ঙসি প্রধান মন্ত্রী শ্রী নরেন্দ্র মোদীনা মালেসিয়াগী কুৱালা লম্পুরদা মীয়ামগী থৌরম অমদা ৱা ঙাংখ্রে। থৌরম অদুদা তিনখিবা মীয়ামদা ৱা ঙাংলদুনা, প্রধান মন্ত্রীনা হায়খি মদুদি মান্নবা নাৎ অমসুং চৎনবীগী ফজরবা খেন্নবা অসিদা তরাম্না ওকপগী মমি তারে। মীয়ামগী থৌরম অসিদা শরুক য়াবগীদমক প্রধান মন্ত্রী অনৱার ইব্রাহিম থাগৎপা ফোঙদোকচরি। মহাক ওক্নবগীদমক প্রধান মন্ত্রী অনৱার ইব্রাহিম এয়রপোর্ততা লাকখি অমসুং মহাক্কী কারদা থৌরম মফমদা লাকখি। হায়রিবা থবকশিং অসিদা প্রধান মন্ত্রী অনৱার ইব্রাহিমনা ভারত নুংশিবা অমসুং ইকায়খুম্নবগী মমি তারে অমসুং মফম অসিদা শরুক য়ারিবা মীয়ামগীদমক্নি।

প্রধান মন্ত্রীনা হায়খি মদুদি জগোয় শাবা মীওই ৮০০ হেনবনা ফজনা পাংথোকখিবা রেকোর্দ ওইরবা নাৎকী থৌরম অসি চহি কয়া নিংশিংদুনা লৈহৌরগনি অমসুং শরুক য়াখিবা খুদিংমক থাগৎপা ফোঙদোকচরি। মহাক প্রধান মন্ত্রী ওইদ্রিঙৈদগী মহাক অমসুং প্রধান মন্ত্রী অনৱার ইব্রাহিম মরুপ ওইদুনা লাক্লে। অওনবশিংদা মহাক্না মীৎয়েং চঙবা, মহাক্কী লৌশিং অমসুং ২০২৫ দা মহাক্না অসিয়ানগী চিয়ারমেন ওইবগীদমক প্রধান মন্ত্রী মোদীনা প্রধান মন্ত্রী অনৱার ইব্রাহিম থাগৎপা ফোঙদোকখি।

হৌখিবা চহিদা অসিয়ান মীফম শরুক য়ানবা মহাক মালেসিয়াদা লাকপা ঙমখিদবা অদু নিংশিংলদুনা, প্রধান মন্ত্রীনা হায়খি অথুবা মতমদা মালেসিয়াদা চৎনবা মহাক্না ৱাশকখি অমসুং মদুগী ৱাশক অদু ঙাক্লে। খোঙচৎ অসি ২০২৬ গী মহাক্কী অহানবা মপান লৈবাক্ত চৎপনি অমসুং কুহ্মৈ-হরাও মনুংদা মীয়ামগা উনবা অসি হরাওই। মীওই খুদিংমক হরাওনা সংক্রান্তি, পোঙ্গাল অমসুং তাাইপুসাম পাংথোক্লমগনি হায়না মহাক্না থাজৈ। সিবরাত্রি পাংথোক্কদৌরে, মথংদা রামজান লৈরে অমসুং হরি রায়া পাংথোক্লি অমসুং হরাওনা অমসুং হকচাং ফানা লৈনবা মীয়ামদা য়াইফ পাউজেল পীজরি। 

