নেতফ্লিক্স ফন্দ ফোর ক্রিয়েতিপ ইকুইতিগা লোয়ননা স্কিল লৈহন্নবা পায়খৎপা থবক -নয়ে ভারত কি নয়ি পেহচান মপুং ফাবগী থৌরম অমা ঙসি ইনফোর্মেসন অমসুং ব্রোদকাষ্টিং মিনিষ্ট্রি অমসুং ভারত সরকারগী প্রিন্সিপাল সাইন্তিফিক এদভাইজরগী ওফিসনা পাংথোকখ্রে। গ্রাফিতি ষ্টদিওসগা লোয়ননা পায়খৎপা থবক অসিনা ৱারি লিবা অমসুং খুৎ-শা হৈবগী লৌশিংগা লোয়ননা খুন্নাইগী অনৌবা থবক পায়খৎনবা ভারতকী ইন্নোবেতরশিং পুল্লে।

ভারত সরকারগী প্রিন্সিপাল সাইন্তিফিক এদভাইজরগী ওফিসনা মশক খঙলবা ভারতকী ষ্টার্দ-অপ ৮ গী থবকশিং উৎখি। নেসনেল ইন্সতিতুৎ ওফ দিজাইন,  চিতকারা য়ুনিভর্সিতি, সত্যজিৎ রাই ইন্সতিতুৎ ওফ ফিল্ম এন্দ তেলিবিজন অমসুং অতোপ্পা কয়া য়ানা ভারত শীনবা থুংবগী য়ুনিভর্সিতি ৮ গী মহৈরোয়শিংনা পুথোকপা অতেনবা ফিল্ম ৬ গী খুৎথাংদা ষ্টার্দ-অপশিং অসি মশক তাকখি। নেসনেল ফিল্ম দিবলপমেন্ত কোর্পোরেসনগা লোয়ননা নেতফ্লিক্সকী ভোইসবোক্স কৌবা থবক অমনা ফিল্মশিংগী ভোইসওভরশিং লৌশিনখি।

নেতফ্লিক্স ফন্দ ফোর ক্রিয়েতিপ ইকুইতিগী মখাদা পায়খৎপা থৌরম অসিদা ভারতকী তোঙান তোঙানবা মফমশিংদগী অপুনবা মহৈরোয় ২৬ দা অনৌবা থবক পায়খৎনবা খুদোংচাবা পীখি। শরুক য়াখিবশিংগী মনুংদা চাদা ৫০ নুপীশিংনি, মহৈরোয় কয়া তয়র-২ সিতিশিংদগী লাকপনি। নেসনেল ইন্সতিতুৎ ওফ দিজাইন, অহমেদবাদ অমসুং গ্রাফিতি ষ্টদিওসগী ওজাশিংনা মহৈরোয়শিং তাকপী-তম্বীখি।

সঙ্কার মহাদেবন একাদেমীগী মহৈরোয়শিংনা থবক অসিগী ওরিজিনেল এন্থেম শকখি অমসুং নাৎকী থৌরম অমা পাংথোকখি।

থৌরম অদুদা ইনফোর্মেসন অমসুং ব্রোদকাষ্টিং অমসুং পর্লিয়ামেন্তরি এফেয়ার্স, ভারত সরকারগী রাজ্য মন্ত্রী দোক্তর এল. মুরুগান্না হায়খি মদুদি ভারতকী ইনাকখুল্লবা ৱারি লিবগী চৎনবীদা য়ুম্ফম ওইদুনা, সরকারগী থবকশিংনা শৌগৎতুনা ভারতকী ক্রিয়েতরশিংনা ভারতকী ৱারিশিং মালেমদা খঙহন্নবা খুদোংচাবা ফংলে। প্রধান মন্ত্রী শ্রী নরেন্দ্র মোদীগী মঙলান্না লমজিংদুনা, কন্তেন্ত, কলচর অমসুং ক্রিয়েতিবিনা ভারতকী ইকোনোমিগী মরুওইবা য়ুম্বীশিং ওইদুনা ভারত্ত পুথোকপা অমসুং মালেমগীদমক পুথোকপ মতম চপ চারবনি।

