مرکزی بجٹ 2026-27 میں ‘وکست بھارت کے لیے بینکنگ پر ایک اعلیٰ سطحی کمیٹی’ قائم کرنے کی تجویز ہے۔ آج پارلیمنٹ میں مرکزی بجٹ پیش کرتے ہوئے خزانہ اور کارپوریٹ امور کی مرکزی وزیر  محترمہ  نرملا سیتا رمن نے کہا کہ وہ مالیاتی شعبہ کا جامع جائزہ لے گی اور اسے ہندوستان کی ترقی کے اگلے مرحلے کے ساتھ ہم آہنگ کرے گی، جبکہ مالی استحکام، شمولیت اور صارفین کے تحفظ کی حفاظت کرے گی۔ مرکزی بجٹ میں  کہا گیا ہے کہ ہندوستانی بینکنگ سیکٹر آج مضبوط بیلنس شیٹس، منافع میں تاریخی بلندیوں، بہتر اثاثہ کے معیار اور ملک کے اٹھانوے  فیصد دیہات سے زیادہ کوریج کی خصوصیت رکھتا ہے۔

مرکزی بجٹ میں پاور فنانس کارپوریشن اور رورل الیکٹریفیکیشن کارپوریشن کی تشکیل نو کی تجویز ہے تاکہ پبلک سیکٹر این بی ایف سی ایس میں ایک پیمانے کو حاصل کیا جا سکے اور کارکردگی کو بہتر بنایا جا سکے۔‘ وکست بھارت’ کے لیے این بی ایف سی ایس کے وژن کا خاکہ کریڈٹ کی تقسیم اور ٹکنالوجی کو اپنانے کے واضح اہداف کے ساتھ دیا گیا ہے۔

محترمہ نرملا سیتا رمن نے مرکزی بجٹ میں فارن ایکسچینج مینجمنٹ (نان ڈیبٹ انسٹرو منٹ) کے ضابطوں  کا ایک جامع جائزہ تجویز کیا ہے تاکہ ہندوستان کی ابھرتی ہوئی اقتصادی ترجیحات کے مطابق غیر ملکی سرمایہ کاری کیلئے ایک زیادہ عصری اور صارف دوست فریم ورک بنایا جا سکے۔

مرکزی بجٹ 2026-27 کارپوریٹ بانڈ انڈیکس پر فنڈز اور مشتقات تک مناسب رسائی کے ساتھ ایک مارکیٹ سازی کے فریم ورک کے ساتھ ساتھ کارپوریٹ بانڈز پر کل رٹرن سویپ کی تجویز بھی پیش کرتا ہے۔

بڑے شہروں کی طرف سے زیادہ مالیت کے میونسپل بانڈز کے اجراء کی حوصلہ افزائی کے لیے مرکزی بجٹ میں 1000 کروڑ روپے سے زیادہ کے ایک بانڈ کے اجراء کے لیے 100 کروڑ روپے کی ترغیب کی تجویز ہے۔ اے ایم آر یو ٹی کے تحت موجودہ اسکیم جو 200 کروڑ روپے تک کے اجراء کی ترغیب دیتی ہے، چھوٹے اور درمیانے شہروں کو بھی سپورٹ کرتی رہے گی۔

کاروبار کرنے میں آسانی کو بڑھانے کے لیے ہندوستان سے باہر رہنے والے انفرادی افراد (پی آر او آئی) کو پورٹ فولیو انویسٹمنٹ اسکیم کے ذریعے لسٹیڈ ہندوستانی کمپنیوں کے ایکویٹی میں سرمایہ کاری کرنے کی اجازت دی جائے گی۔ مرکزی بجٹ میں اس اسکیم کے تحت انفرادی پی آر او آئی کے لیے سرمایہ کاری کی حد کو 5 فیصدسے بڑھا کر 10 فیصد کرنے کی تجویز بھی دی گئی ہے، جس میں تمام انفرادی پی آر او آئی کے لیے سرمایہ کاری کی مجموعی حد موجودہ 10 فیصد سے بڑھا کر 24فیصد کر دی گئی ہے۔

*****

ش ح – ظ  ا

UR-UB 06