन्मेषी आणि धोरणकर्त्यांचे महत्वपूर्ण संमेलन झाले. राष्ट्रीय चित्रपट विकास महामंडळ (एन एफ डी सी) द्वारे वेव्हज (जागतिक दृक श्राव्य मनोरंजन परिषद) उपक्रमांतर्गत आयोजित या कार्यक्रमाने भारताची "जागतिक कंटेंट फॅक्टरी" म्हणून वाढती प्रतिष्ठा अधोरेखित केली. तसेच चित्रपट, मीडिया आणि उदयोन्मुख सर्जनशील तंत्रज्ञानातील भारताचा वाढता प्रभाव स्पष्ट केला.

भारत: एक जागतिक कंटेंट फॅक्टरी

कार्यक्रमाची सुरुवात एन एफ डी सी चे महाव्यवस्थापक गौतम भानोत यांच्या प्रास्ताविकाने झाली, ज्यामध्ये त्यांनी भारताच्या ए व्ही जी सी (ॲनिमेशन, व्हिज्युअल इफेक्ट्स, गेमिंग आणि कॉमिक्स) आणि चित्रपट क्षेत्राची पुढील वाटचाल मांडली. एन एफ डी सी च्या माध्यम आणि संवाद विभागाच्या महाव्यवस्थापक विदुषी कैन यांच्या अध्यक्षतेखाली "इंडिया अ‍ॅज अ ग्लोबल कंटेंट फॅक्टरी: स्केल, टॅलेंट आणि न्यू बिझनेस मॉडेल्स" या विषयावरील उच्चस्तरीय चर्चासत्रात भारताच्या आंतरराष्ट्रीय स्तरावरील कथाकथन क्षमतेवर चर्चा करण्यात आली. चित्रपट बाझार, वेव्हज बाझार आणि सरकारी उपक्रम वेव्हेक्स आणि सी आय सी आव्हाने कशा प्रकारे भारतीय निर्मितीचा दर्जा सुधारत आहेत आणि जागतिक भागीदारी वाढवत आहेत, यावर मार्टेन राबर्त्स (आय एफ एफ आर प्रो), कॅथरीना सक्केल (बॉम्बे बर्लिन फिल्म प्रॉडक्शन) आणि टोम्मासो प्रियान्ते (ल्युमिनॅलीया) यांच्या उपस्थितीत त्यांनी प्रकाश टाकला.

मंत्रीस्तरीय सादरीकरण: दिल्ली आणि महाराष्ट्र

प्रादेशिक चित्रपट पर्यटनाला चालना देण्यासाठी दिल्ली आणि महाराष्ट्र या दोन्ही राज्यांनी आपल्या धोरणात्मक विषयपत्रिका सादर केल्या. पर्यटन, कला आणि संस्कृती मंत्री (दिल्ली) कपिल मिश्रा यांनी दिल्ली पर्यटनाचे सादरीकरण केले आणि चित्रपट निर्मात्यांसाठी असलेल्या सुधारित धोरणांची माहिती दिली.

त्यानंतर, सांस्कृतिक कार्यमंत्री आशिष शेलार (महाराष्ट्र) यांनी महाराष्ट्र फिल्म सिटीच्या उपक्रमांचे सादरीकरण केले. चित्रपट प्रकल्पांना सुरुवातीपासून शेवटपर्यंत उत्पादन सहाय्य आणि आर्थिक सवलती देण्याबाबत त्यांनी सविस्तर माहिती दिली. सांस्कृतिक अर्थव्यवस्थेत दिलेल्या योगदानाबद्दल दोन्ही मंत्र्यांचा सन्मान करण्यात आला. 

जागतिक सह-निर्मितीवर भर: कुरिंजी प्रकल्प

भारत पर्वात 13 फेब्रुवारी रोजी युरोपियन फिल्म क्षेत्रामधील वेव्हज बाजार जागतिक आवाका प्रतिनिधी मंडळातर्फे  भारत-फ्रान्स-जर्मनी सह-निर्मिती असलेल्या 'कुरिंजी' या चित्रपटाचे परिसंवादाच्या माध्यमातून सादरीकरण करण्यात आले. लेखिका-दिग्दर्शिका पायल सेठी आणि त्यांचे जागतिक निर्माते भागीदार यांनी याच्या आंतरराष्ट्रीय प्रारूपावर चर्चा केली. 