ভারত সরকারগী প্রিন্সিপাল সাইন্তিফিক এদভাইজর, প্রোফেসার অজয় কুমার সোদনা হায়খি, খুন্নাইগা মরী লৈনবা অনৌবা থবকশিং উৎনবা ইন্নোবেতরশিংগী পুক্নিং থৌগৎলে। অনৌবা থবক অমগী খুৎথাংদা ষ্টার্দ-অপশিং অমসুং মহৈরোয়শিং পুন্দুনা অমসুং নেতফ্লিক্স ফন্দ ফোর ক্রিয়েতিপ ইকুইতিগী খুৎথাংদা ভারতকী ইন্নোবেসনগী থবক অসি তেলেন্ত চাউখৎনবা অমসুং থবক ওইনা পাংথোক্নবা থৌশিলগা শম্নহল্লে।

ভারত সরকারগী ইনফোর্মেসন অমসুং ব্রোদকাষ্টিং মিনিষ্ট্রিগী সেক্রেতরি, শ্রী সঞ্জয় জাজুনা হায়খি, কান্নবা পাম্বৈশিংগী খুৎথাংদা খুন্নাইগী অনৌবা পাংথোকপা মীওইশিংনা নুমিৎ খুদিংগী থেংনরিবা অৱাবশিং কোকহন্দুনা শিংথানিঙাই ওইরবা অনৌবা থবকশিং ভারতনা উবা ফংলে। লৈবাক শীনবা থুংবগী নহা ওইরিবা মীওইশিংগী থাজবা অমসুং শীনফমদা হৈথোই-শিংথোইবগী মমি তাবা থবকশিং উবা ফংলে। হৌজিক অসি ৱারি লিবা অমসুং ক্রিয়েতরশিংগী মতম অমনি অমসুং এ.আইনা লমজিংবা ৱারি লিবগী থবকশিং ঐখোয়না উবা ফংলে। তুংগী মীরোলগীদমক অনৌবা তেক্নোলোজিশিং শীজিন্নবা য়াম্না মরুওই।

মহিমা কাউল, দিরেক্তর, গ্লোবেল এফেয়ার্স, নেতফ্লিক্স ইন্দিয়ানা হায়খি মদুদি নেতফ্লিক্সনা ভারতকী নহারোলশিংগী স্কিল হেনগৎহন্নবা অমসুং অফবা ক্রিয়েতিপ ইকোসিষ্টেম অমা শেমগৎনবা থবক পায়খৎলে। খুন্নাইগী অশেংবা গুনশিং ফোঙদোকপা ইন্নোবেসনগী থবকশিং ইন্নোবেতরশিংদা মমি তারে।

মন্থান-অনৌবা ৱারিশিং

অৱাংবা থাক্কী অনৌবা থবকশিং মশক খঙদোক্নবা, মশক তাক্নবা অমসুং শম্ননবা মন্থন্না লেবাক অসিগী দিজিতেলগী য়াংলেন শরু অমা ওইনা থবক তৌরি। মন্থন প্লেতফোর্মগী খুৎথাংদা খুন্নাইগী অনৌবা ষ্টার্দ-অপ ৮ মশক খঙলে অমসুং মতেং পাংলে। থবক অসিগী মখাদা উৎখিবা ফিল্ম ৮ অদু মখাদা পীরি:

1.        নিওমোসন

হকচাংগী ফিবমদা মীমান্নদ্রবা মীওইশিং মনিংতম্না চৎনবা অমসুং শিংনবগী লম্বী ফংনবা হুইলচিয়ারশিং অমসুং চৎথোক-চৎশিনগী পাম্বৈ কয়া ইন্নোবেতরশিংনা পুথোকপা অদু উৎলি।

