হ্যুমেন রিসোর্স চাউখৎ-থৌরাংগী মন্ত্রালয়
শ্রী ধর্মেন্দ্র প্রধান্না নই দিল্লীদা পাংথোকপা ৱার্ল্দ বুক ফিয়র ২০২৬তা পি.এম.-য়ুবা ৩.০গী অইবশিংগা ৱারী শাখ্রে
प्रविष्टि तिथि:
12 JAN 2026 9:17AM by PIB Imphal
কেন্দ্রগী এজুকেসন মন্ত্রী শ্রী ধর্মেন্দ্র প্রধান্না ঙসি নই দিল্লীগী প্রধান মন্ত্রী সংগ্রাহলয়াদা পি.এম.-য়ুবা (প্রধান মন্ত্রীগী য়ং ওথর্স মেন্তরশিপ স্কিম) গী মখাদা খনগৎলবা নহা ওইরিবা অইবা ৪৩গা ৱারী শানখ্রে।
ৱারী শাবগী সেসন অদুগী মনুংদা খনগৎলবা অইবশিংনা থা তরুক্কী মেন্তরশিপ প্রোগ্রামগী মখাদা শেমগৎলিবা মখোয়গী ফোর্থকমিং মেন্যুস্ক্রিপ্সকী হীরমশিংগী শমলপ্পা ৱারোল পাউদমখি।
থৌরম অদুদা ৱা ঙাংলদুনা, শ্রী প্রধান্না নহা ওইরিবা অইবশিংবু মখোয়দা মখোয়না খনগৎপদা য়াওরকপদা থাগৎপা ফোংদোকখি অমসুং ভারতকী নহাশিংবু লাইরিক পাবদা, ইবদা অমসুং লৌশিংগা মরী লৈনবা মওংদা পুক্নিং থৌগৎপা ঙমগদবা ৱাহন্থোক লৈবা লাইরিকশিং পুথোক্নবা মেন্তরশিপ পেরিয়দ অদু খ্বাইদগী ফবা মওংদা শিজিন্ননবা মখোয়বু পুক্নিং থৌগৎখি।
মহাক্না রিসর্চকী পোৎলমশিং ফংহন্নবগী মরুওইবা অদু পনখি অমসুং নেস্নেল বুক ত্রস্ত (এন.বি.তি.) গী খুত্থাংদা ফিজিকেল অমসুং দিজিতেল রিসোর্স অনিমক ফংহন্নবা খঙহনখি। মহাক্না মসিমসু হায়খি মদুদি অইবশিং অসি ‘ৱান নেসন, ৱান সবস্ক্রিপ্সন’ (ও.এন.ও.এস.) ইনিসিয়েতিবকী মখাদা রিসোর্সশিং ফংহনগদবনি। মখোয়গী একাদমিক অমসুং রিসর্চ সপোর্ত মপাঙ্গল কনখৎহন্নবগীদমক, মহাক্না খনগৎলবা অইবশিংবু মখোয়গী মেনুস্ক্রিপ্স শেমগৎনবা মখোয়গী মফমশিংদা লৈবা সেন্ত্রেল য়ুনিভর্সিতীশিংগা মরী লৈনবা ৱাফম থমখি।
নহা ওইরিবা অইবশিংগা ৱারী শানবদা নুংঙাইবা ফোংদোক্লদুনা শ্রী ধর্মেন্দ্র প্রধান্না হায়খি মদুদি মহাক্না পি.এম.-য়ুবা ৩.০গী মখাদা খনগৎলবা অইবশিংগা ৱারী শানবদা নুংঙাইবা ফোংদোকখি অমসুং মহাক্না হায়খি মদুদি নহা ওইরিবা অইবশিংনা লৈবাক শেমগৎপদা ভারত মচাশিংনা পীরিবা থৌদাং, ভারতকী নোলেজ সিস্তেম অমসুং মোদর্ন ইন্দিয়াগী মেকরশিং হায়বা হীরমশিংদা লাইরিকশিং ইরি। মহাক্না মখা তাখি মদুদি ৱারী শানবদা কলচর, তেক্নোলোজী, লৌশিং তান্নবা অমসুং নেস্নেল ভিজনগী মতাংদা খন্ন-নৈনখি। মহাক্না হায়খি মদুদি নহা ওইরিবা অইবশিংগী ইনর্জী, থাজবা অমসুং এস্পিরেসনশিংনা বিক্সিত ভারতকী মীৎয়েংদা মহাক্কী থাজবা অদু হেন্না মপাঙ্গল কনখৎহনখি।
পি.এম.-য়ুবা ৩.০ স্কিমগী মখাদা খনগৎলবা অইবা ৪৩না ভারত মন্দাপমদা ন্যু দিল্লী ৱার্ল্দ বুক ফেয়র ২০২৬ (জানুৱারী ১০-১৮) গী মনুংদা পাংথোক্কদৌরিবা নেস্নেল কেম্প অমদা শরুক য়াগনি। ফেয়র অসি এজুকেসন মন্ত্রালয়না নেস্নেল বুক ত্রস্তকা লোয়ননা শীন-লাংদুনা ২০২৬কী জনুৱারী ১০দা কেন্দ্রগী এজুকেসন মন্ত্রী শ্রী ধর্মেন্দ্র প্রধান্না হৌদোকখি।
পি.এম.-য়ুবা ৩.০ স্কিম অসিনা নহা ওইরিবা অইবশিংবু পুক্নিং থৌগৎনবা অমসুং ভারতকী ইন্তলেকচুএল অমসুং কলচরেল দাইবর্সিতী উৎপগা লোয়ননা লাইরিক পাবা, ইবা অমসুং লৌশিং শেম্বগী চৎনবী অমা পুক্নিং থৌগৎনবা পান্দম থম্লি।
থৌরম অদুদা হায়র এজুকেসনগী সেক্রেতরী শ্রী বিনীত জোশী; এন.বি.তি.-ইন্দিয়াগী দিরেক্তর শ্রী য়ুভরাজ মালিক; প্রধান মন্ত্রী সংগ্রাহলয়াগী সি.ই.ও. দোক্তর প্রিয়ঙ্কা মিশ্রা; এন.বি.তি.-ইন্দিয়াগী চীফ এদিতর অমসুং জোইন্ত দাইরেক্তর শ্রী কুমার বিক্রম; অমসুং শ্রী রবি কে. মিশ্র, জোইন্ত দাইরেক্তর, প্রধানমন্ত্রী সংগ্রাহলয়াসু শরুক য়াখি।।
***
(रिलीज़ आईडी: 2213588)
आगंतुक पटल : 11