ইকাই খুম্নজরবা প্রধান মন্ত্রী, আনৱার ইব্রাহিম,

লৈবাক অনিমক্কী শক্নাইরবা মীহুৎশিং,

মীদিয়াগী মরুপশিং,

খুরুমজরি!

সেলামাত পাগী!

অহানবদা, ঐহাক্কী অনকপা মরুপ, প্রধান মন্ত্রী আনৱার ইব্রাহিমনা তরাম্না ওকপিবগীদমক ঐহাক্না মহাক্কী মফমদা থাগৎপা ফোংদোকচরি। হৌখিবা চহিদা ঐহাক এ.এস.ই.এ.এন. সমিতকীদমক মালেসিয়াদা চৎপা ঙমখিদে। অদুবু ঐহাক্না ঐহাক্কী নুংশিরবা মরুপ অদুদা ঐহাক্না অথুবা মতমদা মালেসিয়াদা লাক্কনি হায়না থাজবা পীখি। অমসুং ঙসি, ইং ২০২৬দা ঐহাক্কী অহানবা মপান লৈবাক্কী খোঙচৎতা ঐহাক মালেসিয়াদা লৈরে।

মরুপশিং,

ভারত অমসুং মালেসিয়াগী মরক্তা লৈনরিবা মরী অসি তশেংনা অখন্নবা অমনি। ঐখোয়না সমুদ্রগী য়ুম্লোন্নবশিংনি। চহি চা কয়াগী মমাংদগী, ঐখোয়গী মীয়াম্নসু অচেৎপা অমসুং নুংশিরবা মরী লৈনরি। ঙসিদি, ভারত মচাশিংনা খ্বাইদগী হেন্না য়াম্বা মালেমগী অনিশুবা লৈবাক মালেসিয়ানি। ঐখোয়গী সিভিলাইজেসনশিং অসি শেয়র কলচরেল হেরিতেজ অমসুং দেমোক্রেতিক ভেল্যুশিংনা শম্নহল্লি।

মরুপশিং,

হৌখিবা চহিশিং অসিদা ঐখোয়গী মরীশিং অসি অনৌবা শাহৌ অমা ফংলে। ঐহাক্কী মরুপ, প্রধান মন্ত্রী আনৱার ইব্রাহিমনা মসিগী খুমাং চাউশিল্লকপা অসিদা অখন্নবা থৌদাং অমা লৌখি।

ইনর্জী, ইনফ্রাস্ত্রকচর অমসুং মেন্যুফেকচরিংদা ঐখোয়গী কোওপরেসন অসি হেন্না মপাঙ্গল কনখৎলে। দিজিতেল ইকোনোমী, বাইওতেক্নোলোজী অমসুং আই.তি.দা ম্যুচেল ইনবেস্তমেন্তশিং হেনগৎলক্লি। তুরিজম অমসুং মীয়ামগী মরক্তা লৈনরিবা মরী অসি হেন্না চেৎশিল্লক্লি। মসিগী এচিবমেন্তশিং অসিনা পুক্নিং থৌগৎলদুনা, ঙসি ঐখোয়না ঐখোয়গী পার্তনরশিপ অসিদা মমাংদা অমুক্তা ওইখিদ্রিবা খোঙজেল অমসুং অচেৎপা অমা পুরক্নবা ৱারেপ লৌরে।

মরুপশিং,

সেক্যুরিতীগী লমদা, ঐখোয়না কাউন্তর তেরোরিজম, ইন্তেলিজেন্স শেয়র তৌবা অমসুং মেরিতাইম সেক্যুরিতীদা মতেং পীনবা হেনগৎহল্লগনি। ঐখোয়না ঐখোয়গী দিফেন্স কোলাবোরেসনসু পাকথোক চাউথোকহল্লগনি।

এ.আই. অমসুং দিজিতেল তেক্নোলোজীশিংগা লোয়ননা ঐখোয়না সেমিকন্দক্তরশিং, হকশেল অমসুং ফুদ সেক্যুরিতীদা পার্তনরশিপশিং পুথোক্কনি। ঙসি পাংথোকখিবা সি.ই.ও. ফোরম্না ত্রেদ অমসুং ইনভেস্তমেন্তকী অনৌবা লম্বীশিং হাংদোক্লে। স্ত্রেতেজিক ত্রস্তকী মতেংনা ঐখোয়না ইকোনোমিক ত্রান্সফোর্মেসনগী লম্বী য়াৎলগনি।

মরুপশিং,

ঙরাং ঐহাক্না মাললেসিয়াদা লৈরিবা ভারত মচাশিংগা উনবগী খুদোংচাবা ফংখি। প্রধান মন্ত্রী আনৱার ইব্রাহিমনা থৌরম অদুদা শরুক য়াখি। মীওই মিলিয়ন অহুমগী মপাঙ্গল লৈবা দাইস্পোরা অসি ঐখোয়গী লৈবাকশিংগী মরক্তা হিংলিবা থোং অমনি অমসুং মপাঙ্গলগী অচৌবা হৌরকফম অমনি।

মখোয়গী য়াইফনবগীদমক লৌখৎলিবা খোংথাংশিং অসিনা ঐখোয়গী মরীদা মীওইবগী ওইবা য়ুম্ফম অমা পীরি। মালেসিয়াদা লৈরিবা ভারতকী শিন্মীশিংগীদমক সোসিএল সেক্যুরিতী এগ্রীমেন্ত, তুরিজমগীদমক লেম্না ই-ভিজা পীবা, অমসুং মালেসিয়াদা ভারতকী দিজিতেল পেমেন্ত ইন্তরফেস য়ু.পি.আই. ইমপ্লিমেন্ত তৌবনা লৈবাক অনিগী প্রজাশিংগীদমক পুন্সি লায়থোকহল্লগনি। তশেংনমক, পার্তনরশিপ অমা হেক্তগী কান্নবশিং অসি মীওইশিংদা হকথেংননা ফংলবদি মায় পাকপা ঙমগনি।

মরুপশিং,

ভারত অমসুং মালেসিয়া অসি তামিল লোলগীদমক অমত্তা ওইনা নুংশিবা অমনা অমত্তা ওইহল্লি। মালেয়েসিয়াদা তামিলগী মপাঙ্গল কনবা অমসুং অচৌবা প্রজেন্স অসি এজুকেসন, মীদিয়া অমসুং কলচরেল লাইফতা উবা ফংই। ঙসিগী ওদিও-ভিজুএল এগ্রীমেন্ত অসিনা ফিল্ম অমসুং ম্যুজিক, মরুওইনা তামিল সিনেমাগী খুত্থাংদা ঐখোয়গী থম্মোয়বু নকশিন্নহল্লগনি হায়না ঐহাক্না থাজবা থম্লি।

ঐখোয়না য়ুনিভর্সিতী একচেঞ্জ, স্তার্ত-অপ কনেক্তিবিতী অমসুং ঐখোয়গী নহারোলশিংগী মরক্তা স্কিল দিবেলপমেন্তকী খুদোংচাবশিংসু পাকথোক চাউথোকহল্লি। ঐখোয়গী হেনগৎলক্লিবা মরীশিংদা মতেং পাংনবা, ঐখোয়না মালেসিয়াদা অনৌবা কন্সুলেত অমা হাংদোক্লি।

মরুপশিং,

ইন্দো-পেসিফিক লমদম অসি মালেমগী চাউখৎপগী ইঞ্জিন অমা ওইনা থোক্লক্লি। ঐখোয়না আসিয়ানগা খুৎশম্নদুনা ইন্দো-পেসিফিক শিনবা থুংনা চাউখৎপা, শান্তি অমসুং তংদু লৈতাবা পুরক্নবা লেপ্লি। ভারতনা আসিয়ানগী সেন্ত্রেলিতীদা খ্বাইদগী ৱাংবা প্রাইওরিতী পীরি। ঐহাক্না অমুক্কা হন্না এ.এস.ই.এ.এন.গী চেয়রমেন মায় পাকনা ওইবগীদমক মালেসিয়াদা নুংঙাইবা ফোংদোকচরি।

মালেসিয়াগুম্বা মরুপ মপাং ওইবা লৈবাকশিংগী মতেংগা লোইননা ভারতনা আসিয়ানগা লোয়ননা মরী হেন্না পাকথোক চাউথোকহনগনি। ঐখোয়না য়ানখি মদুদি আসিয়ান-ইন্দিয়া ত্রেদ ইন গুদস এগ্রীমেন্ত (এ.আই.তি.আই.তি.জি.এ.) গী রিভিয়ু অসি অথুবা মতমদা লোইশিনগদবনি।

মরুপশিং,

ঙসি, ঐখোয়না রিজনেল অমসুং গ্লোবেল ইসুশিংদা কান্নরবা খন্ন-নৈনবগী থৌরম অমসু পাংথোকখি। মালেমগী ওইবা অচেৎপা ফীভম অসিগী মনুংদা ভারত অমসুং মালেসিয়াগী মরক্তা মরুপ ওইবগী মরী হেনগৎলকপা অসি লৈবাক অনিমক্কী ওইনা য়াম্না মরু ওই।

ঙসিগী শিংনবশিং অসি থেংননবা মালেমগী ইন্সতিত্যুসনশিংদা রিফোর্মশিং পাংথোকপা মথৌ তাই হায়না ঐখোয়না থাজবা থম্লি। ঐখোয়না শান্তিগীদমক হোৎনরিবা পুম্নমকপু মখা তানা শৌগৎকনি। অমসুং তেরোরিজমগা মরী লৈনবা ঐখোয়গী পাউজেল অসি ময়েক শেংই: দবল স্তেন্দর্দ অমত্তা লৈরোই। কোমথোকপা লৈরোই।

ইকসেলেন্সী,

ভারত-মলেসিয়াগী মরীশিংদা অদোমগী থৌদাং অদু ঐখোয়না থাগৎচরি। চাউখৎপা মালেসিয়াগী অদোমগী মঙলান অমসুং চাউখৎপা ভারতকী ঐখোয়গী ৱারেপ অসি মঙফাওনহন্নবা ঐখোয় পুন্না থবক তৌমিন্নসি।

ঐহাক্না অমুক্কা হন্না অদোমগী মরুপ-মপাং ওইবগীদমক, অদোমগী নুংশিজরবা তরাম্না ওকপগীদমক অমসুং অদোমগী মীয়োক মীচান ফবা মতৌগীদমক থাগৎচরি। ভারত্তা অদোমবু তরাম্না ওক্নবা ঐখোয়না ঙাইরি।

অদোমবু হন্না-হন্না থাগৎচরি।

জুম্পা লাগী!

***