কেন্দ্রগী শেল-থুম অমসুং কোর্পোরেত এফিয়র্সকী মন্ত্রী শ্রীমতি নির্মলা সিতারমননা ঙসি পার্লিয়ামেন্ততা ২০২৬-২৭গী কেন্দ্রগী বজেত পুথোকখ্রে। বজেত অসিদা পেনাল্টি অমসুং প্রোসিদ্যুসনবু রেসনেলাইজ তৌনবা পান্দম থম্লিবা দাইরেক্ত তেক্সকী প্রোপোজেলশিংগী সেত অমা প্রপোজ তৌরি।

প্রোসিদ্যুওরশিংগী মশিং য়ামহন্দনবা এসেসমেন্ত অমসুং পেনালতী প্রোসিদ্যুওরশিং অসি অমত্তা ওইবা ওর্দর অমগী খুত্থাংদা পুন্সিন্ননবা শেল-থুম মন্ত্রীনা থৌরাং তৌখি। অহানবা আপিল তৌবা ওথোরিটিগী মমাংদা আপিলগী মতমগী ওইনা পেনালতীগী শেনফম অদুদা তেক্স পেয়রদা আপিল প্রোসেসকী ফল অদুগী মরী লৈনদনা শেন্দোই পীবগী দায়ত্ব লৈরোই। মখা তানা, প্রি-পেমেন্তকী ক্বান্তম অসি চাদা ২০দগী চাদা ১০দা হন্থহল্লে অমসুং মসি কোর তেক্স দিমান্দদা খক লেপকনি।

লিতিগেসন হন্থহন্নবা অহেনবা খোঙথাং অমা ওইনা, শেল-থুম মন্ত্রীনা তেক্সপেয়রশিংদা রিএস্সেসমেন্ত প্রোসিদ্যুওরশিং হৌদোকখ্রবা মতুংদসু মখোয়গী রিতর্নশিং অপদেৎ তৌবা য়াহন্নবা ৱাফম থমখি। মসিদা মরি লৈনবা চহিদা চৎনবা য়াবা রেৎ অদুগী মথক্তা অহেনবা চাদা ১০গী তেক্স রেৎ হাপচিল্লগনি। মতুংদা এসেসমেন্ত ওফিসরনা মহাক্কী প্রোসেসতা মসিগী অপদেৎ তৌরবা রির্পোর্ত অসিখক্তমক শিজিন্নগনি।

অতেনবা রিপোর্ত তৌবগী কেসশিংদা পেনালতী অমসুং প্রোসিক্যুসনদগী ইম্ম্যুনিতীগীদমক ফ্রেমৱার্ক অমা লৈরে। ফাইনান্স মিনিস্তরনা হায়রিবা ইম্ম্যুনিতীগী ফ্রেমৱার্ক অসি অরানবা রিপোর্ত তৌবদসু শীজিন্ননবা ৱাফম থমখি। অদুম ওইনমক, অসিগুম্বা ফিভম অমদা তেক্স থীরিবদু তেক্স অমসুং চংগদবা শেন্দোইগী মথক্তা অহেনবা ইনকম তেক্স ওইনা তেক্সকী শেনফম অদুগী চাদা ১০০ পীবা মথৌ তাই।

একাউন্তশিং ওদিৎ তৌদবা, ত্রান্সফর প্রাইসিং ওদিৎ রিপোর্ত পীরক্তবা অমসুং ফাইনান্সিএল ত্রাঞ্জেক্সনশিংগী স্তেৎমেন্ত পীরক্তবগুম্বা তেক্নিকেল দিফোল্ত খরগী পেনালতীশিং অসি ফীদা ওন্থোক্নবা প্রপোজ তৌরি।

শেল-থুম মন্ত্রীনা ইনকম তেক্স এক্তকী মখাদা প্রোসিক্যুসন ফ্রেমৱার্ক অসি রেস্নেলাইজ তৌনবা ৱাফম থমখি।

একাউন্ত বুকশিং অমসুং দোক্যুমেন্তশিং অমসুং তি দি এস পীবা মথৌ তাবশিং পুথোক্ত্রবদি দিক্রিমিনেলাইজ তৌরি। মখা তানা, মাইনর ওফেন্সশিংদি ফাইন খক্তমক লৌগনি। লেমহৌরিবা প্রোসিদ্যুওরশিং অসি ক্রাইম অদুগী ক্বান্তমগী মতুং ইন্না গ্রেদ তৌগনি। মখোয়না চহি অনিদা হন্থহল্লবা মেক্সিমম ওইবা জেলগী চৈরাক অমসুং মখোয়দুবু ফাইনদা ওন্থোক্নবা কোর্টশিংদা শক্তি পীবগা লোইননা অচম্বা জেলগী চৈরাকখক্তমক পীগনি।

হৌজিক্কী ওইনা লুপা লাখ ২০গী মখাদা লৈবা নন-ইম্মুবেবল ফোরেন এসেতশিং লান্থোক্ত্রবদি পেনালতী অমত্তা লৌরোই। ফাইনান্স মিনিস্তরনা মখোয়বু ১.১০.২০২৪দগী রেত্রোস্পেক্তিব ওইবা ইফেক্তকা লোয়ননা প্রোসিক্যুসনদগী ইম্ম্যুনিতীসু পীনবা প্রপোজ তৌখি।

***