প্রধান মন্ত্রীনা হায়খি মালেমদা অনিসুবা খ্বাইদগী মশিং য়াম্বা ভারত্তগী হৌখিবা মীওইশিং মালেসিয়াদা লৈরি, ভারতমচাশিং অমসুং মালেসিয়ামচাশিংগী থম্মোয়শিংদা অচেৎপা মরী লৈনরি। মহাক্না ঙাইহাক্কী মমাঙদা একজিবিসন অমা য়েংখ্রে অমসুং হায়রিবা থম্মোয়গী ওইবা মরীশিং অদু ফজনা উৎলে। ভারত্তগী হোংখিবা ভারতমচাশিং অসি লৈবাক অনি শম্নহল্লিবা অহিংবা থোঙ অমনি। নাৎকী লৈনবা মরীশিং মান্নবা চৎনবীশিংদা উবা ফংলে, রোতি কনাইগা মালাবার পরোত্তা অমসুং য়ুবী, মরু-মরাংশিং অমসুং তেহ তারিক্কা শম্নরে অমসুং কুৱালা লম্পুর অমসুং কোচি চপ মান্ননা খল্লে। লৈবাক অনিগী মীয়াম্না অমগা অমগা মপুংফানা খঙলে, মসি মখোয়গী লোলশিং অমসুং মালেমগী মরক্ত মশিং য়াম্লবা মান্নবা লোলশিংনা ওইহনবনি অমসুং মালেসিয়াদা ভারতকী সেনিমাশিং অমসুং ঈশৈ য়াম্না পাম্নৈ হায়বা তারে। প্রধান মন্ত্রী অনৱার ইব্রাহিম ঈশৈ ফজনা শকই অমসুং প্রধান মন্ত্রী অনৱার ইব্রাহিমনা শক্নাইরবা এম.জি.আরগী তামিল ঈশৈশিং পামজবা অসি অঙকপনি।

মালেসিয়াদা লৈরিবা ভারত্তগী হৌখিবা মীওইশিংগী থম্মোয়শিংদা ভারতনা অখন্নবা মফম অমা কল্লি। ২০০১ দা মহাক্কী রাজ্য গুজরাত্ত য়ুহা হাবা অমা থোকপা মতমদা, মতেং পাংনবা মীওই কয়া লাকখি অমসুং মখোয়গী মফমদা তৌবীমল খঙবা উৎচরি। মালেসিয়াদা লৈরিবা ভারত্তগী হৌখিবা মীওইশিংগী মপা-মপু লিশিং কয়া ভারত নিংতম্বা লৈবাক অমা ওইনবা থৱায়শিং কৎখি। মখোয় কয়া কৈদৌঙৈদা ভারত উবা ফংখিদে অদুবু নেতাজি সুভাস চন্দ্র বোসকী ইন্দিয়ান নেসনেল আর্মি শরুক য়াবা অহানবা মীওইশিংগী মনুংদা মখোয় য়াওখি। নেতাজি সুভাস চন্দ্র বোস ইকায়খুম্নবা উৎতুনা, মালেসিয়াদা লৈবা ইন্দিয়ান কলচরেল সেন্তর মহাক্কী মমিংদা থোল্লে। মালেসিয়াদা লৈবা নেতাজি সর্বিস সেন্তর অমসুং নেতাজি ৱেলফিয়ার ফাউন্দেসনগী থবকশিং থাগৎপা ফোঙদোকচরি।

প্রধান মন্ত্রীনা হায়খি মদুদি চহি চা কয়া অদোম্না চৎনবীশিং ঙাক-শেন্দুনা থম্লকপা অসি থাগৎনিঙাইনি। কমদৌনা মালেসিয়াদা স্কুল ৫০০ হেনবদা অঙাংশিংদা ভারতকী লোলশিং তম্বীবগে হায়বগী মতাংদা অদোমগী মরমদা ঐনা ভারতমচা বিল্লিয়ন ১.৪ দা ঐগী থাগী রেদিওগী থৌরম মন কি বাত্ত ঐনা ৱা ঙাংখ্রে। তিরুবাল্লুবার অমসুং শ্বামী বিবেকানন্দগুম্বা সাধুশিংগী ইথিল মালেসিয়াদা উবা ফংলে অমসুং হন্দক বাতু কেবসতা তাইপুসাম থৌরমশিং পাংথোকখিবা অদু ঈশ্বরগী অফবা থৌরমনি অমসুং পালানিদা পাংথোকপা অদুগা চাংদম্নবা য়াই। মালেসিয়াদা গারবা য়াম্না মমিং চৎলি অমসুং সিখ মীয়াম্না মখা তানা শ্রী গুরু নানক দেব জিগী পাউতাকশিং য়োকখৎতুনা ভারতনা মসিগী নাৎকী মরীশিং য়োকখৎলি।