बर्लिनेल टॅलेंट्स फेलोशिप आणि एनएफडीसी वेव्हज फिल्म बाजार सहनिर्मिती क्षेत्रात प्रथम पारितोषिक मिळवणारा, कुरिन्जी हा केरळमध्ये घडणारा एक पात्र-चालित नाटक आहे जो स्थलांतर, ओळख आणि लवचिकता यांचा शोध घेतो. आंतरराष्ट्रीय एमी-विजेत्या मालिकेसाठी ओळखल्या जाणाऱ्या फिल्मकारवान निर्मित, हा प्रकल्प सशक्त सीमापार सहकार्य प्रतिबिंबित करतो आणि जागतिक स्तरावर संबंधित कथाकथनात भारताच्या वाढत्या उपस्थितीवर प्रकाशझोत टाकतो

नवीन प्रतिभेचे सक्षमीकरण: खुली क्षेत्रे आणि सीआयसी

"फिल्ममेकर्स अँड टेक स्टार्टअप्स ओपन पिच" या समर्पित विभागात विविध शैली आणि प्रदेशांमध्ये विखुरलेले नऊ वैशिष्ट्यपूर्ण चित्रपट प्रकल्प प्रदर्शित केले गेले. यामध्ये सह-निर्मिती भागीदार शोधणारे हिंदी-जपानी रहस्यमय नाटक कबूतर; स्थलांतराचा शोध घेणारे पूर्ण झालेले कलात्मक नाटक ये मेरा घर (माझे घर); आणि वित्तपुरवठा करणारा तमिळ-इंग्रजी अॅनिमेटेड मुलांचा वैशिष्ट्यपूर्ण आणि एक्स आर प्रकल्प दि जी.ओ.ए.टी. यांचा समावेश होता.

भारत पर्वमध्ये 13 फेब्रुवारी रोजी सादर केलेल्या इतर प्रकल्पांमध्ये इकोज ऑफ द हर्ड, एक पुरस्कार विजेते हिमालयीन नाटक; व्हाइट गाय, यु के मधील 1980 च्या दशकातील वयात येत असलेले संगीत; मिस्टर फ्रान्सिस आणि द लास्ट स्टँडिंग पीसीओ, एक कोकणी-हिंदी काल्पनिक प्रणय; कंही दूर (स्टिल… समव्हेअर), एक बर्लिन-इंडिया नाटक; अडे (ऑन अ वीकेंड), नागालँडमधील टेनिडी वयात येत असलेले कथानक; आणि आईस-पीस, एक तुरुंगात उभारलेले हिंदी नाटक यांचा समावेश होता.

वेव्ह एक्स शोकेस द्वारे नवोन्मेष आणखी अधोरेखित करण्यात आला, ज्यामध्ये क्रूबेलाचा विकेंद्रित महोत्सव मुद्रीकरण मंच, टूटीफ्रुटी गेम्सचे एआय-संचालित पौराणिक गेमिंग आयपी, झांगोहचे जनरेटिव्ह एआय लोकलायझेशन टूल्स आणि फोल्कलॉगचा अ‍ॅनिमेशन-आधारित लोक वारसा मंच यांचा समावेश होता.

क्रिएट इन इंडिया चॅलेंज (सीआयसी) च्या विजेत्यांनीही रस निर्माण केला, ज्यात राजारामच्या सुटकेवरील ऐतिहासिक अ‍ॅनिमेटेड चित्रपट रोड टू जिंजी आणि प्रगत विकासातील मोठ्या प्रमाणात अ‍ॅनिमेटेड कल्पनारम्य साहसी चित्रपट, दि ड्रीम बलून यांचा समावेश होता.

दुपारच्या सत्राचा  समारोप भारत, फ्रान्स आणि जर्मनी यांच्यातील आंतरराष्ट्रीय सह-निर्मिती असलेल्या कुरिन्जी प्रकल्पावरील विशेष पॅनेलने झाला, त्यानंतर जागतिक भागीदारी वाढवण्यासाठी भारतीय प्रतिनिधी मंडळाचा समावेश असलेल्या बी टू बी गहन बैठका झाल्या.

***

अंबादास यादव/संदेश नाईक/परशुराम कोर

*** 

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai