• ନିଫ୍ଟି ୫୦ ଏବଂ ବିଏସ୍ଇ ସେନସେକ୍ସ ନିବେଶକାରୀମାନେ ଏପ୍ରିଲ୍-ଡିସେମ୍ବର ୨୦୨୫ ମଧ୍ୟରେ ପ୍ରାୟ ୧୧.୧% ଏବଂ ୧୦.୧% ଲାଭ ପାଇଛନ୍ତି
• ସିକ୍ୟୁରିଟି ମାର୍କେଟ୍ କୋଡ୍, ୨୦୨୫- ସିକ୍ୟୁରିଟି ମାର୍କେଟ୍ ନିୟାମକକୁ ମଜୁତ କରିବା ଦିଗରେ ଗୁରୁତ୍ୱପୂର୍ଣ୍ଣ ପଦକ୍ଷେପ
• ଆର୍ଥିକ ବର୍ଷ ୨୦୨୬ ମଧ୍ୟରେ ଡିସେମ୍ବର ୨୦୨୫ ପର୍ଯ୍ୟନ୍ତ ଯୋଗ କରାଯାଇଥିବା ୨୩୫ ଲକ୍ଷ ଡିମାଟ ଆକାଉଣ୍ଟ ମୋଟ ୨୧.୬ କୋଟି ଅତିକ୍ରମ କରିଛି
• ସେପ୍ଟେମ୍ବର ୨୦୨୫ ରେ ଡିମାଟ୍ ଆକାଉଣ୍ଟ ସହିତ ଅନନ୍ୟ ନିବେଶକଙ୍କ ପାଇଁ ୧୨-କୋଟି ସୀମା ଅତିକ୍ରମ କରିଛି, ସେମାନଙ୍କ ମଧ୍ୟରୁ ଏକ ଚତୁର୍ଥାଂଶ ହେଉଛନ୍ତି ମହିଳା
• ୨୦୨୫ ମସିହା ଡିସେମ୍ବର ମାସ ସୁଦ୍ଧା ୫.୯ କୋଟି ସ୍ୱତନ୍ତ୍ର ମ୍ୟୁଚୁଆଲ ଫଣ୍ଡ ନିବେଶକାରୀ ରହିଛନ୍ତି, ଏମାନଙ୍କ ମଧ୍ୟରେ ୩.୫ କୋଟି ପ୍ରଥମ ଏବଂ ଦ୍ୱିତୀୟ ଶ୍ରେଣୀ ବର୍ଗର ସହରରୁ ଆସିଛନ୍ତି 
• ଏସ୍ଆଇପି ନେଣଦେଣ କ୍ଷେତ୍ରରେ ସ୍ୱତନ୍ତ୍ର ନିବେଶକାରୀଙ୍କ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଇଛି, ୨୦୨୦ ଆର୍ଥିକ ବର୍ଷରେ ପାଖାପାଖି ୩.୧ କୋଟିରୁ ଆର୍ଥିକ ବର୍ଷ ୨୦୨୫ ସୁଦ୍ଧା ୧୧ କୋଟିରୁ ଅଧିକ ରହିଛି
• ଆର୍ଥିକ ବର୍ଷ ୨୦୧୫ ଏବଂ ଆର୍ଥିକ ବର୍ଷ ୨୦୨୫ ମଧ୍ୟରେ ଭାରତର କର୍ପୋରେଟ୍ ବଣ୍ଡ୍ ମାର୍କେଟ୍ ବାର୍ଷିକ ପାଖାପାଖି ୧୨% ବୃଦ୍ଧି ପାଇଛି
• ବିଦେଶୀ ପୁଞ୍ଜି ପ୍ରବାହରେ ତଳ ଉପର ସତ୍ବେ ଡିଆଇଆଇଏସ୍ ବିଦେଶୀ ପୁଞ୍ଜି ନିବେଶ ବାହ୍ୟ ପ୍ରବାହକୁ ସମର୍ଥନ କରି ବଜାରକୁ ସନ୍ତୁଳିତ କରିଛି
• ଗିଫ୍ଟ ସିଟି ବିଶ୍ୱ ଆର୍ଥିକ କେନ୍ଦ୍ର ସୂଚକାଙ୍କରେ ନଅଟି ସ୍ଥାନକୁ ସ୍ଥାନାନ୍ତରିତ କରି, ୧୨୦ଟି ଆର୍ଥିକ କେନ୍ଦ୍ର ମଧ୍ୟରୁ ୪୩ଟିରେ ପହଞ୍ଚିଛି

କେନ୍ଦ୍ର ଅର୍ଥ ଏବଂ କର୍ପୋରେଟ ବ୍ୟାପାର ମନ୍ତ୍ରୀ ଶ୍ରୀମତୀ ନିର୍ମଳା ସୀତାରମଣ ଆଜି ସଂସଦରେ୨୦୨୫-୨୬ ଆର୍ଥିକ ସର୍ଭେ ରିପୋର୍ଟ ଉପସ୍ଥାପନ କରିଛନ୍ତି। ସେ କହିଥିଲେ ଯେ ବାଣିଜ୍ୟ ନୀତିରେ କ୍ରମାଗତ ପରିବର୍ତ୍ତନ ଏବଂ ବୃଦ୍ଧି ପାଉଥିବା ଭୂ-ରାଜନୈତିକ ଅନିଶ୍ଚିତତା ମଧ୍ୟରେ, ଭାରତର ଇକ୍ୱିଟି ବଜାର ସହାୟକ ନୀତି, ବୃହତ ଅର୍ଥନୈତିକ ପରିସ୍ଥିତି ଏବଂ ସ୍ଥାୟୀ ଘରୋଇ ନିବେଶକଙ୍କ ଅଂଶଗ୍ରହଣର ପାରସ୍ପରିକ କ୍ରିୟାକୁ ପ୍ରତିଫଳିତ କରି ଗତିଶୀଳ ପ୍ରଦର୍ଶନ କରିଛି। ବ୍ୟକ୍ତିଗତ ଆୟକର ହ୍ରାସ, ଜିଏସଟିରେ ପରିବର୍ତ୍ତନ, ମୁଦ୍ରା ନୀତିକୁ ସହଜ କରିବା ଏବଂ ମୁଦ୍ରାସ୍ଫୀତି ହ୍ରାସ କରିବା ସହିତ ଆର୍ଥିକ ବର୍ଷ ୨୬ର ଦ୍ୱିତୀୟ ତ୍ରୈମାସିକରେ କର୍ପୋରେଟ୍ ପ୍ରଦର୍ଶନରେ ଉନ୍ନତି ସମେତ ଅନେକ ପଦକ୍ଷେପ ଆର୍ଥିକ ବର୍ଷ ୨୦୨୫-୨୬ ସମୟରେ ବଜାରକୁ ସମର୍ଥନ କରିଥିଲା ବୋଲି ସର୍ଭେରୁ ଜଣାପଡ଼ିଛି। 
ଭାରତର ଆର୍ଥିକ ପରିସଂସ୍ଥାର ଶକ୍ତି 
ନିଫ୍ଟି ୫୦ ଏବଂ ବିଏସଇ ସେନସେକ୍ସ ଏପ୍ରିଲ-ଡିସେମ୍ବର ୨୦୨୫ ମଧ୍ୟରେ ଯଥାକ୍ରମେ ପ୍ରାୟ ୧୧.୧% ଏବଂ ୧୦.୧% ଲାଭ ପଞ୍ଜିକୃତ କରିଛନ୍ତି। ଆର୍ଥିକ ବର୍ଷ ୨୬ରେ (ଡିସେମ୍ବର ୨୦୨୫ ପର୍ଯ୍ୟନ୍ତ) ପ୍ରାଥମିକ ବଜାର ନମନୀୟ ଏବଂ ସକ୍ରିୟ ରହିଥିଲା, ଇନିସିଆଲ ପବ୍ଲିକ ଅଫର (ଆଇପିଓ) ପ୍ରଦାନରେ ବିଶ୍ୱରେ ଅଗ୍ରଣୀ ରହିଥିଲା । ଆର୍ଥିକ ବର୍ଷ ୨୬ରେ (ଡିସେମ୍ବର ୨୦୨୫ ପର୍ଯ୍ୟନ୍ତ) ଆଇପିଓ ପରିମାଣ ଆର୍ଥିକ ବର୍ଷ ୨୫ ତୁଳନାରେ ୨୦% ଅଧିକ ଥିଲା, ଏବଂ ଏକତ୍ରିତ ହୋଇଥିବା ପରିମାଣ ଆର୍ଥିକ ବର୍ଷ ୨୫ର ସମାନ ଅବଧି ତୁଳନାରେ ୧୦ ପ୍ରତିଶତ ଅଧିକ ଥିଲା। ଆର୍ଥିକ ବର୍ଷ ୨୬ରେ (ଡିସେମ୍ବର ୨୦୨୫ ପର୍ଯ୍ୟନ୍ତ) ଆଇପିଓ କାର୍ଯ୍ୟକଳାପର ଏକ ଉଲ୍ଲେଖନୀୟ ବୈଶିଷ୍ଟ୍ୟ ଥିଲା ଅଫର୍ ଫର୍ ସେଲ୍ (ଓଏଫ୍ଏସ୍) ଉପାଦାନଗୁଡ଼ିକର ପ୍ରାଧାନ୍ୟ, ଯେଉଁଠାରେ ବିଦ୍ୟମାନ ଅଂଶୀଦାରମାନେ ନୂତନ ସେୟାର ଜାରି କରୁଥିବା କମ୍ପାନୀ ପରିବର୍ତ୍ତେ ନିଜର ଅଂଶ ବିକ୍ରି କରନ୍ତି ।  
ଏସ୍ଏମ୍ଇ ତାଲିକା: ଆର୍ଥିକ ବର୍ଷ ୨୬ରେ (ଡିସେମ୍ବର ୨୦୨୫ ପର୍ଯ୍ୟନ୍ତ) ଏସ୍ଏମ୍ଇ ତାଲିକା ସଂଖ୍ୟା, ଆର୍ଥିକ ବର୍ଷ ୨୫ରେ (ଡିସେମ୍ବର ୨୦୨୪ ପର୍ଯ୍ୟନ୍ତ) ୧୯୦ରୁ ବୃଦ୍ଧି ପାଇ ୨୧୭ରେ ପହଞ୍ଚିଛି। ଏହି ଅର୍ଥରାଶି ୭,୪୫୩ କୋଟି ଟଙ୍କାରୁ ୯,୬୩୫ କୋଟି ଟଙ୍କାକୁ ବୃଦ୍ଧି ପାଇଛି। ଏହାର ଆରମ୍ଭ ପରଠାରୁ ବିଏସ୍ଇ ଏବଂ ଏସ୍ଏମ୍ଇର ଏସ୍ଏମ୍ଇ ପ୍ଲାଟଫର୍ମରେ ୧,୩୮୦ରୁ ଅଧିକ କମ୍ପାନୀ ତାଲିକାଭୁକ୍ତ ହୋଇଛନ୍ତି। ପ୍ରାଥମିକ ବଜାର ମାଧ୍ୟମରେ ସମ୍ବଳର ନିରନ୍ତର ସଂଚାଳନ ଏବଂ ଏସ୍ଏମ୍ଇ ପ୍ଲାଟଫର୍ମ ମାଧ୍ୟମରେ ଉଦୀୟମାନ ଉଦ୍ୟୋଗଗୁଡ଼ିକର ବ୍ୟାପକ ଅଂଶଗ୍ରହଣ ଭାରତର ପୁଞ୍ଜି ବଜାରର ବୃଦ୍ଧି ପାଉଥିବା ବ୍ୟାପକତାକୁ ସୂଚାଇଥାଏ। 
ସିକ୍ୟୁରିଟି ମାର୍କେଟ୍ କୋଡ୍ (ଏସ୍ଏମ୍ଇ): ସିକ୍ୟୁରିଟି ମାର୍କେଟ୍ କୋଡ୍, ୨୦୨୫, ଆଇନଗତ ଢାଞ୍ଚାକୁ ସୁଦୃଢ଼ କରିବା ଏବଂ ସିକ୍ୟୁରିଟି ବଜାର ନିୟନ୍ତ୍ରଣର ମୂଳଦୁଆକୁ ସୁଦୃଢ଼ କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପକୁ ପ୍ରତିନିଧିତ୍ୱ କରେ। ଆର୍ଥିକ ସର୍ଭେରେ ଦର୍ଶାଯାଇଛି ଯେ ଏହି ସଂହିତାରେ ବୋର୍ଡ ଗଠନ, ସ୍ୱାଧୀନତା, ବିବାଦ ପରିଚାଳନା, ସ୍ୱଚ୍ଛତା, ନିୟାମକ ସ୍ୟାଣ୍ଡବକ୍ସିଂ, ନିବେଶକ ସୁରକ୍ଷା, ବଜାର ଭିତ୍ତିଭୂମି ପ୍ରତିଷ୍ଠାନ (ଏସ୍ଏମ୍ଇ)ର ଶାସନ ଏବଂ ବ୍ୟବସାୟିକ ସୁଗମତା ଭଳି ବିଷୟ ରହିଛି। ପ୍ରଥମ ଥର ପାଇଁ, ଏହି ସଂହିତା ଏସ୍ଏମ୍ଇ, ଷ୍ଟକ୍ ଏକ୍ସଚେଞ୍ଜ, କ୍ଲିୟରିଂ କର୍ପୋରେସନ୍, ଡିପୋଜିଟୋରୀ ଏବଂ ଅନ୍ୟମାନଙ୍କୁ ଏକ ସ୍ପଷ୍ଟ ବୈଧାନିକ ଭିତ୍ତିରେ ଆଣିଥାଏ, ଯାହା ସେମାନଙ୍କୁ ଗୁରୁତ୍ୱପୂର୍ଣ୍ଣ ସାର୍ବଜନୀନ କାର୍ଯ୍ୟ ସମ୍ପାଦନ କରୁଥିବା ସଂସ୍ଥା ଭାବରେ ଆନୁଷ୍ଠାନିକ ଭାବରେ ସ୍ୱୀକୃତି ଦେଇଥାଏ। 
ପୁଞ୍ଜି ବଜାରରେ ଖୁଚୁରା ଭାଗିଦାରୀ ବୃଦ୍ଧି 
ଆର୍ଥିକ ବର୍ଷ ୨୬ ମଧ୍ୟରେ (ଡିସେମ୍ବର ୨୦୨୫ ପର୍ଯ୍ୟନ୍ତ), ୨୩୫ ଲକ୍ଷ ଡିମାଟ୍ ଆକାଉଣ୍ଟ ଯୋଡ଼ା ଯାଇଥିଲା, ଯାହା ମୋଟ ସଂଖ୍ୟାକୁ ୨୧.୬ କୋଟିରୁ ଅଧିକ କରିଦେଇଥିଲା। ସେପ୍ଟେମ୍ବର ୨୦୨୫ ରେ ଅନନ୍ୟ ନିବେଶକମାନଙ୍କ ପାଇଁ ୧୨ କୋଟି ସୀମା ଅତିକ୍ରମ କରିବା ଏକ ପ୍ରମୁଖ ମାଇଲଖୁଣ୍ଟ ଥିଲା, ଯେଉଁଥିରେ ପ୍ରାୟ ଏକ ଚତୁର୍ଥାଂଶ ମହିଳା ଥିଲେ । ଡିସେମ୍ବର ୨୦୨୫ ଶେଷ ସୁଦ୍ଧା ୫.୯ କୋଟି ଅନନ୍ୟ ନିବେଶକଙ୍କ ସହିତ ମ୍ୟୁଚୁଆଲ୍ ଫଣ୍ଡ ବଜାର ମଧ୍ୟ ସମ୍ପ୍ରସାରିତ ହୋଇଥିଲା, ଯେଉଁଥିରୁ ୩.୫ କୋଟି (ନଭେମ୍ବର ୨୦୨୫ ସୁଦ୍ଧା) ଅଣ-ସ୍ତରୀୟ- ୧ମ ବର୍ଗ ଏବଂ ୨ୟ ବର୍ଗର ସହରରୁ ଥିଲେ। 
ଅର୍ଥନୈତିକ ସର୍ଭରେ ଆହୁରି ମଧ୍ୟ ଉଲ୍ଲେଖ କରାଯାଇଛି ଯେ, ଏକଦା ଘରୋଇ ବାଲାନ୍ସସିଟର ସହାୟକ ଥିବା ଇକ୍ୱିଟି ନିବେଶ, ବ୍ୟାପକ ଅଂଶଗ୍ରହଣ ଏବଂ ଅଧିକ ବିବିଧ ସୁବିଧା ଦ୍ୱାରା ସମର୍ଥିତ ହୋଇ ଆର୍ଥିକ ସମ୍ପତ୍ତିର ଏକ ଗୁରୁତ୍ୱପୂର୍ଣ୍ଣ ଅଂଶବିଶେଷରେ ପରିଣତ ହୋଇଛି। ଇକ୍ୱିଟି ବଜାରରେ ବ୍ୟକ୍ତିବିଶେଷଙ୍କ ପ୍ରତ୍ୟକ୍ଷ ଅଂଶ କେବଳ ଧୀରେ ଧୀରେ ବୃଦ୍ଧି ପାଇଥିବାବେଳେ, ଆର୍ଥିକ ବର୍ଷ ୨୦୧୪ ରେ ମାତ୍ର ୮ ପ୍ରତିଶତରୁ ସେପ୍ଟେମ୍ବର ୨୦୨୫ ସୁଦ୍ଧା ପ୍ରାୟ ୯.୬ ପ୍ରତିଶତକୁ ବୃଦ୍ଧି ପାଇଛି, ପରୋକ୍ଷ ଅଂଶ ସମାନ ଅବଧିରେ ପ୍ରାୟ ତିନିଗୁଣ ବୃଦ୍ଧି ପାଇ ୯.୨ ପ୍ରତିଶତରେ ପହଞ୍ଚିଛି। 
ବାର୍ଷିକ ଘରୋଇ ଆର୍ଥିକ ସଞ୍ଚୟରେ ଇକ୍ୱିଟି ଏବଂ ମ୍ୟୁଚୁଆଲ୍ ଫଣ୍ଡର ଅଂଶ ୨୦୧୨ ଆର୍ଥିକ ବର୍ଷରେ ୨ ପ୍ରତିଶତରୁ ବୃଦ୍ଧି ପାଇ ୨୫ ଆର୍ଥିକ ବର୍ଷରେ ୧୫.୨ ପ୍ରତିଶତରେ ପହଞ୍ଚିଛି। ଏହି ପରିବର୍ତ୍ତନ ସହିତ ଏସଆଇପି ଯୋଗଦାନରେ କ୍ରମାଗତ ବୃଦ୍ଧି ଘଟିଛି, ହାରାହାରି ମାସିକ ଏସଆଇପି ପ୍ରବାହ ଆର୍ଥିକ ବର୍ଷ ୨୦୧୭ରେ ୪,୦୦୦ କୋଟି ଟଙ୍କାରୁ ସାତ ଗୁଣ ବୃଦ୍ଧି ପାଇ ଆର୍ଥିକ ବର୍ଷ ୨୫ (ଏପ୍ରିଲ-ନଭେମ୍ବର)ରେ ୨୮,୦୦୦ କୋଟି ଟଙ୍କାରୁ ଅଧିକ ହୋଇଛି। ମହାମାରୀ ପରେ ପ୍ରାରମ୍ଭିକ ବର୍ଷଗୁଡ଼ିକରେ ଅନନ୍ୟ ନିବେଶକଙ୍କ ଆଧାର ଦ୍ରୁତ ଗତିରେ ବୃଦ୍ଧି ପାଇଥିଲା, ଯାହା ୨୦୨୦ ଆର୍ଥିକ ବର୍ଷରେ ପାଖାପାଖି ୩.୧ କୋଟିରୁ ବୃଦ୍ଧି ପାଇ ୨୫ ଆର୍ଥିକ ବର୍ଷ ସୁଦ୍ଧା ୧୧ କୋଟିରୁ ଅଧିକ ହୋଇଯାଇଥିଲା। 
ସେବିର ସାମ୍ପ୍ରତିକ ପଦକ୍ଷେପ 
ଆର୍ଥିକ ସର୍ଭେରେ କୁହାଯାଇଛି ଯେ ସେବି ନିୟାମକ ଅଖଣ୍ଡତାକୁ ସୁଦୃଢ଼ କରିବା, ବଜାର କାର୍ଯ୍ୟକଳାପକୁ ସୁବ୍ୟବସ୍ଥିତ କରିବା ଏବଂ ନିବେଶକଙ୍କ ସୁରକ୍ଷା ବୃଦ୍ଧି ଉଦ୍ଦେଶ୍ୟରେ ବ୍ୟାପକ ପଦକ୍ଷେପ ଗ୍ରହଣ କରିଛି। ସାମୂହିକ ଭାବେ, ଏହି ପଦକ୍ଷେପଗୁଡିକ ଭାରତରେ ଏକ ସ୍ୱଚ୍ଛ, ନମନୀୟ ଏବଂ ସମାବେଶୀ ପୁଞ୍ଜି ବଜାର ଇକୋସିଷ୍ଟମକୁ ପ୍ରୋତ୍ସାହିତ କରିବା ପାଇଁ ସେବିର ପ୍ରତିବଦ୍ଧତାକୁ ରେଖାଙ୍କିତ କରେ, ଯେତେବେଳେ ସିକ୍ୟୁରିଟି ବଜାରର ପ୍ରମୁଖ ବିଭାଗରେ ଉନ୍ନତ ଯାଞ୍ଚ, ଖୁଲାସା, ଅଭିଗମ୍ୟତା ଏବଂ ବିପଦ ତଦାରଖ ମାଧ୍ୟମରେ ବଜାର ଆତ୍ମବିଶ୍ୱାସକୁ ମଜବୁତ କରେ । 
ନିବେଶକ ସୁରକ୍ଷା ଏବଂ ସଶକ୍ତିକରଣ: ସେବି ସମସ୍ତ ସେବି-ପଞ୍ଜୀକୃତ ମଧ୍ୟସ୍ଥିଙ୍କ ପାଇଁ ଏକ ନୂତନ ୟୁପିଆଇ ଠିକଣା ଢାଞ୍ଚାକୁ ବାଧ୍ୟତାମୂଳକ କରିଛି ଯାହା ନିବେଶକଙ୍କଠାରୁ ପାଣ୍ଠି ସଂଗ୍ରହ କରେ, ଯାହା ୧ ଅକ୍ଟୋବର ୨୦୨୫ ରୁ କାର୍ଯ୍ୟକାରୀ ହୋଇଛି । 
ନିୟାମକ ଢାଞ୍ଚାକୁ ସୁଦୃଢ଼ କରିବା ଏବଂ ପରିଚାଳନା ଦକ୍ଷତାରେ ଉନ୍ନତି ଆଣିବା: ସେବି-ପଞ୍ଜୀକୃତ ଷ୍ଟକ୍ ବ୍ରୋକର ମାନଙ୍କୁ ଏକ ପୃଥକ ବ୍ୟବସାୟ ୟୁନିଟ୍ ଅଧୀନରେ ଜିଆଇଏଫଟି-ଆଇଏଫ୍ଏସସିରେ ପ୍ରତିଭୂତି ବଜାର ସମ୍ବନ୍ଧୀୟ କାର୍ଯ୍ୟକଳାପ କରିବାରେ ସୁବିଧା ଦେବା ପାଇଁ, ନିର୍ଦ୍ଦିଷ୍ଟ ସେବି ଅନୁମୋଦନ ପ୍ରାପ୍ତ କରିବାର ଆବଶ୍ୟକତାକୁ ହଟାଇ ଦିଆଯାଇଥିଲା। 
ଋଣ ବଜାର 
ଭାରତର କର୍ପୋରେଟ ବଣ୍ଡ ବଜାର ଉଲ୍ଲେଖନୀୟ ଅଭିବୃଦ୍ଧି ପ୍ରଦର୍ଶନ କରିଛି, ବକେୟା ନିର୍ଗମନ ଆର୍ଥିକ ବର୍ଷ ୨୦୧୫ରେ ୧୭.୫ ଟ୍ରିଲିୟନ ଟଙ୍କାରୁ ବୃଦ୍ଧି ପାଇ ଆର୍ଥିକ ବର୍ଷ ୨୫ରେ ୫୩.୬ ଟ୍ରିଲିୟନ ଟଙ୍କାକୁ ବୃଦ୍ଧି ପାଇଛି, ଯାହାର ବାର୍ଷିକ ହାର ପାଖାପାଖି ୧୨ ପ୍ରତିଶତ ରହିଛି। ଆର୍ଥିକ ବର୍ଷ ୨୫ ରେ, ସର୍ବାଧିକ ନୂତନ ନିର୍ଗମନ ରେକର୍ଡ କରାଯାଇଥିଲା, ଯାହା ମୋଟ  ୯.୯ ଟ୍ରିଲିୟନ ଥିଲା । 