প্রধান মন্ত্রীনা হায়খি মদুদি তামিল মালেমদা ভারতকী খুদোলনি, তামিল সাহিত্য শিবা নাইদে, তামিল নাৎ মালেমগীনি অমসুং মখোয়গী হৈথোই-শিংথোইবশিংনা তামিল মীয়াম্না মীওইবা খুন্নাইগী থবক তৌরি। ভারতকী উপ-রাষ্ট্রপতি তিরু সি.পি রাধাকৃষ্ণন, মপান থৌরম মন্ত্রী দোক্তর এস. জয়সঙ্কর, ফাইনান্স মিনিষ্টর শ্রীমতি নিরমালা সিতারমন অমসুং ইনফোর্মেসন অমসুং ব্রোদকাষ্টিংগী কেন্দ্রগী রাজ্য মন্ত্রী দোক্তর মুরুগান তামিল নাদুদগীনি।

প্রধান মন্ত্রীনা হায়খি মদুদি মালেসিয়াদা লৈবা তামিলমচাশিংনা তোঙান তোঙানবা হিরমশিংদা খুন্নাইগী থবক পাংথোক্লি অমসুং চহি চা কয়াদগী মফম অসিদা তামিলমচাশিং লৈরক্লে অমসুং পুৱারি অসিনা ইথিল পীদুনা, মালায়া য়ুনিভর্সিতিদা তিরুবাল্লুবার চিয়ার লিংখৎপদা ঐখোয় চাউথোকচৈ, ঐখোয়গী শরুক য়ামিন্নরিবা হেরিতেচ মখা তানা মপাঙ্গল কনখৎনবা ঐখোয়না হৌজিক তিরুবাল্লুবার চিয়ার অমা লিংখৎকনি।

প্রধান মন্ত্রীনা হায়খি মদুদি চহি খুদিংগী ভারত-মালেসিয়াগী মরীশিং অনৌবা থাকশিংদা হাইগৎলক্লি। ২০২৪ দা প্রধান মন্ত্রী অনৱার ইব্রাহিম ন্যু দিল্লিদা লাকখি। লৈবাক অনিগী মরীশিং কমপ্রেহেন্সিপ ষ্ট্রাতেজিক পার্তনরশিপ অমগী থাক্ত পুখৎলে। চাউখৎপা অমসুং নুংঙাই য়াইফবগী খোঙল্লোয়শিং ওইনা হৌজিক লৈবাক অনি খুৎশম্ননা চৎমিন্নরে অমসুং মখোয় মশাগীগুম্না অমনা অমগী মাইপাকপশিং হরাওবা ফোঙদোক্নরে।

প্রধান মন্ত্রীনা মমাঙগী থৌদোক নিংশিংলদুনা হায়খি মদুদি পুৱারি ওইনা চন্দ্রয়ান-৩ মাইপাকপদা প্রধান মন্ত্রী অনৱার ইব্রাহিমনা য়াইফ পাউজেল পীরকপদা মহাক অপেনবা পোকখি। ভারতকী মাইপাকপা মালেসিয়াগী মাইপাকপনি, মসি এসিয়াগী মাইপাকপনি, ঐখোয়গী মরীগী লমজিংবা ৱাহৈ ইম্পেক্নি(ইন্দিয়া-মেলেসিয়া পার্তনরশিপ ফোর এদভান্সিং কল্লেক্তিপ ত্রান্সফোর্মেসন) হায়না মহাক্না হায়বগী মরম অসিদগীনি, মসিদা মরীশিংগী খোঙজেল, থাজবশিংগী পাক-চাউবা উৎলে অমসুং লৈবাক অনিগী মীয়াম কান্নবা ফংগনি অমসুং লৈবাক অনিমক্না অপুনবা মীওইবা খুন্নাইদা কান্নবা পীগনি।

