ആശംസകൾ, സുഹൃത്തുക്കളെ,

ഇന്നലെ, ബഹുമാനപ്പെട്ട രാഷ്ട്രപതിയുടെ പ്രസംഗം 140 കോടി രാജ്യവാസികളുടെ ആത്മവിശ്വാസത്തിന്റെയും, 140 കോടി ഇന്ത്യക്കാരുടെ കൂട്ടായ പരിശ്രമത്തിന്റെയും, 140 കോടി പൗരന്മാരുടെ - പ്രത്യേകിച്ച് യുവാക്കളുടെ - അഭിലാഷങ്ങളുടെ വളരെ കൃത്യമായ ആവിഷ്കാരത്തിന്റെയും പ്രകടനമായിരുന്നു. പാർലമെന്റിലെ എല്ലാ അംഗങ്ങൾക്കും മാർഗനിർദേശകമായ നിരവധി ചിന്തകളും ഇത് മുന്നോട്ടുവച്ചു. സമ്മേളനത്തിന്റെ തുടക്കത്തിലും, 2026 ന്റെ തുടക്കത്തിലും, ബഹുമാനപ്പെട്ട രാഷ്ട്രപതി സഭയ്ക്ക് മുന്നിൽ പ്രകടിപ്പിച്ച പ്രതീക്ഷകൾ, ഏറ്റവും ലളിതമായ വാക്കുകളിലും, രാഷ്ട്രത്തലവന്റെ സ്ഥാനത്തും, ആഴത്തിലുള്ള വികാരങ്ങളെ പ്രതിഫലിപ്പിക്കുന്നു. എല്ലാ ബഹുമാനപ്പെട്ട പാർലമെന്റ് അംഗങ്ങളും അവയെ ഗൗരവമായി എടുത്തിട്ടുണ്ടെന്ന് എനിക്ക് പൂർണ്ണ വിശ്വാസമുണ്ട്. ഈ സമ്മേളനം തന്നെ വളരെ പ്രധാനപ്പെട്ട ഒന്നാണ്. ഇത് ബജറ്റ് സമ്മേളനമാണ്.

ഇരുപത്തിയൊന്നാം നൂറ്റാണ്ടിന്റെ കാൽഭാഗം ഇതിനകം പിന്നിട്ടിരിക്കുന്നു; നമ്മൾ ഇപ്പോൾ രണ്ടാം പാദം ആരംഭിക്കുകയാണ്. 2047 ഓടെ വികസിത ഇന്ത്യ എന്ന ലക്ഷ്യം കൈവരിക്കുന്നതിനുള്ള നിർണായകമായ 25 വർഷത്തെ കാലഘട്ടത്തിന്റെ തുടക്കമാണിത്. ഈ നൂറ്റാണ്ടിന്റെ രണ്ടാം പാദത്തിലെ ആദ്യ ബജറ്റാണിത്. തുടർച്ചയായി ഒമ്പതാം തവണയാണ് ധനമന്ത്രി നിർമ്മല ജി പാർലമെന്റിൽ ബജറ്റ് അവതരിപ്പിക്കുന്നത് - രാജ്യത്ത് അത്തരത്തിൽ ബജറ്റ് അവതരിപ്പിക്കുന്ന ആദ്യ വനിതാ ധനമന്ത്രി. ഇന്ത്യയുടെ പാർലമെന്ററി ചരിത്രത്തിൽ അഭിമാനകരമായ ഒരു നിമിഷമായി ഇത് രേഖപ്പെടുത്തപ്പെടുന്നു.

സുഹൃത്തുക്കളെ,

ഈ വർഷം വളരെ പോസിറ്റീവായി ആരംഭിച്ചു. ആത്മവിശ്വാസമുള്ള ഇന്ത്യ ഇന്ന് ലോകത്തിന് പ്രതീക്ഷയുടെ ഒരു കിരണമായും ആകർഷണ കേന്ദ്രമായും മാറിയിരിക്കുന്നു. ഈ പാദത്തിന്റെ തുടക്കത്തിൽ തന്നെ, ഇന്ത്യയും യൂറോപ്യൻ യൂണിയനും തമ്മിലുള്ള സ്വതന്ത്ര വ്യാപാര കരാർ, വരാനിരിക്കുന്ന ദിശകൾ എത്രത്തോളം തിളക്കമുള്ളതാണെന്നും ഇന്ത്യയിലെ യുവാക്കളുടെ ഭാവി എത്രത്തോളം വാഗ്ദാനപ്രദമാണെന്നും പ്രതിഫലിപ്പിക്കുന്നു. അഭിലാഷമുള്ള ഇന്ത്യയ്ക്കു വേണ്ടിയുള്ള സ്വതന്ത്ര വ്യാപാരമാണ്, അഭിലാഷമുള്ള യുവാക്കൾക്ക് വേണ്ടിയുള്ള സ്വതന്ത്ര വ്യാപാരമാണ്, സ്വാശ്രയ ഇന്ത്യയ്ക്ക് വേണ്ടിയുള്ള സ്വതന്ത്ര വ്യാപാരമാണ്. പ്രത്യേകിച്ച് ഇന്ത്യയിലെ നിർമ്മാതാക്കൾ, അവരുടെ കഴിവുകൾ വർദ്ധിപ്പിക്കുന്നതിന് ഈ അവസരം ഉപയോഗിക്കുമെന്ന് എനിക്ക് പൂർണ്ണ വിശ്വാസമുണ്ട്.

എല്ലാ ഉല്പാദകരോടും ഞാൻ പറയുന്നു: ഇന്ത്യയും യൂറോപ്യൻ യൂണിയനും തമ്മിൽ "എല്ലാ ഇടപാടുകളുടെയും മാതാവ്" എന്ന് വിളിക്കപ്പെടുന്ന ഒരു കരാർ ഒപ്പുവെച്ചപ്പോൾ, നമ്മുടെ വ്യവസായികളും നിർമ്മാതാക്കളും ഒരു വലിയ വിപണി തുറന്നിട്ടുണ്ടെന്നും ഇപ്പോൾ സാധനങ്ങൾ വിലകുറഞ്ഞ രീതിയിൽ അയയ്ക്കാൻ കഴിയുമെന്നും കരുതി അലംഭാവം കാണിക്കരുത്. ഇതൊരു അവസരമാണ്, ഈ അവസരം പ്രയോജനപ്പെടുത്തുന്നതിനുള്ള പ്രധാന മന്ത്രം ഗുണനിലവാരത്തിൽ ശ്രദ്ധ കേന്ദ്രീകരിക്കുക എന്നതാണ്. ഇപ്പോൾ വിപണി തുറന്നിരിക്കുന്നു, ഏറ്റവും മികച്ച ഗുണനിലവാരത്തോടെയാണ് നമ്മൾ അതിലേക്ക് പ്രവേശിക്കേണ്ടത്. ഉയർന്ന നിലവാരമുള്ള ഗുണനിലവാരവുമായി നമ്മൾ പോകുകയാണെങ്കിൽ, യൂറോപ്യൻ യൂണിയനിലെ 27 രാജ്യങ്ങളിലുടനീളമുള്ള ഉപഭോക്താക്കളിൽ നിന്ന് നമുക്ക് വരുമാനം നേടുക മാത്രമല്ല, അവരുടെ ഹൃദയം കീഴടക്കുകയും ചെയ്യും. ആ സ്വാധീനം വളരെക്കാലം നീണ്ടുനിൽക്കും - വാസ്തവത്തിൽ, പതിറ്റാണ്ടുകളോളം. രാജ്യത്തിന്റെ ബ്രാൻഡിനൊപ്പം കമ്പനി ബ്രാൻഡുകളും ഒരു പുതിയ അഭിമാനബോധം സ്ഥാപിക്കുന്നു.

അതുകൊണ്ട്, 27 രാജ്യങ്ങളുമായുള്ള ഈ കരാർ നമ്മുടെ മത്സ്യത്തൊഴിലാളികൾ, കർഷകർ, യുവാക്കൾ, ലോകമെമ്പാടും പ്രവർത്തിക്കാൻ ആഗ്രഹിക്കുന്ന സേവന മേഖലയിലുള്ളവർ എന്നിവർക്ക് വലിയ അവസരങ്ങൾ കൊണ്ടുവരുന്നു. ആത്മവിശ്വാസമുള്ളതും, മത്സരാധിഷ്ഠിതവും, ഉല്പാദനക്ഷമവുമായ ഒരു ഇന്ത്യയിലേക്കുള്ള വളരെ പ്രധാനപ്പെട്ട ഒരു ചുവടുവയ്പ്പാണിതെന്ന് എനിക്ക് പൂർണ്ണ വിശ്വാസമുണ്ട്.

സുഹൃത്തുക്കളെ,

രാജ്യത്തിന്റെ ശ്രദ്ധ ബജറ്റിൽ കേന്ദ്രീകരിക്കുന്നത് സ്വാഭാവികമാണ്. എന്നാൽ ഈ ​ഗവൺമെൻ്റ് പരിഷ്കരണം, പ്രകടനം, പരിവർത്തനം എന്നിവയിലൂടെ അറിയപ്പെടുന്നു. ഇപ്പോൾ നമ്മൾ പരിഷ്കരണ പ്രകടനത്തിലേക്ക് വളരെ വേഗത്തിൽ നീങ്ങുകയാണ്. ഈ പരിഷ്കരണ പ്രകടനത്തെ ത്വരിതപ്പെടുത്തുന്നതിന് തങ്ങളുടെ പോസിറ്റീവ് എനർജി സംഭാവന ചെയ്യുന്ന പാർലമെന്റിലെ എല്ലാ സഹപ്രവർത്തകർക്കും ഞാൻ എന്റെ നന്ദി അറിയിക്കുന്നു, അതുകൊണ്ടാണ് ഇത് കൂടുതൽ ശക്തി പ്രാപിക്കുന്നത്.

ദീർഘകാലമായി നിലനിൽക്കുന്ന പ്രശ്നങ്ങളിൽ നിന്ന് രാജ്യം ഇപ്പോൾ പുറത്തുകടന്ന് ദീർഘകാല പരിഹാരങ്ങളുടെ പാതയിലേക്ക് ഉറച്ചുനിൽക്കുകയാണ്. ദീർഘകാല പരിഹാരങ്ങൾ നിലവിൽ വരുമ്പോൾ, പ്രവചനാത്മകത ഉയർന്നുവരുന്നു, ഇത് ലോകമെമ്പാടും വിശ്വാസം സൃഷ്ടിക്കുന്നു. നമ്മൾ എടുക്കുന്ന ഓരോ തീരുമാനത്തിലും, ദേശീയ പുരോഗതിയാണ് നമ്മുടെ ലക്ഷ്യം, എന്നാൽ നമ്മുടെ എല്ലാ തീരുമാനങ്ങളും മനുഷ്യ കേന്ദ്രീകൃതമാണ്. നമ്മുടെ പങ്കും പദ്ധതികളും മനുഷ്യ കേന്ദ്രീകൃതമാണ്. നമ്മൾ സാങ്കേതികവിദ്യയുമായി മത്സരിക്കുകയും സാങ്കേതികവിദ്യ സ്വീകരിക്കുകയും അതിന്റെ സാധ്യതകൾ അംഗീകരിക്കുകയും ചെയ്യും, എന്നാൽ അതേ സമയം, മനുഷ്യ കേന്ദ്രീകൃത സംവിധാനത്തിൻ്റെ ശക്തി ഒരു തരത്തിലും കുറയ്ക്കാൻ ഞങ്ങൾ അനുവദിക്കില്ല. സംവേദനക്ഷമതയുടെ പ്രാധാന്യം മനസ്സിലാക്കി, സാങ്കേതികവിദ്യയുടെയും മാനവികതയുടെയും യോജിപ്പുള്ള സംയോജനത്തോടെ നമ്മൾ മുന്നോട്ട് പോകും.

നമ്മളെ വിമർശിക്കുന്നവർ - അവർക്ക് നമ്മളോട് ഇഷ്ടമോ അനിഷ്ടമോ ഉണ്ടാകാം - ഇത് ഒരു ജനാധിപത്യത്തിൽ സ്വാഭാവികമാണ്. എന്നാൽ എല്ലാവരും സമ്മതിക്കുന്ന ഒരു കാര്യം, ഈ ​ഗവൺമെൻ്റ് അവസാന മൈൽ വരെ എത്തിക്കുന്നതിന് ഊന്നൽ നൽകിയിട്ടുണ്ട് എന്നതാണ്. പദ്ധതികൾ ഫയലുകളിൽ ഒതുങ്ങാതെ ജനങ്ങളുടെ ജീവിതത്തിലേക്ക് എത്തുന്നുണ്ടെന്ന് ഉറപ്പാക്കാൻ തുടർച്ചയായ ശ്രമം നടക്കുന്നുണ്ട്. പരിഷ്കരണ എക്സ്പ്രസിലെ അടുത്ത തലമുറ പരിഷ്കാരങ്ങളിലൂടെ വരും ദിവസങ്ങളിൽ ഈ പാരമ്പര്യം മുന്നോട്ട് കൊണ്ടുപോകും.

ഇന്ത്യയുടെ ജനാധിപത്യവും ഇന്നത്തെ ഇന്ത്യയുടെ ജനസംഖ്യയും ലോകത്തിന് വലിയൊരു പ്രതീക്ഷയാണ് നൽകുന്നത്. ജനാധിപത്യത്തിന്റെ ഈ ക്ഷേത്രത്തിൽ നിന്ന്, ആഗോള സമൂഹത്തിന് നമ്മുടെ കഴിവുകൾ, ജനാധിപത്യത്തോടുള്ള നമ്മുടെ പ്രതിബദ്ധത, ജനാധിപത്യ പ്രക്രിയകളിലൂടെ എടുക്കുന്ന തീരുമാനങ്ങളോടുള്ള നമ്മുടെ ബഹുമാനം എന്നിവയെക്കുറിച്ച് ഒരു സന്ദേശം കൂടി നാം നൽകണം. ലോകം ഇതിനെ സ്വാഗതം ചെയ്യുകയും അംഗീകരിക്കുകയും ചെയ്യുന്നു.

രാജ്യം മുന്നോട്ട് കുതിക്കുന്ന ഈ സമയത്ത്, ഇത് തടസ്സങ്ങളുടെ യുഗമല്ല; പരിഹാരങ്ങളുടെ യുഗമാണ്. ഇന്ന്, മുൻഗണന തടസ്സപ്പെടുത്തലല്ല, പരിഹാരമാണ്. തടസ്സങ്ങൾക്കിടയിൽ ഇരുന്ന് വിലപിക്കാനുള്ള സമയമല്ല ഇന്ന്; ധീരവും പരിഹാരാധിഷ്ഠിതവുമായ തീരുമാനങ്ങൾ ആവശ്യമുള്ള ഒരു കാലഘട്ടമാണിത്. എല്ലാ ബഹുമാന്യ പാർലമെന്റ് അംഗങ്ങളോടും മുന്നോട്ട് വരാനും, രാഷ്ട്രത്തിന് ആവശ്യമായ പരിഹാരങ്ങളുടെ ഈ ഘട്ടം ത്വരിതപ്പെടുത്താനും, തീരുമാനങ്ങൾ ശാക്തീകരിക്കാനും, അവസാന മൈൽ വിതരണത്തിൽ വിജയകരമായി മുന്നോട്ട് പോകാനും ഞാൻ അഭ്യർത്ഥിക്കുന്നു.

സഹപ്രവർത്തകരേ, വളരെ നന്ദി. നിങ്ങൾക്കെല്ലാവർക്കും എന്റെ ആശംസകൾ.

*****