প্রধানমন্ত্রীগী লোইশঙ
মকর সংক্রান্তি লাকপদা মীয়ামদা প্রধান মন্ত্রীনা য়াইফ পাউজেল পীখ্রে
মকর সংক্রান্তিগী শেংলবা থৌরমগী মতাংদা সংস্কৃত সুভাসিতম অমা প্রধান মন্ত্রীনা সিয়ার তৌখ্রে
प्रविष्टि तिथि:
14 JAN 2026 10:24AM by PIB Imphal
মকর সংক্রান্তিগী শেংলবা থৌরমদা ঙসি প্রধান মন্ত্রী শ্রী নরেন্দ্র মোদীনা মীয়ামদা মহাক্কী য়াইফ পাউজেল পীখ্রে।
প্রধান মন্ত্রীনা হায়খি মদুদি মকর সংক্রান্তি অসি ভারতকী ইনাকখুল্লবা নাৎ অমসুং চৎনবীশিং, নুংশিন্না হিংমিন্নবা, নুংঙাই য়াইফবা অমসুং অপুনবগী ৱাখল্লোনগী মমি তাবা কুহ্মৈ অমনি। থোইদিং অমুবা অমসুং চুহিগী অথুম্বা মহাওনা মীওই খুদিংমক্কী পুন্সিদা হরাওবা অমসুং মাইপাকপা পুরক্কনি অমসুং লৈবাক্কী য়াইফনবা নুমিৎকী থৌজাল ফংগনি হায়বগী থাজবা থম্লি।
কুহ্মৈ অসিগী অধ্যতিক্কী মরুওইবা অদু ফোঙদোক্লদুনা, নুমিৎ কৌবা ঈশ্বরগী থৌজালশিং ফোঙদোকপা সংস্কৃত সুভাসিতম অমসু প্রধান মন্ত্রীনা সিয়ার তৌখ্রে।
এক্সতা তোঙানবা পোষ্টশিংদা, প্রধান মন্ত্রীনা হায়খি;
“মকর সংক্রান্তি লাকপদা ঐগী ইরৈচাশিংদা য়াইফ পাউজেল পীজরি। ভারতকী নাৎ অমসুং চৎনবীগী ঈশ্বরগী থৌরম অসিনা, থোইদিং অমুবা অমসুং চুহিগী অথুম্বা মহাওগা লোয়ননা, মীওই খুদিংমক্কী পুন্সিদা হরাওবা অমসুং মাইপাকপা পুরকপা ওইরসনু। মীওই খুদিংমক নুমিৎ কৌবা ঈশ্বরগী থৌজাল ফংলসনু”।
“সংক্রান্তিগী শেংলবা থৌরম অসি মফম মফমগী চৎনবীশিংগী মতুংইন্না লৈবাক অসিগী তোঙান তোঙানবা মফমশিংদা পাংথোক্লি। মীওই খুদিংমক্ত হরাওবা, লাইবক ফবা অমসুং হকচাং ফবা পুরক্নবা নুমিৎ কৌবা ঈশ্বরগী মফমদা ঐনা থৌনিজরি”।
सूर्यो देवो दिवं गच्छेत् मकरस्थो रविः प्रभुः।
उत्तरायणे महापुण्यं सर्वपापप्रणाशनम्॥”
***
(रिलीज़ आईडी: 2214405)
आगंतुक पटल : 17
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Bengali
,
Assamese
,
Gujarati
,
Odia
,
Tamil
,
Kannada
,
Malayalam