ମାର୍ଚ୍ଚ ୨୦୨୫ ସୁଦ୍ଧା, କର୍ପୋରେଟ ବଣ୍ଡ ବଜାର ଦେଶର ଜିଡିପିର ୧୫-୧୬ ପ୍ରତିଶତ ଅଟେ ଏବଂ କର୍ପୋରେଟ ବଣ୍ଡ ପାଣ୍ଠି ସଂଗ୍ରହ ବର୍ତ୍ତମାନ ବ୍ୟାଙ୍କ୍‍ ଋଣର ପରିପୂରକ ଅଟେ। ଆର୍ଥିକ ବର୍ଷ ୨୬ ରେ, ଏପ୍ରିଲ୍-ଡିସେମ୍ବର ୨୦୨୫ ରେ ପ୍ରାଥମିକ ବଜାରରୁ ମୋଟ ସମ୍ବଳ ସଂଗ୍ରହର ୬୩ ପ୍ରତିଶତରୁ ଅଧିକ ଋଣ ବଜାର ଥିଲା। ବଣ୍ଡ ବଜାରର ବିକାଶ ପାଇଁ ନିୟାମକ କର୍ତ୍ତୃପକ୍ଷମାନେ ଗୁରୁତ୍ୱପୂର୍ଣ୍ଣ ସଂସ୍କାର କରିଛନ୍ତି। ସେବି ରିକ୍ୱେଷ୍ଟ ଫର କୋଟ ପ୍ଲାଟଫର୍ମ ଆରମ୍ଭ କରିଥିଲା, ଯାହା ଖୁଚୁରା ପ୍ରବେଶକୁ ସୁଗମ କରିଥିଲା, କ୍ରେଡିଟ୍ ରେଟିଂ ଏଜେନ୍ସି ପାଇଁ ଶାସନ ମାନକକୁ ମଜବୁତ କରିଥିଲା ଏବଂ ଜାରି ମାନଦଣ୍ଡକୁ ସରଳ କରିଥିଲା। 
ବିଦେଶୀ ପୋର୍ଟଫୋଲିଓ ନିବେଶ 
ଆର୍ଥିକ ବର୍ଷ ୨୬ରେ ଭାରତର ବିଦେଶୀ ପୋର୍ଟଫୋଲିଓ ନିବେଶ (ଏଫପିଆଇ) ଧାରା ଅସ୍ଥିରତା ପ୍ରଦର୍ଶନ କରୁଛି। ଆର୍ଥିକ ବର୍ଷ ୨୬ର ପ୍ରଥମ ତ୍ରୈମାସିକରେ ଏଫପିଆଇମାନେ ଭାରତୀୟ ଇକ୍ୱିଟିର ନିଟ୍ କ୍ରେତା ଏବଂ ଋଣ ଉପକରଣର ନିଟ୍ ବିକ୍ରେତା ଥିଲେ। ଅପରପକ୍ଷରେ, ଆର୍ଥିକ ବର୍ଷ ୨୬ର ଦ୍ୱିତୀୟ ଏବଂ ତୃତୀୟ ତ୍ରୈମାସିକରେ ସେମାନେ ଋଣ ଉପକରଣର ନିଟ୍ କ୍ରେତା ହେବା ସହିତ ଇକ୍ୱିଟିର ନିଟ୍ କ୍ରେତା ଠାରୁ ନିଟ୍ ବିକ୍ରେତା ହେବାକୁ ପରିବର୍ତ୍ତିତ ହୋଇଥିଲେ। ମୋଟାମୋଟି ଭାବେ, ଏଫପିଆଇମାନେ ଏପ୍ରିଲରୁ ଡିସେମ୍ବର ୨୦୨୫ ପର୍ଯ୍ୟନ୍ତ ଭାରତୀୟ ପ୍ରତିଭୂତିଗୁଡ଼ିକର ନିଟ୍ ବିକ୍ରେତା ଥିଲେ। ସେବିର ଏଫପିଆଇ ନିବେଶ ନିୟମରେ ରିହାତି ଏବଂ ଚାଲିଥିବା ଭାରତ-ଆମେରିକା ବାଣିଜ୍ୟ ଆଲୋଚନା ଦ୍ୱାରା ସମର୍ଥିତ, ଭାରତର ଋଣ ବଜାରରେ ଏଫପିଆଇ ପ୍ରବାହର ଦୃଷ୍ଟିକୋଣ ସକାରାତ୍ମକ ରହିଛି। ୩୧ ଡିସେମ୍ବର ୨୦୨୫ ସୁଦ୍ଧା, ଏଫପିଆଇମାନଙ୍କ ଅଧୀନରେ ଥିବା ସମ୍ପତ୍ତିର ଆଧାର ୮୧.୪ ଲକ୍ଷ କୋଟି ଟଙ୍କା ଥିଲା, ଯାହା ମାର୍ଚ୍ଚ ୩୧,୨୦୨୫ ତୁଳନାରେ ଏକ ୧୦.୪% ବୃଦ୍ଧିକୁ ଚିହ୍ନିତ କରେ। 
