ਕੇਂਦਰੀ ਗ੍ਰਹਿ ਮੰਤਰੀ ਅਤੇ ਸਹਿਕਾਰਤਾ ਮੰਤਰੀ, ਸ਼੍ਰੀ ਅਮਿਤ ਸ਼ਾਹ ਨੇ ਦੇਸ਼ ਦੇ ਲੋਕਾਂ ਨੂੰ 8 ਜਨਵਰੀ ਤੋਂ 11 ਜਨਵਰੀ ਤੱਕ ਸੋਮਨਾਥ ਵਿੱਚ ਮਨਾਏ ਜਾ ਰਹੇ "ਸੋਮਨਾਥ ਸਵਾਭਿਮਾਨ ਪਰਵ" ਨਾਲ ਜੁੜਨ ਦੀ ਅਪੀਲ ਕੀਤੀ ਹੈ। ਕੇਂਦਰੀ ਗ੍ਰਹਿ ਮੰਤਰੀ ਅਤੇ ਸਹਿਕਾਰਤਾ ਮੰਤਰੀ ਨੇ ਅੱਜ ਕਿਹਾ ਕਿ ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਨੇ ਸੋਮਨਾਥ ਮੰਦਿਰ 'ਤੇ ਪਹਿਲੇ ਹਮਲੇ ਦੇ ਇੱਕ ਹਜ਼ਾਰ ਵਰ੍ਹੇ ਪੂਰੇ ਹੋਣ 'ਤੇ "ਸੋਮਨਾਥ ਸਵਾਭਿਮਾਨ ਪਰਵ" ਮਨਾਉਣ ਦਾ ਫੈਸਲਾ ਕੀਤਾ ਹੈ, ਤਾਂ ਜੋ ਸਾਡੀਆਂ ਆਉਣ ਵਾਲੀਆਂ ਪੀੜ੍ਹੀਆਂ ਤੱਕ ਸਨਾਤਨ ਸੱਭਿਆਚਾਰ ਦੀ ਨਿਰੰਤਰਤਾ ਅਤੇ ਲਚਕੀਲੇਪਣ ਦਾ ਸੰਦੇਸ਼ ਪਹੁੰਚਾਇਆ ਜਾ ਸਕੇ।

