কেন্দ্ৰীয় গৃহ তথা সমবায় মন্ত্ৰী শ্ৰী অমিত শ্বাহে ৮ জানুৱাৰীৰ পৰা ১১ জানুৱাৰীলৈ সোমনাথত অনুষ্ঠিত হ'বলগীয়া 'সোমনাথ স্বাভিমান পৰ্ব'ত অংশগ্ৰহণ কৰিবলৈ দেশবাসীক আহ্বান জনাইছে।

মন্ত্ৰীগৰাকীয়ে আজি কয় যে প্ৰধানমন্ত্ৰী শ্ৰী নৰেন্দ্ৰ মোদীয়ে সোমনাথ মন্দিৰত প্ৰথম আক্ৰমণৰ এহেজাৰ সংখ্যক বৰ্ষপূৰ্তি উপলক্ষে 'সোমনাথ স্বাভিমান পৰ্ব' পালন কৰাৰ সিদ্ধান্ত লৈছে, যাতে আমাৰ ভৱিষ্যৎ প্ৰজন্মই সনাতন সংস্কৃতিৰ ধাৰাবাহিকতা আৰু স্থায়িত্বৰ বাৰ্তা লাভ কৰিব পাৰে।

এক্সৰ এটা পোষ্টত মন্ত্ৰী শ্ৰী অমিত শ্বাহে কয়, "সোমনাথ মহাদেৱ মন্দিৰ কেৱল জ্যোতিৰ্লিঙ্গেই নহয়, বৰঞ্চ ই সনাতন সংস্কৃতি আৰু আধ্যাত্মিক গৌৰৱৰ এক অটুট ঐতিহ্য। বিগত এহেজাৰ বছৰ ধৰি এই মন্দিৰটো বহুবাৰ আক্ৰমণৰ সন্মুখীন হৈছে, তথাপিও প্ৰতিবাৰেই ই পুনৰাই উত্থান হৈছে। ই আমাৰ সভ্যতাৰ অমৰত্ব আৰু কেতিয়াও পৰাজয় স্বীকাৰ নকৰা অদম্য ইচ্ছাশক্তিৰ প্ৰতীক। যিসকলে এই মন্দিৰ ধ্বংস কৰিবলৈ চেষ্টা কৰিছিল, সেইসকল বিনাশ হৈ গ'ল, কিন্তু এই মন্দিৰ আজি আৰু অধিক মহিমামণ্ডিত হৈ আছে। সোমনাথ মন্দিৰৰ ইতিহাসে আমাক শিকাইছে যে এনে ধৰণৰ আক্ৰমণে ক্ষতি কৰিব পাৰে, কিন্তু আমাক ধ্বংস কৰিব নোৱাৰে। কাৰণ প্ৰতিবাৰেই অধিক গৌৰৱ আৰু ঐশ্বৰিকতাৰে পুনৰ উত্থান হোৱাটোৱেই সনাতন সংস্কৃতিৰ স্বভাৱ। প্ৰধানমন্ত্ৰী শ্ৰী মোদীয়ে সোমনাথ মন্দিৰত প্ৰথম আক্ৰমণৰ এহেজাৰ সংখ্যক বৰ্ষপূৰ্তি উপলক্ষে 'সোমনাথ স্বাভিমান পৰ্ব' উদযাপনৰ সিদ্ধান্ত গ্ৰহণ কৰিছে, যাতে সনাতন সংস্কৃতিৰ নিৰৱচ্ছিন্ন ধাৰাবাহিকতা আৰু সুস্থিৰতাৰ বাৰ্তা ভৱিষ্যৎ প্ৰজন্মৰ মাজত প্ৰচাৰ হয়। এই পবিত্ৰ মন্দিৰৰ এজন বিশ্বস্ত সদস্য হোৱাটো মোৰে সৌভাগ্য।

মই সমগ্ৰ দেশবাসীক #SomnathSwabhimanParvত যোগদান কৰিবলৈ আহ্বান জনাইছো। আজিৰে পৰা ১১ জানুৱাৰীলৈ এই পৰ্ব আয়োজন কৰা হৈছে।

सोमनाथ महादेव मंदिर ज्योतिर्लिंग होने के साथ-साथ सनातन संस्कृति व आध्यात्मिक गौरव की अक्षुण्ण विरासत भी है। बीते हजार वर्षों में इस मंदिर पर कई हमले हुए, लेकिन यह हर बार उठ खड़ा हुआ। यह हमारी सभ्यतागत अमरता और कभी हार न मानने की दृढ़ इच्छाशक्ति का प्रतीक है। इसे मिटाने की कोशिश… pic.twitter.com/X6iEMaztH9

— Amit Shah (@AmitShah) January 8, 2026

****

RK/PR/PS/DB