ଘରୋଇ ସଂସ୍ଥାଗତ ନିବେଶକ: ଏଫପିଆଇ ଗୁଡ଼ିକର ସନ୍ତୁଳନ ରକ୍ଷା କରିବା 
ଉପର ତଳ ହେଉଥିବା ବିଦେଶୀ ପୁଞ୍ଜି ପ୍ରବାହ ମଧ୍ୟରେ, ଘରୋଇ ସଂସ୍ଥାଗତ ନିବେଶକ (ଡିଆଇଆଇ), ବିଶେଷ କରି ମ୍ୟୁଚୁଆଲ ଫଣ୍ଡ ଏବଂ ବୀମା କମ୍ପାନୀମାନେ, ବିଦେଶୀ ନିବେଶ ପ୍ରବାହର ଅସ୍ଥିରତାକୁ ସନ୍ତୁଳିତ କରିଛନ୍ତି ଏବଂ ବଜାରକୁ ଅତି ଆବଶ୍ୟକ ସହାୟତା ପ୍ରଦାନ କରିଛନ୍ତି। ନିରନ୍ତର କ୍ରୟ ସହିତ, ୩୦ ସେପ୍ଟେମ୍ବର ୨୦୨୫ ସୁଦ୍ଧା, ଏନ୍ଏସ୍ଇ-ତାଲିକାଭୁକ୍ତ ଇକ୍ୱିଟି ମଧ୍ୟରେ ଡିଆଇଆଇର ମାଲିକାନା ୧୮.୭% ରେ ରହିଛି। 
ଡିଆଇଆଇ ଗୁଡ଼ିକ କ୍ରମାଗତ ଭାବେ ଭାରତୀୟ ଇକ୍ୱିଟିରେ ନିଟ୍ କ୍ରେତା ଭାବେ ନିଜର ସ୍ଥିତିକୁ ବଜାୟ ରଖିଛନ୍ତି, ଫଳପ୍ରଦ ଭାବେ ଏଫପିଆଇ ବିକ୍ରିର ମୁକାବିଲା କରିଛନ୍ତି ଏବଂ ଘରୋଇ ବଜାରର ଶକ୍ତିକୁ ସୁଦୃଢ଼ କରିଛନ୍ତି। ଡିଆଇଆଇ ଗୁଡ଼ିକର ଅଂଶ (ଅଂଶଧନ ମୂଲ୍ୟ ଅନୁସାରେ) ପ୍ରଥମ ଥର ପାଇଁ ଆର୍ଥିକ ବର୍ଷ ୨୫ର ଚତୁର୍ଥ ତ୍ରୈମାସିକରେ ବିଦେଶୀ ସଂସ୍ଥାଗତ ନିବେଶକ (ଏଫପିଆଇ) ଗୁଡ଼ିକୁ ଅତିକ୍ରମ କରିଛି ଏବଂ ବର୍ତ୍ତମାନ ଆର୍ଥିକ ବର୍ଷ ୨୬ର ଦ୍ୱିତୀୟ ତ୍ରୈମାସିକରେ ସର୍ବକାଳୀନ ରେକର୍ଡ ସ୍ତରରେ ପହଞ୍ଚିଛି। 
ଆର୍ଥିକ ବର୍ଷ ୨୬ର ଦ୍ୱିତୀୟ ତ୍ରୈମାସିକରେ, ଏମ୍ଏଫ୍ ଗୁଡ଼ିକର ଅଂଶ (ଅଂଶଧନ ମୂଲ୍ୟ ଅନୁସାରେ) ସର୍ବକାଳୀନ ସର୍ବୋଚ୍ଚ ୧୦.୯ ପ୍ରତିଶତରେ ପହଞ୍ଚିଥିଲା। ତେଣୁ, ଯଦିଓ ଭାରତୀୟ ପୁଞ୍ଜି ବଜାରରେ ଏଫ୍ଆଇଆଇ ମାନେ ଗୁରୁତ୍ୱପୂର୍ଣ୍ଣ ଅଂଶୀଦାର ହୋଇ ରହିଛନ୍ତି, ତଥାପି ଖୁଚୁରା ନିବେଶକ ଏବଂ ଉଚ୍ଚ-ନିଟ୍-ଆୟକାରୀ ବ୍ୟକ୍ତିମାନଙ୍କ ସହିତ ଡିଆଇଆଇ ଗୁଡ଼ିକ ବଜାର ଅଂଶଗ୍ରହଣ ସମ୍ବନ୍ଧରେ ଏଫ୍ଆଇଆଇମାନଙ୍କ ଦ୍ୱାରା ନିଆଯାଇଥିବା ନିଷ୍ପତ୍ତିକୁ ପ୍ରତି-ସନ୍ତୁଳନ କରିବାରେ ଏକ ଦୃଢ଼ ଭୂମିକା ନିର୍ବାହ କରୁଛନ୍ତି। 