ਐਕਸ 'ਤੇ ਇੱਕ ਪੋਸਟ ਵਿੱਚ, ਕੇਂਦਰੀ ਗ੍ਰਹਿ ਮੰਤਰੀ ਸ਼੍ਰੀ ਅਮਿਤ ਸ਼ਾਹ ਨੇ ਕਿਹਾ, "ਸੋਮਨਾਥ ਮਹਾਦੇਵ ਮੰਦਿਰ ਨਾ ਸਿਰਫ਼ ਜੋਤਿਰਲਿੰਗਾਂ ਵਿੱਚੋਂ ਇੱਕ ਹੈ, ਸਗੋਂ ਸਨਾਤਨ ਸੱਭਿਆਚਾਰ ਅਤੇ ਅਧਿਆਤਮਿਕ ਮਹਿਮਾ ਦੀ ਇੱਕ ਅਟੁੱਟ ਵਿਰਾਸਤ ਵੀ ਹੈ। ਪਿਛਲੇ ਹਜ਼ਾਰ ਵਰ੍ਹਿਆਂ ਵਿੱਚ, ਇਸ ਮੰਦਿਰ ‘ਤੇ ਕਈ ਹਮਲੇ ਹੋਏ, ਫਿਰ ਵੀ ਇਹ ਹਰ ਵਾਰ ਦੁਬਾਰਾ ਉੱਠਿਆ ਹੈ। ਇਹ ਸਾਡੀ ਸੱਭਿਅਤਾ ਦੀ ਅਮਰਤਾ ਅਤੇ ਅਡੋਲ ਇੱਛਾ ਸ਼ਕਤੀ ਦਾ ਪ੍ਰਤੀਕ ਹੈ ਜੋ ਕਦੇ ਵੀ ਹਾਰ ਨਹੀਂ ਮੰਨਦੀ। ਇਸ ਨੂੰ ਮਿਟਾਉਣ ਦੀ ਕੋਸ਼ਿਸ਼ ਕਰਨ ਵਾਲੇ ਬਿਨਾ ਕਿਸੇ ਨਿਸ਼ਾਨ ਦੇ ਮਿਟ ਗਏ ਹਨ, ਪਰ ਮੰਦਿਰ ਅੱਜ ਹੋਰ ਵੀ ਵੱਡੀ ਸ਼ਾਨ ਨਾਲ ਖੜ੍ਹਾ ਹੈ। ਸੋਮਨਾਥ ਮੰਦਿਰ ਦਾ ਇਤਿਹਾਸ ਸਾਨੂੰ ਸਿਖਾਉਂਦਾ ਹੈ ਕਿ ਅਜਿਹੇ ਹਮਲੇ ਨੁਕਸਾਨ ਪਹੁੰਚਾ ਸਕਦੇ ਹਨ, ਪਰ ਉਹ ਸਾਨੂੰ ਮਿਟਾ ਨਹੀਂ ਕਰ ਸਕਦੇ - ਕਿਉਂਕਿ ਹਰ ਵਾਰ ਹੋਰ ਵੀ ਸ਼ਾਨ ਅਤੇ ਬ੍ਰਹਮਤਾ ਨਾਲ ਉੱਠ ਖੜ੍ਹੇ ਹੋਣਾ ਸਨਾਤਨ ਸੱਭਿਆਚਾਰ ਦੀ ਮੂਲ ਪ੍ਰਵਿਰਤੀ ਹੈ ਪ੍ਰਧਾਨ ਮੰਤਰੀ ਸ਼੍ਰੀ ਮੋਦੀ ਨੇ ਸੋਮਨਾਥ ਮੰਦਿਰ 'ਤੇ ਹੋਏ ਪਹਿਲੇ ਹਮਲੇ ਤੋਂ ਇੱਕ ਹਜ਼ਾਰ ਵਰ੍ਹੇ  ਪੂਰੇ ਹੋਣ ਦੇ ਮੌਕੇ 'ਤੇ 'ਸੋਮਨਾਥ ਸਵਾਭਿਮਾਨ ਪਰਵ' ਮਨਾਉਣ ਦਾ ਫੈਸਲਾ ਕੀਤਾ ਹੈ, ਤਾਂ ਜੋ ਸਨਾਤਨ ਸੱਭਿਆਚਾਰ ਦੀ ਅਟੁੱਟ ਨਿਰੰਤਰਤਾ ਅਤੇ ਲਚਕੀਲੇਪਣ ਦਾ ਸੰਦੇਸ਼ ਆਉਣ ਵਾਲੀਆਂ ਪੀੜ੍ਹੀਆਂ ਤੱਕ ਪਹੁੰਚੇ। ਇਹ ਮੇਰੀ ਖੁਸ਼ਕਿਸਮਤੀ ਹੈ ਕਿ ਮੈਂ ਇਸ ਪਵਿੱਤਰ ਮੰਦਿਰ ਦਾ ਟਰੱਸਟੀ ਹਾਂ। ਮੈਂ ਸਾਰੇ ਸਾਥੀ ਨਾਗਰਿਕਾਂ ਨੂੰ ਅਪੀਲ ਕਰਦਾ ਹਾਂ ਕਿ ਅੱਜ ਤੋਂ 11 ਜਨਵਰੀ ਤੱਕ ਆਯੋਜਿਤ ਕੀਤੇ ਜਾ ਰਹੇ #SomnathSwabhimanParv ਵਿੱਚ ਸ਼ਾਮਲ ਹੋਣ।"

सोमनाथ महादेव मंदिर ज्योतिर्लिंग होने के साथ-साथ सनातन संस्कृति व आध्यात्मिक गौरव की अक्षुण्ण विरासत भी है। बीते हजार वर्षों में इस मंदिर पर कई हमले हुए, लेकिन यह हर बार उठ खड़ा हुआ। यह हमारी सभ्यतागत अमरता और कभी हार न मानने की दृढ़ इच्छाशक्ति का प्रतीक है। इसे मिटाने की कोशिश… pic.twitter.com/X6iEMaztH9

— Amit Shah (@AmitShah) January 8, 2026

****

ਆਰਕੇ/ਪੀਆਰ/ਪੀਐੱਸ/