2.        ব্লাইন্দ ভিজন ফাউন্দেসন

মীৎ উদ্রবা মীওইশিং পানবা, লম্বীদা চৎনবা, মাইথোঙ মশক খঙনবা অমসুং মনিংতম্না হিংনবা এ.আইগী স্মার্দ গ্লাসশিং শীজিন্নবা উৎলি।

3.        হেল্থকিয়ার গ্লোবেসন ইন্তরপ্রাইজেস (ইন্নাওমেসন)

লিরিনগেক্তোমি মতুংদা খৌনাওগী কেন্সরদগী হিংহৌরবশিংনা অমুক হন্না ৱা ঙাংনবা, ইকায়খুম্নবা ফংনবা অমসুং হিংনবগী লম্বী ফংনবা মমল হোংবা ভোইস প্রোথেসিস অমগী ৱারি লিরি।

4.        ইন্নোগল

সমুদ্রগী অশোই-অঙাম থোক্তবা হেনগৎহন্নবা, এক্বাকলচরগী পোৎথোক হেনগৎনবা অমসুং ভারতকী ব্লু ইকোনোমিগী দিজাষ্টার য়েংশিন্নবা এ.আই অমসুং ঈশিং মনুংগী তেক্নোলোজিশিং শীজিন্নবা উৎলি।

5.        কলতিবেদ

লৌমীশিং ঈশিং তুংশিনবা, পোৎথোক হেনগৎহন্নবা অমসুং অফবা লৌউ-শিংউগী থবক পায়খৎনবা এ.আইনা লমজিংবা ঈশিং ফংহনবগী থবক উৎলি।

6.        ৱিভোইস লেবস

খন্দোকপা, রিসাইকল তৌবা, লু-নানবগী থবক অমসুং সর্কুলার ইকোনোমিগী থবকশিংগী খুৎথাংদা তেক্নোলোজি শীজিন্নদুনা সহরশিংগী অমোৎপশিং লোইশিনবগী থবক উৎলি।

7.        গ্রিনজিন ইনভাইরোনমেন্তেল তেক্নোলোজিস

CO₂ অসি কান্নরবা পোৎলমশিং ওন্থোক্তুনা উদ্যোগশিংনা মৈখু থাদোকপা হন্থহন্নবা মাইক্রোঅলগিদা য়ুম্ফম ওইবা কার্বোন ফাজিন্নবা অনৌবা থবকশিং উৎলি।

8.        এল.সি.বি ফর্তিলাইজরস

লৌউ-শিংউ অমসুং উদ্যোগকী অমোৎপশিং বাইও-ননো ফর্তিলাইজরশিং ওন্থোক্তুনা লৈবাক লৈহাও ফগৎহনবা, লৌমশিংগী শেন্থোক হেনগৎহনবা অমসুং তুংকোইনা চৎনবা য়ারবা লৌউ-শিংউগী থবকশিং উৎলি।

ফিল্ম ৮ অদু নেতফ্লিক্সকী য়ুতুব চেন্নেলদা উবা ফংগনি।

নেতফ্লিক্স ফন্দ ফোর ক্রিয়েতিপ ইকুইতিগী মরমদা

নেতফ্লিক্স ফন্দ ফোর ক্রিয়েতিপ ইকুইতি অসি কুহ্মৈগা লোয়ননা মীয়াম্না মশক খঙবীদ্রবা কাংলুপশিংগী অনৌবা লম্বী অমা শেম্নবা মতেং পাংনবা কৎথোক্লবা থবক অমনি। মালেমগী ওইনা নৌনা থোক্লকপা নহারোলশিং মশক খঙদোক্নবা, ত্রেনিং পীনবা অমসুং থবক ফংনবা খুদোংচাবশিং পীনবা ফন্দ অসিনা নেতফ্লিক্সকী থৌরমশিং শৌগৎলি, তেলিবিসন অমসুং ফিল্মগী উদ্যোগশিংগা শম্ননবা থবক পায়খৎলি।

***