ଗିଫ୍ଟ ସିଟି
୩୦ ନଭେମ୍ବର ୨୦୨୫ ସୁଦ୍ଧା, ବିଭିନ୍ନ ବର୍ଗରେ ପଞ୍ଜୀକୃତ ୧,୦୩୪ ରୁ ଅଧିକ ଘରୋଇ ଏବଂ ଅନ୍ତର୍ଜାତୀୟ ସଂସ୍ଥା ସହିତ ଗିଫ୍ଟ ସିଟି ଏକ ଦୃଢ ଅଭିବୃଦ୍ଧି ଗତି ପ୍ରଦର୍ଶନ କରିଛି। ଗୋଟିଏ ବର୍ଷ ମଧ୍ୟରେ, ଗିଫ୍ଟ ସିଟି ବିଶ୍ୱ ଆର୍ଥିକ କେନ୍ଦ୍ର ସୂଚକାଙ୍କ (ଜିଏଫସିଆଇ)ରେ ନଅଟି ସ୍ଥାନ ଉପରକୁ ଉଠି ୧୨୦ଟି ଆର୍ଥିକ କେନ୍ଦ୍ର ମଧ୍ୟରୁ ୪୩ତମ ସ୍ଥାନରେ ପହଞ୍ଚିଛି। ଫିନ୍‍ଟେକ୍‍ ନିର୍ଦ୍ଦିଷ୍ଟ ମାନ୍ୟତା ମଧ୍ୟରେ, ଗିଫ୍ଟ ସିଟି ଦଶଟି ସ୍ଥାନ ଉନ୍ନତି କରିଛି, ଯାହା ଫିନଟେକ୍‍, ଏକାଡେମିକ୍ ଭାଗିଦାରୀ ଏବଂ ନବସୃଜନ କେନ୍ଦ୍ର ପାଇଁ ଏକ ଉତ୍ସର୍ଗୀକୃତ ନିୟାମକ ଢାଞ୍ଚା ମାଧ୍ୟମରେ ହୋଇଥିବା ଅଗ୍ରଗତିକୁ ପ୍ରତିଫଳିତ କରୁଛି। 
ଉପସଂହାର 
ଅର୍ଥନୈତିକ ସର୍ଭେ ଉଲ୍ଲେଖ କରିଛି ଯେ ଶତାବ୍ଦୀର ମଧ୍ୟଭାଗ ସୁଦ୍ଧା ଏକ ବିକଶିତ ଭାରତ ହେବା ନେଇ ଭାରତର ଆକାଂକ୍ଷା କେବଳ ପାଣ୍ଠି ଯୋଗାଣ ଭାବରେ ନୁହେଁ, ବରଂ ଅର୍ଥନୈତିକ ପରିବର୍ତ୍ତନର ଢାଞ୍ଚା ଭାବରେ ଅର୍ଥର ଏକ ମୌଳିକ ପୁନର୍ବିଚାର ଦାବି କରେ। ନିରନ୍ତର ଅଭିବୃଦ୍ଧି ପାଇଁ ଅର୍ଥ ଯୋଗାଡ଼ ସକାଶେ ଭାରତକୁ ଦୀର୍ଘକାଳୀନ ପୁଞ୍ଜି ବଜାରକୁ ସୁଦୃଢ଼ କରିବାକୁ ପଡ଼ିବ। ନିୟାମକ ଆଧୁନିକୀକରଣ ଏବଂ ନିବେଶକଙ୍କ ସୁରକ୍ଷା ପାଇଁ ସେବି ଏକ ସମାନ୍ତରାଳ ପ୍ରତିବଦ୍ଧତା ପ୍ରଦର୍ଶନ କରିଛି। ନିୟାମକ ଗୁଣବତ୍ତାରେ ବ୍ୟବସ୍ଥିତ ବୃଦ୍ଧି ୨୦୨୫ ରେ ଆଇଏମଏଫ ଏବଂ ବିଶ୍ୱ ବ୍ୟାଙ୍କ ଦ୍ୱାରା ମିଳିତ ଭାବରେ ପରିଚାଳିତ ଆର୍ଥିକ କ୍ଷେତ୍ର ଆକଳନ କାର୍ଯ୍ୟକ୍ରମ (ଏଫଏସଏପି) ମାଧ୍ୟମରେ ଅନ୍ତର୍ଜାତୀୟ ମାନ୍ୟତା ପାଇଛି। ଉଭୟ ରିପୋର୍ଟରେ ଦର୍ଶାଯାଇଛି ଯେ ପୁଞ୍ଜି ବଜାର ୨୦୧୭ ରେ ଜିଡିପିର ୧୪୪% ରୁ ୨୦୨୪ ରେ ୧୭୫% କୁ ବୃଦ୍ଧି ପାଇଛି। 
HS