صدر جمہوریہ کا سکریٹریٹ
اسپین کےخارجی اُمور، یورپی یونین اور کوآپریشن کے وزیر نے صدرِ جمہوریہ سے ملاقات کی
प्रविष्टि तिथि:
21 JAN 2026 3:56PM by PIB Delhi
عزت مأب جناب جوز مینوئل الباریس، اسپین کے خارجی اُمور، یورپی یونین اورکوآپریشن کے وزیر نے آج (21 جنوری 2026) کو راشٹرپتی بھون میں صدرِ جمہوریہ ہند، محترمہ دروپدی مرمو سے ملاقات کی۔
راشٹرپتی بھون میں جناب الباریس کا خیر مقدم کرتے ہوئے صدر جمہوریہ نے کہا کہ ہندوستان اور اسپین کے درمیان تعلقات صدیوں پرانے ہیں ، جو تجارت ، ثقافت ،جمہوریت اور تکثیریت کی مشترکہ اقدار سے مالا مال ہیں ۔ انہوں نے کہا کہ یہ سال ہمارے سفارتی تعلقات کی 70 ویں سالگرہ کاہے ، جسے ’ثقافت ، سیاحت اور مصنوعی ذہانت کے ہندوستان-اسپین دوہرے سال‘ کے طور پر منایا جا رہا ہے ۔
صدر جمہوریہ نے کہا کہ ہندوستان اور اسپین کے درمیان تجارت اور سرمایہ کاری میں توسیع کے ساتھ اقتصادی تعلقات مسلسل بڑھ رہے ہیں ۔ انہوں نے کہا کہ انجینئرنگ ، ریلوے ، قابل تجدید توانائی ، شہری خدمات اور دفاعی ایرو اسپیس میں اسپین کی طاقت ہندوستان کی ترقیاتی ترجیحات کی تکمیل کرتی ہے ۔ انہوں نے اس اعتماد کا اظہار کیا کہ بھارت-یورپی یونین ایف ٹی اے پر دستخط سے دونوں ممالک کے درمیان تجارتی تعلقات مزید مستحکم ہوں گے ۔
صدر جمہوریہ نے کہا کہ کثیرملکی نظام کے مضبوط پیروکاروں کے طور پر ، ہندوستان اور اسپین کو دنیا بھر میں امن ، خوشحالی اور استحکام کے اپنے مشترکہ اہداف کو آگے بڑھانے کے لیے اقوام متحدہ اور جی-20 جیسے کثیرملکی پلیٹ فارمز پر مل کر کام کرنا چاہیے۔
صدر جمہوریہ نے اس بات پر زور دیا کہ دہشت گردی کی لعنت سے نمٹنے کے لیے ہندوستان اور اسپین کا مشترکہ موقف ہے جو عالمی امن و استحکام کے لیے سنگین خطرہ بنا ہواہے ۔ انہوں نے کہا کہ ہمیں ہر طرح کی دہشت گردی سے نمٹنے کے لیے اپنے وسائل اور صلاحیتوں کو برائے کار لانا چاہیے ۔
صدر جمہوریہ نے کہا کہ یورپ اور یوروپی یونین کے ساتھ ہندوستان کے تعلقات میں مسلسل بڑھ پیش رفت ہورہی ہے۔ ہم اپنے 77 ویں یوم جمہوریہ کے موقع پر یورپی کونسل کے صدر اور یوروپی کمیشن کی صدر کا بطور مہمان خصوصی استقبال کرنے کے منتظر ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(ش ح –ا ع خ،ص –ج)
U. No. 880
(रिलीज़ आईडी: 2216992)
आगंतुक पटल : 24