প্রধান মন্ত্রীনা হায়খি মদুদি ভারতকী কম্পেনিশিং মতম পুম্নমক্ত মালেসিয়াদা থবক তৌবা পাম্মী অমসুং মালেসিয়াগী অহানবা অমসুং এসিয়াগী খ্বাইদগী চাউবা ইন্সুলিন মেনুফেকচরিং প্লান্ত লিংখৎপদা ভারতনা অচৌবা থৌদাং লৌখি। মালেসিয়াদা ভারতকী আই.তি কম্পেনি ১০০ হেন্না থবক তৌদুনা থবক লিশিং কয়া ফংহল্লে অমসুং দিজিতেলগী হিরমদা পুন্না থবক তৌমিন্ননবা মালেসিয়া-ইন্দিয়া দিজিতেল কাউন্সিলনা অনৌবা লম্বীশিং শেম্লে। ভারতকী য়ু.পি.আই সিষ্টেম অথুবা মতমদা মালেসিয়াদা লাক্লগনি।

প্রধান মন্ত্রীনা হায়খি মদুদি ভারত অমসুং মালেসিয়া ভারত মহাসাগরগী চপ মান্নবা হিঙ্গোক মচুগী ঈশিং লৈরি অমসুং ভারতকী তোঙান তোঙানবা মফমশিং য়েংবা লাকপীয়ু। মমাঙদা অমুক্ত ওইখিদ্রিবা মওংদা ভারতকী ইনফ্রাষ্ট্রকচর চাউখৎলে, চহি ১০ দা এয়রপোর্তশিং মশিং শরুক অনি হেনগৎলে, খোঙজেল য়াংনা হায়ৱেশিং শেমগৎলে অমসুং বন্দে ভারতগুম্বা অনৌবা ত্রেনশিংগীদমক মালেমদা মমিং চৎলে। মালেসিয়াগী মরুপশিং ভারত্ত পুরকপগা লোয়ননা মীগা মীগা চৎথোক-চৎশিন তৌনবা হেনগৎহনবা মথৌ তাই অমসুং মসি লৈবাক অনিগীমরক্ত লৈনরিবা মরুপ-মপাং ওইবা মরীগী খ্বাইদগী মরুওইবনি।

প্রধান মন্ত্রীনা হায়খি হৌখিবা চহি ১০ দা ভারত্ত অচৌবা অওনবা অমা পুরক্লে। ১১শুবা খ্বাইদগী চাউবা ইকোনোমি ওইরম্বদগী, হৌজিক অচৌবা ইকোনোমি ৩ গী থোঙজিলদা লেপ্লরে আমসুং লৈবাক অসি মালেমদা খ্বাইদগী য়াংনা চাউখৎলক্লিবা ইকোনোমি ওইরে। মেক ইন ইন্দিয়া উ চারা অমা ওইরম্বদগী ভারত মালেমদা অনিসুবা খ্বাইদগী চাউবা মোবাইল ফোন শাবা লৈবাক ওইরে অমসুং ২০১৪ দগী ঙাক-শেনগী খুৎলায়শিং মপান্দা থাদোকপা শরুক ৩০ হেনগৎলে। ভারত অহুমশুবা খ্বাইদগী চাউবা ষ্টার্দঅপ লৈবা লৈবাক অমা ওইরে অমসুং মালেমদা খ্বাইদগী চাউবা দিজিতেল পব্লিক ইনফ্রাষ্ট্রকচর অমসুং ফিন্তেক ইকোসিষ্টেম লৈরি, য়ু.পি.আইগী খুৎথাংদা মালেমগী দিজিতেল ত্রান্সসেক্সনগী চাদা ৫০ রোম ভারত্ত পাংথোক্লি। ভারতনা মৈখু থাংদনা চাউখৎপা পুরক্নবা চহি ১০ অসিদা সোলার ইনর্জি পুথোকপা শরুক ৪০ রোম হেনগৎলে।

প্রধান মন্ত্রীনা হায়খি ভারত মখা তানা অচৌবা কৈথেল অমা ওইনা উদ্রে অমসুং চাউখৎনবগী থাজবা য়াবা মরুপ অমা ওইনা, শেন থাদনবা অমসুং ললোন-ইতিক্কী মফম অমা ওইনা উরে। মসি য়ু.কে, য়ু.এ.ই, অষ্ট্রেলিয়া, ন্যু জিলেন্দ, ওমান, ই.য়ু নত্ত্রগা য়ু.এস.এ ওইবা য়াই, লৈবাকশিং ভারতকী ললোন-ইতিক চৎথরে, থাজবা অসি হৌজিক ভারতকী খ্বাইদগী ফবা করেন্সি ওইরে।

প্রধান মন্ত্রীনা হায়খি মদুদি ভারতনা মতম পুম্নমক্ত লৈবাক অসিদগী হোংখিবা ভারতমচাশিং তরাম্না ওক্লি। ভারত্তগী হৌখিবা মালেসিয়ামচাশিংগী ৬সুবা মীরোল ফাওবা ও.সি.আই কার্দ পীনবা পুৱারি ওইরবা ৱারেপ লৌখ্রে। ইন্দিয়ান স্কোলারসিপ ত্রষ্টকী খুৎথাংদা ভারতনা মতেং পাংলি অমসুং ভারত্ত লাইরিক তম্লিবা মহৈরোয়শিংগীদমক তিরুবাল্লুবার স্কোলারসিপ লাউথোক্লে। ভারত মশক খঙউ থৌরম অমসুং নৌনা মালেসিয়াদা হাংদোক্কদৌরিবা ভারতকী কন্সুলেতনা মখা তানা মরীশিং ফগৎহনগনি।

প্রধান মন্ত্রীনা হায়খি মদুদি ২০৪৭ দা বিকসিত ভারত অমা শেমগৎনবা ভারতমচা বিল্লিয়ন ১.৪ না পান্দম থম্লি অমসুং খোঙচৎ অসিদা প্রভাসি ভারতিয়া মীয়াম মরুওইবা খোঙল্লোয় অমনি। ঐখোয় কুৱালা লম্পুর নত্ত্রগা কোলকাতাদা পোকপা ওইবা য়াই, মালেসিয়াগী অমসুং ভারতকী চাউখৎপদা থৱায় য়াওনা শরুক য়ারিবা ভারতমচাশিংগী থম্মোয়দা ভারত লৈরি অমসুং মালেসিয়া চাউখৎনবা অমসুং বিকসিত ভারতকী পান্দম থবক ওইনা পাংথোক্নবা মতেং পাংগনি।

PM @narendramodi arrived in Kuala Lumpur, Malaysia, a short while ago. In a warm gesture, he was welcomed by PM @anwaribrahim at the airport. pic.twitter.com/DAfgLY93SW

— PMO India (@PMOIndia) February 7, 2026

Grateful for the warmth of the Indian diaspora in Kuala Lumpur. Our diaspora continues to serve as a strong bridge between India and Malaysia. Addressing a community programme.
https://t.co/U5FVR1YIV6

— Narendra Modi (@narendramodi) February 7, 2026

Malaysia has the second-largest Indian-origin community in the world.

There is so much that connects Indian and Malaysian hearts: PM @narendramodi in Kuala Lumpur

— PMO India (@PMOIndia) February 7, 2026

It is remarkable the way you have preserved traditions over centuries.

Recently, I spoke in my monthly radio conversation, #MannKiBaat, about you.

I shared with 1.4 billion Indians how over 500 schools in Malaysia teach children in Indian languages: PM @narendramodi during… https://t.co/qRaGSbtR1v

— PMO India (@PMOIndia) February 7, 2026

The members of the Tamil diaspora in Malaysia are serving the society in various fields.

In fact, the Tamil diaspora has been here for many centuries.

Inspired by this history, we are proud to have established the Thiruvalluvar Chair in the University of Malaya.

We will now…

— PMO India (@PMOIndia) February 7, 2026

India’s success is Malaysia’s success, it is Asia’s success.

That is why I say the guiding word of our relationship is IMPACT.

IMPACT means India-Malaysia Partnership for Advancing Collective Transformation: PM @narendramodi

— PMO India (@PMOIndia) February 7, 2026

I encourage more of you to travel and experience Incredible India.

You must also bring your Malay friends with you.

Because people-to-people contact is the cornerstone of our friendship: PM @narendramodi during community programme in Kuala Lumpur.

— PMO India (@PMOIndia) February 7, 2026

India is seen as a trusted partner for growth.

Whether it is the UK, UAE, Australia, New Zealand, Oman, the EU or USA, countries have trade deals with India.

Trust has become India’s strongest currency: PM @narendramodi

— PMO India (@PMOIndia) February 7, 2026

***